Ngoo nghang yu" kaid ri mougzhung: shoid khyo" uglid zoo" lo nyid ziri shau" myang. Jhoemmoug" pung zeing mo lhab' myeug thu re" wigi hau: aqei: ayam mo mougkhung: gi bang jo, da:. Lhab' myeig nyid da" joyoo moo gyid: mid" yhang: te" zi daja: bang jo, da:. Uglid da" agung moo byu alhoo: yhang: te" dei noem myid: ja: ri ngoo shau" myang. Nghoid loug we' hau: joem du: khang" moo" moo myonhoo: myid: loem yo' dung myid: loem: dab. Nyangnu" khyid: joem gi dain: wigi nyangnu" da" khyid: sain" gi nu: khyid: sain" yo' du da:. Nyangnu" gi boid yung" to" da" gyid: mid" yhang: ti" bang da:. Hau: tho' agoo" nyangnu" da" myonhoo: myid: loem: yo' dung myid: loem: mo loem: khang" moo" da" dung vhoo: moo xangsu: byu lo, joem yhang: te" zi dab da:. Dei noem du: khang" moo" da" dung eig dung ri pyo: khyo' ci: da:. Nyangnu" da" dung thang: joem tain" go" to" wigi dei noem joem gi myid: khyoug: bui" jo, da:. Nyangnu" dang: lo" uri nyangnu" gung joem ri aphug lheing: loo" loo: daphung: za: dang: lo" ago".
Read EZEKIEL 1
Share
Compare All Versions: EZEKIEL 1:4-9
Save verses, read offline, watch teaching clips, and more!
YouVersion uses cookies to personalize your experience. By using our website, you accept our use of cookies as described in our Privacy Policy
Home
Bible
Plans
Videos