Biă 2
2
Klơi a pơpôn Môsê
1Hmâo đahkơi ha r̂ăng mơ̆ng phung wang Lêwi, ñu nao dŏ đahmơi phung wang Lêwi#2:1 Đahkơi phung wang Lêwi thâo mơ̆n dŏ đahmơi phung wang Lêwi yua klơi juăt môt sô̆n-sat Israel phar̂a mơ̆ng klơi juăt Jơr̂ai ta. Môt sô̆n-sat Israel juăt dŏ phung pô mơ̆n, gơñu bĭ kŏm ôh. mơ̆n.#An Biă 6:20. 2Đahmơi nŭn dŏ năp jr̂ŏng nŭn pơpôn r̂ai nă đahkơi ha r̂ăng, tơl ñu ƀôh laĭ nă nŭn hiam, nŭn ñu bơdŏp lôi nă nŭn klâo blan. 3Tơl ñu bơdŏp nă ñu bĭ thâo hơ-et dŏng tah, nŭn ñu tô̆ gơjơ ha boh a ñam mơ̆ng phŭn čiăng, ñu mañ gơjơ nŭn mơ̆ng ia ƀlit dăp kơtăk, jr̂ŏng nŭn čr̂oh tr̂ŭn nă ñu tăm gơjơ, ba nao čr̂oh lôi tŏng-kr̂ah mr̂ơ̆k tăm ia kr̂ong Nil r̂ok hang. 4Nŭn mai nă anĕt nŭn dŏ dŏng ep mơ̆ng taih, čiăng thâo kr̂ăn laĭ, adơi ñu ti pŏ klơi yĕt.
5Jr̂ŏng nŭn nă bia pơtao Pharon tr̂ŭn nao nơi tăm ia kr̂ong, gah môt đahmơi hlŭn ñu, gơñu bat r̂ok hang ia. Nŭn nă pơtao ƀôh gơjơ dŏ tŏng-kr̂ah mr̂ơ̆k, jr̂ŏng nŭn ñu pơđơi hlŭn ha r̂ăng tr̂ŭn nao tô̆ gơjơ nŭn. 6Tơl nă pơtao pik đĭ gơjơ nŭn, ñu ƀôh nă đahkơi anĕt, nă nŭn dŏ hia. Nŭn nă pơtao pap ñu, dăp pơhiăp laĭ: «Ne nă sô̆n-sat Hêbrơ yơh.» 7Pah anŭn mai nă anĕt nŭn pơhiăp hr̂ŏm nă pơtao Pharon, ñu laĭ: «Hiư̆m, ih čiăng mơ̆n, kâo nao sem đahmơi mơ̆ng môt sô̆n-sat Hêbrơ, čiăng ñu pơmĕm br̂ơi ih nă ne?» 8Nă Pharon til glaĭ: «Nao wŏ!» Nĭng nŭn yơh, muai dr̂a nŭn nao iâo r̂ai mĭ nă anĕt nŭn. 9Jr̂ŏng nŭn nă Pharon pơhiăp hr̂ŏm ñu: «Tô̆ nă ne ba glaĭ pơmĕm br̂ơi kâo wŏ, kâo ti pah ih len.» Nŭn yơh đahmơi nŭn ba glaĭ pơmĕm nă nŭn. 10Tơl nă nŭn dŭt iă, mĭ ñu ba nao pơ nă Pharon, jr̂ŏng nŭn nă Pharon tô̆ nă nŭn ngă nă ñu pô. Ñu iâo ƀŏ nă nŭn “Môsê,”#2:10 Ƀŏ Môsê keng-keng boh hiăp Hêbrơ laĭ mă đĭ. dăp pơhiăp laĭ: «Yua kâo mă đĭ nă ne mơ̆ng ia.»
