2. Mose 16
16
O baro Devel dell maro dran o bolepen
1An o douyto čon, ap o deesh-te-pančto dives pal ko dives, kay yon penge dran o them Egiptia djan, moukan le koy platsa Elim oun djan doureder. Oun i tsele Israelitarya van an o moulo tato them Sin. Kova hi mashkral Elim oun i berga Sinay. 2Kote an o moulo tato them van le rhoyedo ap o Moseste oun o Aroneste. 3Oun yon penan: “Vals feteder, te dals men o baro Devel moulo an o them Egiptia, har hams beshdo pash i pirya pherdo mass, oun kay his men doha maro, te nay rham men čalo. T'mer anan men kate an o moulo tato them, te meras halauter i bokatar.”
4Kote rakras o baro Devel ap o Moseste: “Me moukau t'menge maro dran o bolepen tele te perell. Pen i menshenge te djan le hako dives vin, te lenn le penge yaake boud, har yon an yek dives nay rhan. Yaake nay dikap me palla, te kamenn le čačepah pal miro lab te djivell. 5Ap o shobto dives lenn le douy kope yaake boud khetne har hako dives oun pekenn les.”
6Oun o Mose oun o Aron penan ap i tsele Israelitarya: “Kava dives ap i rat dikenn t'mer, te hi kova o baro Devel, kay las t'men vin dran o them Egiptia. 7Oun taysarlakro dikenn t'mer o raylepen o baro Deblestar. Yob shounas, har t'mer t'men ap leste rhoyran. Har rhoyran t'men ap mende, rhoyran t'men čačepah ap leste, gar ap mende. Hoy ham mer, te rhoyrenn t'men ap mende?”
8Palle penas o Mose: “Ap i rat dell lo t'men mass oun taysarlakro yaake boud maro, te venn čalo. O baro Devel shounas, har rhoyran t'men ap leste. Koon ham mer? Gar ap mende rhoyran t'men, na-a, han rhoyedo ap o baro Debleste.”
9Oun o Mose penas ap o Aroneste: “Pen ap i tsele Israelitarya: Avenn glan o baro Debleste! Yob shounas t'mari rholi.”
10Har o Aron ap i tsele Israelitarya rakras, dikas hakeno kote, kay o moulo tato them hi. Oun ap yek kopo vas o raylepen o baro Deblestar an i folka diklo.
11Oun o baro Devel rakras ap o Moseste oun penas: 12“Me shounom, har rhoyedo i Israelitarya his. Rake ap lende oun pen: An i rat rhan t'mer mass. Oun taysarlakro rhan t'mer t'men čalo ap o maro, te dikenn, te hom me t'maro baro Devel.”
13Oun har i rat vas, van pesse čirkle, oun van tele ap i tseli platsa. Oun taysarlakro his i phoub sapeno troul i tseli platsa. 14Oun har o kham vas, oun i phoub bouder gar sapeno his, his tikne sane kotya ap i phoub čiddo, hoy dikan vin har tikne kotya djayedo pani.
15Kava dikan i Israelitarya oun penan yek ap o vavareste: “Hoy hi kava?” Yon djinan gar, hoy kova hi.
O Mose penas ap lende: “Kava hi ko maro, hoy o baro Devel t'menge bičras. 16Oun kava hi o lab o baro Deblestar, hoy hounte rikrenn: Hakeno lell yaake boud khetne, har yob nay rhala. I khoro yekeske an t'mare familye.”
17Oun yaake kran i tsele Israelitarya, oun lan khetne, ko yek boud oun ko vavar gar yaake boud. 18Har yon palla dikan, har boud hakeno khetne las, his koles, kay boud khetne las, gar boudeder har les hounte vals. Oun koles, kay gar boud khetne las, his ninna doha. Hakenes his yaake boud, har les hounte vell rhapaske.
19Oun o Mose penas ap lende: “Kek t'mendar hadell čomone pre pral i rat.”
20His save koy, kay shounan gar ap o Moseste oun moukan čomone pral o vavar diveske. Kova vas lauter khandlo, oun kirme his dren. Oun o Mose rhoyras pes pral lende.
21Oun hako dives taysarlakro djan le vin oun lan o maro khetne, yaake boud har yek nay rhal. Pal i tsiro, har o kham tateder vas, nashas kova har pani.
22Ap o shobto dives lan le douy kope yaake boud maro khetne: douy khore yekeske. Oun i tsele pralstoune pral i Israelitarya van pash o Moseste oun penan kova leske.
23Oun yob penas ap lende: “Kava hi, hoy o baro Devel penas: Taysar hi i dives, kay vell kek boudi kerdo. Kova hi i dives o baro Debleske, te vell yob sharedo. Kava maro, hoy kamenn te pekell, kova pekenn! Kova, hoy kamenn te kerell an o pani, kova kerenn an o pani! Lauter, hoy pral ačella, hadenn pre i taysarlake!”
