Efesarya 3
3
O Paulo boudrell o Debleske mashkral kolende, kay kek bibolde hi
1-2Doleske bičras o Yezous Kristo man, o Paules, pash t'mende, kay kek bibolde han. Dran kova hom me kanna an o stilepen. T'mer shounan, har das man o Devel miri boudi, te penap kolenge, kay kek bibolde hi, har baro leskro lačepen ninna lenge hi. 3Kova djinan i menshe gar. An kava tikno liil činom t'menge, hoy sikras man o Devel pral kova. 4Te draverenn#3:4 draverenn leserenn t'mer miro liil, palle hayvenn, kay prindjrau kova, hoy o Yezous Kristo menge kras.
5An o phouro tsiro djinan i menshe kova gar. Kanna djinenn les o Debleskre bičepangre oun rakepangre. Lenge čivas les o Debleskro Dourho an o dji. 6Yob sikras len, te nay venn ninna kolla o Debleskre čave, kay kek bibolde hi, te djivenn le leha khetne. O lačo lab o Yezous Kristestar hi ninna lenge, yaake har o Devel glan i rah tsiro penas. 7Kava lačo lab penau i menshenge. O Devel his mange lačo, te das lo man kay boudi. Ninna das lo man i zoor, te krap kova. 8Ninna te hom me o tikneder kol tsele patslendar, das lo man koy shoukar boudi, te djap pash kolende, kay hi kek bibolde, te penap lenge, havo baro bravlepen o Yezous Kristes lenge hi, 9oun te sikrap lauterende, har kras o Devel kova, hoy his les an o dji. Kova djinan i menshe i rah tsiro gar. O Devel kokres, kay kras o bolepen oun i phoub, djinas les.
10Kanna dikenn i raya oun i pralstoune an o bolepen, har baro o Debleskro gosvepen hi. Kova dikenn le ap kova, hoy yob i patslenge kras. 11Kova, hoy les glan i rah tsiro an peskro dji his, kova kras lo, har yob o Yezous Kristes menge ap i phoub bičras. Kova vas maro ray, 12oun kras menge i drom pash o Debleste. Kanna, kay patsah ap leste, hounte trashas bouder gar o Deblestar, oun mer nay vah glan leste.
13Doleske mangau t'men: Ma avenn gar khino an t'maro patsepen, ninna te shounenn t'mer, kay me t'menge stildo hom. Kova, hoy lau ap mande, sikrell t'mende, har boud t'mer mange moldo han.
O Paulo mangell o Debles i patslenge
14Doleske perau ap mire čanga, oun parkrau man pash o Debleste, maro dadeste. 15Yob hi o čačo dad leskre tsele čavendar an o bolepen oun ap i phoub. 16Oun leskri zoor hi bari. Doleske mangau lestar, te krell leskro Dourho t'mare djia zoreles.
17Me mangau lestar ninna, te djivell o Yezous Kristo an t'mende dran t'maro patsepen, oun te kamenn t'mer o Debles oun ninna yek o vavares o djiyestar. Palle han t'mer har i rouk, koleskre draba#3:17 draba vurtsle djan dour an i phoub. Oun t'mer han har i kheer, hoy zoreles tardo hi. 18Yaake nay hayvenn t'mer i tsele patslentsa, har baro o Yezous Kristeskro dji t'menge hi, 19ninna te hi leskro kamlepen bareder har lauter, hoy an mare shere dren djala. Te hayvah leskro kamlepen boud oun boudeder, palle djivell o Devel boud oun boudeder an mende.
20-21Oun yob nay krell boudeder, har mer lestar mangah, oun boudeder, hoy mer hayvah. Yaake bari hi leskri zoor, hoy an mende kova lauter krella. Mer lauter, kay patsah ap o Yezous Kristeste, sharas maro Debles kanna oun hako tsiro. Amen.
Currently Selected:
Efesarya 3: Sint-Man2024
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
