Mathiơ 5
5
Yêsu pơto r̂ăng pơ kŏ čĭ
1Pah Yêsu ƀôh mơnuih bơlô, nŭn ñu đĭ nao pơ kŏ čĭ, tơl ñu dŏ ben, nŭn môt hyĕn tui r̂ai pơ ñu.
Klơi nŭk-nua dơdi
(Lŭk 6:20-23)
2Pah anŭn, ñu pơhiăp pơto laĭ:
3«Nŭk-nua yơh, bih mơnuih hin-hr̂ơĭ tăm bŭt-tai#An Êsai 57:15.
Yua Ơi Adai ti wai-lăng gơñu.
4Nŭk-nua yơh, bih mơnuih čŏk hia
Yua Ơi Adai ti alôm bŭt gơñu.#An Êsai 61:1-3; 2Kô 7:10.
5Nŭk-nua yơh, bih mơnuih bŭt ƀlôm
Yua gơñu ti mă tô̆ lŏn kơnah jr̂ŏng dr̂ăm pơđŏk gơñu.#An Doh 37:11.
6Nŭk-nua yơh, bih mơnuih lơpa mơhao klơi kơpă
Yua Ơi Adai ti br̂ơi gơñu tr̂ơi.#An Êsai 55:1-2.
7Nŭk-nua yơh, bih mơnuih hmâo bŭt pap-dr̂ap
Yua Ơi Adai ti pap-dr̂ap br̂ơi gơñu mơ̆n.#An Pơđĭk 19:17.
8Nŭk-nua yơh, bih mơnuih hmâo bŭt lơgoh hiam
Yua gơñu ti ƀôh Ơi Adai.#An Doh 24:3-4.
9Nŭk-nua yơh, bih mơnuih thâo pơsah-pơsĭl r̂ăng#An Rôm 14:19; Yak 3:18.
Yua r̂ăng ti iâo gơñu nă Ơi Adai.
10Nŭk-nua yơh, bih mơnuih r̂ăng bơjăm bơjuă ngă set yua gơñu ngă klơi kơpă
Yua Ơi Adai ti wai-lăng gơñu.
11«Gô-ih nŭk-nua yơh, tơl r̂ăng hiăp pơmat bơjăm bơjuă ngă set wŏt hiăp pơčeh gr̂ư̆ klơi set gô-ih yua kâo.#An Hêb 11:26. 12Br̂ơi gô-ih mơ-ak hôk-blôk wŏ,#An Buă 5:41; Hêb 10:34; 1Pê 4:13. yua gô-ih ti tô̆ dr̂ăm bơni pr̂ŏng pơ adai dih, yua r̂ăng bơjăm bơjuă ngă set môt ba pơhiăp Ơi Adai ahlâo,#An Buă 7:52. hla ti gô-ih mơ̆n.»
Hr̂a hr̂ŏm klơi đaih
(Mak 9:50; Lŭk 14:34-35)
13«Gô-ih yơh hr̂a lŏn kơnah, jơ̆ laĭ hr̂a bĭ ƀăt, ngă hiư̆m pă ñu mơ̆ng ƀăt glaĭ dŏng? Hr̂a nŭn bĭ hmâo kha dŏng tah, a ti glŏm lôi gah wang đơč br̂ơi r̂ăng bat juă nao r̂ai. 14Gô-ih yơh klơi đaih pơčr̂ang nă mơnuih mơ̆ng lŏn kơnah.#An Yôh 8:12; Phi 2:14-15. Plơi dŏ mơ̆ng kŏ čĭ, jơ̆ a bơdŏp bĭ thâo hơ-et ôh. 15Bĭ hmâo mơnuih tôt phui đeng čr̂oh gah yô̆ thŭng ôh, r̂ăng tôt phui đeng čr̂oh gah ngŏ le ñu, čiăng đaih bih mơnuih dŏ tăm sang. 16Nĭng nŭn yơh, br̂ơi klơi đaih gô-ih pơčr̂ang gah năp nă mơnuih, r̂ăng mơ̆ng ƀôh buă hiam gô-ih ngă, nŭn r̂ăng ti pơ-i-bli klơi gơdr̂ih-gơdr̂ŏng Ơi Adai Ma gô-ih dŏ mơ̆ng adai dih.»#An 1Pê 2:12.
