Remarya 1
1
Ap i patslende an o foro Rom
1Me, o Paulo, o boudepaskro o Yezous Kristestar, činau kava liil. Yob das man gole, te vap leskro bičepaskro, oun rodas man vin, te sikrap i menshende leskro drom. 2Pral kava drom činan glan rah tsiro o Debleskre rakepangre an pengre lila, te vell i tsiro, kay krell o Devel i drom i menshenge, te nay venn le pash leste. 3-4Ko drom hi o Debleskro čavo. Kova vas i mensho oun vas o Davideskre menshendar. Yob vas ninna o Deblestar. O Devel sikras i bari zoryah, te hi lo leskro čavo, har kras lo les i moulendar djido. Kova hi o Yezous Kristo, maro ray.
5Yob das man koy Debleskri boudi te djap pash i menshende an i tsele themma. Yob bičras man, te penap lenge, te patsenn le ap leste oun shounenn ap leste. 6Mank kol menshende han t'mer ninna an o foro Rom. O Yezous Kristo das t'men gole, te venn pash leste.
7Ap t'mende halauterende činau kava liil. O Devel kamell t'men o djiyestar, oun das t'men gole, te djivenn leha khetne. Mou vell t'men lačepen oun barht an o dji! Kova dell t'men o Devel, maro dad, oun maro ray, o Yezous Kristo!
O Paulo kamell an o foro Rom te vell
8Glan hake vavar laba, hoy kamau t'menge te činell, penau t'menge: Hako tsiro, kay rakrau o Yezous Kristeha, parkrau man pash miro Debleste t'menge halauterenge. Ap i tseli phoub rakrenn le pral t'maro patsepen. 9Maro Devel, koleske boudrau o tselo djiyeha oun penau i menshenge leskro čavestar, yob djinella, me penau o čačepen: Me moukau gar tele, te mangap les t'menge. 10Oun hako tsiro mangau lestar, te krell lo mange i drom, te nay vap pash t'mende.
11O tselo djiyeha kamau t'men te dikell, te nay sikrap t'mende, hoy o Debleskro Dourho mande sikras, te krap t'maro patsepen zoreles. 12Te dikah o patsepen, hoy an o vavareste hi, vah mer khetne zoreles an maro patsepen. 13Mire phrala, t'mer hounte djinenn, boud kope kamom pash t'mende te vell, oun nay vom gar. Me kamoms ninna an t'maro foro menshen ap o Yezouseskro drom te anell, yaake har me kova ninna krom an i vavar themma. 14Me hounte sikrap kava drom i tsele menshende: kolen an o grichtikro them, ninna kolen an i vavar themma, kolen, kay siklo hi oun kolen, kay gar siklo hi. 15Doleske kamoms ninna pash t'mende an o foro Rom i menshenge o lačo lab o Yezous Kristestar te penell.
O Debleskro lab hi zorelo
16Me ladjau gar glan i menshende, te penap lenge o lačo lab o Yezous Kristestar. An kava lab hi o Debleskri zoor. Oun o Debleskri zoor lell kolen dran o čilačepen oun o merepen vin, kay ap ko lab patsenna, – i bibolden oun kolen, kay kek bibolde hi. 17An kava lab sikrell o Devel, koon glan leste čačo hi: Kolla, kay patsenna oun denn pengro patsepen gar pre. Lengro čačepen vell dran o patsepen. Yaake hi kova činlo an o Debleskro lab: Kova, kay patsella, kova vell čačo glan o Debleste oun djivella.#1:17 dik: Habakuk 2:4
O menshengro čilačepen
18O Debleskri rholi vell dran o bolepen tele ap kol tsele menshende, kay kamenn lestar či te djinell oun krenn o čilačepen. Oun lengro čilačepen rikrell o čačepen tele. 19Kova, hoy yon hayvans nay o Deblestar, kova sikras len o Devel. 20Ninna te dikenn le o Debles gar, nay dikenn le leskri bari zoor an halauter, hoy yob kras. Kova vell diklo yaake rah har i phoub tardo hi. Yon nay djinenn, te hi i Devel koy, oun nay penenn gar: “Mer djinam kova gar.”
