1. Timoteo 2
2
Har te mangas o Debles an
1Me penau t'menge kanna, hoy hounte krenn oun gar moukenn: Mangenn o Debles i tsele menshenge! Penenn leske lauter, hoy ap t'maro dji hi! Parkrenn t'men pash o Debleste lautereske, hoy yob das! 2Mangenn lestar, te dell lo i rayen oun i pralstunen o gosvepen, te krenn le pengri boudi mishto, yaake te djivas nay an o lačepen, te djas mer o Debleskro drom, te nay rakrenn i menshe gar djoungeles pral mende! 3Kova kamell maro Devel, kay das men o nevo djipen. 4Yob kamella, te venn i tsele menshe ap leskro drom, oun te hayvenn le leskro čačepen. 5Hi yek Devel i tsele menshenge. Oun hi yek rakepaskro#2:5 kate: intermédiaire , kay anell o Debles oun i menshen khetne. Kova hi ko mensho Yezous Kristo. 6Yob das peskro djipen i tsele menshenge. Yaake sikras o Devel an o čačo tsiro, kay kamell lo, te vell hako mensho vin lino dran o čilačepen oun o merepen. 7Doleske bičras man o Devel pash kolende, kay kek bibolde hi, te penap lenge o lačo lab o Yezous Kristestar, oun te sikrap lende o čačo patsepen. Man hi o Yezouseskro vast. Kova hi o čačepen. Me rhorhau gar.
Morsha oun djouvya
8Yaake kamau me, te mangenn i morsha o Debles an, kote, kay i patsle khetne venna. Kal morsha hounte djivenn pengro djipen yaake, har o Devel kamella. Te hadenn le pengre vasta pre, te mangenn le o Debles an, palle hounte denn le yak, te vell kek rholi oun kek čingepen an lengre djia.
9Ninna kamau, te rivell i djouvel kek vi-ladjede ripya. Te rivell li pes gar yaake, te dikell hakeno ap late. Lakro shoukapen te vell gar diklo an kova, har yoy peskre balla hidjrella, vitar gar an o sonakay oun vavar kouč koova, vitar gar an kouč ripya. 10Lakro shoukapen sikrell pes an ko lačo koova, hoy yoy krella. Yaake hi kova pash kol djouvyende, kay ap o Debleste patsenna.
11Te vell o Debleskro lab i patslenge penlo, hounte shounenn i djouvya ap kova, hoy penlo vella. Yon hounte rakrenn gar peha. 12Me kamau gar, te penell i djouvel o Debleskro lab glan i morshende, vitar gar, te vell lat penepaske pral o morsheste. I djouvya rikrenn pen pale. 13Hoske penau kova? Doleske: O Adam vas glan i Eva kerdo. 14O sap rhorhras gar o Adames. O sap rhorhras i Evat. Oun i Eva shounas gar ap kova, hoy o Devel penas. 15I djouvel vell sharedo, te lell li čaven, oun te patsell li ap o Yezouseste, oun te hi lat o Debleskro kamlepen an lakro dji, oun te djivell li i djoudjo djipen glan o Debleste oun glan i menshende.
Currently Selected:
1. Timoteo 2: Sint-Man2024
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
1. Timoteo 2
2
Har te mangas o Debles an
1Me penau t'menge kanna, hoy hounte krenn oun gar moukenn: Mangenn o Debles i tsele menshenge! Penenn leske lauter, hoy ap t'maro dji hi! Parkrenn t'men pash o Debleste lautereske, hoy yob das! 2Mangenn lestar, te dell lo i rayen oun i pralstunen o gosvepen, te krenn le pengri boudi mishto, yaake te djivas nay an o lačepen, te djas mer o Debleskro drom, te nay rakrenn i menshe gar djoungeles pral mende! 3Kova kamell maro Devel, kay das men o nevo djipen. 4Yob kamella, te venn i tsele menshe ap leskro drom, oun te hayvenn le leskro čačepen. 5Hi yek Devel i tsele menshenge. Oun hi yek rakepaskro#2:5 kate: intermédiaire , kay anell o Debles oun i menshen khetne. Kova hi ko mensho Yezous Kristo. 6Yob das peskro djipen i tsele menshenge. Yaake sikras o Devel an o čačo tsiro, kay kamell lo, te vell hako mensho vin lino dran o čilačepen oun o merepen. 7Doleske bičras man o Devel pash kolende, kay kek bibolde hi, te penap lenge o lačo lab o Yezous Kristestar, oun te sikrap lende o čačo patsepen. Man hi o Yezouseskro vast. Kova hi o čačepen. Me rhorhau gar.
Morsha oun djouvya
8Yaake kamau me, te mangenn i morsha o Debles an, kote, kay i patsle khetne venna. Kal morsha hounte djivenn pengro djipen yaake, har o Devel kamella. Te hadenn le pengre vasta pre, te mangenn le o Debles an, palle hounte denn le yak, te vell kek rholi oun kek čingepen an lengre djia.
9Ninna kamau, te rivell i djouvel kek vi-ladjede ripya. Te rivell li pes gar yaake, te dikell hakeno ap late. Lakro shoukapen te vell gar diklo an kova, har yoy peskre balla hidjrella, vitar gar an o sonakay oun vavar kouč koova, vitar gar an kouč ripya. 10Lakro shoukapen sikrell pes an ko lačo koova, hoy yoy krella. Yaake hi kova pash kol djouvyende, kay ap o Debleste patsenna.
11Te vell o Debleskro lab i patslenge penlo, hounte shounenn i djouvya ap kova, hoy penlo vella. Yon hounte rakrenn gar peha. 12Me kamau gar, te penell i djouvel o Debleskro lab glan i morshende, vitar gar, te vell lat penepaske pral o morsheste. I djouvya rikrenn pen pale. 13Hoske penau kova? Doleske: O Adam vas glan i Eva kerdo. 14O sap rhorhras gar o Adames. O sap rhorhras i Evat. Oun i Eva shounas gar ap kova, hoy o Devel penas. 15I djouvel vell sharedo, te lell li čaven, oun te patsell li ap o Yezouseste, oun te hi lat o Debleskro kamlepen an lakro dji, oun te djivell li i djoudjo djipen glan o Debleste oun glan i menshende.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.