Yêsu bơjr̂ŏng lôi klơi juăt Môsê
17«Anăm khư̆t laĭ, kâo r̂ai čiăng bơr̂ăm lôi klơi juăt Môsê dăp hla hr̂ă môt ba pơhiăp Ơi Adai ôh. Kâo bĭ djơ̆ r̂ai čiăng bơr̂ăm lôi ôh, kâo r̂ai čiăng bơjr̂ŏng lôi klơi juăt dăp hla hr̂ă nŭn.#An Rôm 10:4; 13:8. 18Kâo r̂ă br̂ơi gô-ih dơdi laĭ, tô̆ mơ̆ng ane khă tơl adai dăp lŏn kơnah ñă lôi, klơi juăt bĭ ñă ôh, mă ha boh hr̂ă anĕt hloh, mă ha boh a tuĕk he, gr̂ư̆ klơi juăt nŭn ti jr̂ŏng lôi soh-sel.#An Êsai 40:8; 55:11. 19Hla nŭn lơi pô klaih lôi klơi juăt anĕt hloh ha kho, jr̂ŏng nŭn pơto r̂ăng pơkŏn klaih lôi hla ti ñu mơ̆n, nŭn a ti yap ñu anĕt hloh tăm môt mơnuih Ơi Adai wai-lăng. Lơi pô ngă tui, dăp pơto r̂ăng pơkŏn ngă tui mơ̆n, nŭn a ti yap ñu pr̂ŏng hloh tăm môt mơnuih Ơi Adai wai-lăng. 20Kâo r̂ă br̂ơi gô-ih, jơ̆ gô-ih bĭ ngă kơpă hloh mơ̆ng môt gru pơto klơi juăt Môsê dăp môt Pharasi, nŭn gô-ih bĭ thâo mŭt mơ̆ng klơi Ơi Adai wai-lăng ôh.»#An Mat 18:3; Yôh 3:5.
Klơi hêl
21«Gô-ih juăt hmĭ r̂ăng r̂ă br̂ơi mơnuih tha đim laĭ, “Anăm pơdjai mơnuih ôh,#Klơi ne tô̆ mơ̆ng Biă 20:13. lơi pơdjai mơnuih, ñu nŭn ti hmâo kơđi yơh.” 22Gah kâo dŏng, kâo laĭ br̂ơi gô-ih, lơi pô hêl yŏng dơi ñu,#An Yak 1:19-20; 1Yôh 3:15. ñu nŭn ti hmâo kơđi mơ̆n. Lơi pô hiăp yŏng dơi ñu, ñu laĭ, “Ih bĭ thâo hŏ!” Nŭn r̂ăng ti ba nao ñu pơ môt khua tr̂ĕ kơđi. Nŭn dŏng lơi pô laĭ, “Ih lơhut!” Ñu nŭn găl ti lĕ tăm wal phui. 23Hla nŭn, pha laĭ ih ba nao dr̂ăm pơyŏl pơ pr̂a ngă yang, pah anŭn ih hĕng kơčăng glaĭ yŏng dơi ih dŏ hmâo kơđi hr̂ŏm ih, 24nŭn čr̂oh lôi dr̂ăm pơyŏl ih ti năp pr̂a ngă yang, glaĭ nao pơsah-pơsĭl lôi hr̂ŏm yŏng dơi ih ƀơĭ, jr̂ŏng nŭn r̂ai pơyŏl dr̂ăm ih dŏng.
