Buă Ngă 26
26
Pôl r̂ă glaĭ ti năp pơtao Akripa
1Akripa pơhiăp hr̂ŏm Pôl, ñu laĭ: «Nêne ih thâo r̂oi mơ̆ng ih pô.» Jr̂ŏng nŭn, Pôl yŏl đĭ ngan, dăp pơhiăp laĭ:
2«Ơ pơtao Akripa, kâo mơ-ak jat, yua r̂ơi ne kâo ti r̂ă glaĭ ti năp ih, mơ̆ng bih buă môt sô̆n-sat Yuđa săl kâo, 3kâo mơ-ak yua ih thâo kr̂ăn mơ̆ng klơi juăt môt sô̆n-sat Yuđa, dăp buă gơñu bơjah nao r̂ai gŏp gơñu.#26:3 Ơi don pơtao Akripa sô̆n-sat Êđŭm, plai gơñu tô̆ klơi tr̂ĕ klĭ čiăng mŭt sô̆n-sat Yuđa dŏng. Nĭng nŭn yơh, kâo dueh mơ̆ng ih ĕñ br̂ơi kâo, hmĭ kâo pơhiăp ƀơĭ.
4«Bih môt sô̆n-sat Yuđa thâo kr̂ăn klơi hơdĭp kâo, tô̆ mơ̆ng kâo dŏ muai, yua mơ̆ng blŭng kâo dŏ hr̂ŏm môt sô̆n-sat pô kâo tăm plơi Yêrusalĕm. 5Môt gơñu thâo kr̂ăn kâo wĭ boih, jơ̆ laĭ gơñu phom r̂ă pơhaih, gơñu thâo r̂ă đĭ mơ̆n, gah klơi juăt sô̆n-sat mơi, kâo hơdĭp djơ̆ tui môt ngă klơi juăt kơtang hloh mơ̆ng r̂ăng, yua kâo môt Pharasi.#An Buă 23:6; Phi 3:5. 6Plai nêne dŏng, r̂ăng ba r̂ai tr̂ĕ kơđi kâo ne, yua kâo čang-mang klơi Ơi Adai uăn mơ̆ng ơi don môt mơi. 7Pluh dua phung-wang môt sô̆n-sat mơi, gơñu khŏm ngă buă Ơi Adai r̂ơi mlăm, yua gơñu čang-mang laĭ ti hmâo klơi uăn nŭn. Ơ pơtao, yua klơi čang-mang ne yơh, môt sô̆n-sat Yuđa mơ̆ng săl kâo. 8Yua yĕt gô-ih bĭ hăt ngư̆ laĭ, Ơi Adai bơdĭp glaĭ mơnuih djai? 9Wŏt dah kâo pô, mơ̆ng blŭng hlâo, kâo khư̆t laĭ, kâo ngă djơ̆ jat yơh, pah kâo bơgăng glaĭ khŏm-khŏm mơ̆ng ƀŏ Yêsu plơi Nasaret.#An Yôh 15:21; Buă 8:3; 22:4-5. 10Buă nŭn yơh kâo ngă mơ̆ng plơi Yêrusalĕm. Kâo mă môt lơgoh hiam lô-lĭn ba nao čĕ khŭk, yua kâo hmâo sĭt r̂ai mơ̆ng môt tha ngă yang. Pah r̂ăng pơdjai môt a čĕ khŭk nŭn, kâo phom hr̂ŏm mơ̆n. 11Lô wŏt yơh, kâo ngă pơkơnap môt gơñu, tơgr̂ư̆ sang luôm,#An Mat 10:17. čiăng pơkhŏm gơñu hiăp pơmat Yêsu. Yua kâo hiw gơñu kơtang đơi, nŭn yơh kâo mơ̆ng bơjăm bơjuă ngă set gơñu, tr̂uh pơ plơi pơkŏn-pơkŏn mơ̆ng čal r̂ăng he mơ̆n.