21Ninna te djinan le o Deblestar, sharan le les gar, oun parkran pen gar pash leste. Na-a, yon djan pal kova, hoy an lengro shero hi oun či moldo hi. Oun lengre djia hayvan bouder gar, hoy mishto hi. 22Kal menshe penenn pendar, te hi le gosevo. Dran kova peran le an o dinlepen. 23O baro Debles, kay hako tsiro ačella, sharan le gar. Na-a, yon mangan kol morshen oun djouvyen an, kay merenna. Ninna vavar koova, har i čirkle, i star-heryengre firhe oun i sapa mangan le an. 24Doleske moukas o baro Devel len an pengro djoungelo koova te perell, hoy an lengre djia hi, te krenn le vi-ladjedo koova yek o vavareha. 25Yon čivan o Debleskro čačepen ap i rig, oun patsan ap kova, hoy rhorhepen hi, oun sharan i menshen oun i firhen, oun mangan len an, har te vans le o Devel. Oun o baro Devel, kay lauter kras oun djipen das, koles sharan le gar, oun mangan les gar an. Oun yob hi kova, kay moldo hi, te vell lo sharedo hako tsiro. Amen.
26Doleske moukas o Devel len an vi-ladjedo koova te perell. Lengre djouvya kamenn djouvyen oun kek morshen. 27Emligo hi i morsha tato oun rhačenn ap i morshende. Yaake krenn le pengro djipen paash oun lenn pengri phagi ap pende kokres.
28Yon kamenn či o Deblestar te djinell. Doleske moukas o Devel len te perell, te djivenn le pal pengro čilačo shero, oun krenna, hoy gar mishto hi. 29Yon hi pherdo čilačepen, djounglepen, ninna bok pal i love. Yon hi čilačo oun zilverenn, čingrenn, rhorhenn, marenn, oun doukrenn i vavaren. Yon rakrenn djoungeles pral i vavarende, 30oun rakrenn rhorhepen pral lende. Yon praasenn o Debles oun i menshen, oun hadenn pen pre oun hi sharedo. Yon rodenn, har te krenn le o čilačepen. Yon shounenn gar ap pengro dadeste oun ap pengri date. 31Yon kamenn či te hayvell. Yon rikrenn gar pengro lab. Len hi kek kamlepen, vitar kek dji i vavarenge. 32Yon djinenna, o Devel dell kolen i phagi, kay yaake djivenna. Oun koy phagi hi o merepen. Ninna te djinenn le kova, krenn le ko čilačo koova, oun sharenn kolen, kay kova ninna krenna.
Currently Selected:
Remarya 1: Sint-Man2024
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Remarya 1
1
Ap i patslende an o foro Rom
1Me, o Paulo, o boudepaskro o Yezous Kristestar, činau kava liil. Yob das man gole, te vap leskro bičepaskro, oun rodas man vin, te sikrap i menshende leskro drom. 2Pral kava drom činan glan rah tsiro o Debleskre rakepangre an pengre lila, te vell i tsiro, kay krell o Devel i drom i menshenge, te nay venn le pash leste. 3-4Ko drom hi o Debleskro čavo. Kova vas i mensho oun vas o Davideskre menshendar. Yob vas ninna o Deblestar. O Devel sikras i bari zoryah, te hi lo leskro čavo, har kras lo les i moulendar djido. Kova hi o Yezous Kristo, maro ray.
5Yob das man koy Debleskri boudi te djap pash i menshende an i tsele themma. Yob bičras man, te penap lenge, te patsenn le ap leste oun shounenn ap leste. 6Mank kol menshende han t'mer ninna an o foro Rom. O Yezous Kristo das t'men gole, te venn pash leste.
7Ap t'mende halauterende činau kava liil. O Devel kamell t'men o djiyestar, oun das t'men gole, te djivenn leha khetne. Mou vell t'men lačepen oun barht an o dji! Kova dell t'men o Devel, maro dad, oun maro ray, o Yezous Kristo!
O Paulo kamell an o foro Rom te vell
8Glan hake vavar laba, hoy kamau t'menge te činell, penau t'menge: Hako tsiro, kay rakrau o Yezous Kristeha, parkrau man pash miro Debleste t'menge halauterenge. Ap i tseli phoub rakrenn le pral t'maro patsepen. 9Maro Devel, koleske boudrau o tselo djiyeha oun penau i menshenge leskro čavestar, yob djinella, me penau o čačepen: Me moukau gar tele, te mangap les t'menge. 10Oun hako tsiro mangau lestar, te krell lo mange i drom, te nay vap pash t'mende.
