1. Mose 44
44
O Yosefeskro khoro vell čoredo
1Oun yob penas ap koleste, kay ap leskro kheer garda das: “Kre i gone kol morshendar pherdo djob, yaake boud har dren djala. Oun čip hakeneskre love pral an lengre gone! 2Oun miro roupeno khoro čip khetne lengre loventsa pral an o gono ko terneder morshestar!”
Oun ko rom kras, har o Yosef leske penas. 3Taysarlakro djan i morsha pengre bourikentsa penge. 4Har yon gar dour glan o foro his, penas o Yosef ap koleste, kay ap leskro kheer garda das: “Le sik kol morshen palla! Te tapreh len, pen ap lende: Hoske kran t'mer čilačo koova ap miro rayeste? Yob his lačo ap t'mende. 5T'mer čoran miro rayeskro roupeno khoro, dran koleste yob piyell oun dourkrell. Hi gar mishto, hoy kran!”
6Oun ko pralstouno pral o Yosefeskro kheer las len palla, tapras len oun penas kal laba ap lende.
7Kolla penan ap leste: “Hoske rakrell miro ray save laba? Savo koova kram mer gar. 8Kol love, hoy hatsam pral an mare gone, anam touke pale dran o them Kanaan. Hoske čorams dran tiro rayeskro kheer roup oun sonakay? 9Miro ray, tou te hatseh ko khoro pash yekeste mendar, nay deh les moulo! Oun mer vavar vah tire boudepangre.”
10“Mishto”, penas yob. “Mer krah yaake, har penan. Kova vell miro boudepaskro, kay hatsau o khoro pash leste. T'mer vavar nay djana.”
11Koy las hakeno sik peskro gono tele ap i phoub oun kras les pre. 12Oun yob rodas an o gono hakenestar: pash o phoureder bis pash o terneder. Oun yob hatsas o khoro an o Benyamineskro gono. 13Koy kran le pengre koola an kotya i doukatar. Oun hadan pengre gone pale ap i bourike oun djan pale an o foro.
14Oun o Youda djas peskre phralentsa an o Yosefeskro kheer. O Yosef his gomme koy. Oun yon vitsran pen glan leste ap i phoub. 15Oun o Yosef penas ap lende: “Havo čilačo koova kran t'mer? Djinenn gar, kay i rom har man, dourkrell nay?”
16Penas o Youda ap leste: “Hoy penas mer touke, miro ray? Har nay sikrah, kay hi men kek doosh an kava koova? O Devel dell men i phagi. Miro ray, mer ham kanna tire boudepangre: mer oun kova, kay hatsan o khoro pash leste.”
17Penas o Yosef: “Savo koova krau gar. Ko rom, kay hatsan o khoro pash leste, hounte vell miro boudepaskro. T'mer vavar nay djan an o lačepen khere pash t'maro dadeste.”
18Koy vas o Youda glan oun penas ap leste: “Mangau tout, miro ray, mouk man touha te rakrell! Ab gar rhoyedo ap mande, miro ray! Tou hal yaake baro har o baro ray pral o them Egiptia. 19Tou, miro ray, poučal mendar, har hams o vavar kopo kay: Hi t'men i dad, ninna i vavar phraal? 20Oun mer penam ap toute, miro ray: Men hi i phouro dad oun i terno phraal, kay boldo vas, har maro dad phouro his. Leskro phraal hi moulo. Oun yob kokres ačas pral peskri datar. Oun leskro dad kamell les i djiyestar. 21Oun tou, miro ray, penal ap mende: Anenn les pash mande, te dikap les! 22Oun mer penam ap toute, miro ray: Ko čavo moukell nay gar peskro dades. Moukell yob les, merell leskro dad. 23Koy penal tou, miro ray, ap mende: Te vell gar t'maro terneder phraal t'mentsa, kamau te dikap t'men gar pale.
24Har vam khere pash maro dadeste, penam leske tire laba, miro ray. 25Har maro dad penas Djan, ginenn menge rhapaske, penam mer: 26Te vell maro terneder phraal gar mentsa, nay djah gar. Te hi yob gar pash mende, nay vah gar glan ko romeskre yaka. 27Oun miro dad, penas ap mende: Djinenn, kay miri romni anas mange douy čaven ap i phoub. 28Ko yek djas peske mandar oun me penom mange: I divyo firho maras les. Oun me dikom les bouder gar pale bis kanna. 29Me hom i phouro rom. Te lenn t'mer ninna o douytes mandar oun te taprels les i bibarht, merau me i doukatar.
30Oun kanna, miro ray, te vau me pale pash miro dadeste, oun yob dikell, kay o čavo gar pash mande hi, merell yob i doukatar. 31Leskro dji hi pandlo ap ko čaveste. Man vals doosh, te merals maro phouro dad i doukatar. 32Miro ray, me dom miro vast koy pre, kay anau o čaves pale. Me penom ap miro dadeste: Te anau les touke gar pale, vell i doosh ap mande oun ačell ap mande, yaake rah har djivau! 33Doleske, mouk man te vap tiro boudepaskro, miro ray! Mouk kol čaves te djal peskre phralentsa! 34Me nay djau gar pash miro dadeste, te hi ko čavo gar pash mande. Me nay dikoms gar koy douk, hoy vell ap miro dadeste, te hi ko čavo gar pashel!”
