THU' LO" MOUGSOUG" 29
29
Arun yo' Nya: Yuggi Zoo: yiri Khainjung yi Khyo" Khasu" Lo, Ki" Byid: wa Khyoo:
(Xng 8:1-36)
1«He: zigi Arun yo' nya: yuggi zoo: yi nga" moo" moo khainjung yi khyo" nyangnu" gung ri shugbyid: boem wa khyoo: ri nang nyangnu" ri koid byid: wa da" khyoo: joem nghoid. Dam abo da" nuloo: zoo: dadu: yo' yang loo: eig du: yu wigi. 2Doocid" abo da" ge thang sungsoo: phei" ri Zhainloin: xu: yo' zooyho' da yham" ri koid we' xu: yo' anghoid looza: dayham" ri koid we' dayham" ri xu: joid wigi zooyho' poo" zoo: joem ri koid we'. 3Hau: ziri kyang daloem: moo kaid wigi nuloo: zoo: dadu: yo' yang loo: eig du ri nang xoin" to' byid: uri hau: zooyho' kyang ri we' ngoo ri ngei" byid: la.
4«Arun yo' nya: yuggi zoo: yiri nga" shidkhoin" zoem" khoem" duang: khyoo: shu" ri" wigi thung" khyo" gung cid" nhang: we'. 5Hau: thang: Arun ri khainjung byimi joem nghoid da" byi:- byisheing:- xoin" ngei" byizuang- yanggang nghoeb- phyid" cu" joem ri foid we'. 6Nyang: ri vhu" thoeb thoeb byid wigi ‹Aseing ri shugbyid: to" da› ga: thuang" lhid" to" da" shugbyid: ein: wa gyeung" shang: asoo" ri houg: moo tei" tab byid: we'. 7Hau: thang: mainkaid xu: ri yu lho: nya: vhuloem moo foid gyoin: wigi nyang: ri aya: byid: we'.
8«Nya: yuggi zoo: yiri khe: yu wigi nyangnu" ri byi: foid we'. 9Nyangnu" phyid" doem: moo phyid" cu" cu" byid:- vhuloem moo vhu" thoeb thoeb byid: we'. Hau: zigi Arun yo' nya: yuggi zoo: yiri nang khasu" lo, ki" byid: wa da" khyoo: nghoid. Nyangnu" yo' nyangnu" da" amyed ashen yigi ngoo ri apyaid atoo: khainjung khyo" wigi dei byid: nyid wa zi nghoid ago".
10Nuloo: zoo: ri nga" shidkhoin" zoem" khyoo: she: re" wigi Arun yo' nya: yuggi zoo: yi da" lo, ri hau: nu: vhuloem moo ki" wa shid re" tid we'. 11Nuloo: zoo: ri nga" gyeung" shang: shidkhoin" zoem" moo said we'. 12Nuloo: zoo: suid" dayham" ri yu wigi phoin: khyoug: moo re" lo, nyoug" yo' joid too" we'. Deing gu: rigi phoin: khyid: moo foid khyo' pyam we'. 13Hau: thang: khougseing" khougloem ri nghoeb to" da" xu: joem seing" mo ge thang da" ziyo' jeingloem: eig loem: ri xu yo' dage" yu lho: hau: joem ri phoin: moo ngoo ri xoin" khyo" nghe' ngei" byid: we'. 14Nghoid loug we' nuloo: zoo: shoo"- shooyid- khyid" joem rigi dab nghe: moo yhe: nghe' pyam we'. Hau: zigi khainjung yi da" yooboo khyoid xoin" nghoid da:.
15Yang loo: dadu: ri she: re" wigi Arun yo' nya: zoo: yi da" lo, hau: yang vhuloem moo ki" wa shid re" tid we'. 16Hau: ziri said wigi suid" ri yu lho: phoin: lheing khab' moo foid shoin" we'. 17Yang ri adu du jab wigi khougseing" khougloem yo' khyid: joem ri cid" lho vhuloem yo' shoo" khyi' joem atho' moo koid: boem too" we'. 18Zoo: noem xoin" khyo" yang du goin" ziri phoin: moo nghe' pyam we'. Hau: xoin" da" shoem: gi ngoo ri vho: ngei nhang: da:.
19«Shugbyid: wa shid re" ci: da" yang gootu: dadu: ri we' she: re" wigi Arun yo' nya: zoo: yi da" lo, hau: yang da" vhuloem moo ki" wa shid re" tid we'. 20Hau: ziri said wigi suid" dayham" yu lho: Arun yo' nya: zoo: yi da" lo, yo shoid nukhyab thang: moo we' lo, yo shoid lo, moo" cam" moo we' lo, yo shoid khyid: moo" cam" moo we' joid wa zi nghoid. Deing da" suid" joem ri phoin: lheing khab' foid sain" we'. 21Phoin: mo suid" dayham" yo' mainkaid xu: dayham" ri yu wigi Arun yo' nya: byimi joem moo we' nya: yuggi zoo: yi yo' nyangnu" da" byimi joem adang moo peig zhain' gyoin: we'. Nyang: yo' nya: zoo: yi nyangnu" byimi joem gi ngoo ri shugbyid: to" zi nghoid wa.
22«Yang loo: xu:- myiyhang xu:- khougseing" khougloem moo bo da" xu:- seing" mo ge: thang du- jeingloem: eig loem: yo' hau: moo dab da" xu:- lo, yo shoid bungsain: ri yham" shang: yu we'. 23Ngoo ri ab too" bye: da" zooyho' kyang mo zooyho' daja: mo daloem: loem: yu we'. Zhainloin: xu: yo' koid da" zooyho' daloem:- xu: abo da" zooyho' daloem: zooyho' poo" dakhyab ri yu wigi 24Hau: zoo: noem joem ri Arun yo' nya: yuggi zoo: yi da" lo, moo kaid wigi gooki lid da" jhungshug khyo" wigi nyangnu" ri ngoo ri shugbyid: wa zi nghoid. 25Hau: thang: nyangnu" jang" mo hau: ziri yu wigi nga" shid re" zoo: noem xoin" khyo" wigi phoin: tho' moo myi: nghe' xoin" adang moo ngoo ri nghe' ngei" byid: we'. Hau: xoin" da" shoem: gi ngoo ri vho: ngei nhang: da:.
26«Hau: yang loo: mo yanggang shoo" yu wigi nga" shid re" gooki lid jhungshug khyo" wigi shugbyid: we'. Hau: zigi nanu" shid re" nghoid wa.
27«Khainjung aya: kham: yu uri yang da" yanggang shoo" yo' bungsain: shoo" ri nga" shid re" gooki' lid jhungshug khyo" shugbyid: wigi aya: kham: yu wa shid re" ci: lho: khainjung yi shid re" too" byid: we'. 28Hau: da" khainjung yi seing: da" gougnyhoug yanggang yo' bungsain: shoo" gi ngoo khanham we' alid: wa da" nga" byumyu" yi da" zoem" khau: xoin" nghoid nyid da:. He: zigi ngoo Aseing shid re" nga" byumyu" yi da" jhungshug nghoid nyid da:.
29Arun shid: da" thang: ri nya: khainjung byimi ri nya: zoo: yiri byid: too" kho' wigi nyangnu" gi aya: kham: yu uri void nhang: we'. 30Arun da" nya: zoo: yi mo khainjung aya: yoo" yug gi gyeung" shang: joyoo moo dei byid: wa nga" shidkhoin" zoem" akhoug: khyoo: vang yhe: uri hau: ri nyhed nyid" ju" sho' void wa zi nghoid.
