2. Mose 20
20
O Debleskre deesh laba
1Oun o Devel penas: 2Me, o baro Devel, hom tiro Devel, koon tout vin las dran o them Egiptia, kay tou i pandlo boudepaskro hals. 3Oun tout vell kek vavar Devel har man. 4Oun tou kress touke kek devel, hoy vi-dikell har čomone an o bolepen, vitar gar har čomone ap i phoub oun vitar gar har čomone an o baro pani.
5Tou vitsress tout gar glan i vavar debleste tele, oun mangess les gar an. Me, o baro Devel, hom tiro Devel, oun kamau, te kamess man kokres. Kolen, kay kamenn mandar či te djinell oun anenn doosh ap pende, dau me i phagi. Me dau ninna i phagi lengre čavende oun kolengre čavende yaake rah har triin-te-star familye yek pal i vavar djivenn. 6Lačepen oun kamlepen dau me ap kolende, hoy man o djiyestar kamenn oun krenn, hoy me penau. Ninna lengre čavenge, kay pal lende venna, hom lačo, yaake rah har i seri familye yek pal i vavar djivenn.
7Ma le miro lab baro Devel čičeske an tiro mouy! Me, o baro Devel, hom tiro Devel oun dau i phagi hakenes, koon kova krella.
8Ma biste, kay o eftato dives o Debleskro dives hi! 9Shob divessa dja ap tiri boudi oun kre tiri tseli boudi! 10O eftato dives hi mange, tiro baro Debleske. Ap ko dives kress tou kek boudi, vitar gar tire čave oun ča, vitar gar tiro boudepaskro oun tiri boudepaskretsa, vitar gar tire firhe, vitar gar kol vi-themarya, kay an tiro foro djivenna. 11An shob divessa kras o baro Devel o bolepen oun i phoub, o pani oun halauter, hoy koy dren hi. Oun o eftato dives kras lo či. Doleske penas lo: Kava dives hi i baro dives mange. Kava dives hi miro.
12Dik ap tiro dadeste oun ap tiri date, te djal lenge mishto. Yaake djiveh i rah djipen an ko them, hoy tout tiro baro Devel della.
13Ma mare kekes!
14Romeha, ma dja i vavar djouvyah! Romniya, ma dja i vavar morsheha!
15Ma čore!
16Ma an kek rhorhepen pre ap yekeste! 17Ma rode, har nay less tou kova touke, hoy i vavares hi: leskro kheer, leskri romni, boudepaskro, boudepaskretsa, groumni, bourika#20:17 bourika esla , či, hoy i vavares hi.
I Israelitarya hi dareno
18Oun i tsele Israelitarya shounan, har o bolepen gole das, oun dikan, har yag dran o bolepen tele karye das. Ninna shounan le, har yek ap i phourdepaskri phourdas, oun dikan i yagakro dourho. Oun har yon kava shounan oun dikan, nashan le penge oun ačan i kotar doureder tardo oun trissan i daryatar. 19Oun yon penan ap o Moseste: “Rake tou mentsa, oun mer kamah kova te shounell oun krell, hoy tou peneh. Mer kamah gar, te rakrell o Devel mentsa, te meras gar.”
20Koy penas o Mose: “Ma darenn! O Devel vas, te dikell lo, te krenn t'mer, hoy yob t'menge penas. Yob kamell te shounenn ap leste oun krenn kek čilačo koova.”
21Oun i menshe ačan i kotar doureder tardo. Oun o Mose djas pash koy kali folka, an koya o Devel his.
22Koy penas o baro Devel ap o Moseste: Yaake peness tou ap i tsele Israelitarya: T'mer dikan, te rakrom me dran o bolepen t'mentsa. 23Doleske krenn t'menge kek vavar debles, kek dran roup, vitar kek dran sonakay.
24Hi mange doha, te krenn mange i rhačepaskri#20:24 rhačepaskri altaro; dik an o labengro liil ko lab: Debleskri rhačepaskri. dran phoub! Koy pre anenn mange kol marede bakren oun groumyen, hoy rhačrenn tseles mange, ninna kolen, hoy mange marenn, te rhan t'mer lengro mass khetne glan mande. Kote, kay kamau, te mangenn man an, kote vau me pash t'mende oun dau t'men miri barht oun miri zoor.
25Te krenn t'mer mange i rhačepaskri dran barra, palle lenn i barra yaake, har hi le. Denn či lendar tele! Te vell i saster pral lende, hi le mange pale-čiddo. 26Čivenn i barra gar yaake pre, te nay dikell yek tel i ripya kolestar, kay djal i barra pre.