25«Pah ih dŏ bat hr̂ŏm pô săl ih r̂ok glan, br̂ơi ih tăñ pơsĭl lôi hr̂ŏm ñu, huĭ ñu ba nao ih pơ khua tr̂ĕ kơđi, jr̂ŏng nŭn khua nŭn ti mop ih pơ mơnuih ep sang khŭk, nŭn ñu ti kr̂ĭ lôi ih tăm khŭk. 26Kâo r̂ă br̂ơi ih dơdi laĭ, ih bĭ biă mơ̆ng anŭn ôh, tơl ih duh kloh bih ƀơĭ, wŏt ha kăk bĭ br̂ơi đom le.»
Klơi kao kŏ
27«Gô-ih juăt hmĭ r̂ăng r̂ă laĭ, “Anăm ngă kao kŏ ôh.”#Klơi ne tô̆ mơ̆ng Biă 20:14. 28Gah kâo dŏng, kâo laĭ br̂ơi gô-ih, bih đahkơi ep đahmơi, nŭn ñu hăt jĕ jiăm hr̂ŏm, ñu nŭn ngă kao kŏ tăm bŭt-tai ñu hr̂ŏm đahmơi nŭn yơh.#An 2Săm 11:2; Pơđĭk 6:25. 29Jơ̆ laĭ săl ta ih gah nuă ba ih ngă glaĭ, nŭn khuĕk glŏm lôi wŏ. Pha laĭ ih ñă lôi săl ta ha gah, nŭn hiam hloh mơ̆ng ih hmâo săl ta dua, a ti glŏm lôi bih dr̂ơi-jĕn ih tăm wal phui. 30Jơ̆ laĭ ngan gah nuă ih ba ih ngă glaĭ, br̂ơi ih čŏng glŏm lôi wŏ. Pha laĭ ih ñă lôi ngan ha gah, nŭn hiam hloh mơ̆ng ih hmâo ngan dua, a ti ba bih dr̂ơi-jĕn ih tăm wal phui.»#An Mat 18:8-9.
Klơi klaih lôi bơnai
(Mat 19:9; Mak 10:11-12; Lŭk 16:18)
31«R̂ăng juăt r̂ă laĭ, “Lơi čiăng klaih bơnai, br̂ơi ñu čih hla hr̂ă klaih lôi.”#Klơi ne tô̆ mơ̆ng Juăt 24:1. 32Gah kâo dŏng, kâo laĭ br̂ơi gô-ih, lơi pô klaih bơnai (bơnai ñu bĭ djơ̆ mơnuih ngă tă-tăn ôh), đahkơi nŭn ngă br̂ơi bơnai ñu kao kŏ yơh tơl ñu dŏ kơi phr̂âo.#5:32 Tơl ñu dŏ kơi phr̂âo nŭn Krĭk bĭ hmâo ôh. Klơi nŭn bơjel tui hla pơhiăp Khme 2005 (Khsv). Lơi pô dŏ bơnai r̂ăng klaih, ñu nŭn ngă kao kŏ mơ̆n.»#An Mat 19:3-9; 1Kô 7:10-11.
Klơi pơhiăp uăn
33«Ha tô̆ dŏng, gô-ih juăt hmĭ r̂ăng r̂ă br̂ơi mơnuih tha đim laĭ, “Anăm uăn ƀlơl ôh,#Klơi ne tô̆ mơ̆ng Lêwi 19:12. br̂ơi ih ngă bơjr̂ŏng lôi klơi ih uăn ti năp Khua Yang.”#Klơi ne tô̆ mơ̆ng Yap 30:2. 34Gah kâo dŏng, kâo laĭ br̂ơi gô-ih, anăm hiăp uăn ôh!#An Yak 5:12. Anăm uăn mơ̆ng adai dih ôh, yua adai nŭn gr̂e pơtao Ơi Adai yơh. 35Anăm uăn mơ̆ng lŏn kơnah le, yua lŏn kơnah nŭn gôl đăl plă le Ơi Adai.#An Êsai 66:1. Anăm uăn mơ̆ng plơi Yêrusalĕm, yua plơi Yêrusalĕm nŭn plơi pơtao pr̂ŏng.#An Doh 48:2. 36Wŏt anăm uăn mơ̆ng kŏ ih pô le, yua ih bĭ thâo ngă br̂ơi ha gŏl ƀô̆k jr̂ŏng kŏ jr̂ŏng tăm ôh. 37Jơ̆ “Ơ” laĭ “Ơ,” jơ̆ “Bĭ ôh” laĭ “Bĭ ôh.” Pha laĭ hiăp hloh mơ̆ng nŭn, boh hiăp nŭn r̂ai mơ̆ng yang set yơh.»