24Kote hadan le pre o vavar diveske taysarlakro, yaake har o Mose penas. Oun či khandas oun kek kirmo vas dren.
25O Mose penas: “Rhan les kava dives! Kava dives hi o baro Debleskro dives. Kava dives hatsenn t'mer kek maro vin. 26Shob divessa lenn t'men maro khetne! O eftato dives hi o Debleskro dives. Ap ko dives dell kek maro.”
27Har o eftato dives vas, his save koy, kay djan vin, te lenn le maro khetne. Yon hatsan či. 28Kote rakras o baro Devel ap o Moseste: “Har rah krenn t'mer kova gar, hoy me t'menge penau, oun djivenn gar yaake, har me t'menge penom? 29Dom me, o baro Devel, t'men gar o Debleskro dives? Doleske dau me t'men ap o shobto dives doha maro, te nay rhan les douy divessa. Yaake ačell hakeno t'mendar khere. Kek moukell ap o eftato dives i platsa, kay lo khere hi.” 30Yaake kran i tsele Israelitarya či ap ko dives.
31Oun i Israelitarya dan ko maro o lab Manna. Oun yob his har tikno parno djob, oun lačo har i merkli, kay gvin#16:31 gvin honigo dren hi.
32Oun o Mose penas: “Kava hi, hoy o baro Devel menge penas, te kras mer: Yek khoro pherdo vell pre hadedo mare menshenge, kay pal mende venna. Yaake nay dikenn le o maro, hoy das lo men te rhal an o moulo tato them, har anas lo men dran o them Egiptia.”
33Oun o Mose penas ap o Aroneste: “Le i khoro oun čip yaake boud Manna dren, har yek morsh ap yek dives rhal. Oun čip ko khoro glan o baro Debleste tardo, te dikenn les t'mare čave, kay pal t'mende venna.”
34Yaake har o baro Devel o Moseske penas, čivas o Aron ko khoro glan o sonakaskro morhton#16:34 morhton kista , kay o Debleskre deesh laba dren hi, te ačell ko khoro koy.
35Oun i Israelitarya rhan ko Manna star-deesh bersha, yaake rah bis te van le pash ko them Kanaan. 36Kova, hoy hakeno ap yek dives rhas his i khoro pherdo. Kova hi yaake douy litarya.
Currently Selected:
2. Mose 16: Sint-Man2024
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
2. Mose 16
16
O baro Devel dell maro dran o bolepen
1An o douyto čon, ap o deesh-te-pančto dives pal ko dives, kay yon penge dran o them Egiptia djan, moukan le koy platsa Elim oun djan doureder. Oun i tsele Israelitarya van an o moulo tato them Sin. Kova hi mashkral Elim oun i berga Sinay. 2Kote an o moulo tato them van le rhoyedo ap o Moseste oun o Aroneste. 3Oun yon penan: “Vals feteder, te dals men o baro Devel moulo an o them Egiptia, har hams beshdo pash i pirya pherdo mass, oun kay his men doha maro, te nay rham men čalo. T'mer anan men kate an o moulo tato them, te meras halauter i bokatar.”
4Kote rakras o baro Devel ap o Moseste: “Me moukau t'menge maro dran o bolepen tele te perell. Pen i menshenge te djan le hako dives vin, te lenn le penge yaake boud, har yon an yek dives nay rhan. Yaake nay dikap me palla, te kamenn le čačepah pal miro lab te djivell. 5Ap o shobto dives lenn le douy kope yaake boud khetne har hako dives oun pekenn les.”
6Oun o Mose oun o Aron penan ap i tsele Israelitarya: “Kava dives ap i rat dikenn t'mer, te hi kova o baro Devel, kay las t'men vin dran o them Egiptia. 7Oun taysarlakro dikenn t'mer o raylepen o baro Deblestar. Yob shounas, har t'mer t'men ap leste rhoyran. Har rhoyran t'men ap mende, rhoyran t'men čačepah ap leste, gar ap mende. Hoy ham mer, te rhoyrenn t'men ap mende?”
8Palle penas o Mose: “Ap i rat dell lo t'men mass oun taysarlakro yaake boud maro, te venn čalo. O baro Devel shounas, har rhoyran t'men ap leste. Koon ham mer? Gar ap mende rhoyran t'men, na-a, han rhoyedo ap o baro Debleste.”
9Oun o Mose penas ap o Aroneste: “Pen ap i tsele Israelitarya: Avenn glan o baro Debleste! Yob shounas t'mari rholi.”
10Har o Aron ap i tsele Israelitarya rakras, dikas hakeno kote, kay o moulo tato them hi. Oun ap yek kopo vas o raylepen o baro Deblestar an i folka diklo.
