1. Korintarya 15
15
O Devel kras o Yezous Kristes i moulendar djido
1Mire phrala, ma bistrenn o lačo lab o Yezousestar, hoy me t'menge penom! T'mer lan ko lab pre, oun t'mer djivenn pal kova.
2Te rikrenn t'men ap o lačo lab o Yezousestar, yaake har me les t'menge penom, djan t'mer gar nashedo. Te vals kova vavarčandes, vals t'maro patsepen čičeske. 3Ko bareder lab, hoy mange penlo vas, oun hoy me t'menge penom, hi kava: O Yezous Kristo meras menge, te lell lo mari doosh mendar krik, yaake har an o Debleskro lab činlo hi. 4Oun yob vas paskedo, oun vas djido pal triin divessa, yaake har kova an o Debleskro lab činlo hi. 5Oun pal kova sikras lo pes o Petreste. Oun pal koleste sikras lo pes peskre deesh-te-douy malende. 6Pal lende dikan les boudeder har panč-sheel phrala ap yek kopo. Boud lendar djivenna gomme kay dives. 7Pal lende dikas les ninna o Yakobo, oun palle ninna i tsele vavar bičepangre. 8Pal lende moukas yob pes mandar te dikell. Pal mande dikas les bouder kek. Oun me homs gar moldo, te dikap les. 9Me lom i patslen palla, te marap len. Doleske hom me o tikneder mashkral lende, kolen o Yezous bičras, te penenn le i menshenge o lačo lab lestar. Oun me hom gar moldo, te penenn yon, kay me yek lendar hom. 10O Devel kamas an peskro baro lačepen, te vap me kova, hoy me kanna hom. Oun leskro baro lačepen, hoy yob man das, his gar čičeske. Me boudrom boudeder har kol tsele vavar. Gar me kokres, o Debleskro lačepen an mande boudras mantsa, te krap nay koy boudi. 11Kova hi yek, koon mendar penas t'menge o lačo lab o Yezous Kristestar. Mer halauter rakrah lestar. Oun yaake patsan t'mer ap leste.
O Devel krell i patslen ninna i moulendar djido
12Mer penam t'menge, kay o Yezous Kristo i moulendar pre stas. Har nay penenn menshe mank t'mende: “Ko della gar, kay i moule pre stenna.”
13Te dell kova gar, kay i moule pre stenna, yaake stas o Yezous Kristo vitar gar i moulendar pre. 14Te stals o Yezous Kristo gar i moulendar pre, vals kova čičeske, hoy mer o Yezous Kristestar rakrah. Oun t'maro patsepen vals ninna čičeske. 15Palle nay penans le mendar, te ham mer rhorhene. Mer penam, kay kras o Devel o Yezous Kristes i moulendar djido. Te vals kova gar čačo, te krell o Devel i moulen djido, palle nashte kras yob o Yezous Kristes vitar gar djido.
16Te stenn i moule gar pre, palle stas o Yezous Kristo vitar gar i moulendar pre.
17Te stas o Yezous Kristo gar i moulendar pre, yaake hi t'maro patsepen čičeske. Oun ko čilačo koova, hoy t'mer kran, hi gomme ap t'mende.
18Te stas o Yezous Kristo gar i moulendar pre, palle hi kolla nashedo, kay ap o Yezous Kristeste patsan oun meran.
19Te vals maro patsepen ap o Yezous Kristeste bouder či moldo pal o merepen, vams i čorvleder i tsele menshendar. 20Ko čačepen hi: O Yezous Kristo hi o ersto, koles o Devel i moulendar djido kras. 21Yaake har vas o merepen yek menshestar, yaake vell ninna yekestar, kay stenn i moule pale pre.
22Yaake har vas o Adamestar, kay hounte merenn lauter, yaake vell o Yezous Kristestar, te krell o Devel len lauter djido: 23Hakeno ap peskro tsiro: O Yezous Kristo hi o glanstouno. Te vell lo pale, stenn kolla pre, kay ap leste patsan.