Môsê đuĕ nao pơ čal Mađien
11Tơl Môsê dơdăm tr̂uh boih, hmâo ha r̂ơi ñu biă nao pơ nă plơi lan ñu pô,#2:11 Nă plơi lan ñu pô Hêbrơ laĭ «Yŏng dơi ñu pô.» ñu ƀôh môt gơñu ngă buă tr̂ă-tr̂ă. Jr̂ŏng nŭn ñu ƀôh đahkơi sô̆n-sat Êjĭp ha r̂ăng pah dŏ teh đahkơi sô̆n-sat Hêbrơ ha r̂ăng, mơ̆ng nă plơi lan ñu pô. 12Ñu ep yô gah djao gah nuă bĭ ƀôh lơi-lơi ôh, nŭn ñu teh pơdjai lôi đahkơi sô̆n-sat Êjĭp, jr̂ŏng nŭn mă dŏl lôi ñu tăm čuah. 13Tơl r̂ơi dơdơi dŏng, pah ñu biă nao, ñu ƀôh đahkơi sô̆n-sat Hêbrơ dua r̂ăng dŏ pơteh gŏp gơñu, nŭn Môsê pơhiăp hr̂ŏm pô ngă glaĭ: «Yua yĕt ih teh gŏp ih nĭng nŭn lĕ?» 14Pô nŭn til glaĭ: «Lơi bơdŏ br̂ơi ih ngă khua tr̂ĕ kơđi br̂ơi mơi? Hiư̆m, ih ti pơdjai lôi kâo, hla ti ih pơdjai lôi đahkơi sô̆n-sat Êjĭp nŭn ah?» Pah anŭn Môsê huĭ, dăp khư̆t laĭ: «Klơi ne r̂ăng thâo boih.» 15Tơl Pharon hmĭ klơi nŭn, ñu čiăng pơdjai lôi Môsê, plai Môsê đuĕ dŏp mơ̆ng Pharon, nao dŏ pơ čal Mađien,#An Hêb 11:27. nŭn ñu dŏ ben jĕ ia kuai. 16Mơ̆ng čal Mađien hmâo pô ngă yang ha r̂ăng, ñu hmâo nă đahmơi juh r̂ăng, môt đahmơi nŭn nao pơ ia kuai sŏ ia tuh tăm tong tơl bŏ, br̂ơi phung triw phung be ma gơñu ñŭm. 17Pah anŭn hmâo môt čiă triw pơkŏn dŏng nao puh lôi gơñu. Nŭn Môsê gŭ nao dŏng môt đahmơi nŭn, jr̂ŏng nŭn sŏ ia br̂ơi phung čĭm gơñu ñŭm. 18Tơl môt đahmơi nŭn glaĭ nao pơ Rêhuôl ma gơñu, nŭn ma gơñu kơña: «Yĕt lĕ r̂ơi ne gô-ih tăñ glaĭ pơ sang?» 19Gơñu til glaĭ: «Hmâo đahkơi sô̆n-sat Êjĭp ha r̂ăng, dŏng môt mơi klaih mơ̆ng ngan môt čiă triw pơkŏn, dăp sŏ ia br̂ơi phung čĭm ta ñŭm he mơ̆n.» 20Ñu kơña nă ñu dŏng: «Pô nŭn dŏ pơ pă? Yua yĕt gô-ih klaih lôi ñu nĭng nŭn lĕ? Nao iâo ñu r̂ai ƀŏng huă wŏ.» 21Môsê bŏ bŭt dŏ hr̂ŏm Rêhuôl, jr̂ŏng nŭn Rêhuôl br̂ơi Môsê dŏ nă ñu a iâo Sêphôra. 22Sêphôra pơpôn nă đahkơi ha r̂ăng, nŭn Môsê iâo ƀŏ nă nŭn “Kơsŏm,”#2:22 Ƀŏ Kơsŏm keng-keng boh hiăp Hêbrơ laĭ «tuai dŏ pơ anŭn.» yua ñu laĭ: «Kâo mơnuih tuai dŏ mơ̆ng čal r̂ăng pơkŏn.»
23Wĭ thŭn dơdơi mơ̆ng anŭn,#An Buă 7:30. pơtao čal Êjĭp djai lôi boih. Môt nă čo Israel gơñu kơmr̂ao yua gơñu ngă hlŭn, dăp gơñu ôl hơmr̂ač dueh alôm čiăng Ơi Adai dŏng gơñu klaih mơ̆ng buă gơñu ngă hlŭn, nŭn jua gơñu ôl hmĭ đĭ tơl pơ Ơi Adai. 24Ơi Adai hmĭ klơi gơñu kơmr̂ao, nŭn Ơi Adai kơčăng#An Phŭn 8:1. mơ̆ng klơi uăn bơgop ñu kă hr̂ŏm Abrahăm, Isă, dăp Yakô̆p.#An Phŭn 22:16-18; 26:3-5; 46:3-4. 25Ơi Adai ƀôh môt nă čo Israel, dăp thâo kr̂ăn klơi kơnap-tap gơñu mơ̆n.
Currently Selected:
Biă 2: JKB
Highlight
Copy
Compare
Share
Want to have your highlights saved across all your devices? Sign up or sign in
© 2024, Wycliffe Bible Translators, Inc.
