2. Mose 37
37
O sonakaskro morhton#37:1 Dik an o labengro liil ko lab: sonakaskro morhton.
1Oun o Bezalel kras ko morhton dran akatstikro kasht, 125 (sheel-te-biish-te-panč) centimetarya lengsto, oun 75 (efta-desha-te-panč) centimetarya bourhlo oun ninna yaake pral. 2Dren oun vin čivas lo lačo sonakay pre, oun kras i sonakaskro pandepen trouyel. 3Oun yob kras star sonakangre goustria oun čivas len ap hake star herya, douy ap haki rig. 4Ninna kras lo lengste kashta dran akatstikro kasht, čivas sonakay troul lende, 5oun čivas len an kol goustria, yaake te nay hidjrenn le ko morhton trouyel. 6Oun yob kras o pralstouno kotar, hoy čakrell o morhton dran lačo sonakay. Kova his 125 (sheel-te-biish-te-panč) centimetarya lengsto oun 75 (efta-desha-te-panč) centimetarya bourhlo. 7-8Oun yob kras douy bolepangre#37:7-8 Ap hebretikes: keroubim; kolla hi bolepangre, kay hi len moussya har čirkle., hakenes dran yek kotar sonakay, oun čivas ko yekes glan ap o pralstouno kotar oun ko vavares palla ap o pralstouno kotar. 9Oun kol bolepangre hadan pengre moussya pre oun čakran lentsa o pralstouno kotar. Oun lengre shere dikan pen an. Oun lengre yaka dikan tella ap o pralstouno kotar.
O Debleskri rhapaskri
10Oun yob kras koy rhapaskri dran akatstikro kasht, yek metari lengsto, i paash metari bourhlo oun 75 (efta-desha-te-panč) centimetarya pral, 11oun čivas lačo sonakay troul late. Ninna čivas lo i sonakaskro pandepen troul late. 12Troul i rhapaskri čivas lo i tikno kasht ap haki rig, hoy i vast bourhlo hi. Oun troul ko tikno kasht vas ninna i sonakaskro pandepen. 13Oun yob kras star sonakangre goustria oun pandas len ap kol star herya, 14tel ko tikno kasht, hoy djal troul i rhapaskri, yaake te nay čivan le lengste kashta dren, te hidjrenn le koy rhapaskri. 15Oun yob činas kol lengste kashta dran akatstikro kasht, te nay hidjrenn le koy rhapaskri, oun čivas sonakay troul lende. 16#37:16 Dik an o labengro liil ko lab: momelengri. Kote dikeh, har koy momelengri nay vi-dikas.Oun yob kras ninna ko tselo koova, hoy ap i rhapaskri vell, dran lačo sonakay: čare oun khore, an kolende i mool o Debleske dren anlo vell.
I momelengri
17Oun yob kras koy momelengri dran yek kotar lačo sonakay: Lakro piro oun ko mashkralstouno kotar oun kol čare. Ap kolende hi bloume, save, hoy pandlo hi oun save, hoy pre hi. 18Shob moussya djan dran i momelengri vin, triin ap yek rig oun triin ap i vavar rig. 19Ap haki moussi hi triin čare, hoy vin dikenn har bloume, save, hoy pandlo hi oun save, hoy pre hi. 20Ap ko mashkralstouno kotar hi star čare, hoy vin dikenn har i bloume, save, hoy hi pandlo, oun save, hoy hi pre. 21Hako kopo hi yek blouma, hoy pandlo hi, tel douy kol shob moussyendar, hoy dran o mashkralstouno kotar vin djan. 22Oun kol bloume oun i moussya hi leha khetne kerdo dran yek kotar lačo sonakay.
23Oun ninna dran lačo sonakay kras lo kol efta momlia, lengre činepangre, kolentsa i dorya an i momlia tele činlo venna, oun i čare, kay i momelengri čik dren vella. 24Les hounte vas yek centnari lačo sonakay, te krell lo kay momelengri oun lakro tselo koova.
O sonakaskro bob
25Yob kras ninna i bob dran akatstikro kasht. Koy pre vell soungepaskro koova rhačedo. Ko bob his i paash metari lengsto oun ninna yaake bourhlo oun yek metari pral. Ap hake star rigya, kote, kay le khetne venna, vas i kotar vin, hoy vin dikella har i shing#37:25 shing horno . 26Yob čivas lačo sonakay troul o bob, pral pre oun ninna ap i star rigya oun ap i shinga. Oun čivas i sonakaskro pandepen troul o bob. 27Ap i douy rigya čivas lo douy sonakangre goustria tel o sonakaskro pandepen, te nay čivenn le lengste kashta dren oun yaake te hidjrenn le les. 28Oun kol lengste kashta kras lo dran akatstikro kasht, oun čivas sonakay troul lende.
29Oun yob kras o makepaskro djet, koleha yon o Debleskro koova dren makenn. Ninna kras lo ko kouč soungepaskro koova, hoy rhačedo vell. Kova lauter kras yob yaake har kolla, kay kova mishto hayvenna.
Currently Selected:
2. Mose 37: Sint-Man2024
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
