4. Mose 12
12
I Miryam lell i djoungelo nasslepen
1-2Koy rakras i Miryam oun o Aron djoungeles pral o Moseste oun penan: “Kova hi gar mishto, te las yob peske i romyat, kay hi i menshendar Koush. Rakras o baro Devel kokres ap o Moseste? Rakras lo mentsa gar?”
Oun o baro Devel shounas kova. 3O Mose his i mensho, kay kras pes gar bares. Kek mensho his ap i phoub, kay his yaake har o Mose oun hadas pes gar.
4Koy penas o baro Devel ap o Moseste oun ap o Aroneste oun ap i Miryam: “Djan vergel t'mer triin pash miro kheer!” Oun yon djan hake triin kote.
5Oun koy vas o baro Devel tele an i folka, oun djas an ko voudar glan o Debleskro kheer, oun kharas o Aron oun i Miryam. Oun kol douy djan kote. 6Oun yob penas: “Shounenn mire laba! Te bičrau me yekes pash t'mende, kay penell t'menge mire laba, sikrau leste čomone an i dikepen oun rakrau leha an sounya. 7O Moseha, koles miro čačo vast hi, krau gar yaake. Leste dom miro tselo kheer an o vast. 8Yaake har rakrell i mensho i vavareha, rakrau me leha, an laba, kay lo mishto hayvella oun gar an parmisse. Oun yob dikell man, o baro Debles, har hom. Hoske his t'men kek traash, te rakrenn djoungeles pral o Mose, koles miro čačo vast hi?”
9Oun o baro Debleskri rholi vas pral lende. Oun yob djas krik. 10Ninna koy folka pral o Debleskro kheer djas krik. Oun ap yek kopo vas i Miryam nasselo ap peskro mass, ko his parno har gib. Oun har rissras pes o Aron pash i Miryam oun dikas ko nasslepen ap lakro mass, 11penas yob ap o Moseste: “Miro Ray, mouk kay doosh gar ap mende te ačell! Kova his dinlepen, hoy mer kram, oun anam doosh ap mende. 12Kre, te vell i Miryam gar yaake har i ternepen, kay vas i datar moulo boldo, oun koleskro mass paash krik hi!”
13Oun o Mose das ap o baro Debleste gole: “Ah Devel, kre lat sasto!”
14O baro Devel penas ap o Moseste: “Te čoungrals lakro dad lat an o mouy, hounte ladjals yoy efta divessa. Moukenn lat kokres efta divessa vin glan koy platsa, kay i plarhtene khera hi! Pal kova lenn lat pale pash t'mende!”
15Yaake vas i Miryam vin anlo glan i platsa, kay i plarhtene khera hi, oun hounte ačas kote efta divessa. An ko tsiro djan i menshe gar doureder. Har nay vas i Miryam palpale, 16djan le doureder, moukan Hazerot pal pende, oun djivan an o moulo tato them Paran.
Currently Selected:
4. Mose 12: Sint-Man2024
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
4. Mose 12
12
I Miryam lell i djoungelo nasslepen
1-2Koy rakras i Miryam oun o Aron djoungeles pral o Moseste oun penan: “Kova hi gar mishto, te las yob peske i romyat, kay hi i menshendar Koush. Rakras o baro Devel kokres ap o Moseste? Rakras lo mentsa gar?”
Oun o baro Devel shounas kova. 3O Mose his i mensho, kay kras pes gar bares. Kek mensho his ap i phoub, kay his yaake har o Mose oun hadas pes gar.
4Koy penas o baro Devel ap o Moseste oun ap o Aroneste oun ap i Miryam: “Djan vergel t'mer triin pash miro kheer!” Oun yon djan hake triin kote.
5Oun koy vas o baro Devel tele an i folka, oun djas an ko voudar glan o Debleskro kheer, oun kharas o Aron oun i Miryam. Oun kol douy djan kote. 6Oun yob penas: “Shounenn mire laba! Te bičrau me yekes pash t'mende, kay penell t'menge mire laba, sikrau leste čomone an i dikepen oun rakrau leha an sounya. 7O Moseha, koles miro čačo vast hi, krau gar yaake. Leste dom miro tselo kheer an o vast. 8Yaake har rakrell i mensho i vavareha, rakrau me leha, an laba, kay lo mishto hayvella oun gar an parmisse. Oun yob dikell man, o baro Debles, har hom. Hoske his t'men kek traash, te rakrenn djoungeles pral o Mose, koles miro čačo vast hi?”
9Oun o baro Debleskri rholi vas pral lende. Oun yob djas krik. 10Ninna koy folka pral o Debleskro kheer djas krik. Oun ap yek kopo vas i Miryam nasselo ap peskro mass, ko his parno har gib. Oun har rissras pes o Aron pash i Miryam oun dikas ko nasslepen ap lakro mass, 11penas yob ap o Moseste: “Miro Ray, mouk kay doosh gar ap mende te ačell! Kova his dinlepen, hoy mer kram, oun anam doosh ap mende. 12Kre, te vell i Miryam gar yaake har i ternepen, kay vas i datar moulo boldo, oun koleskro mass paash krik hi!”
13Oun o Mose das ap o baro Debleste gole: “Ah Devel, kre lat sasto!”
14O baro Devel penas ap o Moseste: “Te čoungrals lakro dad lat an o mouy, hounte ladjals yoy efta divessa. Moukenn lat kokres efta divessa vin glan koy platsa, kay i plarhtene khera hi! Pal kova lenn lat pale pash t'mende!”
15Yaake vas i Miryam vin anlo glan i platsa, kay i plarhtene khera hi, oun hounte ačas kote efta divessa. An ko tsiro djan i menshe gar doureder. Har nay vas i Miryam palpale, 16djan le doureder, moukan Hazerot pal pende, oun djivan an o moulo tato them Paran.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.