Ɔ̀rɔ̀mùnka reè 6

Nìi ni gooɲaantsiɛ ko Ŋaablà ɲanwùɔ tsɛ

1Mùn dzia fèe dè tɔ̀un ? Mìn to gooɲaan nì ɲàn Ŋaablà ɲanwùɔ yè bà ni giribe gbɛ ? 2Ayi dɛrɛ! Mùn saunmaà shɔ̀ùn gooɲaan kàjaa tsɛ, mùn dzia to tsùù gooɲaan ɲàn dzùrù kɔn ? 3Ye na à tɔ̀ ci mùn nìì reè jaara fòoŋ Ŋaablà re shia goo rèè rà Yesù Kirisà ɲàn, ci mùn jaara fòoŋ à saàn rìì ɲàn ɔ̀n ? 4#Kol 2.12.Tɔ̀ jaara foo saabu rɔ̀n à saàn ɲàn, mùn sa fun wɔu à ka, gè riì n'a to, Kirisà kpunaun nìi tsuru è bo fùn nèè fi Fà Ŋaablà nɔɔrɔɔ̀ baraka rɔ̀n, mùn sa yeè jìì tà tsuru jaamabe yeu ɲan. 5Tà doùn, ɲe ko à sa ye ba bàu soo a ci à saun nìi tsuru, awà mùn sa nà bà soo, a ci à sèè kpunaun nìi tsuru. 6Mìn bà à tɔ̀, ci juu bɔrɔɔ riì na ni mùn ɲan, tɔ gbaun gɔɔ̀ rà ko Yesù ka. Tɔ fau, gè riì n'a to mùn gooɲaan gɔɔn yè bara, mùn mà bà gooɲaan rè jon ì dɛ. 7À tà tsuru, è ɲɛn à tsɛ, mòò riì saun, tɔ bou gooɲaan suun. 8Ŋà mìn ba saun Kirisà ka, min ɲɛn à ra ci mùn nà jaamabee sa fa ko à ka. 9Àwà m'a tɔ̀ ci Kirisà sèè kpunaunmaà è bo fùn nèè fi, à na naà san dɛ, saàn rè dzi to na ni à tsɛ. 10À yè san, tɔ fau gooɲaan nì kàjaa tsɛ. Tɔ̀ fau jaa soo pe rii, kpɛrɛ na ni nìi shɔ̀ùn dɛ. À to ni jaamabe riì rà, à tɔ̀ faa Ŋaablà re fa rii ɲàn. 11Tà doùn, e sa y'a jà, ci ye saun gooɲaan kàjaa tsɛ, ye to ni jaamabe riì rà, ye tɔ̀ faa Ŋaablà re fa rii ɲàn, Yesù Kirisà ɲàn.

12Tà doùn, e gɔn nìi sanàma, e maà à to gooɲaan yè dzi tara tɔ̀ tsɛ fɔ è bè wɔ y'a kur'la goo ɲaan neè shi jiì dɛ. 13E maà e gɔɔ̀n min sɔn pɛn to gooɲaan suun, è bà terenbɛybeè rè faagoo faa gè waa. Ŋà ye e yɛrɛ sin Ŋaablà ra a ci mòdzin ì, nìì reè sèè kpunan bou saàn ɲàn, yè bà jaama, è gɔɔ̀n min niì sapɛ yeè bà ni terenbee faagoo rà Ŋaablà re. 14Tà tsuru, gooɲaan fa bà ye kùntsii dɛ, kàtsu ye na ni sàrìyaa dzuun dɛ, fɔ Ŋaablà ɲanwùɔ.

Nìi ni gooɲaan raa jònbee ko terenbee raa jònbee tsɛ

15À ni dzùrù ? Mìn gooɲaan nì fa kàtsu mùn na ni sàrìyaa dzuun dɛ fɔ Ŋaablà ɲanwùù ra ɔ̀ ? Ayi dɛrɛ ! 16Ye na à tɔ̀ ci ye ye e yɛrɛ wɔ mòò suun ye bà à re jòn, y'a dzugoomaa shi jiɛ, ci ye tɔ̀ niì dzugooma shi jiɛ, y'a re jòn nì sààben na ɔ ? Tà tsuru, ye ma ba gooɲaan rè jòn tɔ̀ niì nàa saàn ka, ye kpɛ̀yn Ŋaablà dzugoomaa nì shi jiɛ, tɔ̀ niì nàa terenbee ka. 17Mìn tswɛ̀y fa Ŋaablà re, è ɲɛn à tsɛ, ye na gooɲaan rè jon ì, ŋà ye kàr'nìi tàrau, ye tɔ̀ shi jiiŋ e duɔ̀n sapɛ ka. 18Ye tsi boumaà gooɲaan suun, dòònuùn ye bàu terenbee rè jon ì. 19Mun goomaa adamàdzin mòdzin goomau'n kur'la, è ɲɛn ye re fààn dzyɛ̀nbeè tsɛ. Àwà, ye yè e gɔɔ̀n gàne rèè bàu goo nooŋmaà ko terenbɛybee rè faagoo faa ge ì nìi tsuru è ɲɛn terenbɛybee tsɛ, tɔ̀ soo tsuru, ye è bà terenbee rè jon ì dòònuùn, nìi ye bàa Ŋaablà raa. 20Ye na gooɲaan rè jon ì waatsi riì bwèy, ye re shi naà ni terenbe ɲan waa. 21Ye na twɛy goo nìì reè faa, ye na fèe nàfa rìì jàa è ɲan ? She do, n ci è seey ye kuàn, è ɲɛn à tsɛ, à lataan saàn rìì. 22Ŋà dòònuùn, ye xɔrɔnbeumaà ye bo gooɲaan ɲàn, ye bàu Ŋaablà re jon ì. Tɔ̀ nàfaà rìì yɛ goo nìì reè dzi Ŋaablà ra, à lataan yè bà jaamabe dziù dòbɛɛ. 23Àwà gooɲaan sàr'là, tɔ saàn rìì, ŋà Ŋaablà gè niì sìan maana, tɔ jaamabe dziù dòbɛɛ rìì, mùn Tsìfa Yesù Kirisà ɲàn.

Currently Selected:

Ɔ̀rɔ̀mùnka reè 6: BDZU

Highlight

Copy

Compare

Want to have your highlights saved across all your devices? Sign up or sign in

Learn More About Bible Dzùùngoo Unicode

Ɔ̀rɔ̀mùnka reè 6

Popular Bible Verses from Ɔ̀rɔ̀mùnka reè 6

Popular Bible Verses from
Ɔ̀rɔ̀mùnka reè 6