YAKU 2
2
Myo, Nhoo: Akhyen: Wa Shid Re"- Zid" Nhang: khyoo:
1Nga: mang nhung" yi we"- nanu" gi ngoonu" da" myonhoo: phung" yoeb, da" Aseing Yesu Khristu ri loem khau: loem" jeing" mo, nghoid ziyo' dakhyoo" ti"- byu ri myonhoo: akhyen: goo. 2Gyeing" nyang: nanu" da" zoeb phung: moo vang lo da byu eig yug mo dayug gi sheing: lo, pain" pain" ci: lho:-byi: gi void ci: wigi gootu: dayug gi sho" jhen su: nghoid yoomo byi joid, lhoo" joid te" void, ci: zi nghoid ein: shang. 3Nanu" gi byi: gi mi gi void ci: su: ri gi yhoug: gyen: koid lho: hid: ge thang da" joyoo moo zhung: we' ga: tid lho: wigi sho" jhen su: rigi thei: joyoo moo yab, jo, shi" we' houg: su" anghoid lang" gi nga" khyid: yang: phyang" gung moo zhung: we' ga: tid nghoid rigi 4Nanu" da" akhoug: moo nyang: cang" nyang: myonhoo: khyen: go" lho: age khyo" zei: so' nyid zi anghoid goo" la".
5Jheddab da" mangnhung" yi we"- tam" gyo: yu" ge'. loem khau: khyoo: moo joeb byeung" mo, byui: wa shid re" Aseing: ri jheddab mo, shid re" gi dang: theung to" mungdain moo yo" vang loo" wa shid mo Aseing: gi moug myid' mo sho" jhen: mo, ri khyen: yu zi nghoid. 6Nghoid loug we' nanu" gi sho" jhen mo, ri aphoug" goo" nhung? Yoo" mo, di mo, gi nanu" ri zeig zo: lho: tarha" agyi yi da" shid' moo she: khyoid yhe: boem anghoid goo" la". 7Nyangnu" yo" kham: yu bye: da" phoug" dab, myeing khyang" ri juang" yi pyam bye: boem anghoid goo" la".
8Nanu" gi nanya: yhoem: kyoo" cang" ri nanya: gung yo' dakhyoo" ti"- jheddab goo" ge' ga: bo da" dang: ri cang lo" rigi ge zi nghoid. 9Nghoid loug we' myonhoo: dakhyen: nyid rigi yooboo yoo" mo, nghoid shi" lho: tarha" shoid mo, nghoid ga: dang: phyed zi shau" boem shi" nghoid nyid. 10Tarha" daloem: ri shoid su: hang" nghoid loug we' tarha" dangain" ziri shoid nyid su: nghoid. 11Khasu" wim gari sube" myi: alhoid- ga: tid to" da" Aseing: gi-Byu asaid' ga: we tid to"- nang gi sube" myi: alhoid nghoid ri lang" byu said nghoid rigi tarha" shoid su: nghoid bye. 12Hougsu" nghoid yoomo lhoid pyoin kaid da" tarha" yo' dakhyoo" ti"- dang: phyed zi shau" wa bang: yhang: ti"- tid sang: voin, vu, yhe: loo" ge'. 13Khasu" wim gari Mangsoo gi nheig ase' khyeig su: ri nheig akhyeig loo: za: dang: phyed' byid: loo wa zi nghoid. Nghoid loug we' nheig khyeig shoo" myen: khyoo: gi tahra" dang: phyed' khyo: tho' moo yoem: je bo.
Loem" Jeung" Khyoo: Yo' Moozoo"
14Nga: mangnhung" yi we"- byu dayug yug gi loem" jeing" bye ga: tid nyid nghoid loug we' moozoo" abo nghoid ri gi ce: akyu" boo wa lha". Hau: yug loem" jeung" khyoo: gi nyang ri yo" khyoid yu wa la". 15Dang: tu, tid ba ein: rigi nanu" da" mang nhung" yi void noem zo: noem, ayoo" - sho" jhen: nyid ziri myang lho: 16Nanu" gi nyangnu" ri Mangsoo nanu" ri mainkaid byid: baja"- loem, loem, nyid ge'. gyi: gyi: zoo: ge'. ga: tid lho: nyangnu" moo ca" nyid zi joem ri abyid: nghoid rigi ce" akyu" boo wa lha". 17Loem jeing" khyoo: we' houg: yo' dakhyoo" ti" nghoid. Moozoo" abo da" loem" jeung" khyoo" gi shid: mang nghoid nyid.