11O tselo djiyeha kamau t'men te dikell, te nay sikrap t'mende, hoy o Debleskro Dourho mande sikras, te krap t'maro patsepen zoreles. 12Te dikah o patsepen, hoy an o vavareste hi, vah mer khetne zoreles an maro patsepen. 13Mire phrala, t'mer hounte djinenn, boud kope kamom pash t'mende te vell, oun nay vom gar. Me kamoms ninna an t'maro foro menshen ap o Yezouseskro drom te anell, yaake har me kova ninna krom an i vavar themma. 14Me hounte sikrap kava drom i tsele menshende: kolen an o grichtikro them, ninna kolen an i vavar themma, kolen, kay siklo hi oun kolen, kay gar siklo hi. 15Doleske kamoms ninna pash t'mende an o foro Rom i menshenge o lačo lab o Yezous Kristestar te penell.
O Debleskro lab hi zorelo
16Me ladjau gar glan i menshende, te penap lenge o lačo lab o Yezous Kristestar. An kava lab hi o Debleskri zoor. Oun o Debleskri zoor lell kolen dran o čilačepen oun o merepen vin, kay ap ko lab patsenna, – i bibolden oun kolen, kay kek bibolde hi. 17An kava lab sikrell o Devel, koon glan leste čačo hi: Kolla, kay patsenna oun denn pengro patsepen gar pre. Lengro čačepen vell dran o patsepen. Yaake hi kova činlo an o Debleskro lab: Kova, kay patsella, kova vell čačo glan o Debleste oun djivella.#1:17 dik: Habakuk 2:4
O menshengro čilačepen
18O Debleskri rholi vell dran o bolepen tele ap kol tsele menshende, kay kamenn lestar či te djinell oun krenn o čilačepen. Oun lengro čilačepen rikrell o čačepen tele. 19Kova, hoy yon hayvans nay o Deblestar, kova sikras len o Devel. 20Ninna te dikenn le o Debles gar, nay dikenn le leskri bari zoor an halauter, hoy yob kras. Kova vell diklo yaake rah har i phoub tardo hi. Yon nay djinenn, te hi i Devel koy, oun nay penenn gar: “Mer djinam kova gar.”
21Ninna te djinan le o Deblestar, sharan le les gar, oun parkran pen gar pash leste. Na-a, yon djan pal kova, hoy an lengro shero hi oun či moldo hi. Oun lengre djia hayvan bouder gar, hoy mishto hi. 22Kal menshe penenn pendar, te hi le gosevo. Dran kova peran le an o dinlepen. 23O baro Debles, kay hako tsiro ačella, sharan le gar. Na-a, yon mangan kol morshen oun djouvyen an, kay merenna. Ninna vavar koova, har i čirkle, i star-heryengre firhe oun i sapa mangan le an. 24Doleske moukas o baro Devel len an pengro djoungelo koova te perell, hoy an lengre djia hi, te krenn le vi-ladjedo koova yek o vavareha. 25Yon čivan o Debleskro čačepen ap i rig, oun patsan ap kova, hoy rhorhepen hi, oun sharan i menshen oun i firhen, oun mangan len an, har te vans le o Devel. Oun o baro Devel, kay lauter kras oun djipen das, koles sharan le gar, oun mangan les gar an. Oun yob hi kova, kay moldo hi, te vell lo sharedo hako tsiro. Amen.
26Doleske moukas o Devel len an vi-ladjedo koova te perell. Lengre djouvya kamenn djouvyen oun kek morshen. 27Emligo hi i morsha tato oun rhačenn ap i morshende. Yaake krenn le pengro djipen paash oun lenn pengri phagi ap pende kokres.
28Yon kamenn či o Deblestar te djinell. Doleske moukas o Devel len te perell, te djivenn le pal pengro čilačo shero, oun krenna, hoy gar mishto hi. 29Yon hi pherdo čilačepen, djounglepen, ninna bok pal i love. Yon hi čilačo oun zilverenn, čingrenn, rhorhenn, marenn, oun doukrenn i vavaren. Yon rakrenn djoungeles pral i vavarende, 30oun rakrenn rhorhepen pral lende. Yon praasenn o Debles oun i menshen, oun hadenn pen pre oun hi sharedo. Yon rodenn, har te krenn le o čilačepen. Yon shounenn gar ap pengro dadeste oun ap pengri date. 31Yon kamenn či te hayvell. Yon rikrenn gar pengro lab. Len hi kek kamlepen, vitar kek dji i vavarenge. 32Yon djinenna, o Devel dell kolen i phagi, kay yaake djivenna. Oun koy phagi hi o merepen. Ninna te djinenn le kova, krenn le ko čilačo koova, oun sharenn kolen, kay kova ninna krenna.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.