12«Yua nĭng nŭn yơh, kâo mơ̆ng nao pơ plơi Đamah, tui tam sĭt môt tha ngă yang, dăp klơi gơñu pơtă he mơ̆n.#26:12 Buă 9:1-19; 22:6-16 r̂ă r̂oi mơ̆ng klơi Pôl pơlih bŭt tai mơ̆n. 13Ơ pơtao, pah kâo bat r̂ok glan, tơl yang r̂ơi dŏng, nŭn kâo ƀôh klơi đaih, kơmlă hloh mơ̆ng yang r̂ơi, pơčr̂ang tr̂ŭn mơ̆ng adai dih jŭm dăl kâo, dăp bih mơnuih bat hr̂ŏm kâo mơ̆n. 14Bih mơi lơbuh tơl pơ kơnah, jr̂ŏng nŭn kâo hmĭ ñi hiăp Hêbrơ, pơhiăp r̂ai pơ kâo: “Ơ Sôl, ơ Sôl! Yua yĕt ih bơjăm bơjuă ngă set kâo? Ih tr̂ŏm glaĭ gai djueng, ih wă ih pô yơh.”#26:14 Mơ̆ng đim r̂ăng tô̆ gai djueng čô̆t gah tut mo čiăng ñu bat tui pô pơđơi. Jơ̆ laĭ mo tr̂ŏm glaĭ gai djueng nŭn, mo nŭn wă yơh. 15Kâo laĭ: “Ơ Khua Yang, lơi ih?” Nŭn Khua Yang til glaĭ: “Kâo Yêsu, pô ih bơjăm bơjuă. 16Gŭ dŏ dŏng đĭ wŏ, kâo pơƀôh br̂ơi ih ƀôh kâo, yua kâo r̂ih ih, br̂ơi ih jr̂ŏng pô ngă buă kâo, dăp r̂ă pơthâo mơ̆ng buă ih ƀôh kâo ne, wŏt bih-tih buă kâo ti pơƀôh br̂ơi ih ƀôh kâo pơ gah năp kơñ he mơ̆n. 17Kâo ti dŏng ih br̂ơi klaih mơ̆ng nă plơi lan ih pô, dăp môt sô̆n-sat pơkŏn mơ̆n.#An Yêr 1:8, 19; Buă 9:23-25, 29-30; 14:5-6, 19-20; 16:22-26; 17:5-9; 18:12-17; 21:27-32; 23:12-33; 27:42-44. Nêne kâo pơđơi ih nao pơ môt sô̆n-sat bih nŭn, 18čiăng ngă br̂ơi săl ta gơñu đaih,#An Êsai 35:5. gơñu mơ̆ng weh lôi mơ̆ng klơi kơnăm-hyeng, wŏt glaĭ pơ klơi đaih,#An Êph 5:8; 1Pê 2:9. dăp weh lôi mơ̆ng klơi wai-lăng satan, wŏt glaĭ pơ Ơi Adai, čiăng Ơi Adai klaih lôi klơi glaĭ gơñu, nŭn gơñu ti hmâo dr̂ăm pơđŏk hr̂ŏm mơnuih Ơi Adai čr̂oh br̂ơi lơgoh hiam, yua gơñu ngư̆ kâo.”
19«Nĭng nŭn yơh, ơ pơtao Akripa, kâo bĭ bơjah glaĭ mơ̆ng klơi kâo ƀôh mơ̆ng adai nŭn ôh, kâo ngă tui soh-sel. 20Blŭng hlâo, kâo r̂ă r̂oi br̂ơi mơnuih dŏ mơ̆ng plơi Đamah, dơdơi mơ̆ng anŭn dŏng, mơnuih dŏ mơ̆ng plơi Yêrusalĕm, dăp jŏp-jang mơnuih dŏ mơ̆ng ƀon Yuđa, jr̂ŏng nŭn tr̂uh nao pơ môt sô̆n-sat pơkŏn dŏng, kâo r̂ă r̂oi br̂ơi gơñu, čiăng gơñu pơlih bŭt-tai, wŏt glaĭ pơ Ơi Adai, dăp ngă buă djơ̆ tui mơ̆ng klơi gơñu pơlih bŭt-tai he mơ̆n.#An Mat 3:8. 21Yua nĭng nŭn yơh, môt sô̆n-sat Yuđa mơ̆ng mă kâo tăm lan sang yang, dăp čiăng pơdjai lôi kâo he mơ̆n.#An Buă 21:27-31. 22Plai Ơi Adai dŏng, ñu dŏng kâo khă tơl r̂ơi ne, nĭng nŭn yơh, kâo mơ̆ng dŏ dŏng r̂ă pơthâo br̂ơi mơnuih anĕt dăp mơnuih pr̂ŏng. Klơi kâo pơhiăp ne bĭ hmâo phar̂a mơ̆ng klơi môt ba pơhiăp Ơi Adai dăp Môsê, gơñu r̂ă čr̂oh hlâo mơ̆ng buă ti hmâo đĭ, 23gơñu laĭ, Yang Krih ti tô̆ klơi kơnap-tap, jr̂ŏng nŭn ñu ti dĭp glaĭ blŭng hlâo mơ̆ng r̂ăng,#An 1Kô 15:20. čiăng r̂ă r̂oi mơ̆ng klơi đaih br̂ơi nă plơi lan, dăp tr̂uh pơ môt sô̆n-sat pơkŏn he mơ̆n.»#An Êsai 42:6; 49:6.
24Pah Pôl dŏ r̂ă đĭ klơi ne, nŭn Phêstuh pơhiăp đĭ kr̂aih, ñu laĭ: «Ơ Pôl, ih lơhut boih! Yua ih hyĕn lô đơi, nŭn yơh ih mơ̆ng lơhut!» 25Pôl til glaĭ: «Ơ Phêstuh, khua kâo, kâo bĭ djơ̆ lơhut ôh. Klơi kâo pơhiăp ne, gơnĭt dơdi, kâo bĭ pơhiăp tă-tăn ôh. 26Yua pơtao Akripa thâo bih boih buă ne, nŭn yơh kâo mơ̆ng khĭn pơhiăp hr̂ŏm ñu. Yua kâo ngư̆ laĭ, bih buă ne, ñu ƀôh soh-sel yơh, yua buă ne a bĭ ngă mơ̆ng ƀon hơ-et ôh. 27Ơ pơtao Akripa, ih ngư̆ mơ̆n, môt ba pơhiăp Ơi Adai? Kâo thâo kr̂ăn laĭ ih ngư̆ yơh!» 28Nŭn Akripa pơhiăp nao pơ Pôl, ñu laĭ: «Hiư̆m, ih khư̆t ti ngă br̂ơi kâo ngư̆, jr̂ŏng môt Krih tăñ he ah?» 29Pôl til glaĭ: «Wŏt dah tăñ, lơ kaih ơ mơ̆n, kâo dueh mơ̆ng Ơi Adai, br̂ơi ih jr̂ŏng hla ti kâo mơ̆n, bĭ djơ̆ ha dr̂ơi ih đơč ôh, bih mơnuih hmĭ kâo r̂ơi ne he mơ̆n, ha tô̆ bĭ br̂ơi a kă gô-ih mơ̆ng wĕ čơwăk hla ne đơč.»
30Jr̂ŏng nŭn pơtao gŭ đĭ, dăp khua tr̂ing, wŏt Ƀêrênih, dăp bih mơnuih dŏ ben hr̂ŏm gơñu nŭn, gơñu gŭ đĭ mơ̆n. 31Tơl gơñu biă đuĕ, gơñu pơhiăp nao r̂ai gŏp gơñu, gơñu laĭ: «Đahkơi ne bĭ ngă nŏ yĕt găl ti djai ôh, lơ găl a čĕ khŭk le.» 32Akripa pơhiăp hr̂ŏm Phêstuh, ñu laĭ: «Mơnuih ne găl a klaih lôi mơ̆n, jơ̆ laĭ ñu bĭ dueh ba nao kơđi ñu pơ Sêsa.»
Currently Selected:
Buă Ngă 26: JKB
Highlight
Copy
Compare
Share
Want to have your highlights saved across all your devices? Sign up or sign in
© 2024, Wycliffe Bible Translators, Inc.