1 Tessaloniike 5
5
Maddari lellec
1Kado ni saculo, zaban kee waqhtih zacabah sinalle yaktubiinimih walaa inkim sin mifarhshishsha. 2#Maatiyos 24:43; Luukas 12:39; 2 Bithroos 3:10Amayim lel, tamaa garceeni bar akah yamiiteekah, Maddari lellec lel amaa ginah yamaato kinam, atin meceetih taarhigiinimhi sabbatah kinni. 3Xiyaw: “Maaxiyo kee amaan kinni” arhxuk, tamaa soonowa kin numa umlaaloh akah tandhibbirheekah, gar-heeko yalawna kinon, akko yassaacoona lel makinooni. 4Ni saculo, atin laakin ditedde mitaniinimhi sabbatah, amaa lellec garceena balih sinadde yamaato maki. 5Atin lel inkoh ifi cindham, lellecti cindham kitin. Nanu barti cindham hido ditet cindham makino. 6Amaydo, garo balih dhiine waynooki, macalsinneh himma-abinnoo. 7Amayim lel dhiina mari bar dhiinan, yaskire mari lel bar yaskiriinimhi sabbatah kinni. 8#Isayas 59:17; Efesos 6:13-17Nanu laakin lellecti cindham nekkek sarrah, imaan kee kaxani dirce sarinneh, gargerti cag lel birti qoobic balih hashshinneh, himma-abinnoo. 9Yalli, ni Maddara kin Yeesus Masiix araxah garger geyno kibah, kurah ni maaxayinna. 10Himma-abinneh hido dhinneh, kaalih aniinadde marno ciloh, Masiix nottah arhxuk rabe. 11Amaydo, tamaa akah abak taniiniikah, sinne-sinneh sittiya aydukumusseenih lel sittiya carishanta.
Abayshimat fawo kee dhaaco
12Ni saculo, tamaa sin addadde xawala mara kee Maddari araxah sin santishah sin asuusa mara kinoonim taarhagoona sin dhaacimak nane. 13Ten ciyyoh lel meceetih mango kaxanoolih ten xishmatanta. Sinne-sinneh lel maaxiyodde maranta. 14Ni saculo, tamaa bohosa kin adabe hin mara asuussoona, tamaa niya cide mara aydukumussoona, tamaa rukut mara lel xattoona, umman tenlih lel sabre taalloona sin dhaacimak nane. 15Sinko walaa inketti umaani, umaanih yafdiyek selitanta, umman gedda laakin, sinne-sinneh yakko, umman marah mecem abtoona wagiyanta. 16Umman gedda xedenanta, 17daweena hinnim dhaaco abanta, 18Masiix kin Yeesus araxah tayim sinah Yallih farhi kinamhi sabbatah, umman gondodde xamde eddebbaanta. 19Quddus kin Ufaye mibadishina. 20Nabii balih aban waani miilaacinantaaki, 21ummanim timirmiriinih, tamaa mecem qath-ishanta. 22Umman caynah umaaniiko sinne ibbirha.
23Maaxiyot Yalli isheh sittiyadde sin yaqhaddasoo, sin ufaye, rooxe kee nabsi ni Maddara kin Yeesus Masiix gaxnanah abar hinnim akah sugaakah dhawrhumoo. 24Usuk tamaa sinah deecimati umun kinni; usuk lel thummutuh amayim abo kinni.
25Saculo, dhaaco noh abanta.
26Umbuka sacul lel, tinqiddise fugtoh salaam akko erhexanta.
27Ta jawaab umbuka saculhi nifille taqhrawna Maddari migacalle amaana sinak arhxuk ane.
28Ni Maddara kin Yeesus Masiix nicma sinlih takkoo.
Currently Selected:
1 Tessaloniike 5: SCC
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia
1 Tessaloniike 5
5
Maddari lellec
1Kado ni saculo, zaban kee waqhtih zacabah sinalle yaktubiinimih walaa inkim sin mifarhshishsha. 2#Maatiyos 24:43; Luukas 12:39; 2 Bithroos 3:10Amayim lel, tamaa garceeni bar akah yamiiteekah, Maddari lellec lel amaa ginah yamaato kinam, atin meceetih taarhigiinimhi sabbatah kinni. 3Xiyaw: “Maaxiyo kee amaan kinni” arhxuk, tamaa soonowa kin numa umlaaloh akah tandhibbirheekah, gar-heeko yalawna kinon, akko yassaacoona lel makinooni. 4Ni saculo, atin laakin ditedde mitaniinimhi sabbatah, amaa lellec garceena balih sinadde yamaato maki. 5Atin lel inkoh ifi cindham, lellecti cindham kitin. Nanu barti cindham hido ditet cindham makino. 6Amaydo, garo balih dhiine waynooki, macalsinneh himma-abinnoo. 7Amayim lel dhiina mari bar dhiinan, yaskire mari lel bar yaskiriinimhi sabbatah kinni. 8#Isayas 59:17; Efesos 6:13-17Nanu laakin lellecti cindham nekkek sarrah, imaan kee kaxani dirce sarinneh, gargerti cag lel birti qoobic balih hashshinneh, himma-abinnoo. 9Yalli, ni Maddara kin Yeesus Masiix araxah garger geyno kibah, kurah ni maaxayinna. 10Himma-abinneh hido dhinneh, kaalih aniinadde marno ciloh, Masiix nottah arhxuk rabe. 11Amaydo, tamaa akah abak taniiniikah, sinne-sinneh sittiya aydukumusseenih lel sittiya carishanta.
Abayshimat fawo kee dhaaco
12Ni saculo, tamaa sin addadde xawala mara kee Maddari araxah sin santishah sin asuusa mara kinoonim taarhagoona sin dhaacimak nane. 13Ten ciyyoh lel meceetih mango kaxanoolih ten xishmatanta. Sinne-sinneh lel maaxiyodde maranta. 14Ni saculo, tamaa bohosa kin adabe hin mara asuussoona, tamaa niya cide mara aydukumussoona, tamaa rukut mara lel xattoona, umman tenlih lel sabre taalloona sin dhaacimak nane. 15Sinko walaa inketti umaani, umaanih yafdiyek selitanta, umman gedda laakin, sinne-sinneh yakko, umman marah mecem abtoona wagiyanta. 16Umman gedda xedenanta, 17daweena hinnim dhaaco abanta, 18Masiix kin Yeesus araxah tayim sinah Yallih farhi kinamhi sabbatah, umman gondodde xamde eddebbaanta. 19Quddus kin Ufaye mibadishina. 20Nabii balih aban waani miilaacinantaaki, 21ummanim timirmiriinih, tamaa mecem qath-ishanta. 22Umman caynah umaaniiko sinne ibbirha.
23Maaxiyot Yalli isheh sittiyadde sin yaqhaddasoo, sin ufaye, rooxe kee nabsi ni Maddara kin Yeesus Masiix gaxnanah abar hinnim akah sugaakah dhawrhumoo. 24Usuk tamaa sinah deecimati umun kinni; usuk lel thummutuh amayim abo kinni.
25Saculo, dhaaco noh abanta.
26Umbuka sacul lel, tinqiddise fugtoh salaam akko erhexanta.
27Ta jawaab umbuka saculhi nifille taqhrawna Maddari migacalle amaana sinak arhxuk ane.
28Ni Maddara kin Yeesus Masiix nicma sinlih takkoo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia