ROM 11
11
Israel Parah Pathian Zaangfahnak
1Cuti asile Pathian in a minung pawl a hnongta ding maw si? Hnong ta hrimhrim hlah! Keimah khal hi Israel mi, Abraham ih tesinfa, Benjamin phun sungtel ka si. 2Pathian in a hramthok ihsin a rak hrilmi a minung pawl cu a hnong lo a si. Ca Thianghlim sungih nganmi, Israel mi pawl mitkem ah Elijah in Pathian hnenih a simmi kha nan thei a si lo maw? Elijah in, 3“Bawipa, na profet pawl an that ih na biakṭheng tla an bal ṭheh; keimah pakhat lawng ka taang ih keimah hman a thah in tum a si!” a ti kha.#1 Sian. 19.10, 14 4Cutikah Pathian in ziangtinso a leh? “Keimah ih bul hrangah Baal khawzing a bia hrih lomi minung thawng sarih ka nei lai,” a ti a si.#1 Sian. 19.18 5Cuvek ṭhiamṭhiam in atu khalah hin a si - a zaangfahnak ruangah Pathian in a rak hrilmi minung pawl sung ihsin a taangsun an um lai hrih a si. 6Hitiih a rak hrilnak cu an hnaṭuanmi ruangah si loin a zaangfahnak ruangah a si. Ziangahtile Pathian ih a hrilmi pawl hi an ṭuanmi ruangih hrilmi an si ahcun a zaangfahnak timi hi zaangfahnak taktak a si lo ding.
7Cule ziangtinso a si? Israel mi pawl in an hawlmi cu an hmu lo. A hmutu cu Pathian ih hrilmi mi malte lawng an si. Midang pawl cu an thinlung a ruh.
8Ca Thianghlim in,
“Pathian in an thinlung mit
a malhter,
Tuihsun tiangah an hmu thei
lo ih an thei thei lo,”
a ti vekin a si ngaingai.#Daan 29.4; Isai 29.10
9Cule David in,
“An puai sungah kaihmi le
thangih awkmi si hai seh;
Ril in bah hai sehla
hremmi si hram hai seh.
10An hmuh thei lonak dingah
an mit cu cawtter sisehla,
An harsatnak thilrit hnuai ah,
an eel cu cat loin kun hram seh,”
tiah a ti.#Saam 69.22-23
11Cuti asile Judah mi an rilhbah tikah hin an bah siatralta ding maw si? Siatta hrimhrim hlah! Anmah an rilhbah ruangah rundamnak cu Zentail mi hnenah a ra thleng. Cumi cu Zentail mi parah Judah mi in iksiknak nei hai seh, ti duhnak a si. 12Judah mi pawl ih sualnak in leilung tlunah thlawsuahnak tampi a thlenter; an thlarau lam farahnak in Zentail mi hnenah thlawsuah bawngmal tampi a sawm. Cule Judah mi pawl cuzat tiih khiah mi mipum famkim zetih an tel ve tikah cun ziangtluk thlawsuahnak tam sinsin so a si ding!
Zentail Mi Rundamnak
13Atu cu Zentail mi nan hnenah thu ka sim: Zentail mi hnenih tirhthlahmi ka si sungah cun ka hnaṭuanmi ah mithmai ṭhatnak ka nei ding a si. 14Ka phunpi pawl nahsiiknak neihter tahratin mi ṭhenkhat tal ka rundam thei na hman maw tinak ah a si. 15Ziangahtile Judah mi pawl hnon an si tikah leitlun khawvel mi cu Pathian ih ral ihsin a rualpi ah an cang a si. Annih Judah mi pawl cohlan an si ve tikah ziang a bang ding? Mithi hrangah nunnak a si ding!
16A hmaisa bik a si mi sang ah khat kha Pathian hnenih hlan a si ih a thianghlim a si ahcun a zawl pumpi in amah ih ta a si ih a thianghlim a si. Thinghram pawl Pathian hnenih pek a si ih an thianghlim a si ahcun a hnge pawl khal an thianghlim ve a si. 17An cin mi olif kungih hnge ṭhenkhat cu an tan ih hramlakih a kho mi olif kung hnge thawn cuih cinmi olif kung cu peh an si. Nannih Zentail mi pawl hi cuih hramlakih a khomi olif kung bangtuk nan si ih Judah mi pawl ih thlarau lam nunnak le thazaang nan ṭawm aw a si. 18Curuangah olif hnge tanmi bangtuk a si mi pawl kha nan hmuhsuam lo pei. Ziangtin so nan puarthau thei ding? A hnge lawng nan si ih a hram kha nannih in nan cawm lo; a hram in a lo cawm sawn a si.
