3. Mose 15
15
Pale-čiddo koova ap i morsheste
1O baro Devel penas ap o Mose oun ap o Aron: 2Pen ap i Israelende: Te nashell čomone dran i morsheskro mass, palle hi lo pale-čiddo. 3Hi yek te nashell kova o tselo tsiro oder pale te pale; pale-čiddo hi lo. 4Hako čiben, ap koleste yob čiddo hi, oun haki beshepaskri, ap kolate yob beshdo hi, hi pale-čiddo. 5Koon koleskro čiben an-tapras, hounte thovell pes oun peskre koola, oun hi pale-čiddo bis te vell rati. 6Koon beshas pes ap čomone, kay ko nasselo beshdo his, kova hounte thovell pes oun peskre koola, oun hi pale-čiddo, bis te vell rati. 7Koon ko nasseles an-tapras, kova hounte thovell pes oun peskre koola, oun hi pale-čiddo bis te vell rati. 8Te čoungrell ko nasselo ap yekeste, kay gar pale-čiddo hi, hounte thovell pes kova oun ninna peskre koola, oun hi pale-čiddo, bis te vell rati. 9Ninna ko ledertikro kotar, ap koleste ko nasselo klissas, hi pale-čiddo. 10Koon čomone an-taprell, ap koleste ko nasselo čiddo oder beshdo his, vell pale-čiddo, bis te vell rati. Koon čomone hidjrell, ap koleste ko nasselo čiddo oder beshdo his, hounte thovell pes oun peskre koola, oun hi pale-čiddo, bis te vell rati. 11Te taprell ko nasselo yekes an, oun leskre vasta his gar thodo, palle hounte thovell pes kova, kay an-tapedo vas, oun peskre koola, oun hi pale-čiddo bis te vell rati. 12Kol čare, hoy dran čik kerdo hi, oun kolen ko nasselo an-tapras, hounte venn paash dino. Halauter, hoy dran kasht kerdo vas, oun kolestar an-tapedo vas, hounte vell an pani tele thodo.
13Te vell ko nasselo pale sasto, ginell#15:13 ou bien: tselevell lo peske efta divessa tele. Palle thovell lo peskre koola oun thovell pes djoudjo panyeha tele; palle hi lo pale erligo. 14Ap o orhtato dives anell lo douy divye taube oder douy vavar taube pash o rashayeste glan o voudar o plarhteno kherestar, kay o baro Devel djivell. 15Ko rashay marell koy yek, te vell ko pale-čiddo koova krik lino, oun koy vavar, te vell li tseles rhačedo o baro Debleske. Yaake krell o rashay, te vell ko morsh, kay dran peskro nasslepen pale-čiddo his, pale erligo glan o baro Debleste.
16Te djal i morsheske yek tele, palle thovell lo peskro tselo kerpro tele, oun yob vell pale-čiddo, bis te vell rati. 17Leskro tselo an-ripen oun haki ledertikro kotar, ap koleste kova vas, hounte vell tele thodo oun vell pale-čiddo bis te vell rati. 18Te sovell i morsh i djouvyah, oun leske djal yek tele, hounte thovenn pen kol douy, oun hi pale-čiddo, bis te vell rati.
Pale-čiddo koova ap i djouvyate
19Te hi i djouvyat peskri djouvyakro koova, palle ačell li efta divessa pale-čiddo. Hakeno, kay lat an-taprell, vell pale-čiddo, bis te vell rati. 20Oun halauter, kay li an kava tsiro pre čiddo oder beshdo his, hi pale-čiddo. 21Hakeno, kay lakro čiben an-taprell, hounte thovell pes oun peskre koola, oun ačell pale-čiddo, bis te vell rati. 22Hakeno, kay kova an-taprell, kay li pre-beshdo his, hounte thovell pes oun peskre koola oun ačell pale-čiddo, bis te vell rati. 23Oun koon čomone an-taprell, hoy kote čiddo his, kay li čiddo oder beshdo his, ačell pale-čiddo bis te vell rati. 24Te hi i morsh pash yekate čiddo, oun lat vell peskri djouvyakro koova, palle hi lo efta divessa pale-čiddo. Oun ko čiben, kay yob čiddo his, vell pale-čiddo.