31«Arun yo' nya: zoo: yiri lo, ki" mainkaid byid: jang" moo ci: da" yang shoo" ri yu wigi hau: ziri gyeung" shang: joyoo moo poo" we'. 32Nyangnu" gi hau: ziri kyang mo zooyho' yo' dage" nga" shidkhoin" zoem" khoem" duang: yam moo zoo: wa zi nghoid. 33Nyangnu" gi lo, ki" mainkaid byid: jang" moo thung" ri: yo' sen: wigi yooboo khyoid jang" mo ci: da" shoo" ri zoo: wa zi nghoid ago". Hau: zigi gyeung" shang: nyid yoomo khainjung yi kyeing" dage zoo: wa zi nghoid. 34Shoo" anghoid lang" zooyho' dayham" nab soin: ju" sho' deing jo, nghoid rigi hau: ziri nghe' pyam ca" da:. Hau: zigi gyeung" shang: nyid yoomo yo" zoo: wa zi anghoid.
35«Ngoo nang ri amyeing" byid: too" bye: ziyo' dakhyoo" ti" nyhed nyid" byeung" sho' Arun yo' nya: zoo: yiri lo, ki" mainkaid byid: khyoo: ri koid we'. 36Yooboo khyoid xoin" khyo" wigi nyid" khang" nyid" nu: dadu: du: nang xoin" to' ca" da:. Phoin: ri younglho' pyam ca" da:. Hau: thang: hau: zi gyeung" shang: wa shid re" zhainloin: xu: joid ca" wa zi nghoid. 37He: ziri nyhed nyid" ju" sho' nyid" khang" nyid" koid wa zi nghoid. Phoin: gi gyeung" shang: nyid yoomo hougmoo zang" da" dayug yug anghoid lang" daja: ja: gyeung" shang: da" yoem: so' yo' dam dab wa zi nghoid.
Nyid" Khang" Nyid" mo Xoin"
(Gys 28:1-8)
38«Ju" loo wa da" ayo, moo dazain byeung" da" yang nu" eig du: du: ri phoin: moo nyid" khang" nyid" xoin" to' we'. 39Nab soin: ri yang nu" dadu: myen" thang: ri yang nu" dadu: khyo" wigi xoin" to' byid: we'. 40Xang: shi" da" yang nu" ri ge da" sungsoo: phei" 22 rung yo' zhainloin: xu: da parheing" ri lheig go" wigi ngei" byid: we'. Xoin" khyo" zabyid yhid: da parheing" ri foid khyo' pyam wa zi nghoid. 41Yang nu" eig du: ein: du: ri we' nab soin: ri koid yhang: ti" sungsoo:- zhainloin: xu:- zabyid yhid: dago" yi" kaid wigi xoin" ngei" byid: wa zi nghoid. He: zigi ngoo Aseing ri ngei byid: da" zoo: noem xoin" nghoid wigi hau: xoin" shoem: gi ngoo ri vho: ngei nhang: da:. 42Ju" loo wa da" ayo, dangain" moo he: nghe' ngei" xoin" nga" shidkhoin" zoem" khoem" duang: nga" shidkhoin" moo ngei" byid: ca" wa zi nghoid. Hau: joyoo gi nga" byumyu" yi yo' ngoo shoug" go" wigi nanu" yo' dang: tid goo" wa joyoo nghoid. 43Hau: joyoo moo ngoo Israela byumyu" yi yo' shoug" go" wigi nga" phung" yoeb yo' he: joyoo ri gyeung" shang: sho' koid too" wa zi nghoid. 44Zoem" yo' phoin: ri ngoo gyeung" shang: nhang: wa. Arun yo' nya: yuggi zoo: yiri khainjung yi khyo" ngoo ri dei byid: wa shid re" kho' too" wa zi nghoid. 45Israela byumyu" yi da" akhoug: moo ngoo nyid wa zi nghoid wigi ngoo gi nyangnu" Mangsoo nghoid wa. 46Ngoo gi nyangnu" ri Egutu mo shu" thu lo da" nyangnu" Aseing Mangsoo nghoid ziri nyangnu" se' loo goo" wa. Houg: lang" ngoo gi nyangnu" phung: moo: yo" nyid da:. Ngoo gi nyangnu" Aseing Mangsoo nghoid.
Currently Selected:
THU' LO" MOUGSOUG" 29: LCL
Highlight
Copy
Compare
Share
Want to have your highlights saved across all your devices? Sign up or sign in
Lacid Bible © Bible Society of Myanmar, 2009.
THU' LO" MOUGSOUG" 29
29
Arun yo' Nya: Yuggi Zoo: yiri Khainjung yi Khyo" Khasu" Lo, Ki" Byid: wa Khyoo:
(Xng 8:1-36)
1«He: zigi Arun yo' nya: yuggi zoo: yi nga" moo" moo khainjung yi khyo" nyangnu" gung ri shugbyid: boem wa khyoo: ri nang nyangnu" ri koid byid: wa da" khyoo: joem nghoid. Dam abo da" nuloo: zoo: dadu: yo' yang loo: eig du: yu wigi. 2Doocid" abo da" ge thang sungsoo: phei" ri Zhainloin: xu: yo' zooyho' da yham" ri koid we' xu: yo' anghoid looza: dayham" ri koid we' dayham" ri xu: joid wigi zooyho' poo" zoo: joem ri koid we'. 3Hau: ziri kyang daloem: moo kaid wigi nuloo: zoo: dadu: yo' yang loo: eig du ri nang xoin" to' byid: uri hau: zooyho' kyang ri we' ngoo ri ngei" byid: la.
4«Arun yo' nya: yuggi zoo: yiri nga" shidkhoin" zoem" khoem" duang: khyoo: shu" ri" wigi thung" khyo" gung cid" nhang: we'. 5Hau: thang: Arun ri khainjung byimi joem nghoid da" byi:- byisheing:- xoin" ngei" byizuang- yanggang nghoeb- phyid" cu" joem ri foid we'. 6Nyang: ri vhu" thoeb thoeb byid wigi ‹Aseing ri shugbyid: to" da› ga: thuang" lhid" to" da" shugbyid: ein: wa gyeung" shang: asoo" ri houg: moo tei" tab byid: we'. 7Hau: thang: mainkaid xu: ri yu lho: nya: vhuloem moo foid gyoin: wigi nyang: ri aya: byid: we'.
8«Nya: yuggi zoo: yiri khe: yu wigi nyangnu" ri byi: foid we'. 9Nyangnu" phyid" doem: moo phyid" cu" cu" byid:- vhuloem moo vhu" thoeb thoeb byid: we'. Hau: zigi Arun yo' nya: yuggi zoo: yiri nang khasu" lo, ki" byid: wa da" khyoo: nghoid. Nyangnu" yo' nyangnu" da" amyed ashen yigi ngoo ri apyaid atoo: khainjung khyo" wigi dei byid: nyid wa zi nghoid ago".
10Nuloo: zoo: ri nga" shidkhoin" zoem" khyoo: she: re" wigi Arun yo' nya: yuggi zoo: yi da" lo, ri hau: nu: vhuloem moo ki" wa shid re" tid we'. 11Nuloo: zoo: ri nga" gyeung" shang: shidkhoin" zoem" moo said we'. 12Nuloo: zoo: suid" dayham" ri yu wigi phoin: khyoug: moo re" lo, nyoug" yo' joid too" we'. Deing gu: rigi phoin: khyid: moo foid khyo' pyam we'. 13Hau: thang: khougseing" khougloem ri nghoeb to" da" xu: joem seing" mo ge thang da" ziyo' jeingloem: eig loem: ri xu yo' dage" yu lho: hau: joem ri phoin: moo ngoo ri xoin" khyo" nghe' ngei" byid: we'. 14Nghoid loug we' nuloo: zoo: shoo"- shooyid- khyid" joem rigi dab nghe: moo yhe: nghe' pyam we'. Hau: zigi khainjung yi da" yooboo khyoid xoin" nghoid da:.
15Yang loo: dadu: ri she: re" wigi Arun yo' nya: zoo: yi da" lo, hau: yang vhuloem moo ki" wa shid re" tid we'. 16Hau: ziri said wigi suid" ri yu lho: phoin: lheing khab' moo foid shoin" we'. 17Yang ri adu du jab wigi khougseing" khougloem yo' khyid: joem ri cid" lho vhuloem yo' shoo" khyi' joem atho' moo koid: boem too" we'. 18Zoo: noem xoin" khyo" yang du goin" ziri phoin: moo nghe' pyam we'. Hau: xoin" da" shoem: gi ngoo ri vho: ngei nhang: da:.