18Nghoid loug we' byu dayu yug gi loem" jeung" nheigloem: bo lho: gootu: dayug gi moozoo" bo ga: dang: gain' ze nghoid rigi moozoo" abo da" loem" jeung" khyoo: ngoori toin" shid we' ngoo koem gi moozoo" khyo" wigi nga" loem" jeung" khyoo: ri toin" shid' ba- ein: ngoo tid ba. 19Mangsoo gi dayug kyeing" danyid ziri nang aloem" jeing" la". nghoid bye"- yu joem lang" hau: ziri loem" jeung" gyoug nain" nyid boem. 20Hau: tho' moo gootu: hang: su: we"- moozoo" abo da" loem" jeung" khyoo: gi akoem: za: danghoid ziri si' nau la". 21Ngoonu" da" nya: phoug" Abraham gi Mangsoo vho ngei da" khyoo: ri khasu" kham: yu bye: lha". Nyang: gi nya: zoo: Isag ri Mangso da" phoin: tho' moo dang ke" lho: xoin" to" pyam da" moozoo" khyoo" yo" yu" myang bye. 22Nya: loem" jeung" khyoo: yo' moozoo" gi tei" xo' go" to" da" khyoo: ri nang asi amyang la". moozoo" koid yoomo nya: da" loem" jeung" khyoo: gi joeb, byeung" loo bye. 23Houg: su" nghoid yoomo Abraham gi Mangsoo ri loem" jeung" khyoo: yoomo Mangsoo gi nyang ri deung byeung" su:- ga: soin: byid bye ga: da" jhoem: mungdang: gi deung loo bye. Houg: yoomo Abraham gi Mangso da" bidnoem zeing ga: myheing byid: zi we shau" bye. 24Hougsu: nghoid yoomo byu gi loem" jeung" khyo" za: anghoid- moozoo" khyo" we' Mangsoo vho: da" khyoo: ri yo" kham: yu ziri nanu" se' bye.
25Shava myhi, Rahab da" khyoo: we' houg: yo' dakhyoo" ti" nghoid. Nyang: gi Israela byumyu" yi da" jooyu" mo, ri loem: kham: yu pang: thoug yu lho: khyoo: goo" khaid khyo" doem, yo" gau" nhang: kaid. Houg: su" koid yoomo moozoo" zei: yoomo deungmain" ga: Mangso soin: byid bye. 26Houg: yo' dakhyoo" ti"- gungdu: mookang: so' aboo lang" gi shid: mang nghoid nyid yhang: ti"- moozoo" abo da" loem" jeung" khyoo: we' shid: mang nghoid nyid.
Currently Selected:
YAKU 2: LCL
Highlight
Copy
Compare
Share
Want to have your highlights saved across all your devices? Sign up or sign in
Lacid Bible © Bible Society of Myanmar, 2009.
YAKU 2
2
Myo, Nhoo: Akhyen: Wa Shid Re"- Zid" Nhang: khyoo:
1Nga: mang nhung" yi we"- nanu" gi ngoonu" da" myonhoo: phung" yoeb, da" Aseing Yesu Khristu ri loem khau: loem" jeing" mo, nghoid ziyo' dakhyoo" ti"- byu ri myonhoo: akhyen: goo. 2Gyeing" nyang: nanu" da" zoeb phung: moo vang lo da byu eig yug mo dayug gi sheing: lo, pain" pain" ci: lho:-byi: gi void ci: wigi gootu: dayug gi sho" jhen su: nghoid yoomo byi joid, lhoo" joid te" void, ci: zi nghoid ein: shang. 3Nanu" gi byi: gi mi gi void ci: su: ri gi yhoug: gyen: koid lho: hid: ge thang da" joyoo moo zhung: we' ga: tid lho: wigi sho" jhen su: rigi thei: joyoo moo yab, jo, shi" we' houg: su" anghoid lang" gi nga" khyid: yang: phyang" gung moo zhung: we' ga: tid nghoid rigi 4Nanu" da" akhoug: moo nyang: cang" nyang: myonhoo: khyen: go" lho: age khyo" zei: so' nyid zi anghoid goo" la".
5Jheddab da" mangnhung" yi we"- tam" gyo: yu" ge'. loem khau: khyoo: moo joeb byeung" mo, byui: wa shid re" Aseing: ri jheddab mo, shid re" gi dang: theung to" mungdain moo yo" vang loo" wa shid mo Aseing: gi moug myid' mo sho" jhen: mo, ri khyen: yu zi nghoid. 6Nghoid loug we' nanu" gi sho" jhen mo, ri aphoug" goo" nhung? Yoo" mo, di mo, gi nanu" ri zeig zo: lho: tarha" agyi yi da" shid' moo she: khyoid yhe: boem anghoid goo" la". 7Nyangnu" yo" kham: yu bye: da" phoug" dab, myeing khyang" ri juang" yi pyam bye: boem anghoid goo" la".