O Yezous vell o ray pral halauter
24Pal kova herell kava tsiro pre. Hako ray, hako pralstouno oun hakeno, koles hi penepaske, koleske lell o Yezous Kristo i zoor krik oun dell lauter o Debleste, peskro dadeste, te vell o Devel kokres o ray pral halauter. 25O Yezous Kristo hounte vell o ray yaake rah, bis te čivell o Devel lauteren, kay les gar kamenna, tel leskre pire.
26Ko palstouno#15:26 palstouno letsto , kolendar o Yezous Kristo i zoor krik lella, hi o merepen. 27An o Debleskro lab hi činlo: Lauter čivas o Devel tel leskre pire.#15:27 dik: Debleskri gili 8:7
Ninna te hi kate penlo, kay hi o Yezous Kristo o ray pral lauterende, hi lo gar pral o Debleste tardo. O Devel hi kova, kay kras, kay hi o Yezous Kristo o ray pral lauterende. 28Te vas o Yezous Kristo o ray pral halauter, čivell yob pes ninna tel o Debleskro vast, te vell o Devel ninna o ray pral o čaveste. Oun o Devel kokres hi o ray pral halauter.
Djinenn zoreles: I moule stenna pale pre!
29Kanna rakrau pale pral kolende, kay penenn, te stenn i moule gar pre. T'mer djinenn, hi patsle koy, kay moukenn pen i moulenge te taufrell. Poučau t'mendar: Te stenn i moule bouder gar pre, hoske moukenn le pen palle i moulenge te taufrell?
30Oun hoy hi mentsa? Hoske penah mer o Debleskro lab doureder, te djinah mer, te nay vah mer hako tsiro moulo dino?
31Hako dives nay nashrau me miro djipen. Mire phrala, kova hi čačo, yaake har čačo hi, kay hom barhtelo pral t'mende, kay me anom t'men pash o Yezous Kristeste, maro rayeste. 32An o foro Efesus kourom man me menshentsa, kay yaake hi har divye firhe. Te patsoms me gar, kay i moule pre stenna, kroms me kova gar. Te stenna i moule gar pre, hi kol vavaren čačo, te penenn le: “Rhas oun piyas! Taysar nay ham moulo!”
33Ma patsenn, kay lengro čačo hi! Ma krenn kova, hoy yon krenna! 34Djan o čačo drom! Ma piyenn t'men mato! Djivenn bouder gar an o čilačepen!
Mank t'mende hi menshe, kay djinenn gar, koon o Devel hi. Oun kova penau t'menge, te ladjenn t'men.
Har krell o Devel i moulen djido?
35Kanna nay vell yek, kay poučella: “Har nay stenn i moule pre? Oun har dikenn le vin?”
36Me, o Paulo, penau touke: Har nay poučeh tou yaake dineles? Dik ap o djob, hoy tou an i phoub čiveh! Kova hounte merell, te vell lo djido oun baro. 37Oun kova, hoy tou an i phoub čiveh, hi gar ko baro djob. Na-a! Tou čiveh les an i phoub, te hi lo tikno. Oun yaake kreh tou kova ninna o vavar zenlepah. 38O Devel moukell les bares te vell oun yaake vin te dikell, har yob kamell. Oun hako zenlepen krell lo vavarčandes.
39Hako djipen ap i phoub dikell vavarčandes vin. I menshe dikenn vavarčandes vin har i čirkle. Oun i čirkle dikenn vavarčandes vin har i mače. 40Oun kolla, kay an o bolepen hi, dikenn vavarčandes vin, har kolla, kay ap i phoub hi. Oun kolla, kay an o bolepen hi, len hi i vavar raylepen, har kolla, kay ap i phoub hi. 41O kham, les hi i vavar raylepen har o čon#15:41 čon moonto . Oun o čon, les hi i vavar raylepen, har i bolepangre momlia. Oun kek lendar dikell vin har koy vavar.