19«Shugbyid: wa shid re" ci: da" yang gootu: dadu: ri we' she: re" wigi Arun yo' nya: zoo: yi da" lo, hau: yang da" vhuloem moo ki" wa shid re" tid we'. 20Hau: ziri said wigi suid" dayham" yu lho: Arun yo' nya: zoo: yi da" lo, yo shoid nukhyab thang: moo we' lo, yo shoid lo, moo" cam" moo we' lo, yo shoid khyid: moo" cam" moo we' joid wa zi nghoid. Deing da" suid" joem ri phoin: lheing khab' foid sain" we'. 21Phoin: mo suid" dayham" yo' mainkaid xu: dayham" ri yu wigi Arun yo' nya: byimi joem moo we' nya: yuggi zoo: yi yo' nyangnu" da" byimi joem adang moo peig zhain' gyoin: we'. Nyang: yo' nya: zoo: yi nyangnu" byimi joem gi ngoo ri shugbyid: to" zi nghoid wa.
22«Yang loo: xu:- myiyhang xu:- khougseing" khougloem moo bo da" xu:- seing" mo ge: thang du- jeingloem: eig loem: yo' hau: moo dab da" xu:- lo, yo shoid bungsain: ri yham" shang: yu we'. 23Ngoo ri ab too" bye: da" zooyho' kyang mo zooyho' daja: mo daloem: loem: yu we'. Zhainloin: xu: yo' koid da" zooyho' daloem:- xu: abo da" zooyho' daloem: zooyho' poo" dakhyab ri yu wigi 24Hau: zoo: noem joem ri Arun yo' nya: yuggi zoo: yi da" lo, moo kaid wigi gooki lid da" jhungshug khyo" wigi nyangnu" ri ngoo ri shugbyid: wa zi nghoid. 25Hau: thang: nyangnu" jang" mo hau: ziri yu wigi nga" shid re" zoo: noem xoin" khyo" wigi phoin: tho' moo myi: nghe' xoin" adang moo ngoo ri nghe' ngei" byid: we'. Hau: xoin" da" shoem: gi ngoo ri vho: ngei nhang: da:.
26«Hau: yang loo: mo yanggang shoo" yu wigi nga" shid re" gooki lid jhungshug khyo" wigi shugbyid: we'. Hau: zigi nanu" shid re" nghoid wa.
27«Khainjung aya: kham: yu uri yang da" yanggang shoo" yo' bungsain: shoo" ri nga" shid re" gooki' lid jhungshug khyo" shugbyid: wigi aya: kham: yu wa shid re" ci: lho: khainjung yi shid re" too" byid: we'. 28Hau: da" khainjung yi seing: da" gougnyhoug yanggang yo' bungsain: shoo" gi ngoo khanham we' alid: wa da" nga" byumyu" yi da" zoem" khau: xoin" nghoid nyid da:. He: zigi ngoo Aseing shid re" nga" byumyu" yi da" jhungshug nghoid nyid da:.
29Arun shid: da" thang: ri nya: khainjung byimi ri nya: zoo: yiri byid: too" kho' wigi nyangnu" gi aya: kham: yu uri void nhang: we'. 30Arun da" nya: zoo: yi mo khainjung aya: yoo" yug gi gyeung" shang: joyoo moo dei byid: wa nga" shidkhoin" zoem" akhoug: khyoo: vang yhe: uri hau: ri nyhed nyid" ju" sho' void wa zi nghoid.