Klơi ƀong glaĭ
(Lŭk 6:29-30)
38«Gô-ih juăt hmĭ r̂ăng r̂ă laĭ, “Săl ta ƀong glaĭ săl ta, gơi ƀong glaĭ gơi.”#Klơi ne tô̆ mơ̆ng Biă 21:24. 39Gah kâo dŏng, kâo laĭ br̂ơi gô-ih, anăm bơgăng glaĭ mơ̆ng mơnuih set ôh. Pha laĭ r̂ăng pah meng ih gah nuă, br̂ơi ih wih br̂ơi gah djao dŏng.#An Mat 26:67; Rôm 12:17-19. 40Jơ̆ r̂ăng hmâo kơđi ti mă ao đah-lăm, br̂ơi ñu tô̆ ao phyông ih he mơ̆n. 41Jơ̆ r̂ăng bơgŏ čiăng ih bat ha kilô,#5:41 Mơ̆ng nôk nŭn môt tơhan Rôm hmâo sĭt bơgŏ nă plơi lan gui br̂ơi hnă gơñu, bat ha kilô. br̂ơi ih bat hr̂ŏm ñu dua kilô. 42Lơi dueh, ih br̂ơi, ih anăm wih r̂ŏng mơ̆ng mơnuih čiăng djưm hnă ih ôh.»#An Juăt 15:7-8.
Klơi khăp ayăt
(Lŭk 6:27-28, 32-36)
43«Gô-ih juăt hmĭ r̂ăng r̂ă laĭ, “Khăp wŏ mơnuih dŏ jŭm dăl ih,#An Lêwi 19:18. plai hơ-ŏp wŏ ayăt ih.” 44Gah kâo dŏng, kâo laĭ br̂ơi gô-ih khăp wŏ ayăt gô-ih,#An Biă 23:4; Pơđĭk 25:21. wŏt iâo-laĭ br̂ơi bih môt bơjăm bơjuă ngă set gô-ih mơ̆n,#An Lŭk 23:34; Buă 7:60. 45nŭn gô-ih ti jr̂ŏng nă Ơi Adai Ma gô-ih dŏ mơ̆ng adai dih,#An Êph 5:1. yua ñu br̂ơi yang r̂ơi biă pơčr̂ang br̂ơi mơnuih set dăp mơnuih hiam, ñu br̂ơi ia jan mơnuih kơpă wŏt mơnuih wĕ-wŏ he mơ̆n. 46Pha laĭ gô-ih khăp môt khăp gô-ih đơč, nŭn gô-ih ti tô̆ dr̂ăm bơni nŏ yĕt? Wŏt môt tĭ puŏn, hiư̆m, gơñu bĭ ngă hla nŭn ôh? 47Jơ̆ gô-ih hơ-on kăn yŏng dơi gô-ih đơč, hiư̆m, gô-ih ngă phar̂a mơ̆ng r̂ăng pơkŏn mơ̆n? Wŏt môt sô̆n-sat pơkŏn, gơñu ngă nĭng nŭn mơ̆n! 48Hla nŭn, br̂ơi gô-ih hiam tôm-tĕč hla ti Ơi Adai Ma gô-ih hiam tôm-tĕč dŏ mơ̆ng adai dih mơ̆n.»#An Lêwi 19:2.
Currently Selected:
Mathiơ 5: JKB
Highlight
Copy
Compare
Share
Want to have your highlights saved across all your devices? Sign up or sign in
© 2024, Wycliffe Bible Translators, Inc.