19Nannih cun, “Kanmah pawl hrang umnak lawngter dingah a hnge pawl an sattan a si,” tiah nan ti ding. 20Cumi cu a dik a si. Annih Judah mi pawl cu an zum lo ruangah tan an si; nannih cun nan zum ruangah hi hmun hi nan luah. Cumi ruangah cun puarthau in hngal pang hlah uh! A ṭih in ṭih sawn uh. 21A hram thawn a peh-aw ih a hnge ngaingai a si mi Judah mi pawl hman a zuah lo ahcun, nannih tla cu zuah dingah nan ruat aw maw si? 22Hi zawn ah hin Pathian cu zaangfah lainatnak a neizet naón a thu a khoh zet thotho ti cu ka hmu a si. A bah a rilmi pawl hnenah cun a thu a khoh zet, asinain nannih hnenah cun zaangfahnak a neizet. Cuih zaangfahnak sungih nan um ringring a si ahcun a lo zaangfah ringring ding; asinain nan um lo ahcun khiah-hlo nan si ve ding.
23Cule Judah mi pawl in zum loih an umnak dinhmun kha an tlansan a si ahcun a hlanih an rak umnak ah khan ret sal an si ding, ziangahtile Pathian cu pehsal theinak thu a nei a si. 24Nannih Zentail mi pawl cu hramlakih a khomi olif kungih hnge bangtuk nan si ih nannih cu tan tahratin, a daan a si lo naón, ciin-mi olif kuang thawn peh cihmi men nan si. Judah mi pawl cu cin-mi olif kung an si ruangah tan ciami hnge hman si hai sehla a kung hlunih peh sal cu Pathian hrangah a ol deuh ngaingai ding.
Zapi Hnenah Pathian Zaangfahnak
25Ka u le ka nau tla, a dikmi thuthup a um ih cumi cu nan theih dingah ka duhmi a si. Cumi nan theih asile mifim ah nan ruat aw lo ding. Ziang a si tile, Israel mi pawl an thinlung a ruh hi kumkhua in a si lo ding; Pathian hnenah Zentail mi a thleng ding zat an thlen hlan sung lawng a si ding. 26Cule Israel mi hmuahhmuah rundammi an sinak ding cu hiti in a si ding. Ca Thianghlim in,#Isai 59.20
“Zion ihsin Runtu a ra ding ih
Jakob tesinfa pawl ih ṭhatlonak
hmuahhmuah cu a hlonhlo
ṭheh ding.
27An sualnak ka laksak tikah cun,
anmah thawn hi thukamnak hi
ka tuah ding,”#Jer. 31.33-34
a ti bangtuk in a si ding. 28Thuthang ṭha an hnon ruangah Judah mi pawl cu Pathian ih ral ah an cang; cumi cu nanmah Zentail mi hrangah a si. Sikhalsehla an pupa pawl ih ruangah annih cu Pathian ih hrilmi rualpi an si. 29Ziangahtile a hrilmi le a thlawsuahmi thu-ah cun Pathian in a thinlung a ṭhin dah lo. 30Nannih Zentail mi pawl, a liam cia caan sungah cun Pathian thu thlun lotu nan rak si; asinain atu-ah cun Judah mi in Pathian thu an ngai lo ruangah nannih in Pathian ih zaangfahnak nan ngah. 31Cuvek ṭhiamṭhiam in Pathian zaangfahnak nan ngahmi kha annih khal in an ngah venak dingah Judah mi pawl cu Pathian thu ngai loin an um. 32Ziangahtile, mi hmuahhmuah hnenah zaangfahnak a neih theinak dingah Pathian in zozo khal thu-ngai lonak sungah thawngtla bangin a taanter ṭheh a si.
Pathian Cu Thangṭhat Tlak A Si
33Pathian zaangfahnak cu a va tum so! A fimnak le a theihnak hi an va thuk lawmmam so! A thu relcatmi pawl hi zoso a hrilhfiah thei ding? A fehnak lamzin hi zoso a zong thei ding?#Isai 55.8 34Ca Thianghlim in,
“Bawipa ih thinlung cu zo in so
a thei?
Ruahnak a pe theitu an um maw?#Isai 40.13
35Amah ih rulh sal leh dingah
zo in so thil a pe dah?”#Job 41.11
tiah a timi bangtuk a si.
36Ziangahtile ziang hmuahhmuah cu Amah ih sersiammi, Amah ruangih ummi le Amah hrangah an si ṭheh. Pathian hnenah kumkhua-in sunlawinak cu um ko seh! Amen.
Currently Selected:
ROM 11: FCL
Highlight
Share
Compare
Copy
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
ROM 11
11
Israel Parah Pathian Zaangfahnak
1Cuti asile Pathian in a minung pawl a hnongta ding maw si? Hnong ta hrimhrim hlah! Keimah khal hi Israel mi, Abraham ih tesinfa, Benjamin phun sungtel ka si. 2Pathian in a hramthok ihsin a rak hrilmi a minung pawl cu a hnong lo a si. Ca Thianghlim sungih nganmi, Israel mi pawl mitkem ah Elijah in Pathian hnenih a simmi kha nan thei a si lo maw? Elijah in, 3“Bawipa, na profet pawl an that ih na biakṭheng tla an bal ṭheh; keimah pakhat lawng ka taang ih keimah hman a thah in tum a si!” a ti kha.#1 Sian. 19.10, 14 4Cutikah Pathian in ziangtinso a leh? “Keimah ih bul hrangah Baal khawzing a bia hrih lomi minung thawng sarih ka nei lai,” a ti a si.#1 Sian. 19.18 5Cuvek ṭhiamṭhiam in atu khalah hin a si - a zaangfahnak ruangah Pathian in a rak hrilmi minung pawl sung ihsin a taangsun an um lai hrih a si. 6Hitiih a rak hrilnak cu an hnaṭuanmi ruangah si loin a zaangfahnak ruangah a si. Ziangahtile Pathian ih a hrilmi pawl hi an ṭuanmi ruangih hrilmi an si ahcun a zaangfahnak timi hi zaangfahnak taktak a si lo ding.
