Biă 18
18
Yêtrô nao čuă ngui Môsê
1Yêtrô pô ngă yang mơ̆ng čal Mađien, ñu khma Môsê,#An Biă 2:16-21; 3:1. ñu hmĭ r̂ăng r̂ă r̂oi mơ̆ng bih buă Ơi Adai ngă br̂ơi Môsê, dăp môt Israel nă plơi lan Ơi Adai, mơ̆ng buă Ơi Adai Yêhôwa ba môt Israel biă mơ̆ng čal Êjĭp. 2Nŭn Yêtrô khma Môsê djă ba Sêphôra bơnai Môsê, yua pah ahlâo Môsê pơđơi bơnai ñu wŏt glaĭ pơ sang ma ñu, 3dăp djă ba nă đahkơi ñu dua r̂ăng he mơ̆n, ha r̂ăng a iâo ƀŏ ñu Kơsŏm#18:3 Ƀŏ Kơsŏm keng-keng boh hiăp Hêbrơ laĭ «tuai dŏ pơ anŭn.» An Biă 2:22. (yua Môsê laĭ, «Kâo mơnuih tuai dŏ dăng mơ̆ng čal r̂ăng pơkŏn»), 4ha r̂ăng dŏng, ƀŏ ñu a iâo Êli-êsơ#18:4 Ƀŏ Êli-êsơ keng-keng boh hiăp Hêbrơ laĭ Ơi Adai dŏng kâo. (yua ñu laĭ, «Yang Ơi Adai, ma kâo ngư̆, ñu dŏng kâo, dăp pơklaih kâo br̂ơi klaih mơ̆ng đao Pharon»). 5Yêtrô khma Môsê, dăp nă đahkơi Môsê, wŏt bơnai Môsê, gơñu nao pơ Môsê dŏ pơ čol dơdang, ti ƀon Môsê bơdŏng sang seng tŏng jĕ kŏ čĭ Ơi Adai.#An Biă 3:1. 6Yêtrô pơđơi r̂ăng nao r̂ă br̂ơi Môsê: «Kâo Yêtrô khma ih, kâo r̂ai pơ ih yơh, kâo djă ba bơnai ih, dăp nă đahkơi ih dua r̂ăng, r̂ai hr̂ŏm mơ̆n.» 7Môsê biă nao hăp tô̆ khma ñu, ñu bon tr̂ŭn, jr̂ŏng nŭn čô̆m khma ñu, nŭn gơñu kơña-bla nao r̂ai gŏp gơñu, jr̂ŏng nŭn mŭt nao tăm sang seng tŏng. 8Môsê r̂ă r̂ôi br̂ơi khma ñu mơ̆ng bih buă Yêhôwa ngă mơ̆ng Pharon dăp môt sô̆n-sat Êjĭp, yua mơ̆ng nă plơi lan Israel, dăp bih klơi kơnap-tap Israel pŏ r̂ok glan, wŏt mơ̆ng buă Yêhôwa dŏng gơñu br̂ơi klaih mơ̆ng klơi kơnap-tap nŭn he mơ̆n. 9Jr̂ŏng nŭn Yêtrô mơ-ak mơ̆ng tơgr̂ư̆ buă hiam Yêhôwa ngă br̂ơi nă plơi lan Israel, yua Yêhôwa dŏng gơñu br̂ơi klaih mơ̆ng ngan môt sô̆n-sat Êjĭp.