Currently Selected:
2. Mose 20: Sint-Man2024
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
2. Mose 20
20
O Debleskre deesh laba
1Oun o Devel penas: 2Me, o baro Devel, hom tiro Devel, koon tout vin las dran o them Egiptia, kay tou i pandlo boudepaskro hals. 3Oun tout vell kek vavar Devel har man. 4Oun tou kress touke kek devel, hoy vi-dikell har čomone an o bolepen, vitar gar har čomone ap i phoub oun vitar gar har čomone an o baro pani.
5Tou vitsress tout gar glan i vavar debleste tele, oun mangess les gar an. Me, o baro Devel, hom tiro Devel, oun kamau, te kamess man kokres. Kolen, kay kamenn mandar či te djinell oun anenn doosh ap pende, dau me i phagi. Me dau ninna i phagi lengre čavende oun kolengre čavende yaake rah har triin-te-star familye yek pal i vavar djivenn. 6Lačepen oun kamlepen dau me ap kolende, hoy man o djiyestar kamenn oun krenn, hoy me penau. Ninna lengre čavenge, kay pal lende venna, hom lačo, yaake rah har i seri familye yek pal i vavar djivenn.
7Ma le miro lab baro Devel čičeske an tiro mouy! Me, o baro Devel, hom tiro Devel oun dau i phagi hakenes, koon kova krella.
8Ma biste, kay o eftato dives o Debleskro dives hi! 9Shob divessa dja ap tiri boudi oun kre tiri tseli boudi! 10O eftato dives hi mange, tiro baro Debleske. Ap ko dives kress tou kek boudi, vitar gar tire čave oun ča, vitar gar tiro boudepaskro oun tiri boudepaskretsa, vitar gar tire firhe, vitar gar kol vi-themarya, kay an tiro foro djivenna. 11An shob divessa kras o baro Devel o bolepen oun i phoub, o pani oun halauter, hoy koy dren hi. Oun o eftato dives kras lo či. Doleske penas lo: Kava dives hi i baro dives mange. Kava dives hi miro.
12Dik ap tiro dadeste oun ap tiri date, te djal lenge mishto. Yaake djiveh i rah djipen an ko them, hoy tout tiro baro Devel della.
13Ma mare kekes!
14Romeha, ma dja i vavar djouvyah! Romniya, ma dja i vavar morsheha!
15Ma čore!
16Ma an kek rhorhepen pre ap yekeste! 17Ma rode, har nay less tou kova touke, hoy i vavares hi: leskro kheer, leskri romni, boudepaskro, boudepaskretsa, groumni, bourika#20:17 bourika esla , či, hoy i vavares hi.
I Israelitarya hi dareno
18Oun i tsele Israelitarya shounan, har o bolepen gole das, oun dikan, har yag dran o bolepen tele karye das. Ninna shounan le, har yek ap i phourdepaskri phourdas, oun dikan i yagakro dourho. Oun har yon kava shounan oun dikan, nashan le penge oun ačan i kotar doureder tardo oun trissan i daryatar. 19Oun yon penan ap o Moseste: “Rake tou mentsa, oun mer kamah kova te shounell oun krell, hoy tou peneh. Mer kamah gar, te rakrell o Devel mentsa, te meras gar.”
20Koy penas o Mose: “Ma darenn! O Devel vas, te dikell lo, te krenn t'mer, hoy yob t'menge penas. Yob kamell te shounenn ap leste oun krenn kek čilačo koova.”
21Oun i menshe ačan i kotar doureder tardo. Oun o Mose djas pash koy kali folka, an koya o Devel his.
22Koy penas o baro Devel ap o Moseste: Yaake peness tou ap i tsele Israelitarya: T'mer dikan, te rakrom me dran o bolepen t'mentsa. 23Doleske krenn t'menge kek vavar debles, kek dran roup, vitar kek dran sonakay.
24Hi mange doha, te krenn mange i rhačepaskri#20:24 rhačepaskri altaro; dik an o labengro liil ko lab: Debleskri rhačepaskri. dran phoub! Koy pre anenn mange kol marede bakren oun groumyen, hoy rhačrenn tseles mange, ninna kolen, hoy mange marenn, te rhan t'mer lengro mass khetne glan mande. Kote, kay kamau, te mangenn man an, kote vau me pash t'mende oun dau t'men miri barht oun miri zoor.
25Te krenn t'mer mange i rhačepaskri dran barra, palle lenn i barra yaake, har hi le. Denn či lendar tele! Te vell i saster pral lende, hi le mange pale-čiddo. 26Čivenn i barra gar yaake pre, te nay dikell yek tel i ripya kolestar, kay djal i barra pre.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.