2. Korintarya 2
2
1Kamom gar, te vell t'menge ropaske. Doleske vom bouder gar pash t'mende. 2Me te krau, te vell t'menge ropaske, palle hi mange kek koy, kay krell man pale barhtelo.
3Doleske činom t'menge ko liil. Kamom gar, te rovap pral kolende, kay man barhteles hounte krans. Oun me patsau zoreles, te han t'mer barhtele pral kova, te nay krenna t'mer man barhtelo. 4Doleske činom t'menge ko liil boud ropah oun traash an miro dji. Kamom gar, te doukrap t'men. Na-a, me kamom, te dikenn t'mer, kay kamau t'men o tselo djiyestar.
Avenn pale lačes kolenge, kolen t'mer i phagi dan!
5T'mer djinenn, pash t'mende hi yek, kay doukras t'men an o dji. Yob doukras gar man. Na-a, yob doukras boud t'mendar. Me nay penau gar, te doukras yob t'men halauteren. 6T'mer dan les i phagi. Oun kova hi doha. 7Kanna hounte bistrenn ko koova, hoy yob kras. Rakrenn lačes leha, te vell leske gar bouder ropaske. 8Me mangau t'men: Sikrenn leste, te kamenn les! 9Ko liil činom t'menge ninna, te dikap, har shounenn ap mande an hako koova.
10Te bistrenn t'mer o čilačepen, hoy o vavar ap t'mende kras, palle bistrau me kova ninna. Ava, te dals čomone, hoy hounte bistroms me, palle bistrom me kova t'menge. Kova djinell o Yezous Kristo. 11Me kamau gar te taprell men o beng. Mer djinah mishto, hoy koles hi an leskro shero.
12Har vom me an o foro Troas, te penap kote o lačo lab o Yezous Kristestar, kras o Devel i menshengre djia pre. 13Miro phraal, o Tito, kamas ninna an kava foro te vell. Har vas lo gar, vas man i daar, oun me penom lenge: “Ačenn mo Debleha!” oun djom mange an o them Macedonia.
O lačo lab o Yezousestar hi yaake har i shoukar soungepen
14Me parkrau man pash o Debleste, te dell lo men i zoor, te djas ap o Yezouseskro drom. Khetne o Yezouseha ham hako tsiro zorleder har o čilačepen. Oun kote, kay penah i menshenge o lačo lab o Yezousestar, hi kova yaake, har te vell i lačo soungepen pash boud menshende. 15Te rakrah o lačo lab o Yezous Kristestar, hi o Devel barhtelo pral kova. Kova hi leske har i shoukar soungepen, hoy djal pash kolende, kay lenn o Debleskro djipen oun ninna pash kolende, kay djan nashedo. 16Kolenge, kay djan nashedo, hi kova har i djoungeli khand, hoy anell len an o merepen. Kolenge, kay lenn o Debleskro djipen, hi kova i lačo soungepen, hoy anell len an o djipen.
Kaya hi i bari boudi. Koon nay krell kova lauter mishto? Kek. 17Boud rakepangre penenn o Debleskro lab, te lenn le i menshenge love lendar tele. Yaake ham mer gar. Mer penah o Debleskro lab čičeske. Kova krah o Yezous Kristeske. Mare laba venna o Deblestar. Oun yob shounell, hoy rakrah.
Currently Selected:
2. Korintarya 2: Sint-Man2024
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