10Yêtrô pơhiăp laĭ: «Bơni Yêhôwa, yua ñu dŏng gô-ih br̂ơi klaih mơ̆ng ngan môt sô̆n-sat Êjĭp, dăp mơ̆ng ngan Pharon, Yêhôwa yơh dŏng nă plơi lan Israel br̂ơi klaih mơ̆ng gah yô̆ ngan môt Êjĭp. 11Nêne kâo thâo kr̂ăn laĭ, Yêhôwa ñu yang pr̂ŏng hloh bih-tih yang, yua ñu bơr̂ăm lôi môt Êjĭp, pah gơñu ngă buă khui ƀiah mơ̆ng nă plơi lan Israel.»#An Biă 12:12. 12Yêtrô khma Môsê ñu ba r̂ai čĭm-br̂ĭm,#18:12 Čĭm-br̂ĭm Israel juăt tô̆ ngă yang, hmâo hla ti mo triw dăp be. čĭm ha dr̂ơi ñu ngă Yang Ơi Adai čuh lôi bih blao, gah čĭm-br̂ĭm pơkŏn dŏng ñu ngă Yang Ơi Adai mơ̆n, jr̂ŏng nŭn Ơrô̆n dăp môt kŏng-tha Israel, gơñu r̂ai ƀŏng huă hr̂ŏm khma Môsê ti năp Ơi Adai.
(Juăt 1:9-18)
13Tơl dih guah, Môsê dŏ ben tr̂ĕ kơđi br̂ơi nă plơi lan, gah môt nă plơi lan, gơñu dŏ dŏng gah năp Môsê, tô̆ mơ̆ng guah khă tơl klăm. 14Tơl khma Môsê ƀôh bih buă Môsê ngă br̂ơi nă plơi lan, nŭn ñu kơña Môsê: «Yua yĕt ih ngă br̂ơi nă plơi lan hla ne lĕ? Yua yĕt ih dŏ ben tr̂ĕ kơđi nă plơi lan ha dr̂ơi ih đơč, plai nă plơi lan dŏng, gơñu dŏ dŏng gah năp ih, tô̆ mơ̆ng guah tơl klăm hla ne lĕ?» 15Môsê til glaĭ pơ khma ñu: «Yua nă plơi lan r̂ai pơ kâo, čiăng kơña Ơi Adai. 16Tơl gơñu hmâo kơđi yĕt, nŭn gơñu r̂ai pơ kâo, čiăng kâo tr̂ĕ br̂ơi kơđi môt gơñu, dăp r̂ă br̂ơi gơñu thâo kr̂ăn tơgr̂ư̆ klơi Ơi Adai pơtă, wŏt klơi ñu pơto pơhr̂ăm he mơ̆n.» 17Khma ñu til glaĭ: «Klơi ih ngă ne bĭ hiam ôh, 18yua ih ti gleh-glăl jat, dăp nă plơi lan dŏ hr̂ŏm ih ti gleh-glăl mơ̆n, yua klơi ne tr̂ă đơi, ih bĭ anăm ngă ha dr̂ơi ih ôh. 19Nêne, br̂ơi ih hmĭ kâo ho, kâo ti pơto br̂ơi ih. Kâo dueh mơ̆ng Ơi Adai dŏ hr̂ŏm ih! Ih yơh tang br̂ơi nă plơi lan ti năp Ơi Adai, nŭn ih ti ba nao kơđi gơñu r̂ă br̂ơi Ơi Adai, 20ih ti pơto br̂ơi gơñu mơ̆ng klơi pơtă dăp klơi pơto pơhr̂ăm, wŏt r̂ă br̂ơi gơñu thâo kr̂ăn glan gơñu ti bat, dăp buă gơñu ti ngă. 21Bih nă plơi lan ne, br̂ơi ih r̂ih tô̆ môt đahkơi hla ne: Gơñu mơnuih lơgơi, gơñu thâo huĭ pơpô̆ Ơi Adai, gơñu mơnuih a hơ-ĭn, gơñu git sem ƀŏng kơmlai bĭ kơpă,#An Biă 23:8. jr̂ŏng nŭn br̂ơi ih bơdŏ br̂ơi mơnuih nŭn ngă khua wai-lăng nă plơi lan, mơ̆ng mơnuih ha bâo r̂ăng, mơ̆ng mơnuih ha tuh r̂ăng, mơ̆ng mơnuih ma pluh r̂ăng, dăp mơ̆ng mơnuih pluh r̂ăng. 22Br̂ơi bih đahkơi nŭn tr̂ĕ br̂ơi kơđi nă plơi lan tơgr̂ư̆ mông, gah kơđi pă pr̂ŏng-pr̂ŏng br̂ơi gơñu ba r̂ai pơ ih, plai kơđi pă anĕt iă br̂ơi gơñu tr̂ĕ gơñu pô. Ngă nĭng nŭn, ih plai tr̂ă iă, yua môt nŭn ti dŏng gui kơđi br̂ơi ih. 23Jơ̆ laĭ ih ngă tui hla nŭn, Ơi Adai ti pơtă br̂ơi ih mơ̆n, nĭng nŭn yơh ih ti anăm ngă, gah nă plơi lan ne, bih gơñu ti glaĭ pơ ƀon gơñu dŏ#18:23 Bih gơñu ti glaĭ pơ ƀon gơñu dŏ lơ «Bih gơñu ti tơl nao pơ ƀon gơñu ti nao.» mơ̆ng klơi ak-oi.»
