Galatarya 6
6
Yek hounte hidjrella kol vavareha, hoy an leskro dji leske doukrella
1Mire phrala, nay vell, kay krell yek t'mendar i čilačo koova. Anenn kol menshes pale ap o čačo drom! Rakrenn leha lačes! Yaake sikrenn t'mer, kay djivenn yaake, har o Debleskro Dourho kova kamella. Denn yak ap t'mende, te perenn t'mer gar ninna o Debleskro dromestar tele!
2Yek hounte dikell ap ko vavareste oun hidjrella leha, hoy an leskro dji leske doukrella. Yaake krenn t'mer kova, hoy o Yezous Kristo t'mendar kamella. 3Koon patsella, kay yob feteder hi har ko vavar, oun hi kova gar, kova rhorhell pes kokres.
4Hakeno hounte dikell ap peste, har yob djivella. Yaake nay sharell lo pes dran kova, hoy yob krella oun dikell gar ap i vavareste. 5Hakenes hi doha an peskro djipen, hoy hounte hidjrell lo.
6Yek te penell t'menge o Debleskro lab, palle hounte denn t'mer les kova, hoy les hounte vell djipaske.
7Ma patsenn, te krenn nay o Debleha, har t'mer kamenna! T'mer te krenn lačo koova, lenn t'mer lačo koova pale pale. T'mer te krenn čilačo koova, lenn t'mer čilačo koova pale pale. 8Koon krella, hoy leske kokres mishto hi, koleskro djipen ačell gar. Koon krella, hoy o Debleskro Dourho leske penella, kova lell o Debleskro djipen, hoy gar pre-herella.#6:8 Kova hi o Debleskro djipen.
9Dikas, te vas gar khino, te kras lačo koova. Vell ko tsiro, kay lah ninna lačo koova. 10Doleske kras lačo koova yaake boud, har krah nay, hake menshenge, boudeder kol patslenge.
O Paulo sharell ko troushel kokres, kay maro ray Yezous meras.
11Kanna činau bare laba. Koy pre dikenn t'mer, kay me kova činom miro vasteha.
12Kol morsha, kay kamenn zoryah, te moukenn t'men ap o mass te činell, kolla kamenn kol vavarende te sikrell, har lačo yon hi. Kova krenn le, te venn le gar palla lino. Te penans yon, kay o Yezous Kristeskro merepen ap o troushel kokres kova hi, hoy čivell men an o čačepen glan o Debleste, vans yon palla lino. 13Yon ninna, kay moukan pen ap o mass te činell, krenn gar lauter, hoy o Moseskre laba penenna. Doleske kamenn le, te moukenn t'men ap o mass te činell, yaake te sharenn yon pen glan i menshende.
14Me djinau yek: An kek tsiro kamau me te sharap man. Me sharau ko troushel kokres, kay maro ray, o Yezous Kristo, meras. Kanna hi mange kova lauter bouder či moldo, hoy i menshenge yaake boud moldo hi. Me nashau ko koova bouder gar palla.
15Hi či moldo, te hal tou ap o mass činlo. Hi vitar či moldo, te hal tou gar ap o mass činlo. Yek koova molella: O Devel kras dran mende neve menshe.
16Me kamoms, te dell o Devel peskri barht oun peskro kamlepen lauterende, kay rikrenn pen ap kal laba. Mou vell kova ninna ap i tsele Debleskre menshende an Israel! 17Ma krenn mange bouder kek douka! Man hi boud činepen ap mande, hoy sikrenna, kay vom o Yezouseske dino.
18Mire phrala, mangau maro rayestar, o Yezous Kristestar, te vell lo t'menge lačo. Amen.
Currently Selected:
Galatarya 6: Sint-Man2024
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Galatarya 6
6
Yek hounte hidjrella kol vavareha, hoy an leskro dji leske doukrella
1Mire phrala, nay vell, kay krell yek t'mendar i čilačo koova. Anenn kol menshes pale ap o čačo drom! Rakrenn leha lačes! Yaake sikrenn t'mer, kay djivenn yaake, har o Debleskro Dourho kova kamella. Denn yak ap t'mende, te perenn t'mer gar ninna o Debleskro dromestar tele!
2Yek hounte dikell ap ko vavareste oun hidjrella leha, hoy an leskro dji leske doukrella. Yaake krenn t'mer kova, hoy o Yezous Kristo t'mendar kamella. 3Koon patsella, kay yob feteder hi har ko vavar, oun hi kova gar, kova rhorhell pes kokres.
4Hakeno hounte dikell ap peste, har yob djivella. Yaake nay sharell lo pes dran kova, hoy yob krella oun dikell gar ap i vavareste. 5Hakenes hi doha an peskro djipen, hoy hounte hidjrell lo.
6Yek te penell t'menge o Debleskro lab, palle hounte denn t'mer les kova, hoy les hounte vell djipaske.
7Ma patsenn, te krenn nay o Debleha, har t'mer kamenna! T'mer te krenn lačo koova, lenn t'mer lačo koova pale pale. T'mer te krenn čilačo koova, lenn t'mer čilačo koova pale pale. 8Koon krella, hoy leske kokres mishto hi, koleskro djipen ačell gar. Koon krella, hoy o Debleskro Dourho leske penella, kova lell o Debleskro djipen, hoy gar pre-herella.#6:8 Kova hi o Debleskro djipen.
9Dikas, te vas gar khino, te kras lačo koova. Vell ko tsiro, kay lah ninna lačo koova. 10Doleske kras lačo koova yaake boud, har krah nay, hake menshenge, boudeder kol patslenge.
O Paulo sharell ko troushel kokres, kay maro ray Yezous meras.
11Kanna činau bare laba. Koy pre dikenn t'mer, kay me kova činom miro vasteha.
12Kol morsha, kay kamenn zoryah, te moukenn t'men ap o mass te činell, kolla kamenn kol vavarende te sikrell, har lačo yon hi. Kova krenn le, te venn le gar palla lino. Te penans yon, kay o Yezous Kristeskro merepen ap o troushel kokres kova hi, hoy čivell men an o čačepen glan o Debleste, vans yon palla lino. 13Yon ninna, kay moukan pen ap o mass te činell, krenn gar lauter, hoy o Moseskre laba penenna. Doleske kamenn le, te moukenn t'men ap o mass te činell, yaake te sharenn yon pen glan i menshende.
14Me djinau yek: An kek tsiro kamau me te sharap man. Me sharau ko troushel kokres, kay maro ray, o Yezous Kristo, meras. Kanna hi mange kova lauter bouder či moldo, hoy i menshenge yaake boud moldo hi. Me nashau ko koova bouder gar palla.
15Hi či moldo, te hal tou ap o mass činlo. Hi vitar či moldo, te hal tou gar ap o mass činlo. Yek koova molella: O Devel kras dran mende neve menshe.
16Me kamoms, te dell o Devel peskri barht oun peskro kamlepen lauterende, kay rikrenn pen ap kal laba. Mou vell kova ninna ap i tsele Debleskre menshende an Israel! 17Ma krenn mange bouder kek douka! Man hi boud činepen ap mande, hoy sikrenna, kay vom o Yezouseske dino.
18Mire phrala, mangau maro rayestar, o Yezous Kristestar, te vell lo t'menge lačo. Amen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.