Biă 2
2
Klơi a pơpôn Môsê
1Hmâo đahkơi ha r̂ăng mơ̆ng phung wang Lêwi, ñu nao dŏ đahmơi phung wang Lêwi#2:1 Đahkơi phung wang Lêwi thâo mơ̆n dŏ đahmơi phung wang Lêwi yua klơi juăt môt sô̆n-sat Israel phar̂a mơ̆ng klơi juăt Jơr̂ai ta. Môt sô̆n-sat Israel juăt dŏ phung pô mơ̆n, gơñu bĭ kŏm ôh. mơ̆n.#An Biă 6:20. 2Đahmơi nŭn dŏ năp jr̂ŏng nŭn pơpôn r̂ai nă đahkơi ha r̂ăng, tơl ñu ƀôh laĭ nă nŭn hiam, nŭn ñu bơdŏp lôi nă nŭn klâo blan. 3Tơl ñu bơdŏp nă ñu bĭ thâo hơ-et dŏng tah, nŭn ñu tô̆ gơjơ ha boh a ñam mơ̆ng phŭn čiăng, ñu mañ gơjơ nŭn mơ̆ng ia ƀlit dăp kơtăk, jr̂ŏng nŭn čr̂oh tr̂ŭn nă ñu tăm gơjơ, ba nao čr̂oh lôi tŏng-kr̂ah mr̂ơ̆k tăm ia kr̂ong Nil r̂ok hang. 4Nŭn mai nă anĕt nŭn dŏ dŏng ep mơ̆ng taih, čiăng thâo kr̂ăn laĭ, adơi ñu ti pŏ klơi yĕt.
5Jr̂ŏng nŭn nă bia pơtao Pharon tr̂ŭn nao nơi tăm ia kr̂ong, gah môt đahmơi hlŭn ñu, gơñu bat r̂ok hang ia. Nŭn nă pơtao ƀôh gơjơ dŏ tŏng-kr̂ah mr̂ơ̆k, jr̂ŏng nŭn ñu pơđơi hlŭn ha r̂ăng tr̂ŭn nao tô̆ gơjơ nŭn. 6Tơl nă pơtao pik đĭ gơjơ nŭn, ñu ƀôh nă đahkơi anĕt, nă nŭn dŏ hia. Nŭn nă pơtao pap ñu, dăp pơhiăp laĭ: «Ne nă sô̆n-sat Hêbrơ yơh.» 7Pah anŭn mai nă anĕt nŭn pơhiăp hr̂ŏm nă pơtao Pharon, ñu laĭ: «Hiư̆m, ih čiăng mơ̆n, kâo nao sem đahmơi mơ̆ng môt sô̆n-sat Hêbrơ, čiăng ñu pơmĕm br̂ơi ih nă ne?» 8Nă Pharon til glaĭ: «Nao wŏ!» Nĭng nŭn yơh, muai dr̂a nŭn nao iâo r̂ai mĭ nă anĕt nŭn. 9Jr̂ŏng nŭn nă Pharon pơhiăp hr̂ŏm ñu: «Tô̆ nă ne ba glaĭ pơmĕm br̂ơi kâo wŏ, kâo ti pah ih len.» Nŭn yơh đahmơi nŭn ba glaĭ pơmĕm nă nŭn. 10Tơl nă nŭn dŭt iă, mĭ ñu ba nao pơ nă Pharon, jr̂ŏng nŭn nă Pharon tô̆ nă nŭn ngă nă ñu pô. Ñu iâo ƀŏ nă nŭn “Môsê,”#2:10 Ƀŏ Môsê keng-keng boh hiăp Hêbrơ laĭ mă đĭ. dăp pơhiăp laĭ: «Yua kâo mă đĭ nă ne mơ̆ng ia.»