42Yaake hi ninna, te stenn i moule pre. Kova, hoy an i phoub čiddo vella, ferdjala. Kova, kay i moulendar pre stella, merell bouder gar. 43Kova, hoy an i phoub čiddo vella, hi djoungelo. Kova, kay i moulendar pre stella, hi shoukar. Kova, hoy an i phoub čiddo vella, koles hi kek zoor. Te stell lo i moulendar pre, djal kova i bari zoryah. 44Kova, hoy paskedo vella, his i mensho dran mass oun rat. Kova, kay i moulendar pre stella, hi i nevo mensho, koles o Debleskro Dourho djido kras. Yaake har della o menshes dran mass oun rat, – kova merella – yaake della ninna o nevo menshes, koles o Debleskro Dourho djido kras. Kova merella bouder gar.
45An o Debleskro lab hi činlo: O ersto mensho, o Adam, las o djipen.#15:45 dik: 1. Mose 2:7
Oun o Yezous Kristo, koles nay kharams mer o douyto mensho – yob hi i djido dourho, kay dell o djipen. 46Ko djipen, hoy yob della, vell pal o djipen, hoy hi men kanna ap kay phoub. 47O ersto mensho vas i phoubyatar oun dran čik kerdo. O douyto mensho, o Yezous Kristo, vas dran o bolepen. 48Yaake har ko phoubyakro mensho, o Adam, his, yaake hi kolla, kay ap i phoub hi. Yaake har ko bolepaskro mensho, o Yezous Kristo, hi, yaake hi kolla, kay an o bolepen hi. 49Kanna dikah vin har kova, kay vas kerdo dran čik. Te vah an o bolepen, dikah vin har kova, kay vas dran o bolepen.
O merepen nashrell peskri zoor
50Mire phrala, kova penau me t'menge: Menshe dran mass oun rat nay venn gar an o bolepen. Vitar gar vell kova, hoy moulo hi, kote, kay i djide hi. 51Shounenn, me penau t'menge, hoy kek djinella: Mer merah gar lauter. Vell i tsiro, koy lell men o Devel vin dran kova, hoy mer kanna ham, oun krell men vavarčandes. 52Kova vell ap yek kopo, yaake sik, har kek nay dikella. Ap ko tsiro shounah mer i bashepaskri, kay yek dren phourdell#15:52 bashepaskri, kay yek dren phourdell trompeta . Te shounah mer koy bashepaskri, stenn i moule pre, oun venn djido. Oun mer, kay gomme djivah, vah vin lino dran kova, hoy mer kanna ham, oun vavarčandes kerdo. 53Hi yaake: I moule venn djido. Oun i djide hounte merenn bouder gar. 54Te hi ko tsiro koy, kay i moule djido venna, oun i djide bouder gar merenna, palle vell kova čačo, hoy an o Debleskro lab činlo hi: O merepen nashras peskri zoor. Lestar trashah mer bouder gar. 55Merepen, tiri zoor hi krik! Merepen, tou doukreh kekes bouder!#15:55 dik: Yesaya 25:8
56O merepen lell peskri zoor dran o čilačepen, hoy o mensho krella. Hoy čilačo hi, djinah mer dran o Moseskre lila, kay činlo hi, har te djivas. 57Kanna parkrah men pash o Debleste. O merepen nashras peskri zoor pral mende. Maro ray, o Yezous Kristo, his zorleder har o merepen, oun las leskri zoor krik.
58Doleske, mire kamle phrala, ačenn zoreles an o patsepen! Ma moukenn t'men kekestar o Debleskro dromestar tele te anell! Avenn hako tsiro o Debleske koy, oun boudrenn leske mishto! T'mer djinenna: Kay boudi, hoy leske krenna, hi gar čičeske.