24Môsê hmĭ tui khma ñu pơhiăp, ñu ngă tui bih buă khma ñu pơtă. 25Môsê r̂ih môt đahkơi lơgơi tăm nă plơi lan Israel, jr̂ŏng nŭn bơdŏ br̂ơi mơnuih nŭn ba kŏ nă plơi lan, gơñu ngă khua wai-lăng mơ̆ng mơnuih ha bâo r̂ăng, mơ̆ng mơnuih ha tuh r̂ăng, mơ̆ng mơnuih ma pluh r̂ăng, dăp mơ̆ng mơnuih pluh r̂ăng. 26Bih đahkơi nŭn tr̂ĕ kơđi br̂ơi nă plơi lan tơgr̂ư̆ mông, gah kơđi pă kơnap-kơnap gơñu ba nao pơ Môsê, plai kơđi pă anĕt iă gơñu tr̂ĕ gơñu pô. 27Jr̂ŏng nŭn, Yêtrô khma Môsê biă đuĕ mơ̆ng Môsê mơ̆ng klơi ak-oi, nŭn ñu glaĭ nao pơ čal ñu pô.
Currently Selected:
Biă 18: JKB
Highlight
Copy
Compare
Share
Want to have your highlights saved across all your devices? Sign up or sign in
© 2024, Wycliffe Bible Translators, Inc.
Biă 18
18
Yêtrô nao čuă ngui Môsê
1Yêtrô pô ngă yang mơ̆ng čal Mađien, ñu khma Môsê,#An Biă 2:16-21; 3:1. ñu hmĭ r̂ăng r̂ă r̂oi mơ̆ng bih buă Ơi Adai ngă br̂ơi Môsê, dăp môt Israel nă plơi lan Ơi Adai, mơ̆ng buă Ơi Adai Yêhôwa ba môt Israel biă mơ̆ng čal Êjĭp. 2Nŭn Yêtrô khma Môsê djă ba Sêphôra bơnai Môsê, yua pah ahlâo Môsê pơđơi bơnai ñu wŏt glaĭ pơ sang ma ñu, 3dăp djă ba nă đahkơi ñu dua r̂ăng he mơ̆n, ha r̂ăng a iâo ƀŏ ñu Kơsŏm#18:3 Ƀŏ Kơsŏm keng-keng boh hiăp Hêbrơ laĭ «tuai dŏ pơ anŭn.» An Biă 2:22. (yua Môsê laĭ, «Kâo mơnuih tuai dŏ dăng mơ̆ng čal r̂ăng pơkŏn»), 4ha r̂ăng dŏng, ƀŏ ñu a iâo Êli-êsơ#18:4 Ƀŏ Êli-êsơ keng-keng boh hiăp Hêbrơ laĭ Ơi Adai dŏng kâo. (yua ñu laĭ, «Yang Ơi Adai, ma kâo ngư̆, ñu dŏng kâo, dăp pơklaih kâo br̂ơi klaih mơ̆ng đao Pharon»). 5Yêtrô khma Môsê, dăp nă đahkơi Môsê, wŏt bơnai Môsê, gơñu nao pơ Môsê dŏ pơ čol dơdang, ti ƀon Môsê bơdŏng sang seng tŏng jĕ kŏ čĭ Ơi Adai.#An Biă 3:1. 6Yêtrô pơđơi r̂ăng nao r̂ă br̂ơi Môsê: «Kâo Yêtrô khma ih, kâo r̂ai pơ ih yơh, kâo djă ba bơnai ih, dăp nă đahkơi ih dua r̂ăng, r̂ai hr̂ŏm mơ̆n.» 7Môsê biă nao hăp tô̆ khma ñu, ñu bon tr̂ŭn, jr̂ŏng nŭn čô̆m khma ñu, nŭn gơñu kơña-bla nao r̂ai gŏp gơñu, jr̂ŏng nŭn mŭt nao tăm sang seng tŏng. 8Môsê r̂ă r̂ôi br̂ơi khma ñu mơ̆ng bih buă Yêhôwa ngă mơ̆ng Pharon dăp môt sô̆n-sat Êjĭp, yua mơ̆ng nă plơi lan Israel, dăp bih klơi kơnap-tap Israel pŏ r̂ok glan, wŏt mơ̆ng buă Yêhôwa dŏng gơñu br̂ơi klaih mơ̆ng klơi kơnap-tap nŭn he mơ̆n. 9Jr̂ŏng nŭn Yêtrô mơ-ak mơ̆ng tơgr̂ư̆ buă hiam Yêhôwa ngă br̂ơi nă plơi lan Israel, yua Yêhôwa dŏng gơñu br̂ơi klaih mơ̆ng ngan môt sô̆n-sat Êjĭp.
10Yêtrô pơhiăp laĭ: «Bơni Yêhôwa, yua ñu dŏng gô-ih br̂ơi klaih mơ̆ng ngan môt sô̆n-sat Êjĭp, dăp mơ̆ng ngan Pharon, Yêhôwa yơh dŏng nă plơi lan Israel br̂ơi klaih mơ̆ng gah yô̆ ngan môt Êjĭp. 11Nêne kâo thâo kr̂ăn laĭ, Yêhôwa ñu yang pr̂ŏng hloh bih-tih yang, yua ñu bơr̂ăm lôi môt Êjĭp, pah gơñu ngă buă khui ƀiah mơ̆ng nă plơi lan Israel.»#An Biă 12:12. 12Yêtrô khma Môsê ñu ba r̂ai čĭm-br̂ĭm,#18:12 Čĭm-br̂ĭm Israel juăt tô̆ ngă yang, hmâo hla ti mo triw dăp be. čĭm ha dr̂ơi ñu ngă Yang Ơi Adai čuh lôi bih blao, gah čĭm-br̂ĭm pơkŏn dŏng ñu ngă Yang Ơi Adai mơ̆n, jr̂ŏng nŭn Ơrô̆n dăp môt kŏng-tha Israel, gơñu r̂ai ƀŏng huă hr̂ŏm khma Môsê ti năp Ơi Adai.
(Juăt 1:9-18)
13Tơl dih guah, Môsê dŏ ben tr̂ĕ kơđi br̂ơi nă plơi lan, gah môt nă plơi lan, gơñu dŏ dŏng gah năp Môsê, tô̆ mơ̆ng guah khă tơl klăm. 14Tơl khma Môsê ƀôh bih buă Môsê ngă br̂ơi nă plơi lan, nŭn ñu kơña Môsê: «Yua yĕt ih ngă br̂ơi nă plơi lan hla ne lĕ? Yua yĕt ih dŏ ben tr̂ĕ kơđi nă plơi lan ha dr̂ơi ih đơč, plai nă plơi lan dŏng, gơñu dŏ dŏng gah năp ih, tô̆ mơ̆ng guah tơl klăm hla ne lĕ?» 15Môsê til glaĭ pơ khma ñu: «Yua nă plơi lan r̂ai pơ kâo, čiăng kơña Ơi Adai. 16Tơl gơñu hmâo kơđi yĕt, nŭn gơñu r̂ai pơ kâo, čiăng kâo tr̂ĕ br̂ơi kơđi môt gơñu, dăp r̂ă br̂ơi gơñu thâo kr̂ăn tơgr̂ư̆ klơi Ơi Adai pơtă, wŏt klơi ñu pơto pơhr̂ăm he mơ̆n.» 17Khma ñu til glaĭ: «Klơi ih ngă ne bĭ hiam ôh, 18yua ih ti gleh-glăl jat, dăp nă