Môsê đuĕ nao pơ čal Mađien
11Tơl Môsê dơdăm tr̂uh boih, hmâo ha r̂ơi ñu biă nao pơ nă plơi lan ñu pô,#2:11 Nă plơi lan ñu pô Hêbrơ laĭ «Yŏng dơi ñu pô.» ñu ƀôh môt gơñu ngă buă tr̂ă-tr̂ă. Jr̂ŏng nŭn ñu ƀôh đahkơi sô̆n-sat Êjĭp ha r̂ăng pah dŏ teh đahkơi sô̆n-sat Hêbrơ ha r̂ăng, mơ̆ng nă plơi lan ñu pô. 12Ñu ep yô gah djao gah nuă bĭ ƀôh lơi-lơi ôh, nŭn ñu teh pơdjai lôi đahkơi sô̆n-sat Êjĭp, jr̂ŏng nŭn mă dŏl lôi ñu tăm čuah. 13Tơl r̂ơi dơdơi dŏng, pah ñu biă nao, ñu ƀôh đahkơi sô̆n-sat Hêbrơ dua r̂ăng dŏ pơteh gŏp gơñu, nŭn Môsê pơhiăp hr̂ŏm pô ngă glaĭ: «Yua yĕt ih teh gŏp ih nĭng nŭn lĕ?» 14Pô nŭn til glaĭ: «Lơi bơdŏ br̂ơi ih ngă khua tr̂ĕ kơđi br̂ơi mơi? Hiư̆m, ih ti pơdjai lôi kâo, hla ti ih pơdjai lôi đahkơi sô̆n-sat Êjĭp nŭn ah?» Pah anŭn Môsê huĭ, dăp khư̆t laĭ: «Klơi ne r̂ăng thâo boih.» 15Tơl Pharon hmĭ klơi nŭn, ñu čiăng pơdjai lôi Môsê, plai Môsê đuĕ dŏp mơ̆ng Pharon, nao dŏ pơ čal Mađien,#An Hêb 11:27. nŭn ñu dŏ ben jĕ ia kuai. 16Mơ̆ng čal Mađien hmâo pô ngă yang ha r̂ăng, ñu hmâo nă đahmơi juh r̂ăng, môt đahmơi nŭn nao pơ ia kuai sŏ ia tuh tăm tong tơl bŏ, br̂ơi phung triw phung be ma gơñu ñŭm. 17Pah anŭn hmâo môt čiă triw pơkŏn dŏng nao puh lôi gơñu. Nŭn Môsê gŭ nao dŏng môt đahmơi nŭn, jr̂ŏng nŭn sŏ ia br̂ơi phung čĭm gơñu ñŭm. 18Tơl môt đahmơi nŭn glaĭ nao pơ Rêhuôl ma gơñu, nŭn ma gơñu kơña: «Yĕt lĕ r̂ơi ne gô-ih tăñ glaĭ pơ sang?» 19Gơñu til glaĭ: «Hmâo đahkơi sô̆n-sat Êjĭp ha r̂ăng, dŏng môt mơi klaih mơ̆ng ngan môt čiă triw pơkŏn, dăp sŏ ia br̂ơi phung čĭm ta ñŭm he mơ̆n.» 20Ñu kơña nă ñu dŏng: «Pô nŭn dŏ pơ pă? Yua yĕt gô-ih klaih lôi ñu nĭng nŭn lĕ? Nao iâo ñu r̂ai ƀŏng huă wŏ.» 21Môsê bŏ bŭt dŏ hr̂ŏm Rêhuôl, jr̂ŏng nŭn Rêhuôl br̂ơi Môsê dŏ nă ñu a iâo Sêphôra. 22Sêphôra pơpôn nă đahkơi ha r̂ăng, nŭn Môsê iâo ƀŏ nă nŭn “Kơsŏm,”#2:22 Ƀŏ Kơsŏm keng-keng boh hiăp Hêbrơ laĭ «tuai dŏ pơ anŭn.» yua ñu laĭ: «Kâo mơnuih tuai dŏ mơ̆ng čal r̂ăng pơkŏn.»
23Wĭ thŭn dơdơi mơ̆ng anŭn,#An Buă 7:30. pơtao čal Êjĭp djai lôi boih. Môt nă čo Israel gơñu kơmr̂ao yua gơñu ngă hlŭn, dăp gơñu ôl hơmr̂ač dueh alôm čiăng Ơi Adai dŏng gơñu klaih mơ̆ng buă gơñu ngă hlŭn, nŭn jua gơñu ôl hmĭ đĭ tơl pơ Ơi Adai. 24Ơi Adai hmĭ klơi gơñu kơmr̂ao, nŭn Ơi Adai kơčăng#An Phŭn 8:1. mơ̆ng klơi uăn bơgop ñu kă hr̂ŏm Abrahăm, Isă, dăp Yakô̆p.#An Phŭn 22:16-18; 26:3-5; 46:3-4. 25Ơi Adai ƀôh môt nă čo Israel, dăp thâo kr̂ăn klơi kơnap-tap gơñu mơ̆n.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024, Wycliffe Bible Translators, Inc.