Zakarie 9
9
I menshe an vavar themma lenn pengri phagi
1Kava hi o lab, hoy rakras o baro Devel; kava lab vell an o them Hadrak oun djal bis an o foro Damaskus. Čačepah, o baro Devel dikell ap i tsele menshende, gar kokres ap i menshende an Israel. 2Yob lell o them Hamat an i yak, hoy hi čiddo ap i rig o forestar Damaskus. Ninna lell lo i forya Tirus oun Sidon an i yak, kay i menshe yaake gosevo hi. 3I menshe an Tirus kran penge zorele massurya, oun lan yaake boud roup oun sonakay khetne har čik ap o drom hi. 4O Devel, maro ray, lell lenge krik, hoy len hi, oun vitsrell lengro bravlepen an o baro pani. Oun o foro vell tele rhačedo an i yag.
5I menshe an o foro Ashkelon shounenn kolestar oun trashenna, oun kolla an o foro Gaza lenn bari daar, ninna kolla an o foro Ekron. Len hi bouder kek, kay rikrell peskro vast pral lende. An o foro Gaza dell bouder kek baro ray, oun an o foro Ashkelon djivell bouder kek Israelitari. 6Menshe dran vavar themma venn an o foro Ashdod, te djivenn le koy.
O baro Devel penell: “Kol pre-phourde Filistaryen krau me tikno. 7Lendar tserdau ko ratlo mass dran lengro mouy vin, oun ko pale-čiddo mass mank lengre danda krik.”
Palle venn kol Filistarya, kay pral ačenn, maro Debleskre menshe. Yon venn har i familya dran o kheer Youda. Oun i menshe dran Ekron djivenn yaake mank lende har i Yebousarya an Yerusalem.
8“Me kokres dau garda ap miro them, te venn kek lourde dran vavar themma dren. Kek baro ray i vavar themestar nay rikrell mire menshen tele. Mire yakentsa dikau kanna koy pre.”
O baro ray, kay vella an o foro Yerusalem
9Ab barhtelo, tou foro Sion!
Denn gole i barhtyatar, t'mer menshe an Yerusalem!
Dikenn, t'maro baro ray vella pash t'mende!
Yob anell o čačepen,
oun vell ap t'mari rig.
Yob krell pes gar bares,
oun klissell ap i bourika,
ava, ap i terni bourika.
10O baro Devel penell:
Me lau i kourepangre vourdya krik dran o them Israel#9:10 ap hebretikes: Efrayim,
oun i kourepangre graya dran Yerusalem.
Oun i kourepangre boge venn phagedo.
T'maro baro ray lell o čingepen krik mank i natsyone.
Yob hi o ray foun yek baro panyestar bis ap o vavar,
foun o panyestar Eufrat bis an i doureder themma ap i tseli phoub.
11Shounenn, penell o baro Devel, me anau t'mare pandlen vin dran o stilepen,
vin dran o them, hoy hi har i brounna, kay kek pani dren hi.
Kova vell yaake čačo har koy sovel,
hoy t'mentsa dren djom, oun hoy rateha čačo vas.
12T'mer pandle, avenn pale khere an ko zorelo foro,
t'mer, kay djinenn: Mer ačah gar hako tsireske pandle.
Kava dives penau t'menge: Me dau t'mende douy kope yaake boud lačepen har kol douka, hoy hounte lan ap t'mende.
13Me kourau man i lourdentsa dran o grichtikro them.
I menshe dran Youda hi miro kourepaskro bogo.
I menshe dran Israel hi mire fayle,
oun kol morsha dran Yerusalem hi miro rharo, koleha len dau.
14O baro Devel moukell pes te dikell pral peskre menshende,
[te rikrell lo peskre vasta pral lende].
Leskro faylo djal sik har o bolepaskri yag#9:14 bolepaskri yag: blitsa.
O baro Devel, maro ray, moukell an i bari phourdepaskri#9:14 bari phourdepaskri: trompeta te phourdell.
Yob djal an o zorelo dourho, hoy vell kotar, kay o kham pralstounes tardo hi.
15O baro Devel, ko ray pral o bolepen oun i phoub, rikrell peskre vasta pral peskre menshende.
Yon venn i zorleder oun stakrenn i barra tele, hoy ap lende vitsedo van.
Yon piyenn oun denn gole har te vans le mato i molyatar.
Yon venn yaake pherdo rat,
har i čaro pherdo firhengro rat hi, hoy vell vin čoredo o Debleske ap leskri rhačepaskri,
oun hoy nashell pral i rigya tele.
16Ap ko dives lell len lengro baro Devel vin dran i čilače vasta.
Yob hi lenge har i bakrengro, kay dell garda ap peskre bakren.
Har i kouč barra ap i rayeskri stadi krenn le o them shoukar.
17Ava, har raylo oun shoukar vell kova!
I čave venn zorele terne morsha oun djouvya,
yaake boud djob oun mool hi koy.