Currently Selected:
1. Mose 44: Sint-Man2024
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
1. Mose 44
44
O Yosefeskro khoro vell čoredo
1Oun yob penas ap koleste, kay ap leskro kheer garda das: “Kre i gone kol morshendar pherdo djob, yaake boud har dren djala. Oun čip hakeneskre love pral an lengre gone! 2Oun miro roupeno khoro čip khetne lengre loventsa pral an o gono ko terneder morshestar!”
Oun ko rom kras, har o Yosef leske penas. 3Taysarlakro djan i morsha pengre bourikentsa penge. 4Har yon gar dour glan o foro his, penas o Yosef ap koleste, kay ap leskro kheer garda das: “Le sik kol morshen palla! Te tapreh len, pen ap lende: Hoske kran t'mer čilačo koova ap miro rayeste? Yob his lačo ap t'mende. 5T'mer čoran miro rayeskro roupeno khoro, dran koleste yob piyell oun dourkrell. Hi gar mishto, hoy kran!”
6Oun ko pralstouno pral o Yosefeskro kheer las len palla, tapras len oun penas kal laba ap lende.
7Kolla penan ap leste: “Hoske rakrell miro ray save laba? Savo koova kram mer gar. 8Kol love, hoy hatsam pral an mare gone, anam touke pale dran o them Kanaan. Hoske čorams dran tiro rayeskro kheer roup oun sonakay? 9Miro ray, tou te hatseh ko khoro pash yekeste mendar, nay deh les moulo! Oun mer vavar vah tire boudepangre.”
10“Mishto”, penas yob. “Mer krah yaake, har penan. Kova vell miro boudepaskro, kay hatsau o khoro pash leste. T'mer vavar nay djana.”
11Koy las hakeno sik peskro gono tele ap i phoub oun kras les pre. 12Oun yob rodas an o gono hakenestar: pash o phoureder bis pash o terneder. Oun yob hatsas o khoro an o Benyamineskro gono. 13Koy kran le pengre koola an kotya i doukatar. Oun hadan pengre gone pale ap i bourike oun djan pale an o foro.
14Oun o Youda djas peskre phralentsa an o Yosefeskro kheer. O Yosef his gomme koy. Oun yon vitsran pen glan leste ap i phoub. 15Oun o Yosef penas ap lende: “Havo čilačo koova kran t'mer? Djinenn gar, kay i rom har man, dourkrell nay?”
16Penas o Youda ap leste: “Hoy penas mer touke, miro ray? Har nay sikrah, kay hi men kek doosh an kava koova? O Devel dell men i phagi. Miro ray, mer ham kanna tire boudepangre: mer oun kova, kay hatsan o khoro pash leste.”
17Penas o Yosef: “Savo koova krau gar. Ko rom, kay hatsan o khoro pash leste, hounte vell miro boudepaskro. T'mer vavar nay djan an o lačepen khere pash t'maro dadeste.”
18Koy vas o Youda glan oun penas ap leste: “Mangau tout, miro ray, mouk man touha te rakrell! Ab gar rhoyedo ap mande, miro ray! Tou hal yaake baro har o baro ray pral o them Egiptia. 19Tou, miro ray, poučal mendar, har hams o vavar kopo kay: Hi t'men i dad, ninna i vavar phraal? 20Oun mer penam ap toute, miro ray: Men hi i phouro dad oun i terno phraal, kay boldo vas, har maro dad phouro his. Leskro phraal hi moulo. Oun yob kokres ačas pral peskri datar. Oun leskro dad kamell les i djiyestar. 21Oun tou, miro ray, penal ap mende: Anenn les pash mande, te dikap les! 22Oun mer penam ap toute, miro ray: Ko čavo moukell nay gar peskro dades. Moukell yob les, merell leskro dad. 23Koy penal tou, miro ray, ap mende: Te vell gar t'maro terneder phraal t'mentsa, kamau te dikap t'men gar pale.
24Har vam khere pash maro dadeste, penam leske tire laba, miro ray. 25Har maro dad penas Djan, ginenn menge rhapaske, penam mer: 26Te vell maro terneder phraal gar mentsa, nay djah gar. Te hi yob gar pash mende, nay vah gar glan ko romeskre yaka. 27Oun miro dad, penas ap mende: Djinenn, kay miri romni anas mange douy čaven ap i phoub. 28Ko yek djas peske mandar oun me penom mange: I divyo firho maras les. Oun me dikom les bouder gar pale bis kanna. 29Me hom i phouro rom. Te lenn t'mer ninna o douytes mandar oun te taprels les i bibarht, merau me i doukatar.
30Oun kanna, miro ray, te vau me pale pash miro dadeste, oun yob dikell, kay o čavo gar pash mande hi, merell yob i doukatar. 31Leskro dji hi pandlo ap ko čaveste. Man vals doosh, te merals maro phouro dad i doukatar. 32Miro ray, me dom miro vast koy pre, kay anau o čaves pale. Me penom ap miro dadeste: Te anau les touke gar pale, vell i doosh ap mande oun ačell ap mande, yaake rah har djivau! 33Doleske, mouk man te vap tiro boudepaskro, miro ray! Mouk kol čaves te djal peskre phralentsa! 34Me nay djau gar pash miro dadeste, te hi ko čavo gar pash mande. Me nay dikoms gar koy douk, hoy vell ap miro dadeste, te hi ko čavo gar pashel!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.