Mathiơ 5
5
Yêsu pơto r̂ăng pơ kŏ čĭ
1Pah Yêsu ƀôh mơnuih bơlô, nŭn ñu đĭ nao pơ kŏ čĭ, tơl ñu dŏ ben, nŭn môt hyĕn tui r̂ai pơ ñu.
Klơi nŭk-nua dơdi
(Lŭk 6:20-23)
2Pah anŭn, ñu pơhiăp pơto laĭ:
3«Nŭk-nua yơh, bih mơnuih hin-hr̂ơĭ tăm bŭt-tai#An Êsai 57:15.
Yua Ơi Adai ti wai-lăng gơñu.
4Nŭk-nua yơh, bih mơnuih čŏk hia
Yua Ơi Adai ti alôm bŭt gơñu.#An Êsai 61:1-3; 2Kô 7:10.
5Nŭk-nua yơh, bih mơnuih bŭt ƀlôm
Yua gơñu ti mă tô̆ lŏn kơnah jr̂ŏng dr̂ăm pơđŏk gơñu.#An Doh 37:11.
6Nŭk-nua yơh, bih mơnuih lơpa mơhao klơi kơpă
Yua Ơi Adai ti br̂ơi gơñu tr̂ơi.#An Êsai 55:1-2.
7Nŭk-nua yơh, bih mơnuih hmâo bŭt pap-dr̂ap
Yua Ơi Adai ti pap-dr̂ap br̂ơi gơñu mơ̆n.#An Pơđĭk 19:17.
8Nŭk-nua yơh, bih mơnuih hmâo bŭt lơgoh hiam
Yua gơñu ti ƀôh Ơi Adai.#An Doh 24:3-4.
9Nŭk-nua yơh, bih mơnuih thâo pơsah-pơsĭl r̂ăng#An Rôm 14:19; Yak 3:18.
Yua r̂ăng ti iâo gơñu nă Ơi Adai.
10Nŭk-nua yơh, bih mơnuih r̂ăng bơjăm bơjuă ngă set yua gơñu ngă klơi kơpă
Yua Ơi Adai ti wai-lăng gơñu.
11«Gô-ih nŭk-nua yơh, tơl r̂ăng hiăp pơmat bơjăm bơjuă ngă set wŏt hiăp pơčeh gr̂ư̆ klơi set gô-ih yua kâo.#An Hêb 11:26. 12Br̂ơi gô-ih mơ-ak hôk-blôk wŏ,#An Buă 5:41; Hêb 10:34; 1Pê 4:13. yua gô-ih ti tô̆ dr̂ăm bơni pr̂ŏng pơ adai dih, yua r̂ăng bơjăm bơjuă ngă set môt ba pơhiăp Ơi Adai ahlâo,#An Buă 7:52. hla ti gô-ih mơ̆n.»
Hr̂a hr̂ŏm klơi đaih
(Mak 9:50; Lŭk 14:34-35)
13«Gô-ih yơh hr̂a lŏn kơnah, jơ̆ laĭ hr̂a bĭ ƀăt, ngă hiư̆m pă ñu mơ̆ng ƀăt glaĭ dŏng? Hr̂a nŭn bĭ hmâo kha dŏng tah, a ti glŏm lôi gah wang đơč br̂ơi r̂ăng bat juă nao r̂ai. 14Gô-ih yơh klơi đaih pơčr̂ang nă mơnuih mơ̆ng lŏn kơnah.#An Yôh 8:12; Phi 2:14-15. Plơi dŏ mơ̆ng kŏ čĭ, jơ̆ a bơdŏp bĭ thâo hơ-et ôh. 15Bĭ hmâo mơnuih tôt phui đeng čr̂oh gah yô̆ thŭng ôh, r̂ăng tôt phui đeng čr̂oh gah ngŏ le ñu, čiăng đaih bih mơnuih dŏ tăm sang. 16Nĭng nŭn yơh, br̂ơi klơi đaih gô-ih pơčr̂ang gah năp nă mơnuih, r̂ăng mơ̆ng ƀôh buă hiam gô-ih ngă, nŭn r̂ăng ti pơ-i-bli klơi gơdr̂ih-gơdr̂ŏng Ơi Adai Ma gô-ih dŏ mơ̆ng adai dih.»#An 1Pê 2:12.