25Te hi i djouvyat peskri djouvyakro koova boud divessa oder an i tsiro, kay hounte vell kova gar, palle hi li an kava tselo tsiro pale-čiddo. 26Hako čiben, kay li čiddo hi, oun hako koova, kay li pre-beshdo hi an ko tsiro, hi pale-čiddo. 27Kova, kay čomone kolestar an-taprell, kova hi pale-čiddo, oun hounte thovell pes oun peskre koola, oun ačell pale-čiddo bis te vell rati.
28Te vas li pale sasto oun ratell bouder gar, ginell#15:28 ou bien: tselevell li peske efta divessa tele, pal kolende hi li pale erligo. 29Ap o orhtato dives anell li douy divye taube oder douy vavar taube pash o rashayeste glan o voudar o Debleskro plarhteno kherestar. 30Ko rashay marell koy yek tauba, te vell o pale-čiddo koova krik lino, oun koy vavar, te vell li tseles rhačedo o baro Debleske. Yaake krell o rashay, te vell koy djouvel, kay ratas oun doleske pale-čiddo his, pale erligo.
31Oun o baro Devel penas ap o Mose oun ap o Aron: Denn i Israelitaryen trad, te ačenn le i kotar dour miro kherestar an ko tsiro, kay hi le pale-čiddo, te krenn le gar koy platsa pale-čiddo, kay me djivau mank lende, te merenn le gar.
32Pal kal laba hounte vell kerdo i morsheha, dran koleskro mass čomone vin nashell, oun koleske yek tele djal, yaake te vas lo pale-čiddo. 33Oun pal kal laba hounte vell kerdo i djouvyah, kolat peskri djouvyakro koova hi, oun i morsheha, kay sovell khetne i djouvyah, kolat peskri djouvyakro koova hi.
Currently Selected:
3. Mose 15: Sint-Man2024
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
3. Mose 15
15
Pale-čiddo koova ap i morsheste
1O baro Devel penas ap o Mose oun ap o Aron: 2Pen ap i Israelende: Te nashell čomone dran i morsheskro mass, palle hi lo pale-čiddo. 3Hi yek te nashell kova o tselo tsiro oder pale te pale; pale-čiddo hi lo. 4Hako čiben, ap koleste yob čiddo hi, oun haki beshepaskri, ap kolate yob beshdo hi, hi pale-čiddo. 5Koon koleskro čiben an-tapras, hounte thovell pes oun peskre koola, oun hi pale-čiddo bis te vell rati. 6Koon beshas pes ap čomone, kay ko nasselo beshdo his, kova hounte thovell pes oun peskre koola, oun hi pale-čiddo, bis te vell rati. 7Koon ko nasseles an-tapras, kova hounte thovell pes oun peskre koola, oun hi pale-čiddo bis te vell rati. 8Te čoungrell ko nasselo ap yekeste, kay gar pale-čiddo hi, hounte thovell pes kova oun ninna peskre koola, oun hi pale-čiddo, bis te vell rati. 9Ninna ko ledertikro kotar, ap koleste ko nasselo klissas, hi pale-čiddo. 10Koon čomone an-taprell, ap koleste ko nasselo čiddo oder beshdo his, vell pale-čiddo, bis te vell rati. Koon čomone hidjrell, ap koleste ko nasselo čiddo oder beshdo his, hounte thovell pes oun peskre koola, oun hi pale-čiddo, bis te vell rati. 11Te taprell ko nasselo yekes an, oun leskre vasta his gar thodo, palle hounte thovell pes kova, kay an-tapedo vas, oun peskre koola, oun hi pale-čiddo bis te vell rati. 12Kol čare, hoy dran čik kerdo hi, oun kolen ko nasselo an-tapras, hounte venn paash dino. Halauter, hoy dran kasht kerdo vas, oun kolestar an-tapedo vas, hounte vell an pani tele thodo.