31«Arun yo' nya: zoo: yiri lo, ki" mainkaid byid: jang" moo ci: da" yang shoo" ri yu wigi hau: ziri gyeung" shang: joyoo moo poo" we'. 32Nyangnu" gi hau: ziri kyang mo zooyho' yo' dage" nga" shidkhoin" zoem" khoem" duang: yam moo zoo: wa zi nghoid. 33Nyangnu" gi lo, ki" mainkaid byid: jang" moo thung" ri: yo' sen: wigi yooboo khyoid jang" mo ci: da" shoo" ri zoo: wa zi nghoid ago". Hau: zigi gyeung" shang: nyid yoomo khainjung yi kyeing" dage zoo: wa zi nghoid. 34Shoo" anghoid lang" zooyho' dayham" nab soin: ju" sho' deing jo, nghoid rigi hau: ziri nghe' pyam ca" da:. Hau: zigi gyeung" shang: nyid yoomo yo" zoo: wa zi anghoid.
35«Ngoo nang ri amyeing" byid: too" bye: ziyo' dakhyoo" ti" nyhed nyid" byeung" sho' Arun yo' nya: zoo: yiri lo, ki" mainkaid byid: khyoo: ri koid we'. 36Yooboo khyoid xoin" khyo" wigi nyid" khang" nyid" nu: dadu: du: nang xoin" to' ca" da:. Phoin: ri younglho' pyam ca" da:. Hau: thang: hau: zi gyeung" shang: wa shid re" zhainloin: xu: joid ca" wa zi nghoid. 37He: ziri nyhed nyid" ju" sho' nyid" khang" nyid" koid wa zi nghoid. Phoin: gi gyeung" shang: nyid yoomo hougmoo zang" da" dayug yug anghoid lang" daja: ja: gyeung" shang: da" yoem: so' yo' dam dab wa zi nghoid.
Nyid" Khang" Nyid" mo Xoin"
(Gys 28:1-8)
38«Ju" loo wa da" ayo, moo dazain byeung" da" yang nu" eig du: du: ri phoin: moo nyid" khang" nyid" xoin" to' we'. 39Nab soin: ri yang nu" dadu: myen" thang: ri yang nu" dadu: khyo" wigi xoin" to' byid: we'. 40Xang: shi" da" yang nu" ri ge da" sungsoo: phei" 22 rung yo' zhainloin: xu: da parheing" ri lheig go" wigi ngei" byid: we'. Xoin" khyo" zabyid yhid: da parheing" ri foid khyo' pyam wa zi nghoid. 41Yang nu" eig du: ein: du: ri we' nab soin: ri koid yhang: ti" sungsoo:- zhainloin: xu:- zabyid yhid: dago" yi" kaid wigi xoin" ngei" byid: wa zi nghoid. He: zigi ngoo Aseing ri ngei byid: da" zoo: noem xoin" nghoid wigi hau: xoin" shoem: gi ngoo ri vho: ngei nhang: da:. 42Ju" loo wa da" ayo, dangain" moo he: nghe' ngei" xoin" nga" shidkhoin" zoem" khoem" duang: nga" shidkhoin" moo ngei" byid: ca" wa zi nghoid. Hau: joyoo gi nga" byumyu" yi yo' ngoo shoug" go" wigi nanu" yo' dang: tid goo" wa joyoo nghoid. 43Hau: joyoo moo ngoo Israela byumyu" yi yo' shoug" go" wigi nga" phung" yoeb yo' he: joyoo ri gyeung" shang: sho' koid too" wa zi nghoid. 44Zoem" yo' phoin: ri ngoo gyeung" shang: nhang: wa. Arun yo' nya: yuggi zoo: yiri khainjung yi khyo" ngoo ri dei byid: wa shid re" kho' too" wa zi nghoid. 45Israela byumyu" yi da" akhoug: moo ngoo nyid wa zi nghoid wigi ngoo gi nyangnu" Mangsoo nghoid wa. 46Ngoo gi nyangnu" ri Egutu mo shu" thu lo da" nyangnu" Aseing Mangsoo nghoid ziri nyangnu" se' loo goo" wa. Houg: lang" ngoo gi nyangnu" phung: moo: yo" nyid da:. Ngoo gi nyangnu" Aseing Mangsoo nghoid.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lacid Bible © Bible Society of Myanmar, 2009.