Yêsu bơjr̂ŏng lôi klơi juăt Môsê
17«Anăm khư̆t laĭ, kâo r̂ai čiăng bơr̂ăm lôi klơi juăt Môsê dăp hla hr̂ă môt ba pơhiăp Ơi Adai ôh. Kâo bĭ djơ̆ r̂ai čiăng bơr̂ăm lôi ôh, kâo r̂ai čiăng bơjr̂ŏng lôi klơi juăt dăp hla hr̂ă nŭn.#An Rôm 10:4; 13:8. 18Kâo r̂ă br̂ơi gô-ih dơdi laĭ, tô̆ mơ̆ng ane khă tơl adai dăp lŏn kơnah ñă lôi, klơi juăt bĭ ñă ôh, mă ha boh hr̂ă anĕt hloh, mă ha boh a tuĕk he, gr̂ư̆ klơi juăt nŭn ti jr̂ŏng lôi soh-sel.#An Êsai 40:8; 55:11. 19Hla nŭn lơi pô klaih lôi klơi juăt anĕt hloh ha kho, jr̂ŏng nŭn pơto r̂ăng pơkŏn klaih lôi hla ti ñu mơ̆n, nŭn a ti yap ñu anĕt hloh tăm môt mơnuih Ơi Adai wai-lăng. Lơi pô ngă tui, dăp pơto r̂ăng pơkŏn ngă tui mơ̆n, nŭn a ti yap ñu pr̂ŏng hloh tăm môt mơnuih Ơi Adai wai-lăng. 20Kâo r̂ă br̂ơi gô-ih, jơ̆ gô-ih bĭ ngă kơpă hloh mơ̆ng môt gru pơto klơi juăt Môsê dăp môt Pharasi, nŭn gô-ih bĭ thâo mŭt mơ̆ng klơi Ơi Adai wai-lăng ôh.»#An Mat 18:3; Yôh 3:5.
Klơi hêl
21«Gô-ih juăt hmĭ r̂ăng r̂ă br̂ơi mơnuih tha đim laĭ, “Anăm pơdjai mơnuih ôh,#Klơi ne tô̆ mơ̆ng Biă 20:13. lơi pơdjai mơnuih, ñu nŭn ti hmâo kơđi yơh.” 22Gah kâo dŏng, kâo laĭ br̂ơi gô-ih, lơi pô hêl yŏng dơi ñu,#An Yak 1:19-20; 1Yôh 3:15. ñu nŭn ti hmâo kơđi mơ̆n. Lơi pô hiăp yŏng dơi ñu, ñu laĭ, “Ih bĭ thâo hŏ!” Nŭn r̂ăng ti ba nao ñu pơ môt khua tr̂ĕ kơđi. Nŭn dŏng lơi pô laĭ, “Ih lơhut!” Ñu nŭn găl ti lĕ tăm wal phui. 23Hla nŭn, pha laĭ ih ba nao dr̂ăm pơyŏl pơ pr̂a ngă yang, pah anŭn ih hĕng kơčăng glaĭ yŏng dơi ih dŏ hmâo kơđi hr̂ŏm ih, 24nŭn čr̂oh lôi dr̂ăm pơyŏl ih ti năp pr̂a ngă yang, glaĭ nao pơsah-pơsĭl lôi hr̂ŏm yŏng dơi ih ƀơĭ, jr̂ŏng nŭn r̂ai pơyŏl dr̂ăm ih dŏng.
