2. Korintarya 10
10
O Paulo moukell peskri boudi gar an i čik te tserdell
1Me, o Paulo, rakrau t'mentsa kamles oun lačes, yaake har o Yezous Kristo kamles oun lačes hi. Hi menshe mank t'mende, kay penenna: “Me te hom pash t'mende, nay rakrau kek triin laba. Te hom dour t'mendar krik, palle rakrau zorele labentsa.”
2Me mangau t'men: Ma krenn, te sikrap t'men, har zorelo hom, te vau pash t'mende! Man hi kek daar te rakrap zoreles kolentsa, kay penenn mendar, te krams mer o Debleskri boudi dran mari zoor. 3Ninna te ham menshe, krah gar o Debleskri boudi dran mari zoor. 4An maro boudi o Debleske lah mer kek rharo an o vast, har i menshe ap kay phoub krenna. Na-a, o Devel dell men i zoor, te nay rakras yaake kol menshentsa, kay rhorheno koova pral leste patsenna, te dikenn le, kay kova, hoy yon yaake rah patsan, či moldo hi. 5Te penenn yon, te dals kek Devel, sikrah mer, kay lengre pre-phourde laba gar čačo hi. Halauter, hoy lenge an o shero trouyel djal oun hadell pes pral o Yezous Kristeste pre, dah mer paash. 6Te dikah mer, kay t'mer shounenn mishto ap lauter, hoy mer t'menge penam, palle rikrah men gar pale, te das lauter kolen i phagi, kay kamenn gar te shounell. 7Hayvenn, har kova hi! Yek, kay penell: O Yezous Kristo hi leskro ray, kova hounte dikell ninna, te hi o Yezous Kristo ninna miro ray. 8Me nay penoms gomme boudeder mandar, te das man maro ray Yezous peskro čačo vast. Te penoms me kova, vals kova čačo. Yob das man peskro čačo vast, te krap t'men zoreles an o patsepen, gar te krap t'men paash. 9Kova penau t'menge, te dikenn t'mer: Me kamom t'menge kek traash te krell mire lilentsa.
10Hi menshe mank t'mende, kay penenna: An peskre lila rakrell yob bare laba, oun hi zorelo. Te hi yob pash mende, hi yob tikno, oun an leskro rakepen hi kek zoor. 11Koon yaake rakrella, koleske penau me: Har mer an mare lila ham, kay ham dour krik t'mendar, yaake ham mer ninna, te vam pash t'mende.
12Mer krah men gar yaake bares, te penas, mer ham har kolla, kay penenn pendar, har mishto yon hi. Yon krenn pengro čačepen kokres vin oun patsenn, kova, hoy yon krenna, hi mishto. Doleske hayvenn yon či. 13Mer kamah men gar yaake boud sharell. Kokres pral koy boudi, hoy das men o Devel, sharah mer men. Oun mari boudi anas men pash t'mende. 14Te vams gar pash t'mende, palle vals maro sharepen gar čačo. Kanna hi vavarčandes: Mer vam čačepah pash t'mende oun penam t'menge o lačo lab o Yezous Kristestar.
15Yaake nay sharah men mer pral i boudi, hoy mer kram, oun gar pral kova, hoy i vavar kran. An maro dji djinah, ap ko tsiro, kay vas o patsepen an t'mende baro, sharenn le men ninna pral kova, hoy mer mank t'mende kram. 16Mer kamah te penas o lačo lab o Yezous Kristestar ninna kolenge, kay djivenn an vavar themma, oun gar kote, kay rakran i vavar o lačo lab o Yezous Kristestar. Mer kamah men gar te sharell pral kova, hoy i vavar kran. 17Koon kamell pes te sharell, kova hounte sharell kova, hoy o Yezous Kristo kras. 18Kova mensho kras peskri boudi mishto, kones maro ray Yezous sharell. Oun gar kova kras peskri boudi mishto, kay pes kokres sharell.