Currently Selected:
1. Korintarya 15: Sint-Man2024
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
1. Korintarya 15
15
O Devel kras o Yezous Kristes i moulendar djido
1Mire phrala, ma bistrenn o lačo lab o Yezousestar, hoy me t'menge penom! T'mer lan ko lab pre, oun t'mer djivenn pal kova.
2Te rikrenn t'men ap o lačo lab o Yezousestar, yaake har me les t'menge penom, djan t'mer gar nashedo. Te vals kova vavarčandes, vals t'maro patsepen čičeske. 3Ko bareder lab, hoy mange penlo vas, oun hoy me t'menge penom, hi kava: O Yezous Kristo meras menge, te lell lo mari doosh mendar krik, yaake har an o Debleskro lab činlo hi. 4Oun yob vas paskedo, oun vas djido pal triin divessa, yaake har kova an o Debleskro lab činlo hi. 5Oun pal kova sikras lo pes o Petreste. Oun pal koleste sikras lo pes peskre deesh-te-douy malende. 6Pal lende dikan les boudeder har panč-sheel phrala ap yek kopo. Boud lendar djivenna gomme kay dives. 7Pal lende dikas les ninna o Yakobo, oun palle ninna i tsele vavar bičepangre. 8Pal lende moukas yob pes mandar te dikell. Pal mande dikas les bouder kek. Oun me homs gar moldo, te dikap les. 9Me lom i patslen palla, te marap len. Doleske hom me o tikneder mashkral lende, kolen o Yezous bičras, te penenn le i menshenge o lačo lab lestar. Oun me hom gar moldo, te penenn yon, kay me yek lendar hom. 10O Devel kamas an peskro baro lačepen, te vap me kova, hoy me kanna hom. Oun leskro baro lačepen, hoy yob man das, his gar čičeske. Me boudrom boudeder har kol tsele vavar. Gar me kokres, o Debleskro lačepen an mande boudras mantsa, te krap nay koy boudi. 11Kova hi yek, koon mendar penas t'menge o lačo lab o Yezous Kristestar. Mer halauter rakrah lestar. Oun yaake patsan t'mer ap leste.
O Devel krell i patslen ninna i moulendar djido
12Mer penam t'menge, kay o Yezous Kristo i moulendar pre stas. Har nay penenn menshe mank t'mende: “Ko della gar, kay i moule pre stenna.”
13Te dell kova gar, kay i moule pre stenna, yaake stas o Yezous Kristo vitar gar i moulendar pre. 14Te stals o Yezous Kristo gar i moulendar pre, vals kova čičeske, hoy mer o Yezous Kristestar rakrah. Oun t'maro patsepen vals ninna čičeske. 15Palle nay penans le mendar, te ham mer rhorhene. Mer penam, kay kras o Devel o Yezous Kristes i moulendar djido. Te vals kova gar čačo, te krell o Devel i moulen djido, palle nashte kras yob o Yezous Kristes vitar gar djido.
16Te stenn i moule gar pre, palle stas o Yezous Kristo vitar gar i moulendar pre.
17Te stas o Yezous Kristo gar i moulendar pre, yaake hi t'maro patsepen čičeske. Oun ko čilačo koova, hoy t'mer kran, hi gomme ap t'mende.
18Te stas o Yezous Kristo gar i moulendar pre, palle hi kolla nashedo, kay ap o Yezous Kristeste patsan oun meran.
19Te vals maro patsepen ap o Yezous Kristeste bouder či moldo pal o merepen, vams i čorvleder i tsele menshendar. 20Ko čačepen hi: O Yezous Kristo hi o ersto, koles o Devel i moulendar djido kras. 21Yaake har vas o merepen yek menshestar, yaake vell ninna yekestar, kay stenn i moule pale pre.
22Yaake har vas o Adamestar, kay hounte merenn lauter, yaake vell o Yezous Kristestar, te krell o Devel len lauter djido: 23Hakeno ap peskro tsiro: O Yezous Kristo hi o glanstouno. Te vell lo pale, stenn kolla pre, kay ap leste patsan.