Currently Selected:
Zakarie 9: Sint-Man2024
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Zakarie 9
9
I menshe an vavar themma lenn pengri phagi
1Kava hi o lab, hoy rakras o baro Devel; kava lab vell an o them Hadrak oun djal bis an o foro Damaskus. Čačepah, o baro Devel dikell ap i tsele menshende, gar kokres ap i menshende an Israel. 2Yob lell o them Hamat an i yak, hoy hi čiddo ap i rig o forestar Damaskus. Ninna lell lo i forya Tirus oun Sidon an i yak, kay i menshe yaake gosevo hi. 3I menshe an Tirus kran penge zorele massurya, oun lan yaake boud roup oun sonakay khetne har čik ap o drom hi. 4O Devel, maro ray, lell lenge krik, hoy len hi, oun vitsrell lengro bravlepen an o baro pani. Oun o foro vell tele rhačedo an i yag.
5I menshe an o foro Ashkelon shounenn kolestar oun trashenna, oun kolla an o foro Gaza lenn bari daar, ninna kolla an o foro Ekron. Len hi bouder kek, kay rikrell peskro vast pral lende. An o foro Gaza dell bouder kek baro ray, oun an o foro Ashkelon djivell bouder kek Israelitari. 6Menshe dran vavar themma venn an o foro Ashdod, te djivenn le koy.
O baro Devel penell: “Kol pre-phourde Filistaryen krau me tikno. 7Lendar tserdau ko ratlo mass dran lengro mouy vin, oun ko pale-čiddo mass mank lengre danda krik.”
Palle venn kol Filistarya, kay pral ačenn, maro Debleskre menshe. Yon venn har i familya dran o kheer Youda. Oun i menshe dran Ekron djivenn yaake mank lende har i Yebousarya an Yerusalem.
8“Me kokres dau garda ap miro them, te venn kek lourde dran vavar themma dren. Kek baro ray i vavar themestar nay rikrell mire menshen tele. Mire yakentsa dikau kanna koy pre.”
O baro ray, kay vella an o foro Yerusalem
9Ab barhtelo, tou foro Sion!
Denn gole i barhtyatar, t'mer menshe an Yerusalem!
Dikenn, t'maro baro ray vella pash t'mende!
Yob anell o čačepen,
oun vell ap t'mari rig.
Yob krell pes gar bares,
oun klissell ap i bourika,
ava, ap i terni bourika.
10O baro Devel penell:
Me lau i kourepangre vourdya krik dran o them Israel#9:10 ap hebretikes: Efrayim,
oun i kourepangre graya dran Yerusalem.
Oun i kourepangre boge venn phagedo.
T'maro baro ray lell o čingepen krik mank i natsyone.
Yob hi o ray foun yek baro panyestar bis ap o vavar,
foun o panyestar Eufrat bis an i doureder themma ap i tseli phoub.
11Shounenn, penell o baro Devel, me anau t'mare pandlen vin dran o stilepen,
vin dran o them, hoy hi har i brounna, kay kek pani dren hi.
Kova vell yaake čačo har koy sovel,
hoy t'mentsa dren djom, oun hoy rateha čačo vas.
12T'mer pandle, avenn pale khere an ko zorelo foro,
t'mer, kay djinenn: Mer ačah gar hako tsireske pandle.
Kava dives penau t'menge: Me dau t'mende douy kope yaake boud lačepen har kol douka, hoy hounte lan ap t'mende.
13Me kourau man i lourdentsa dran o grichtikro them.
I menshe dran Youda hi miro kourepaskro bogo.
I menshe dran Israel hi mire fayle,
oun kol morsha dran Yerusalem hi miro rharo, koleha len dau.
14O baro Devel moukell pes te dikell pral peskre menshende,
[te rikrell lo peskre vasta pral lende].
Leskro faylo djal sik har o bolepaskri yag#9:14 bolepaskri yag: blitsa.
O baro Devel, maro ray, moukell an i bari phourdepaskri#9:14 bari phourdepaskri: trompeta te phourdell.
Yob djal an o zorelo dourho, hoy vell kotar, kay o kham pralstounes tardo hi.
15O baro Devel, ko ray pral o bolepen oun i phoub, rikrell peskre vasta pral peskre menshende.
Yon venn i zorleder oun stakrenn i barra tele, hoy ap lende vitsedo van.
Yon piyenn oun denn gole har te vans le mato i molyatar.
Yon venn yaake pherdo rat,
har i čaro pherdo firhengro rat hi, hoy vell vin čoredo o Debleske ap leskri rhačepaskri,
oun hoy nashell pral i rigya tele.
16Ap ko dives lell len lengro baro Devel vin dran i čilače vasta.
Yob hi lenge har i bakrengro, kay dell garda ap peskre bakren.
Har i kouč barra ap i rayeskri stadi krenn le o them shoukar.
17Ava, har raylo oun shoukar vell kova!
I čave venn zorele terne morsha oun djouvya,
yaake boud djob oun mool hi koy.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.