25«Pah ih dŏ bat hr̂ŏm pô săl ih r̂ok glan, br̂ơi ih tăñ pơsĭl lôi hr̂ŏm ñu, huĭ ñu ba nao ih pơ khua tr̂ĕ kơđi, jr̂ŏng nŭn khua nŭn ti mop ih pơ mơnuih ep sang khŭk, nŭn ñu ti kr̂ĭ lôi ih tăm khŭk. 26Kâo r̂ă br̂ơi ih dơdi laĭ, ih bĭ biă mơ̆ng anŭn ôh, tơl ih duh kloh bih ƀơĭ, wŏt ha kăk bĭ br̂ơi đom le.»
Klơi kao kŏ
27«Gô-ih juăt hmĭ r̂ăng r̂ă laĭ, “Anăm ngă kao kŏ ôh.”#Klơi ne tô̆ mơ̆ng Biă 20:14. 28Gah kâo dŏng, kâo laĭ br̂ơi gô-ih, bih đahkơi ep đahmơi, nŭn ñu hăt jĕ jiăm hr̂ŏm, ñu nŭn ngă kao kŏ tăm bŭt-tai ñu hr̂ŏm đahmơi nŭn yơh.#An 2Săm 11:2; Pơđĭk 6:25. 29Jơ̆ laĭ săl ta ih gah nuă ba ih ngă glaĭ, nŭn khuĕk glŏm lôi wŏ. Pha laĭ ih ñă lôi săl ta ha gah, nŭn hiam hloh mơ̆ng ih hmâo săl ta dua, a ti glŏm lôi bih dr̂ơi-jĕn ih tăm wal phui. 30Jơ̆ laĭ ngan gah nuă ih ba ih ngă glaĭ, br̂ơi ih čŏng glŏm lôi wŏ. Pha laĭ ih ñă lôi ngan ha gah, nŭn hiam hloh mơ̆ng ih hmâo ngan dua, a ti ba bih dr̂ơi-jĕn ih tăm wal phui.»#An Mat 18:8-9.
Klơi klaih lôi bơnai
(Mat 19:9; Mak 10:11-12; Lŭk 16:18)
31«R̂ăng juăt r̂ă laĭ, “Lơi čiăng klaih bơnai, br̂ơi ñu čih hla hr̂ă klaih lôi.”#Klơi ne tô̆ mơ̆ng Juăt 24:1. 32Gah kâo dŏng, kâo laĭ br̂ơi gô-ih, lơi pô klaih bơnai (bơnai ñu bĭ djơ̆ mơnuih ngă tă-tăn ôh), đahkơi nŭn ngă br̂ơi bơnai ñu kao kŏ yơh tơl ñu dŏ kơi phr̂âo.#5:32 Tơl ñu dŏ kơi phr̂âo nŭn Krĭk bĭ hmâo ôh. Klơi nŭn bơjel tui hla pơhiăp Khme 2005 (Khsv). Lơi pô dŏ bơnai r̂ăng klaih, ñu nŭn ngă kao kŏ mơ̆n.»#An Mat 19:3-9; 1Kô 7:10-11.
Klơi pơhiăp uăn
33«Ha tô̆ dŏng, gô-ih juăt hmĭ r̂ăng r̂ă br̂ơi mơnuih tha đim laĭ, “Anăm uăn ƀlơl ôh,#Klơi ne tô̆ mơ̆ng Lêwi 19:12. br̂ơi ih ngă bơjr̂ŏng lôi klơi ih uăn ti năp Khua Yang.”#Klơi ne tô̆ mơ̆ng Yap 30:2. 34Gah kâo dŏng, kâo laĭ br̂ơi gô-ih, anăm hiăp uăn ôh!#An Yak 5:12. Anăm uăn mơ̆ng adai dih ôh, yua adai nŭn gr̂e pơtao Ơi Adai yơh. 35Anăm uăn mơ̆ng lŏn kơnah le, yua lŏn kơnah nŭn gôl đăl plă le Ơi Adai.#An Êsai 66:1. Anăm uăn mơ̆ng plơi Yêrusalĕm, yua plơi Yêrusalĕm nŭn plơi pơtao pr̂ŏng.#An Doh 48:2. 36Wŏt anăm uăn mơ̆ng kŏ ih pô le, yua ih bĭ thâo ngă br̂ơi ha gŏl ƀô̆k jr̂ŏng kŏ jr̂ŏng tăm ôh. 37Jơ̆ “Ơ” laĭ “Ơ,” jơ̆ “Bĭ ôh” laĭ “Bĭ ôh.” Pha laĭ hiăp hloh mơ̆ng nŭn, boh hiăp nŭn r̂ai mơ̆ng yang set yơh.»