O Yezous vell o ray pral halauter
24Pal kova herell kava tsiro pre. Hako ray, hako pralstouno oun hakeno, koles hi penepaske, koleske lell o Yezous Kristo i zoor krik oun dell lauter o Debleste, peskro dadeste, te vell o Devel kokres o ray pral halauter. 25O Yezous Kristo hounte vell o ray yaake rah, bis te čivell o Devel lauteren, kay les gar kamenna, tel leskre pire.
26Ko palstouno#15:26 palstouno letsto , kolendar o Yezous Kristo i zoor krik lella, hi o merepen. 27An o Debleskro lab hi činlo: Lauter čivas o Devel tel leskre pire.#15:27 dik: Debleskri gili 8:7
Ninna te hi kate penlo, kay hi o Yezous Kristo o ray pral lauterende, hi lo gar pral o Debleste tardo. O Devel hi kova, kay kras, kay hi o Yezous Kristo o ray pral lauterende. 28Te vas o Yezous Kristo o ray pral halauter, čivell yob pes ninna tel o Debleskro vast, te vell o Devel ninna o ray pral o čaveste. Oun o Devel kokres hi o ray pral halauter.
Djinenn zoreles: I moule stenna pale pre!
29Kanna rakrau pale pral kolende, kay penenn, te stenn i moule gar pre. T'mer djinenn, hi patsle koy, kay moukenn pen i moulenge te taufrell. Poučau t'mendar: Te stenn i moule bouder gar pre, hoske moukenn le pen palle i moulenge te taufrell?
30Oun hoy hi mentsa? Hoske penah mer o Debleskro lab doureder, te djinah mer, te nay vah mer hako tsiro moulo dino?
31Hako dives nay nashrau me miro djipen. Mire phrala, kova hi čačo, yaake har čačo hi, kay hom barhtelo pral t'mende, kay me anom t'men pash o Yezous Kristeste, maro rayeste. 32An o foro Efesus kourom man me menshentsa, kay yaake hi har divye firhe. Te patsoms me gar, kay i moule pre stenna, kroms me kova gar. Te stenna i moule gar pre, hi kol vavaren čačo, te penenn le: “Rhas oun piyas! Taysar nay ham moulo!”
33Ma patsenn, kay lengro čačo hi! Ma krenn kova, hoy yon krenna! 34Djan o čačo drom! Ma piyenn t'men mato! Djivenn bouder gar an o čilačepen!
Mank t'mende hi menshe, kay djinenn gar, koon o Devel hi. Oun kova penau t'menge, te ladjenn t'men.
Har krell o Devel i moulen djido?
35Kanna nay vell yek, kay poučella: “Har nay stenn i moule pre? Oun har dikenn le vin?”
36Me, o Paulo, penau touke: Har nay poučeh tou yaake dineles? Dik ap o djob, hoy tou an i phoub čiveh! Kova hounte merell, te vell lo djido oun baro. 37Oun kova, hoy tou an i phoub čiveh, hi gar ko baro djob. Na-a! Tou čiveh les an i phoub, te hi lo tikno. Oun yaake kreh tou kova ninna o vavar zenlepah. 38O Devel moukell les bares te vell oun yaake vin te dikell, har yob kamell. Oun hako zenlepen krell lo vavarčandes.
39Hako djipen ap i phoub dikell vavarčandes vin. I menshe dikenn vavarčandes vin har i čirkle. Oun i čirkle dikenn vavarčandes vin har i mače. 40Oun kolla, kay an o bolepen hi, dikenn vavarčandes vin, har kolla, kay ap i phoub hi. Oun kolla, kay an o bolepen hi, len hi i vavar raylepen, har kolla, kay ap i phoub hi. 41O kham, les hi i vavar raylepen har o čon#15:41 čon moonto . Oun o čon, les hi i vavar raylepen, har i bolepangre momlia. Oun kek lendar dikell vin har koy vavar.
