1 Bithroos 2
2
Yane dhayitto kee tinqiddise xiyaw
1Amaydo, umbuka umaani kee umbuka doolab, nifaaq, ashshiino kee dattosnan inkoh xabanta. 2Cusubih yooboke zabul balih, abayshimat sinni garger fanah carsimtoona ciloh, thaahir kin ufayi xanah hambereranta, 3#Zaabur 34:8rummah akko dhacamteenih sarrah Maddari mece tiya kinni.
4Tamaa xiyaw dhayitteh, Yallih intidde laakin doorimeh limo naba, yane dhayittolle amiituk tanin. 5Atin sinneh yane dhayit tekkiinih ufayi care balih ginnimteenih tanin. Tayim lel yinqiddise sheekhino taalloona ciloh, tamaa Yeesus Masiix araxah Yallalle kabbat-le ufayi sadaqha bahtoona ciloh kinni. 6#Isayas 28:16Amayim Kutuub taginah yarhxemhi sabbatah kinni:
“Taykinna, Tsiyoonulle dhayitto oobishak aniyo,
ta ongolot dhayitti doorimeh limo naba tiya yekkeh,
kayyah aamininnanti xoolashshiito maki.”
7Amaydo, yaamine marak ta dhayitti sinalle limo naba tiya kinni. Tamaa aamininnixe maralle laakin, Kutuub:
#
Zaabur 118:22
“Yandiqhe mari dhayiten dhayitti
ongolot dhaa yekkeh yane”,
8Amayim balih:
#
Isayas 8:14-15
“Xiyaa andafisha dhayitto,
kee xiyaa cidda duma” kinni yarhxe.
Amaa waanitta aabbe wayeenimhi sabbatah andafiten, tayim abaanam lel awwalko ten kelo tekkem kuuk tine.
9 #
Muuca 19:5-6; Gabbaacime Sercat 4:20; 7:6; 14:2; Isayas 43:20-21; Tiitos 2:14 Atin laakin tamaa diteeko cibra kin ishi ifo fanah sinah deecime tiyahi mecaani warroyishshoona ciloh doorimte xiyaw, nigsinnat sheekhino, yinqiddise dik, Yalli isheh yubbuxute xiyaw kitin. 10#Hosheeca 2:23 Atin kalxa kaa xiyaw kuuk mitiniini, kado laakin Yallih xiyaw kitin; kalxa raxma kabbatteenih mitiniini, kado laakin raxma kabbatteenih tanin.
11Yi kaxantoolito, gerha kee duleenit kitiinimhi sabbatah, tamaa sin rooxeelih dhibbayta xazottat farhiiko sinne tabbarhoona sin asuusak aniyo. 12Tamaa umam aba mara balih sin xamitan gedda, sin mece abittot yubliinih kaa guftaaneh lellec Yalla yaynaboona ciloh, Aki-marahi nifille sinni gerh-gerh eymecanta.
Reezonuh yam-izziziinim
13 #
Rooma 13:1
Maddarah arhxitin, reeza-le marah inkoh akah im-izzizanta. Tamaa ummanimko naba reeza-le nugus yakko, 14tamaa umam aba mara yagzawna kee mecem aba mara cawatoona usuk dhirhiya masxadaadaritih yakko akah im-izzizanta. 15Tayim kinni lel Yallih farhi: amayim lel sinneh mecem abak tamaa duudit kin xiyawhi sorha sik-ishishaanam kinni. 16Yallih khaddamte balih, finja le xiyaw tekkiinih maranta kibah, sinni finjak umaanit goleena akko maabina. 17Umman tiya xishmatanta. Sacoolinno ikxinanta. Yalla mashshita. Nugus xishmatanta.
18Ko garuuzaw, atin lel sin wannunko tamaa mece mara kee xiyaawinna le marah bisa akkekkah, tamaa uma marah gantah umbuka xishmaalih akah im-izzizanta. 19Yalli kixinam lel, tamaa Yallah arhxuk, akke-wayneh geyan xazan kee waaxelta curaanam kinni. 20Zambe abtan gedda, amayimille tumuttukiinih curteenimko, ayimti cawat geytaana? Mecem abak amayimille waaxelta curteenimko laakin, Yallih nifille tankixxinem tayim kinni. 21Atin lel tayimih kinni decsimteenim, Masiix gantah sinah arhxuk waaxelsiitemhi sabbatah, kaa sarra kataytoona ciloh misaal sinah xabe. 22#Isayas 53:9Usuk zambe maabinna, walaa kaa afadde doolab misuginna. 23#Isayas 53:7Akah waatimen gedda ishe balih miwaatiminna; waaxelsiite gedda lel xiyaa mimashshiishinnaaki, gaxe-gaxeh tamaa xaqqeh yafride tiyalle ishe amaanatishe. 24#Isayas 53:5Zambeh rabneh xaqqedde marno ciloh, usuk isheh ni zambe tamaa masqal camiddak takarime ishi nabsek yooqhoce. Atin kaa biyokuh kinni urteenih taniinim. 25#Isayas 53:6Atin ciido balih teleynih tinin, kado laakin tamaa sinni loyna kee sinni rooxih dhawrheenalle gaxteenih tanin.