13Te vell ko nasselo pale sasto, ginell#15:13 ou bien: tselevell lo peske efta divessa tele. Palle thovell lo peskre koola oun thovell pes djoudjo panyeha tele; palle hi lo pale erligo. 14Ap o orhtato dives anell lo douy divye taube oder douy vavar taube pash o rashayeste glan o voudar o plarhteno kherestar, kay o baro Devel djivell. 15Ko rashay marell koy yek, te vell ko pale-čiddo koova krik lino, oun koy vavar, te vell li tseles rhačedo o baro Debleske. Yaake krell o rashay, te vell ko morsh, kay dran peskro nasslepen pale-čiddo his, pale erligo glan o baro Debleste.
16Te djal i morsheske yek tele, palle thovell lo peskro tselo kerpro tele, oun yob vell pale-čiddo, bis te vell rati. 17Leskro tselo an-ripen oun haki ledertikro kotar, ap koleste kova vas, hounte vell tele thodo oun vell pale-čiddo bis te vell rati. 18Te sovell i morsh i djouvyah, oun leske djal yek tele, hounte thovenn pen kol douy, oun hi pale-čiddo, bis te vell rati.
Pale-čiddo koova ap i djouvyate
19Te hi i djouvyat peskri djouvyakro koova, palle ačell li efta divessa pale-čiddo. Hakeno, kay lat an-taprell, vell pale-čiddo, bis te vell rati. 20Oun halauter, kay li an kava tsiro pre čiddo oder beshdo his, hi pale-čiddo. 21Hakeno, kay lakro čiben an-taprell, hounte thovell pes oun peskre koola, oun ačell pale-čiddo, bis te vell rati. 22Hakeno, kay kova an-taprell, kay li pre-beshdo his, hounte thovell pes oun peskre koola oun ačell pale-čiddo, bis te vell rati. 23Oun koon čomone an-taprell, hoy kote čiddo his, kay li čiddo oder beshdo his, ačell pale-čiddo bis te vell rati. 24Te hi i morsh pash yekate čiddo, oun lat vell peskri djouvyakro koova, palle hi lo efta divessa pale-čiddo. Oun ko čiben, kay yob čiddo his, vell pale-čiddo.
25Te hi i djouvyat peskri djouvyakro koova boud divessa oder an i tsiro, kay hounte vell kova gar, palle hi li an kava tselo tsiro pale-čiddo. 26Hako čiben, kay li čiddo hi, oun hako koova, kay li pre-beshdo hi an ko tsiro, hi pale-čiddo. 27Kova, kay čomone kolestar an-taprell, kova hi pale-čiddo, oun hounte thovell pes oun peskre koola, oun ačell pale-čiddo bis te vell rati.
28Te vas li pale sasto oun ratell bouder gar, ginell#15:28 ou bien: tselevell li peske efta divessa tele, pal kolende hi li pale erligo. 29Ap o orhtato dives anell li douy divye taube oder douy vavar taube pash o rashayeste glan o voudar o Debleskro plarhteno kherestar. 30Ko rashay marell koy yek tauba, te vell o pale-čiddo koova krik lino, oun koy vavar, te vell li tseles rhačedo o baro Debleske. Yaake krell o rashay, te vell koy djouvel, kay ratas oun doleske pale-čiddo his, pale erligo.
31Oun o baro Devel penas ap o Mose oun ap o Aron: Denn i Israelitaryen trad, te ačenn le i kotar dour miro kherestar an ko tsiro, kay hi le pale-čiddo, te krenn le gar koy platsa pale-čiddo, kay me djivau mank lende, te merenn le gar.
32Pal kal laba hounte vell kerdo i morsheha, dran koleskro mass čomone vin nashell, oun koleske yek tele djal, yaake te vas lo pale-čiddo. 33Oun pal kal laba hounte vell kerdo i djouvyah, kolat peskri djouvyakro koova hi, oun i morsheha, kay sovell khetne i djouvyah, kolat peskri djouvyakro koova hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.