Klơi ƀong glaĭ
(Lŭk 6:29-30)
38«Gô-ih juăt hmĭ r̂ăng r̂ă laĭ, “Săl ta ƀong glaĭ săl ta, gơi ƀong glaĭ gơi.”#Klơi ne tô̆ mơ̆ng Biă 21:24. 39Gah kâo dŏng, kâo laĭ br̂ơi gô-ih, anăm bơgăng glaĭ mơ̆ng mơnuih set ôh. Pha laĭ r̂ăng pah meng ih gah nuă, br̂ơi ih wih br̂ơi gah djao dŏng.#An Mat 26:67; Rôm 12:17-19. 40Jơ̆ r̂ăng hmâo kơđi ti mă ao đah-lăm, br̂ơi ñu tô̆ ao phyông ih he mơ̆n. 41Jơ̆ r̂ăng bơgŏ čiăng ih bat ha kilô,#5:41 Mơ̆ng nôk nŭn môt tơhan Rôm hmâo sĭt bơgŏ nă plơi lan gui br̂ơi hnă gơñu, bat ha kilô. br̂ơi ih bat hr̂ŏm ñu dua kilô. 42Lơi dueh, ih br̂ơi, ih anăm wih r̂ŏng mơ̆ng mơnuih čiăng djưm hnă ih ôh.»#An Juăt 15:7-8.
Klơi khăp ayăt
(Lŭk 6:27-28, 32-36)
43«Gô-ih juăt hmĭ r̂ăng r̂ă laĭ, “Khăp wŏ mơnuih dŏ jŭm dăl ih,#An Lêwi 19:18. plai hơ-ŏp wŏ ayăt ih.” 44Gah kâo dŏng, kâo laĭ br̂ơi gô-ih khăp wŏ ayăt gô-ih,#An Biă 23:4; Pơđĭk 25:21. wŏt iâo-laĭ br̂ơi bih môt bơjăm bơjuă ngă set gô-ih mơ̆n,#An Lŭk 23:34; Buă 7:60. 45nŭn gô-ih ti jr̂ŏng nă Ơi Adai Ma gô-ih dŏ mơ̆ng adai dih,#An Êph 5:1. yua ñu br̂ơi yang r̂ơi biă pơčr̂ang br̂ơi mơnuih set dăp mơnuih hiam, ñu br̂ơi ia jan mơnuih kơpă wŏt mơnuih wĕ-wŏ he mơ̆n. 46Pha laĭ gô-ih khăp môt khăp gô-ih đơč, nŭn gô-ih ti tô̆ dr̂ăm bơni nŏ yĕt? Wŏt môt tĭ puŏn, hiư̆m, gơñu bĭ ngă hla nŭn ôh? 47Jơ̆ gô-ih hơ-on kăn yŏng dơi gô-ih đơč, hiư̆m, gô-ih ngă phar̂a mơ̆ng r̂ăng pơkŏn mơ̆n? Wŏt môt sô̆n-sat pơkŏn, gơñu ngă nĭng nŭn mơ̆n! 48Hla nŭn, br̂ơi gô-ih hiam tôm-tĕč hla ti Ơi Adai Ma gô-ih hiam tôm-tĕč dŏ mơ̆ng adai dih mơ̆n.»#An Lêwi 19:2.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024, Wycliffe Bible Translators, Inc.