42Yaake hi ninna, te stenn i moule pre. Kova, hoy an i phoub čiddo vella, ferdjala. Kova, kay i moulendar pre stella, merell bouder gar. 43Kova, hoy an i phoub čiddo vella, hi djoungelo. Kova, kay i moulendar pre stella, hi shoukar. Kova, hoy an i phoub čiddo vella, koles hi kek zoor. Te stell lo i moulendar pre, djal kova i bari zoryah. 44Kova, hoy paskedo vella, his i mensho dran mass oun rat. Kova, kay i moulendar pre stella, hi i nevo mensho, koles o Debleskro Dourho djido kras. Yaake har della o menshes dran mass oun rat, – kova merella – yaake della ninna o nevo menshes, koles o Debleskro Dourho djido kras. Kova merella bouder gar.
45An o Debleskro lab hi činlo: O ersto mensho, o Adam, las o djipen.#15:45 dik: 1. Mose 2:7
Oun o Yezous Kristo, koles nay kharams mer o douyto mensho – yob hi i djido dourho, kay dell o djipen. 46Ko djipen, hoy yob della, vell pal o djipen, hoy hi men kanna ap kay phoub. 47O ersto mensho vas i phoubyatar oun dran čik kerdo. O douyto mensho, o Yezous Kristo, vas dran o bolepen. 48Yaake har ko phoubyakro mensho, o Adam, his, yaake hi kolla, kay ap i phoub hi. Yaake har ko bolepaskro mensho, o Yezous Kristo, hi, yaake hi kolla, kay an o bolepen hi. 49Kanna dikah vin har kova, kay vas kerdo dran čik. Te vah an o bolepen, dikah vin har kova, kay vas dran o bolepen.
O merepen nashrell peskri zoor
50Mire phrala, kova penau me t'menge: Menshe dran mass oun rat nay venn gar an o bolepen. Vitar gar vell kova, hoy moulo hi, kote, kay i djide hi. 51Shounenn, me penau t'menge, hoy kek djinella: Mer merah gar lauter. Vell i tsiro, koy lell men o Devel vin dran kova, hoy mer kanna ham, oun krell men vavarčandes. 52Kova vell ap yek kopo, yaake sik, har kek nay dikella. Ap ko tsiro shounah mer i bashepaskri, kay yek dren phourdell#15:52 bashepaskri, kay yek dren phourdell trompeta . Te shounah mer koy bashepaskri, stenn i moule pre, oun venn djido. Oun mer, kay gomme djivah, vah vin lino dran kova, hoy mer kanna ham, oun vavarčandes kerdo. 53Hi yaake: I moule venn djido. Oun i djide hounte merenn bouder gar. 54Te hi ko tsiro koy, kay i moule djido venna, oun i djide bouder gar merenna, palle vell kova čačo, hoy an o Debleskro lab činlo hi: O merepen nashras peskri zoor. Lestar trashah mer bouder gar. 55Merepen, tiri zoor hi krik! Merepen, tou doukreh kekes bouder!#15:55 dik: Yesaya 25:8
56O merepen lell peskri zoor dran o čilačepen, hoy o mensho krella. Hoy čilačo hi, djinah mer dran o Moseskre lila, kay činlo hi, har te djivas. 57Kanna parkrah men pash o Debleste. O merepen nashras peskri zoor pral mende. Maro ray, o Yezous Kristo, his zorleder har o merepen, oun las leskri zoor krik.
58Doleske, mire kamle phrala, ačenn zoreles an o patsepen! Ma moukenn t'men kekestar o Debleskro dromestar tele te anell! Avenn hako tsiro o Debleske koy, oun boudrenn leske mishto! T'mer djinenna: Kay boudi, hoy leske krenna, hi gar čičeske.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.