8Nanu" gi nanya: yhoem: kyoo" cang" ri nanya: gung yo' dakhyoo" ti"- jheddab goo" ge' ga: bo da" dang: ri cang lo" rigi ge zi nghoid. 9Nghoid loug we' myonhoo: dakhyen: nyid rigi yooboo yoo" mo, nghoid shi" lho: tarha" shoid mo, nghoid ga: dang: phyed zi shau" boem shi" nghoid nyid. 10Tarha" daloem: ri shoid su: hang" nghoid loug we' tarha" dangain" ziri shoid nyid su: nghoid. 11Khasu" wim gari sube" myi: alhoid- ga: tid to" da" Aseing: gi-Byu asaid' ga: we tid to"- nang gi sube" myi: alhoid nghoid ri lang" byu said nghoid rigi tarha" shoid su: nghoid bye. 12Hougsu" nghoid yoomo lhoid pyoin kaid da" tarha" yo' dakhyoo" ti"- dang: phyed zi shau" wa bang: yhang: ti"- tid sang: voin, vu, yhe: loo" ge'. 13Khasu" wim gari Mangsoo gi nheig ase' khyeig su: ri nheig akhyeig loo: za: dang: phyed' byid: loo wa zi nghoid. Nghoid loug we' nheig khyeig shoo" myen: khyoo: gi tahra" dang: phyed' khyo: tho' moo yoem: je bo.
Loem" Jeung" Khyoo: Yo' Moozoo"
14Nga: mangnhung" yi we"- byu dayug yug gi loem" jeing" bye ga: tid nyid nghoid loug we' moozoo" abo nghoid ri gi ce: akyu" boo wa lha". Hau: yug loem" jeung" khyoo: gi nyang ri yo" khyoid yu wa la". 15Dang: tu, tid ba ein: rigi nanu" da" mang nhung" yi void noem zo: noem, ayoo" - sho" jhen: nyid ziri myang lho: 16Nanu" gi nyangnu" ri Mangsoo nanu" ri mainkaid byid: baja"- loem, loem, nyid ge'. gyi: gyi: zoo: ge'. ga: tid lho: nyangnu" moo ca" nyid zi joem ri abyid: nghoid rigi ce" akyu" boo wa lha". 17Loem jeing" khyoo: we' houg: yo' dakhyoo" ti" nghoid. Moozoo" abo da" loem" jeung" khyoo" gi shid: mang nghoid nyid.
18Nghoid loug we' byu dayu yug gi loem" jeung" nheigloem: bo lho: gootu: dayug gi moozoo" bo ga: dang: gain' ze nghoid rigi moozoo" abo da" loem" jeung" khyoo: ngoori toin" shid we' ngoo koem gi moozoo" khyo" wigi nga" loem" jeung" khyoo: ri toin" shid' ba- ein: ngoo tid ba. 19Mangsoo gi dayug kyeing" danyid ziri nang aloem" jeing" la". nghoid bye"- yu joem lang" hau: ziri loem" jeung" gyoug nain" nyid boem. 20Hau: tho' moo gootu: hang: su: we"- moozoo" abo da" loem" jeung" khyoo: gi akoem: za: danghoid ziri si' nau la". 21Ngoonu" da" nya: phoug" Abraham gi Mangsoo vho ngei da" khyoo: ri khasu" kham: yu bye: lha". Nyang: gi nya: zoo: Isag ri Mangso da" phoin: tho' moo dang ke" lho: xoin" to" pyam da" moozoo" khyoo" yo" yu" myang bye. 22Nya: loem" jeung" khyoo: yo' moozoo" gi tei" xo' go" to" da" khyoo: ri nang asi amyang la". moozoo" koid yoomo nya: da" loem" jeung" khyoo: gi joeb, byeung" loo bye. 23Houg: su" nghoid yoomo Abraham gi Mangsoo ri loem" jeung" khyoo: yoomo Mangsoo gi nyang ri deung byeung" su:- ga: soin: byid bye ga: da" jhoem: mungdang: gi deung loo bye. Houg: yoomo Abraham gi Mangso da" bidnoem zeing ga: myheing byid: zi we shau" bye. 24Hougsu: nghoid yoomo byu gi loem" jeung" khyo" za: anghoid- moozoo" khyo" we' Mangsoo vho: da" khyoo: ri yo" kham: yu ziri nanu" se' bye.
25Shava myhi, Rahab da" khyoo: we' houg: yo' dakhyoo" ti" nghoid. Nyang: gi Israela byumyu" yi da" jooyu" mo, ri loem: kham: yu pang: thoug yu lho: khyoo: goo" khaid khyo" doem, yo" gau" nhang: kaid. Houg: su" koid yoomo moozoo" zei: yoomo deungmain" ga: Mangso soin: byid bye. 26Houg: yo' dakhyoo" ti"- gungdu: mookang: so' aboo lang" gi shid: mang nghoid nyid yhang: ti"- moozoo" abo da" loem" jeung" khyoo: we' shid: mang nghoid nyid.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lacid Bible © Bible Society of Myanmar, 2009.