4. Mose 14
14
I Israelitarya rovenn i trashatar
1Koy stan kol tsele Israelitarya pre, oun dan gole i trashatar. Oun kol menshe rovan i tseli rat. 2Oun i tsele Israelitarya his rhoyedo ap o Mose oun o Aron oun penan: “Ah, te merams mer an ko them Egiptia! Te merams kate an o moulo tato them! 3Hoske anell men o baro Devel an kava them, kay vah moulo dino o rhareha? Oun mare djouvya oun čave perenn an i vasta kolendar, kay kouram men mer. Hi feteder, te djah pale an o them Egiptia.”
4Oun yek penas ap i vavareste: “Mer rodas yekes vin, te vell lo o pralstouno pral mende, oun mer djah pale an o them Egiptia.”
5Oun o Mose oun o Aron vitsran pen glan i tsele Israelitarya ap pengro mouy. 6Oun o Yosua, koleskro dad o Noun his, oun o Kaleb, koleskro dad o Yefunne his, his douy kolendar, kay pen an o them trouyel dikan. Yon kran pengre koola an kotya i rholyatar, 7oun penan ap i tsele Israelitarya: “Ko them, kay mer trouyel djam, te dikas, har kova hi, hi mishto. 8Te hi o baro Devel kamlo ap mende, anell yob men an ko them oun dell les mende. Kova hi i them, kay hi boud thoud oun gvin. 9Ma perenn o baro Deblestar tele, oun trashenn gar kol menshendar an ko them! Mer kamah len pre te rhal har maro. Lengro devel, kay das yak ap lende, moukas len. O baro Devel hi mentsa. Ma trashenn lendar!”
10Kol tsele menshe penan: “Vitsrenn len moulo i barrentsa!” Koy vas o baro Debleskro raylepen pral o Debleskro kheer. Oun i tsele Israelitarya dikan kova.
11Oun o baro Devel penas ap o Mose: “Har rah rakrenn kol menshe djoungeles pral mande? Oun har rah kamenn yon gar ap mande te patsell, vitar gar, kay krom yaake boud baro oun zorelo koova pash lende? 12Me kamau i pharo nasslepen pral lende te anell oun len te marell. Oun kamau te venn toutar yaake boud menshe, te venn le i natsyona, hoy bareder oun zorleder hi har kal menshe.”
O Mose mangell o Debles kol menshenge
13O Mose penas ap o baro Debleste: “I Egiptarya djinenn, kay tou lal kol menshen tiri zoryah mashkral lende vin. Te shounenn le kanna, hoy kral tire menshentsa, 14penenn le kova kol menshenge an kava them. Kolla shounan, kay tou, baro Devel, mashkral tire menshende hal, oun kay nay dikenn yon tout, oun tiri folka pral lende tardo hi, oun kay tou, o baro Devel, glan lende djah, an i folka ap o dives, oun rati an i yag. 15Te deh tou kanna ap yek kopo tire menshen moulo, palle penenn kol vavar menshe, kay shounenn kova, pral toute: 16O baro Devel nay anas kalla menshen gar an ko them, hoy kamas lo lende te dell, kay das yob i sovel pre. Doleske maras yob len an o moulo tato them.
17Kanna mangau tout, miro ray, sike tiri zoor oun kre yaake, har penal. 18Tou penal: Me, o baro Devel, vau gar sik rhoyedo, oun man hi i lačo oun baro dji, oun me bistrau ko čilačo koova, hoy kran oun lau i doosh krik. Koles kokres, kay kamell mandar či te djinell, dau i phagi, oun gar koles kokres, na-a ninna leskre čaven oun kolengre čaven yaake rah har triin, star familye, yek pal i vavar djivan.
19Kanna sike tiro baro lačepen oun biste ko djoungelo koova kal menshendar yaake har tou boud kope lengri doosh bistral ap o drom dran o them Egiptia bis kate.”