Currently Selected:
1 Bithroos 2: SCC
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia
1 Bithroos 2
2
Yane dhayitto kee tinqiddise xiyaw
1Amaydo, umbuka umaani kee umbuka doolab, nifaaq, ashshiino kee dattosnan inkoh xabanta. 2Cusubih yooboke zabul balih, abayshimat sinni garger fanah carsimtoona ciloh, thaahir kin ufayi xanah hambereranta, 3#Zaabur 34:8rummah akko dhacamteenih sarrah Maddari mece tiya kinni.
4Tamaa xiyaw dhayitteh, Yallih intidde laakin doorimeh limo naba, yane dhayittolle amiituk tanin. 5Atin sinneh yane dhayit tekkiinih ufayi care balih ginnimteenih tanin. Tayim lel yinqiddise sheekhino taalloona ciloh, tamaa Yeesus Masiix araxah Yallalle kabbat-le ufayi sadaqha bahtoona ciloh kinni. 6#Isayas 28:16Amayim Kutuub taginah yarhxemhi sabbatah kinni:
“Taykinna, Tsiyoonulle dhayitto oobishak aniyo,
ta ongolot dhayitti doorimeh limo naba tiya yekkeh,
kayyah aamininnanti xoolashshiito maki.”
7Amaydo, yaamine marak ta dhayitti sinalle limo naba tiya kinni. Tamaa aamininnixe maralle laakin, Kutuub:
#
Zaabur 118:22
“Yandiqhe mari dhayiten dhayitti
ongolot dhaa yekkeh yane”,
8Amayim balih:
#
Isayas 8:14-15
“Xiyaa andafisha dhayitto,
kee xiyaa cidda duma” kinni yarhxe.
Amaa waanitta aabbe wayeenimhi sabbatah andafiten, tayim abaanam lel awwalko ten kelo tekkem kuuk tine.
9 #
Muuca 19:5-6; Gabbaacime Sercat 4:20; 7:6; 14:2; Isayas 43:20-21; Tiitos 2:14 Atin laakin tamaa diteeko cibra kin ishi ifo fanah sinah deecime tiyahi mecaani warroyishshoona ciloh doorimte xiyaw, nigsinnat sheekhino, yinqiddise dik, Yalli isheh yubbuxute xiyaw kitin. 10#Hosheeca 2:23 Atin kalxa kaa xiyaw kuuk mitiniini, kado laakin Yallih xiyaw kitin; kalxa raxma kabbatteenih mitiniini, kado laakin raxma kabbatteenih tanin.
11Yi kaxantoolito, gerha kee duleenit kitiinimhi sabbatah, tamaa sin rooxeelih dhibbayta xazottat farhiiko sinne tabbarhoona sin asuusak aniyo. 12Tamaa umam aba mara balih sin xamitan gedda, sin mece abittot yubliinih kaa guftaaneh lellec Yalla yaynaboona ciloh, Aki-marahi nifille sinni gerh-gerh eymecanta.
Reezonuh yam-izziziinim
13 #
Rooma 13:1
Maddarah arhxitin, reeza-le marah inkoh akah im-izzizanta. Tamaa ummanimko naba reeza-le nugus yakko, 14tamaa umam aba mara yagzawna kee mecem aba mara cawatoona usuk dhirhiya masxadaadaritih yakko akah im-izzizanta. 15Tayim kinni lel Yallih farhi: amayim lel sinneh mecem abak tamaa duudit kin xiyawhi sorha sik-ishishaanam kinni. 16Yallih khaddamte balih, finja le xiyaw tekkiinih maranta kibah, sinni finjak umaanit goleena akko maabina. 17Umman tiya xishmatanta. Sacoolinno ikxinanta. Yalla mashshita. Nugus xishmatanta.
18Ko garuuzaw, atin lel sin wannunko tamaa mece mara kee xiyaawinna le marah bisa akkekkah, tamaa uma marah gantah umbuka xishmaalih akah im-izzizanta. 19Yalli kixinam lel, tamaa Yallah arhxuk, akke-wayneh geyan xazan kee waaxelta curaanam kinni. 20Zambe abtan gedda, amayimille tumuttukiinih curteenimko, ayimti cawat geytaana? Mecem abak amayimille waaxelta curteenimko laakin, Yallih nifille tankixxinem tayim kinni. 21Atin lel tayimih kinni decsimteenim, Masiix gantah sinah arhxuk waaxelsiitemhi sabbatah, kaa sarra kataytoona ciloh misaal sinah xabe. 22#Isayas 53:9Usuk zambe maabinna, walaa kaa afadde doolab misuginna. 23#Isayas 53:7Akah waatimen gedda ishe balih miwaatiminna; waaxelsiite gedda lel xiyaa mimashshiishinnaaki, gaxe-gaxeh tamaa xaqqeh yafride tiyalle ishe amaanatishe. 24#Isayas 53:5Zambeh rabneh xaqqedde marno ciloh, usuk isheh ni zambe tamaa masqal camiddak takarime ishi nabsek yooqhoce. Atin kaa biyokuh kinni urteenih taniinim. 25#Isayas 53:6Atin ciido balih teleynih tinin, kado laakin tamaa sinni loyna kee sinni rooxih dhawrheenalle gaxteenih tanin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia