2. Petro 2
2
I rhorhene sikepangre
1Glan i rah tsiro his rhorhene rakepangre an o them Israel, kay kran, har te bičras len o Devel. Yaake venna ninna mashkral t'mende rhorhene sikepangre, kay sikrenn t'men i rhorheno drom, kay anell t'men krik o Deblestar. Kol sikepangre denn o Yezouses, maro rayes, bourhoste, kay playsras peskro rateha lenge, te lell lo len dran o čilačepen vin. Yon nashenn an pengri bibarht. 2Boud vavar dikenn lengro vi-ladjedo djipen, oun krenn yaake har yon, oun djivenn ninna i vi-ladjedo djipen. Doleske rakrenn kolla, kay gar patslo hi, djoungeles pral o Debleskro drom. 3Kol rhorhene sikepangre kamenn t'men rhorhene labentsa ap pengri rig te anell, te lenn le love t'mendar. O Debleskri rholi vell čačepah pral lende, oun lengri bibarht vella sik.
4O Debleskri rholi vas ninna pral kol bolepangre#2:4 bolepangre engle , kay kran o čilačepen. O Devel vitsras len an o telstunepen. Kote hi le pandlo an i kali rat, bis te vell ko dives, kay dell lo len lengri phagi.
5Oun o Debleskri rholi vas pral kol menshende, kay djivan an ko tsiro, kay o Noah djivas. Yon kaman o Deblestar či te djinell, oun shounan gar ap o Noah, har yob lenge penas, te hounte djan le ap o Debleskro drom. Oun o Devel bičras o baro pani pral lende. O Noah kokres oun efta vavar tassan gar.
6Oun o Debleskri rholi vas pral kol forya Sodom oun Gomorra. Oun yob rhačras kol forya yaake te ačas či har barra oun yagakri čik. Yaake sikras yob kolende, kay pal lende venna, hoy djal kolentsa, kay gar ap leste shounenna.
7O Lot kokres vas vin lino dran o foro Sodom, har i yag tele peras. Yob djivas yaake, har o Devel kamas. Oun leske doukas ko djoungelo djipen, hoy kol čilače menshe djivan. 8Hako dives dikas oun shounas lo, hoy yon čilačes kran. Oun lengro čilačo koova doukras les an leskro dji.
9O Devel, maro ray, hayvell garda te dell ap kolende, kay les kamenna, te perenn le gar o čačo dromestar tele. Yob hayvell ninna kol čilačen pandlo te rikrell, te lenn le pengri phagi ap ko dives, kay vell o čačepen vi-rakedo pral i tsele menshende.
10Palle vell i phagi zoreles pral kolende, kay djivan i foullo djipen, oun kaman kek rayes pral pende. Kolla rhorhene sikepangre hi pre-phourdo, oun krenn pen bares. Yon darenn gar, te rakrenn le djoungeles pral kolende, kay hi an o bolepen.
11I bolepangre hi zorleder har kol rhorhene sikepangre. Oun yon praasenn i rhorhene sikepangren gar glan o Debleste.
I bibarht vella ap i rhorhene sikepangre
12Kol rhorhene sikepangre rakrenn djoungeles pral kova, hoy yon gar prindjrenna. Yon hi har divye firhe, kay venn boldo, te venn le tapedo oun maredo. Yaake merenn yon ninna. 13Yon kran čilačepen, oun čilačepen vell pral lende. Yon rhan pen nasselo, oun piyenn pen mato ninna ap o dives. Lenge hounte ladjenn t'men, te rhan le pen pash t'mende čalo, oun rakrenn lengro rhorhepen. 14An lengre yaka dikeh, kay dikenn le pal haki djouvyate. Hako tsiro hi len bok pal čilačo koova. Oun yon anenn kolen o čačo dromestar tele, kay hi gar zorelo an o patsepen. Lengro dji hi pherdi bok pal i love. Praasedo hi le!
15O čačo drom moukan le, oun nashran pen. Yon djan ap ko čilačo drom, kay djas ninna o Bileam, – leskro dad hi o Beor. O Bileam kamas i čilačo koova te krell, te lell lo love. 16Koy rakras leha leskri esla har i mensho. Yaake vas leske siklo, har čilačo kova his, hoy kamas lo te krell. Oun koy esla rikras les pale, te krell yob kek dinelo koova.
17Kol menshe hi har i brounna, kay hi kek pani dren. Yon hi har o bolepen, kay dell kek brishin. Ap ko dives, kay lenn yon pengri phagi, venn le an i kali rat vitsedo. 18Yon rakrenn bare laba, kay či moldo hi. Lengro vi-ladjedo djipen tserdell kolen ap o čilačo drom, kay dan glan i tikno tsiro pengro phouro djipen pre. 19Kolenge penenn le, te nay krenn yon, hoy yon kamenna. Kol rhorhene sikepangre hi pandlo ap o čilačepen, hoy krell lengro djipen paash. I mensho hi pandlo ap kova, hoy zorleder hi har yob. 20Yon hayvan, kay maro ray, o Yezous Kristo, lenge meras, oun dan pengro phouro djipen pre. Oun palle van le ap ko djoungelo drom pale. Kanna hi lengro djipen djoungleder har glan ko tsiro. 21Yon prindjran o čačo drom, oun moukan les. Yon kamenn bouder či te shounell o Debleskro lab, hoy lenge penlo vas. Lenge vals feteder, te djinans yon o Debleskro drom gar. 22Kol menshenge djal yaake, har penlo vell: “Ko djouklo rhal pale kova, hoy yob vin čadas. Oun ko balo vitsrell pes pal o thopen pale an i čik.”