20Oun o baro Devel penas: “Me bistrau lengro djoungelo koova, yaake har tou kova mangal. 21Yek koova hi yaake čačo har me djivau, oun i tseli phoub pherdo miro raylepen vell: 22Kol tsele morsha, kay dikan miro raylepen oun ko baro oun zorelo koova, hoy krom an o them Egiptia oun an o moulo tato them, oun kaman boud kope gar te patsell, kay hom lentsa, oun shounan gar ap kova, hoy me penom, 23kolendar dikell kek ko them, kay lengre phourenge penom oun man sovel pre dom, te dap les lende. Vitar gar dikell kek ko them, kay rakras djoungeles pral mande. 24Kokres miro boudepaskro, o Kaleb, les hi i vavar dji oun djas mange hako tsiro palla, koles anau an ko them, an koleste yob vas. Leskre čavende oun čavengre čavende dau ko them. 25Kol Amalekarya oun kol Kanaanitarya, kay kanna kote djivenn, ačenn an o telstouno them.
Taysar rissrenn t'men trouyel oun djan pale an o moulo tato them ap ko drom pash o Baro Lolo Pani!”
I Israelitarya hounte ačenn star-deesh bersha an o moulo tato them
26Oun o baro Devel rakras o Moseha oun o Aroneha oun penas: 27“Har rah čingrenn kol čilače menshe ap mande? Me shounom, har kol Israelitarya djoungeles pral mande rakran. 28Doleske pen ap lende: Yaake čačo har kova hi, kay me djivau, penell o baro Devel, me kamau kova te krell t'mentsa, hoy t'mer glan mire kanda penan. 29T'mer merenn an kava moulo tato them. T'mer halauter, kay han biish bersha phouro oun phoureder, oun rakran djoungeles pral mande, 30čačepah, t'mer venn gar an ko them, kay me hadom miro vast oun dom man sovel, te nay djivenn koy dren. Kokres o Kaleb, koleskro dad o Yefunne hi, oun o Yosua, koleskro dad o Noun hi, kolla douy venn koy dren. 31T'mare čave, kolendar t'mer penan: Yon perenn an i vasta kolendar, kay kouram men mer, kolen anau an ko them, kay t'mer gar kaman. Ko them vell lengro. 32T'mer merenn an o moulo tato them. 33T'mer rikran t'men gar ap mire laba. Doleske hounte djan t'mare čave pengre firhentsa trouyel an o moulo tato them, star-deesh bersha, bis te ačell kek t'mendar bouder pral. 34Star-deesh divessa dikan t'men trouyel, har ko them hi, oun star-deesh bersha hounte hidjrenn t'mari doosh: yek bersh hako diveske, te hayvenn t'mer har kova hi, te tserdau miro vast t'mendar krik. 35Me, o baro Devel, penom kova, oun čačepah, kova kamau me ninna te krell kal tsele menshentsa, kay hadan pen ap mande. An kava moulo tato them merenn le, bis te kek lendar bouder koy hi.”
36-37Kol morshen, kay o Mose bičras, te dikenn le pen trouyel an o them, oun kay anan čilačo rakepen pre pral o them, har van le pale, oun kay kran i tsele menshen rhoyedo ap o Moseste, kolen das o baro Devel pengri phagi: Yon meran halauter ap yek kopo. 38Kokres o Yosua, koleskro dad o Noun hi, oun o Kaleb, koleskro dad o Yefunne hi, ačan djido kol morshendar, kay djan, te dikenn le pen trouyel, har ko them hi.
I Israelitarya krenn pal pengro shero
39Har o Mose kol laba ap kol tsele Israelitarya penas, his kol tsele menshenge ropaske. 40Oun yon djan taysarlake pral ap i berga, oun penan: “Mer anam doosh ap mende. Ake ham, oun kamah an ko them te djal, kolestar o baro Devel rakras.”
41O Mose penas: “Hoske kamenn t'mer gar ap o baro Debleskro lab te shounell? Kova djal gar mishto t'menge! 42O baro Devel hi gar pash t'mende. Djan gar koy pre, te venn t'mer gar maredo kolendar, kay kamenn t'maro merepen! 43Kol Amalekarya oun kol Kanaanitarya hi koy vergel tardo glan t'mende, oun t'mer venn moulo dino o rhareha. T'mer djan o baro Deblestar krik. Doleske hi lo gar t'mentsa.”
44Ninna te rakras yob yaake, kran yon pal pengro shero, oun djan pral ap i berga. O Mose ačas ap i platsa oun djas gar lentsa, vitar gar ko sonakaskro morhton, kay o Debleskre deesh laba dren hi. 45Koy van kol Amalekarya oun kol Kanaanitarya, kay ap i berga djivan, tele, oun dan len, oun lan len palla bis pash o foro Horma.
Currently Selected:
4. Mose 14: Sint-Man2024
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
4. Mose 14
14
I Israelitarya rovenn i trashatar
1Koy stan kol tsele Israelitarya pre, oun dan gole i trashatar. Oun kol menshe rovan i tseli rat. 2Oun i tsele Israelitarya his rhoyedo ap o Mose oun o Aron oun penan: “Ah, te merams mer an ko them Egiptia! Te merams kate an o moulo tato them! 3Hoske anell men o baro Devel an kava them, kay vah moulo dino o rhareha? Oun mare djouvya oun čave perenn an i vasta kolendar, kay kouram men mer. Hi feteder, te djah pale an o them Egiptia.”
4Oun yek penas ap i vavareste: “Mer rodas yekes vin, te vell lo o pralstouno pral mende, oun mer djah pale an o them Egiptia.”
5Oun o Mose oun o Aron vitsran pen glan i tsele Israelitarya ap pengro mouy. 6Oun o Yosua, koleskro dad o Noun his, oun o Kaleb, koleskro dad o Yefunne his, his douy kolendar, kay pen an o them trouyel dikan. Yon kran pengre koola an kotya i rholyatar, 7oun penan ap i tsele Israelitarya: “Ko them, kay mer trouyel djam, te dikas, har kova hi, hi mishto. 8Te hi o baro Devel kamlo ap mende, anell yob men an ko them oun dell les mende. Kova hi i them, kay hi boud thoud oun gvin. 9Ma perenn o baro Deblestar tele, oun trashenn gar kol menshendar an ko them! Mer kamah len pre te rhal har maro. Lengro devel, kay das yak ap lende, moukas len. O baro Devel hi mentsa. Ma trashenn lendar!”
10Kol tsele menshe penan: “Vitsrenn len moulo i barrentsa!” Koy vas o baro Debleskro raylepen pral o Debleskro kheer. Oun i tsele Israelitarya dikan kova.
11Oun o baro Devel penas ap o Mose: “Har rah rakrenn kol menshe djoungeles pral mande? Oun har rah kamenn yon gar ap mande te patsell, vitar gar, kay krom yaake boud baro oun zorelo koova pash lende? 12Me kamau i pharo nasslepen pral lende te anell oun len te marell. Oun kamau te venn toutar yaake boud menshe, te venn le i natsyona, hoy bareder oun zorleder hi har kal menshe.”
O Mose mangell o Debles kol menshenge
13O Mose penas ap o baro Debleste: “I Egiptarya djinenn, kay tou lal kol menshen tiri zoryah mashkral lende vin. Te shounenn le kanna, hoy kral tire menshentsa, 14penenn le kova kol menshenge an kava them. Kolla shounan, kay tou, baro Devel, mashkral tire menshende hal, oun kay nay dikenn yon tout, oun tiri folka pral lende tardo hi, oun kay tou, o baro Devel, glan lende djah, an i folka ap o dives, oun rati an i yag. 15Te deh tou kanna ap yek kopo tire menshen moulo, palle penenn kol vavar menshe, kay shounenn kova, pral toute: 16O baro Devel nay anas kalla menshen gar an ko them, hoy kamas lo lende te dell, kay das yob i sovel pre. Doleske maras yob len an o moulo tato them.
17Kanna mangau tout, miro ray, sike tiri zoor oun kre yaake, har penal. 18Tou penal: Me, o baro Devel, vau gar sik rhoyedo, oun man hi i lačo oun baro dji, oun me bistrau ko čilačo koova, hoy kran oun lau i doosh krik. Koles kokres, kay kamell mandar či te djinell, dau i phagi, oun gar koles kokres, na-a ninna leskre čaven oun kolengre čaven yaake rah har triin, star familye, yek pal i vavar djivan.
19Kanna sike tiro baro lačepen oun biste ko djoungelo koova kal menshendar yaake har tou boud kope lengri doosh bistral ap o drom dran o them Egiptia bis kate.”
