2. Mose 18
18
O Yetro vell pash o Mose
1O rashay an o them Midian, – leskro lab his Yetro, his o Moseskri romyakro dad. Yob shounas kava lauter, hoy o baro Devel ap i tsele Israelitarya oun ap o Moseste kras, te las lo len dran o them Egiptia vin. 2Pash leste djivas o Moseskri romni, i Sefora. Kolat bičras o Mose pale pash lakro dadeste, har djas lo pash o Farao. Kanna kras pes o Yetro ap o drom, las peskri čat Sefora peha, 3lakre douy morsh čaventsa. Ko yek kharas Gershon. Har kova boldo vas, penas o Mose: “Me vom i vi-themari an o vi-them.” Doleske kharas lo les Gershon#18:3 Gershon kharella: vi-themari . 4Ko vavar kharas Eliyeser#18:4 Eliyeser kharella: O Devel vas ap miri rig.. Har kava boldo vas, penas o Mose: “O Devel miro dadestar vas ap miri rig. Yob las man vin dran o vast o Faraestar, kay kamas man moulo te dell.”
5Kanna vas o Yetro o Moseskre čaventsa oun leskri romni an o moulo tato them pash i Debleskri berga, kay i Israelitarya beshdo hi. 6Oun yob moukas o Moseske te penell: “Me, o Yetro, tiri romyakro dad, vau pash toute. Oun tiri romni oun tire čave hi pash mande.”
7Kote djas o Mose vin pash leste, djas ap i čanga glan leste oun čoumras les. Oun yon poučan yek o vavarestar, har lenge djala. 8Oun o Mose penas peskri romyakro dad lauter, hoy o baro Devel ap o Faraeste oun ap i tsele Egiptarya kras, har las lo i Israelitarya vin. Ninna penas lo leske, har phares his ap o drom oun har o baro Devel pale te pale ap lengri rig vas.
9Kote vas o Yetro barhtelo pral ko tselo lačepen, hoy o baro Devel ap i Israelitarya kras, te las lo len dran o vast i Egiptarendar vin. 10Oun o Yetro penas: “Me sharau o baro Debles, kay las t'men vin dran o vast i Egiptarendar oun dran o vast o Faraestar. 11Kanna hayvom, te hi o baro Devel bareder har hako vavar devel. Yob las i Israelitarya vin dran o vast i Egiptarendar, kay kran pen bares pral lende.”
12Oun o Yetro las i firho, hoy yob o Debleske maras oun tseles rhačras, oun ninna vavar firhe, hoy yob maras, te rhan le len khetne glan o Debleste. Oun o Aron oun i tsele phoureder dran Israel van oun rhan khetne o Moseskri romyakro dadeha kote, kay yon o Debles an-mangan.
O Mose čivell čačepangre morshen pral i Israelitarya
13O vavar dives beshas pes o Mose tele, te rakrell lo o čačepen pral i Israelitarya vin. Oun o tselo dives his i menshe kote troul leste tardo. 14Har o Moseskri romyakro dad kova dikas, hoy o Mose i tsele menshenge kras, penas yob: “Hoy hi kava, hoy tou kate kreh? Hoske hal tou kokres o čačepaskro ray kol boud menshenge? Oun i tsele menshe hounte venn pash toute tardo o tselo dives!”
15Oun o Mose penas ap leste: “I menshe venn pash mande, te nay poučenn le o Deblestar, hoy yob lendar kamella. 16Te hi len čingepen mashkral pende pral i koova, palle venn yon pash mande. Oun me penau lenge, hoy te krenn le, yaake har o Devel lendar kamella oun lenge penell.”
17Kote penas leskri romyakro dad: “Kava, hoy tou kate kreh, hi gar mishto. 18Tou mareh tout tele oun kol tsele menshen, kay troul toute hi. Kay boudi hi yaake baro, te nay krell lat kek kokres. 19Shoun ap mande: Me kamau touke te penell, hoy te kress. Oun tiro Devel vell ninna touha. Ab tou lenge glan o Debleste oun mang lestar, hoy len hounte vell. 20Oun sike tou len, hoy o Devel kamella oun lenge penella, te djan le ap leskro drom oun krenn, hoy yob lendar kamella.
21Tou, rode touke dran i tsele menshende čače morshen vin, hoy ap o Debleste shounenna, save morsha, hoy pengro lab rikrenna, oun kekes i lovenge rhorhenna! Oun kolen čip pral i Israelitarya! Kre pralstunen lendar pral i zerya, vavaren pral i sheel, oun pale pral i paash-sheel oun pral deesh. 22Kolla venn i čačepangre morsha, kay rakrenn hako tsiro o čačepen pral i menshende vin. Pral hako tikno čingepen rakrenn yon kokres o čačepen vin. Oun o baro koova anenn le glan toute. Yaake vell touke gar yaake phares, oun yon hidjrenna touha khetne.
23Te kreh tou kova yaake, palle hi touke koy boudi gar yaake pharo, hoy o Devel tout das. Oun i tsele Israelitarya nay djan khere i čalo djiyeha.”
24Oun o Mose shounas ap peskri romyakro dad oun kras lauter, hoy yob leske penas.
25Yaake rodas o Mose peske čače morshen vin oun kras lendar pralstoune pral i Israelitarya: Pralstoune pral i zerya oun pralstoune pral i sheel, ninna pral i paash-sheel oun pral deesh. 26Kolla rakran pral i menshende o čačepen vin. Pral i tikno čingepen rakran yon kokres o čačepen vin. Oun o bareder koova anan le glan o Mose.
27Palle moukas o Mose peskri romyakro dad pale te djal. Oun kova djas pale pale an peskro them.