Currently Selected:
2. Petro 2: Sint-Man2024
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
2. Petro 2
2
I rhorhene sikepangre
1Glan i rah tsiro his rhorhene rakepangre an o them Israel, kay kran, har te bičras len o Devel. Yaake venna ninna mashkral t'mende rhorhene sikepangre, kay sikrenn t'men i rhorheno drom, kay anell t'men krik o Deblestar. Kol sikepangre denn o Yezouses, maro rayes, bourhoste, kay playsras peskro rateha lenge, te lell lo len dran o čilačepen vin. Yon nashenn an pengri bibarht. 2Boud vavar dikenn lengro vi-ladjedo djipen, oun krenn yaake har yon, oun djivenn ninna i vi-ladjedo djipen. Doleske rakrenn kolla, kay gar patslo hi, djoungeles pral o Debleskro drom. 3Kol rhorhene sikepangre kamenn t'men rhorhene labentsa ap pengri rig te anell, te lenn le love t'mendar. O Debleskri rholi vell čačepah pral lende, oun lengri bibarht vella sik.
4O Debleskri rholi vas ninna pral kol bolepangre#2:4 bolepangre engle , kay kran o čilačepen. O Devel vitsras len an o telstunepen. Kote hi le pandlo an i kali rat, bis te vell ko dives, kay dell lo len lengri phagi.
5Oun o Debleskri rholi vas pral kol menshende, kay djivan an ko tsiro, kay o Noah djivas. Yon kaman o Deblestar či te djinell, oun shounan gar ap o Noah, har yob lenge penas, te hounte djan le ap o Debleskro drom. Oun o Devel bičras o baro pani pral lende. O Noah kokres oun efta vavar tassan gar.
6Oun o Debleskri rholi vas pral kol forya Sodom oun Gomorra. Oun yob rhačras kol forya yaake te ačas či har barra oun yagakri čik. Yaake sikras yob kolende, kay pal lende venna, hoy djal kolentsa, kay gar ap leste shounenna.
7O Lot kokres vas vin lino dran o foro Sodom, har i yag tele peras. Yob djivas yaake, har o Devel kamas. Oun leske doukas ko djoungelo djipen, hoy kol čilače menshe djivan. 8Hako dives dikas oun shounas lo, hoy yon čilačes kran. Oun lengro čilačo koova doukras les an leskro dji.
9O Devel, maro ray, hayvell garda te dell ap kolende, kay les kamenna, te perenn le gar o čačo dromestar tele. Yob hayvell ninna kol čilačen pandlo te rikrell, te lenn le pengri phagi ap ko dives, kay vell o čačepen vi-rakedo pral i tsele menshende.
10Palle vell i phagi zoreles pral kolende, kay djivan i foullo djipen, oun kaman kek rayes pral pende. Kolla rhorhene sikepangre hi pre-phourdo, oun krenn pen bares. Yon darenn gar, te rakrenn le djoungeles pral kolende, kay hi an o bolepen.
11I bolepangre hi zorleder har kol rhorhene sikepangre. Oun yon praasenn i rhorhene sikepangren gar glan o Debleste.
I bibarht vella ap i rhorhene sikepangre
12Kol rhorhene sikepangre rakrenn djoungeles pral kova, hoy yon gar prindjrenna. Yon hi har divye firhe, kay venn boldo, te venn le tapedo oun maredo. Yaake merenn yon ninna. 13Yon kran čilačepen, oun čilačepen vell pral lende. Yon rhan pen nasselo, oun piyenn pen mato ninna ap o dives. Lenge hounte ladjenn t'men, te rhan le pen pash t'mende čalo, oun rakrenn lengro rhorhepen. 14An lengre yaka dikeh, kay dikenn le pal haki djouvyate. Hako tsiro hi len bok pal čilačo koova. Oun yon anenn kolen o čačo dromestar tele, kay hi gar zorelo an o patsepen. Lengro dji hi pherdi bok pal i love. Praasedo hi le!
15O čačo drom moukan le, oun nashran pen. Yon djan ap ko čilačo drom, kay djas ninna o Bileam, – leskro dad hi o Beor. O Bileam kamas i čilačo koova te krell, te lell lo love. 16Koy rakras leha leskri esla har i mensho. Yaake vas leske siklo, har čilačo kova his, hoy kamas lo te krell. Oun koy esla rikras les pale, te krell yob kek dinelo koova.
17Kol menshe hi har i brounna, kay hi kek pani dren. Yon hi har o bolepen, kay dell kek brishin. Ap ko dives, kay lenn yon pengri phagi, venn le an i kali rat vitsedo. 18Yon rakrenn bare laba, kay či moldo hi. Lengro vi-ladjedo djipen tserdell kolen ap o čilačo drom, kay dan glan i tikno tsiro pengro phouro djipen pre. 19Kolenge penenn le, te nay krenn yon, hoy yon kamenna. Kol rhorhene sikepangre hi pandlo ap o čilačepen, hoy krell lengro djipen paash. I mensho hi pandlo ap kova, hoy zorleder hi har yob. 20Yon hayvan, kay maro ray, o Yezous Kristo, lenge meras, oun dan pengro phouro djipen pre. Oun palle van le ap ko djoungelo drom pale. Kanna hi lengro djipen djoungleder har glan ko tsiro. 21Yon prindjran o čačo drom, oun moukan les. Yon kamenn bouder či te shounell o Debleskro lab, hoy lenge penlo vas. Lenge vals feteder, te djinans yon o Debleskro drom gar. 22Kol menshenge djal yaake, har penlo vell: “Ko djouklo rhal pale kova, hoy yob vin čadas. Oun ko balo vitsrell pes pal o thopen pale an i čik.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.