20Oun o baro Devel penas: “Me bistrau lengro djoungelo koova, yaake har tou kova mangal. 21Yek koova hi yaake čačo har me djivau, oun i tseli phoub pherdo miro raylepen vell: 22Kol tsele morsha, kay dikan miro raylepen oun ko baro oun zorelo koova, hoy krom an o them Egiptia oun an o moulo tato them, oun kaman boud kope gar te patsell, kay hom lentsa, oun shounan gar ap kova, hoy me penom, 23kolendar dikell kek ko them, kay lengre phourenge penom oun man sovel pre dom, te dap les lende. Vitar gar dikell kek ko them, kay rakras djoungeles pral mande. 24Kokres miro boudepaskro, o Kaleb, les hi i vavar dji oun djas mange hako tsiro palla, koles anau an ko them, an koleste yob vas. Leskre čavende oun čavengre čavende dau ko them. 25Kol Amalekarya oun kol Kanaanitarya, kay kanna kote djivenn, ačenn an o telstouno them.
Taysar rissrenn t'men trouyel oun djan pale an o moulo tato them ap ko drom pash o Baro Lolo Pani!”
I Israelitarya hounte ačenn star-deesh bersha an o moulo tato them
26Oun o baro Devel rakras o Moseha oun o Aroneha oun penas: 27“Har rah čingrenn kol čilače menshe ap mande? Me shounom, har kol Israelitarya djoungeles pral mande rakran. 28Doleske pen ap lende: Yaake čačo har kova hi, kay me djivau, penell o baro Devel, me kamau kova te krell t'mentsa, hoy t'mer glan mire kanda penan. 29T'mer merenn an kava moulo tato them. T'mer halauter, kay han biish bersha phouro oun phoureder, oun rakran djoungeles pral mande, 30čačepah, t'mer venn gar an ko them, kay me hadom miro vast oun dom man sovel, te nay djivenn koy dren. Kokres o Kaleb, koleskro dad o Yefunne hi, oun o Yosua, koleskro dad o Noun hi, kolla douy venn koy dren. 31T'mare čave, kolendar t'mer penan: Yon perenn an i vasta kolendar, kay kouram men mer, kolen anau an ko them, kay t'mer gar kaman. Ko them vell lengro. 32T'mer merenn an o moulo tato them. 33T'mer rikran t'men gar ap mire laba. Doleske hounte djan t'mare čave pengre firhentsa trouyel an o moulo tato them, star-deesh bersha, bis te ačell kek t'mendar bouder pral. 34Star-deesh divessa dikan t'men trouyel, har ko them hi, oun star-deesh bersha hounte hidjrenn t'mari doosh: yek bersh hako diveske, te hayvenn t'mer har kova hi, te tserdau miro vast t'mendar krik. 35Me, o baro Devel, penom kova, oun čačepah, kova kamau me ninna te krell kal tsele menshentsa, kay hadan pen ap mande. An kava moulo tato them merenn le, bis te kek lendar bouder koy hi.”
36-37Kol morshen, kay o Mose bičras, te dikenn le pen trouyel an o them, oun kay anan čilačo rakepen pre pral o them, har van le pale, oun kay kran i tsele menshen rhoyedo ap o Moseste, kolen das o baro Devel pengri phagi: Yon meran halauter ap yek kopo. 38Kokres o Yosua, koleskro dad o Noun hi, oun o Kaleb, koleskro dad o Yefunne hi, ačan djido kol morshendar, kay djan, te dikenn le pen trouyel, har ko them hi.
I Israelitarya krenn pal pengro shero
39Har o Mose kol laba ap kol tsele Israelitarya penas, his kol tsele menshenge ropaske. 40Oun yon djan taysarlake pral ap i berga, oun penan: “Mer anam doosh ap mende. Ake ham, oun kamah an ko them te djal, kolestar o baro Devel rakras.”
41O Mose penas: “Hoske kamenn t'mer gar ap o baro Debleskro lab te shounell? Kova djal gar mishto t'menge! 42O baro Devel hi gar pash t'mende. Djan gar koy pre, te venn t'mer gar maredo kolendar, kay kamenn t'maro merepen! 43Kol Amalekarya oun kol Kanaanitarya hi koy vergel tardo glan t'mende, oun t'mer venn moulo dino o rhareha. T'mer djan o baro Deblestar krik. Doleske hi lo gar t'mentsa.”
44Ninna te rakras yob yaake, kran yon pal pengro shero, oun djan pral ap i berga. O Mose ačas ap i platsa oun djas gar lentsa, vitar gar ko sonakaskro morhton, kay o Debleskre deesh laba dren hi. 45Koy van kol Amalekarya oun kol Kanaanitarya, kay ap i berga djivan, tele, oun dan len, oun lan len palla bis pash o foro Horma.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.