plơi lan dŏ hr̂ŏm ih ti gleh-glăl mơ̆n, yua klơi ne tr̂ă đơi, ih bĭ anăm ngă ha dr̂ơi ih ôh. 19Nêne, br̂ơi ih hmĭ kâo ho, kâo ti pơto br̂ơi ih. Kâo dueh mơ̆ng Ơi Adai dŏ hr̂ŏm ih! Ih yơh tang br̂ơi nă plơi lan ti năp Ơi Adai, nŭn ih ti ba nao kơđi gơñu r̂ă br̂ơi Ơi Adai, 20ih ti pơto br̂ơi gơñu mơ̆ng klơi pơtă dăp klơi pơto pơhr̂ăm, wŏt r̂ă br̂ơi gơñu thâo kr̂ăn glan gơñu ti bat, dăp buă gơñu ti ngă. 21Bih nă plơi lan ne, br̂ơi ih r̂ih tô̆ môt đahkơi hla ne: Gơñu mơnuih lơgơi, gơñu thâo huĭ pơpô̆ Ơi Adai, gơñu mơnuih a hơ-ĭn, gơñu git sem ƀŏng kơmlai bĭ kơpă,#An Biă 23:8. jr̂ŏng nŭn br̂ơi ih bơdŏ br̂ơi mơnuih nŭn ngă khua wai-lăng nă plơi lan, mơ̆ng mơnuih ha bâo r̂ăng, mơ̆ng mơnuih ha tuh r̂ăng, mơ̆ng mơnuih ma pluh r̂ăng, dăp mơ̆ng mơnuih pluh r̂ăng. 22Br̂ơi bih đahkơi nŭn tr̂ĕ br̂ơi kơđi nă plơi lan tơgr̂ư̆ mông, gah kơđi pă pr̂ŏng-pr̂ŏng br̂ơi gơñu ba r̂ai pơ ih, plai kơđi pă anĕt iă br̂ơi gơñu tr̂ĕ gơñu pô. Ngă nĭng nŭn, ih plai tr̂ă iă, yua môt nŭn ti dŏng gui kơđi br̂ơi ih. 23Jơ̆ laĭ ih ngă tui hla nŭn, Ơi Adai ti pơtă br̂ơi ih mơ̆n, nĭng nŭn yơh ih ti anăm ngă, gah nă plơi lan ne, bih gơñu ti glaĭ pơ ƀon gơñu dŏ#18:23 Bih gơñu ti glaĭ pơ ƀon gơñu dŏ lơ «Bih gơñu ti tơl nao pơ ƀon gơñu ti nao.» mơ̆ng klơi ak-oi.»
24Môsê hmĭ tui khma ñu pơhiăp, ñu ngă tui bih buă khma ñu pơtă. 25Môsê r̂ih môt đahkơi lơgơi tăm nă plơi lan Israel, jr̂ŏng nŭn bơdŏ br̂ơi mơnuih nŭn ba kŏ nă plơi lan, gơñu ngă khua wai-lăng mơ̆ng mơnuih ha bâo r̂ăng, mơ̆ng mơnuih ha tuh r̂ăng, mơ̆ng mơnuih ma pluh r̂ăng, dăp mơ̆ng mơnuih pluh r̂ăng. 26Bih đahkơi nŭn tr̂ĕ kơđi br̂ơi nă plơi lan tơgr̂ư̆ mông, gah kơđi pă kơnap-kơnap gơñu ba nao pơ Môsê, plai kơđi pă anĕt iă gơñu tr̂ĕ gơñu pô. 27Jr̂ŏng nŭn, Yêtrô khma Môsê biă đuĕ mơ̆ng Môsê mơ̆ng klơi ak-oi, nŭn ñu glaĭ nao pơ čal ñu pô.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024, Wycliffe Bible Translators, Inc.