Currently Selected:
2. Korintarya 10: Sint-Man2024
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
2. Korintarya 10
10
O Paulo moukell peskri boudi gar an i čik te tserdell
1Me, o Paulo, rakrau t'mentsa kamles oun lačes, yaake har o Yezous Kristo kamles oun lačes hi. Hi menshe mank t'mende, kay penenna: “Me te hom pash t'mende, nay rakrau kek triin laba. Te hom dour t'mendar krik, palle rakrau zorele labentsa.”
2Me mangau t'men: Ma krenn, te sikrap t'men, har zorelo hom, te vau pash t'mende! Man hi kek daar te rakrap zoreles kolentsa, kay penenn mendar, te krams mer o Debleskri boudi dran mari zoor. 3Ninna te ham menshe, krah gar o Debleskri boudi dran mari zoor. 4An maro boudi o Debleske lah mer kek rharo an o vast, har i menshe ap kay phoub krenna. Na-a, o Devel dell men i zoor, te nay rakras yaake kol menshentsa, kay rhorheno koova pral leste patsenna, te dikenn le, kay kova, hoy yon yaake rah patsan, či moldo hi. 5Te penenn yon, te dals kek Devel, sikrah mer, kay lengre pre-phourde laba gar čačo hi. Halauter, hoy lenge an o shero trouyel djal oun hadell pes pral o Yezous Kristeste pre, dah mer paash. 6Te dikah mer, kay t'mer shounenn mishto ap lauter, hoy mer t'menge penam, palle rikrah men gar pale, te das lauter kolen i phagi, kay kamenn gar te shounell. 7Hayvenn, har kova hi! Yek, kay penell: O Yezous Kristo hi leskro ray, kova hounte dikell ninna, te hi o Yezous Kristo ninna miro ray. 8Me nay penoms gomme boudeder mandar, te das man maro ray Yezous peskro čačo vast. Te penoms me kova, vals kova čačo. Yob das man peskro čačo vast, te krap t'men zoreles an o patsepen, gar te krap t'men paash. 9Kova penau t'menge, te dikenn t'mer: Me kamom t'menge kek traash te krell mire lilentsa.
10Hi menshe mank t'mende, kay penenna: An peskre lila rakrell yob bare laba, oun hi zorelo. Te hi yob pash mende, hi yob tikno, oun an leskro rakepen hi kek zoor. 11Koon yaake rakrella, koleske penau me: Har mer an mare lila ham, kay ham dour krik t'mendar, yaake ham mer ninna, te vam pash t'mende.
12Mer krah men gar yaake bares, te penas, mer ham har kolla, kay penenn pendar, har mishto yon hi. Yon krenn pengro čačepen kokres vin oun patsenn, kova, hoy yon krenna, hi mishto. Doleske hayvenn yon či. 13Mer kamah men gar yaake boud sharell. Kokres pral koy boudi, hoy das men o Devel, sharah mer men. Oun mari boudi anas men pash t'mende. 14Te vams gar pash t'mende, palle vals maro sharepen gar čačo. Kanna hi vavarčandes: Mer vam čačepah pash t'mende oun penam t'menge o lačo lab o Yezous Kristestar.
15Yaake nay sharah men mer pral i boudi, hoy mer kram, oun gar pral kova, hoy i vavar kran. An maro dji djinah, ap ko tsiro, kay vas o patsepen an t'mende baro, sharenn le men ninna pral kova, hoy mer mank t'mende kram. 16Mer kamah te penas o lačo lab o Yezous Kristestar ninna kolenge, kay djivenn an vavar themma, oun gar kote, kay rakran i vavar o lačo lab o Yezous Kristestar. Mer kamah men gar te sharell pral kova, hoy i vavar kran. 17Koon kamell pes te sharell, kova hounte sharell kova, hoy o Yezous Kristo kras. 18Kova mensho kras peskri boudi mishto, kones maro ray Yezous sharell. Oun gar kova kras peskri boudi mishto, kay pes kokres sharell.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.