Currently Selected:
2. Mose 18: Sint-Man2024
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
2. Mose 18
18
O Yetro vell pash o Mose
1O rashay an o them Midian, – leskro lab his Yetro, his o Moseskri romyakro dad. Yob shounas kava lauter, hoy o baro Devel ap i tsele Israelitarya oun ap o Moseste kras, te las lo len dran o them Egiptia vin. 2Pash leste djivas o Moseskri romni, i Sefora. Kolat bičras o Mose pale pash lakro dadeste, har djas lo pash o Farao. Kanna kras pes o Yetro ap o drom, las peskri čat Sefora peha, 3lakre douy morsh čaventsa. Ko yek kharas Gershon. Har kova boldo vas, penas o Mose: “Me vom i vi-themari an o vi-them.” Doleske kharas lo les Gershon#18:3 Gershon kharella: vi-themari . 4Ko vavar kharas Eliyeser#18:4 Eliyeser kharella: O Devel vas ap miri rig.. Har kava boldo vas, penas o Mose: “O Devel miro dadestar vas ap miri rig. Yob las man vin dran o vast o Faraestar, kay kamas man moulo te dell.”
5Kanna vas o Yetro o Moseskre čaventsa oun leskri romni an o moulo tato them pash i Debleskri berga, kay i Israelitarya beshdo hi. 6Oun yob moukas o Moseske te penell: “Me, o Yetro, tiri romyakro dad, vau pash toute. Oun tiri romni oun tire čave hi pash mande.”
7Kote djas o Mose vin pash leste, djas ap i čanga glan leste oun čoumras les. Oun yon poučan yek o vavarestar, har lenge djala. 8Oun o Mose penas peskri romyakro dad lauter, hoy o baro Devel ap o Faraeste oun ap i tsele Egiptarya kras, har las lo i Israelitarya vin. Ninna penas lo leske, har phares his ap o drom oun har o baro Devel pale te pale ap lengri rig vas.
9Kote vas o Yetro barhtelo pral ko tselo lačepen, hoy o baro Devel ap i Israelitarya kras, te las lo len dran o vast i Egiptarendar vin. 10Oun o Yetro penas: “Me sharau o baro Debles, kay las t'men vin dran o vast i Egiptarendar oun dran o vast o Faraestar. 11Kanna hayvom, te hi o baro Devel bareder har hako vavar devel. Yob las i Israelitarya vin dran o vast i Egiptarendar, kay kran pen bares pral lende.”
12Oun o Yetro las i firho, hoy yob o Debleske maras oun tseles rhačras, oun ninna vavar firhe, hoy yob maras, te rhan le len khetne glan o Debleste. Oun o Aron oun i tsele phoureder dran Israel van oun rhan khetne o Moseskri romyakro dadeha kote, kay yon o Debles an-mangan.
O Mose čivell čačepangre morshen pral i Israelitarya
13O vavar dives beshas pes o Mose tele, te rakrell lo o čačepen pral i Israelitarya vin. Oun o tselo dives his i menshe kote troul leste tardo. 14Har o Moseskri romyakro dad kova dikas, hoy o Mose i tsele menshenge kras, penas yob: “Hoy hi kava, hoy tou kate kreh? Hoske hal tou kokres o čačepaskro ray kol boud menshenge? Oun i tsele menshe hounte venn pash toute tardo o tselo dives!”
15Oun o Mose penas ap leste: “I menshe venn pash mande, te nay poučenn le o Deblestar, hoy yob lendar kamella. 16Te hi len čingepen mashkral pende pral i koova, palle venn yon pash mande. Oun me penau lenge, hoy te krenn le, yaake har o Devel lendar kamella oun lenge penell.”
17Kote penas leskri romyakro dad: “Kava, hoy tou kate kreh, hi gar mishto. 18Tou mareh tout tele oun kol tsele menshen, kay troul toute hi. Kay boudi hi yaake baro, te nay krell lat kek kokres. 19Shoun ap mande: Me kamau touke te penell, hoy te kress. Oun tiro Devel vell ninna touha. Ab tou lenge glan o Debleste oun mang lestar, hoy len hounte vell. 20Oun sike tou len, hoy o Devel kamella oun lenge penella, te djan le ap leskro drom oun krenn, hoy yob lendar kamella.
21Tou, rode touke dran i tsele menshende čače morshen vin, hoy ap o Debleste shounenna, save morsha, hoy pengro lab rikrenna, oun kekes i lovenge rhorhenna! Oun kolen čip pral i Israelitarya! Kre pralstunen lendar pral i zerya, vavaren pral i sheel, oun pale pral i paash-sheel oun pral deesh. 22Kolla venn i čačepangre morsha, kay rakrenn hako tsiro o čačepen pral i menshende vin. Pral hako tikno čingepen rakrenn yon kokres o čačepen vin. Oun o baro koova anenn le glan toute. Yaake vell touke gar yaake phares, oun yon hidjrenna touha khetne.
23Te kreh tou kova yaake, palle hi touke koy boudi gar yaake pharo, hoy o Devel tout das. Oun i tsele Israelitarya nay djan khere i čalo djiyeha.”
24Oun o Mose shounas ap peskri romyakro dad oun kras lauter, hoy yob leske penas.
25Yaake rodas o Mose peske čače morshen vin oun kras lendar pralstoune pral i Israelitarya: Pralstoune pral i zerya oun pralstoune pral i sheel, ninna pral i paash-sheel oun pral deesh. 26Kolla rakran pral i menshende o čačepen vin. Pral i tikno čingepen rakran yon kokres o čačepen vin. Oun o bareder koova anan le glan o Mose.
27Palle moukas o Mose peskri romyakro dad pale te djal. Oun kova djas pale pale an peskro them.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.