11Oun o baro Devel rakras ap o Moseste oun penas: 12“Me shounom, har rhoyedo i Israelitarya his. Rake ap lende oun pen: An i rat rhan t'mer mass. Oun taysarlakro rhan t'mer t'men čalo ap o maro, te dikenn, te hom me t'maro baro Devel.”
13Oun har i rat vas, van pesse čirkle, oun van tele ap i tseli platsa. Oun taysarlakro his i phoub sapeno troul i tseli platsa. 14Oun har o kham vas, oun i phoub bouder gar sapeno his, his tikne sane kotya ap i phoub čiddo, hoy dikan vin har tikne kotya djayedo pani.
15Kava dikan i Israelitarya oun penan yek ap o vavareste: “Hoy hi kava?” Yon djinan gar, hoy kova hi.
O Mose penas ap lende: “Kava hi ko maro, hoy o baro Devel t'menge bičras. 16Oun kava hi o lab o baro Deblestar, hoy hounte rikrenn: Hakeno lell yaake boud khetne, har yob nay rhala. I khoro yekeske an t'mare familye.”
17Oun yaake kran i tsele Israelitarya, oun lan khetne, ko yek boud oun ko vavar gar yaake boud. 18Har yon palla dikan, har boud hakeno khetne las, his koles, kay boud khetne las, gar boudeder har les hounte vals. Oun koles, kay gar boud khetne las, his ninna doha. Hakenes his yaake boud, har les hounte vell rhapaske.
19Oun o Mose penas ap lende: “Kek t'mendar hadell čomone pre pral i rat.”
20His save koy, kay shounan gar ap o Moseste oun moukan čomone pral o vavar diveske. Kova vas lauter khandlo, oun kirme his dren. Oun o Mose rhoyras pes pral lende.
21Oun hako dives taysarlakro djan le vin oun lan o maro khetne, yaake boud har yek nay rhal. Pal i tsiro, har o kham tateder vas, nashas kova har pani.
22Ap o shobto dives lan le douy kope yaake boud maro khetne: douy khore yekeske. Oun i tsele pralstoune pral i Israelitarya van pash o Moseste oun penan kova leske.
23Oun yob penas ap lende: “Kava hi, hoy o baro Devel penas: Taysar hi i dives, kay vell kek boudi kerdo. Kova hi i dives o baro Debleske, te vell yob sharedo. Kava maro, hoy kamenn te pekell, kova pekenn! Kova, hoy kamenn te kerell an o pani, kova kerenn an o pani! Lauter, hoy pral ačella, hadenn pre i taysarlake!”
24Kote hadan le pre o vavar diveske taysarlakro, yaake har o Mose penas. Oun či khandas oun kek kirmo vas dren.
25O Mose penas: “Rhan les kava dives! Kava dives hi o baro Debleskro dives. Kava dives hatsenn t'mer kek maro vin. 26Shob divessa lenn t'men maro khetne! O eftato dives hi o Debleskro dives. Ap ko dives dell kek maro.”
27Har o eftato dives vas, his save koy, kay djan vin, te lenn le maro khetne. Yon hatsan či. 28Kote rakras o baro Devel ap o Moseste: “Har rah krenn t'mer kova gar, hoy me t'menge penau, oun djivenn gar yaake, har me t'menge penom? 29Dom me, o baro Devel, t'men gar o Debleskro dives? Doleske dau me t'men ap o shobto dives doha maro, te nay rhan les douy divessa. Yaake ačell hakeno t'mendar khere. Kek moukell ap o eftato dives i platsa, kay lo khere hi.” 30Yaake kran i tsele Israelitarya či ap ko dives.
31Oun i Israelitarya dan ko maro o lab Manna. Oun yob his har tikno parno djob, oun lačo har i merkli, kay gvin#16:31 gvin honigo dren hi.
32Oun o Mose penas: “Kava hi, hoy o baro Devel menge penas, te kras mer: Yek khoro pherdo vell pre hadedo mare menshenge, kay pal mende venna. Yaake nay dikenn le o maro, hoy das lo men te rhal an o moulo tato them, har anas lo men dran o them Egiptia.”
33Oun o Mose penas ap o Aroneste: “Le i khoro oun čip yaake boud Manna dren, har yek morsh ap yek dives rhal. Oun čip ko khoro glan o baro Debleste tardo, te dikenn les t'mare čave, kay pal t'mende venna.”
34Yaake har o baro Devel o Moseske penas, čivas o Aron ko khoro glan o sonakaskro morhton#16:34 morhton kista , kay o Debleskre deesh laba dren hi, te ačell ko khoro koy.
35Oun i Israelitarya rhan ko Manna star-deesh bersha, yaake rah bis te van le pash ko them Kanaan. 36Kova, hoy hakeno ap yek dives rhas his i khoro pherdo. Kova hi yaake douy litarya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.