7Cule ziangtinso a si? Israel mi pawl in an hawlmi cu an hmu lo. A hmutu cu Pathian ih hrilmi mi malte lawng an si. Midang pawl cu an thinlung a ruh.
8Ca Thianghlim in,
“Pathian in an thinlung mit
a malhter,
Tuihsun tiangah an hmu thei
lo ih an thei thei lo,”
a ti vekin a si ngaingai.#Daan 29.4; Isai 29.10
9Cule David in,
“An puai sungah kaihmi le
thangih awkmi si hai seh;
Ril in bah hai sehla
hremmi si hram hai seh.
10An hmuh thei lonak dingah
an mit cu cawtter sisehla,
An harsatnak thilrit hnuai ah,
an eel cu cat loin kun hram seh,”
tiah a ti.#Saam 69.22-23
11Cuti asile Judah mi an rilhbah tikah hin an bah siatralta ding maw si? Siatta hrimhrim hlah! Anmah an rilhbah ruangah rundamnak cu Zentail mi hnenah a ra thleng. Cumi cu Zentail mi parah Judah mi in iksiknak nei hai seh, ti duhnak a si. 12Judah mi pawl ih sualnak in leilung tlunah thlawsuahnak tampi a thlenter; an thlarau lam farahnak in Zentail mi hnenah thlawsuah bawngmal tampi a sawm. Cule Judah mi pawl cuzat tiih khiah mi mipum famkim zetih an tel ve tikah cun ziangtluk thlawsuahnak tam sinsin so a si ding!
Zentail Mi Rundamnak
13Atu cu Zentail mi nan hnenah thu ka sim: Zentail mi hnenih tirhthlahmi ka si sungah cun ka hnaṭuanmi ah mithmai ṭhatnak ka nei ding a si. 14Ka phunpi pawl nahsiiknak neihter tahratin mi ṭhenkhat tal ka rundam thei na hman maw tinak ah a si. 15Ziangahtile Judah mi pawl hnon an si tikah leitlun khawvel mi cu Pathian ih ral ihsin a rualpi ah an cang a si. Annih Judah mi pawl cohlan an si ve tikah ziang a bang ding? Mithi hrangah nunnak a si ding!
16A hmaisa bik a si mi sang ah khat kha Pathian hnenih hlan a si ih a thianghlim a si ahcun a zawl pumpi in amah ih ta a si ih a thianghlim a si. Thinghram pawl Pathian hnenih pek a si ih an thianghlim a si ahcun a hnge pawl khal an thianghlim ve a si. 17An cin mi olif kungih hnge ṭhenkhat cu an tan ih hramlakih a kho mi olif kung hnge thawn cuih cinmi olif kung cu peh an si. Nannih Zentail mi pawl hi cuih hramlakih a khomi olif kung bangtuk nan si ih Judah mi pawl ih thlarau lam nunnak le thazaang nan ṭawm aw a si. 18Curuangah olif hnge tanmi bangtuk a si mi pawl kha nan hmuhsuam lo pei. Ziangtin so nan puarthau thei ding? A hnge lawng nan si ih a hram kha nannih in nan cawm lo; a hram in a lo cawm sawn a si.
19Nannih cun, “Kanmah pawl hrang umnak lawngter dingah a hnge pawl an sattan a si,” tiah nan ti ding. 20Cumi cu a dik a si. Annih Judah mi pawl cu an zum lo ruangah tan an si; nannih cun nan zum ruangah hi hmun hi nan luah. Cumi ruangah cun puarthau in hngal pang hlah uh! A ṭih in ṭih sawn uh. 21A hram thawn a peh-aw ih a hnge ngaingai a si mi Judah mi pawl hman a zuah lo ahcun, nannih tla cu zuah dingah nan ruat aw maw si? 22Hi zawn ah hin Pathian cu zaangfah lainatnak a neizet naón a thu a khoh zet thotho ti cu ka hmu a si. A bah a rilmi pawl hnenah cun a thu a khoh zet, asinain nannih hnenah cun zaangfahnak a neizet. Cuih zaangfahnak sungih nan um ringring a si ahcun a lo zaangfah ringring ding; asinain nan um lo ahcun khiah-hlo nan si ve ding.
23Cule Judah mi pawl in zum loih an umnak dinhmun kha an tlansan a si ahcun a hlanih an rak umnak ah khan ret sal an si ding, ziangahtile Pathian cu pehsal theinak thu a nei a si. 24Nannih Zentail mi pawl cu hramlakih a khomi olif kungih hnge bangtuk nan si ih nannih cu tan tahratin, a daan a si lo naón, ciin-mi olif kuang thawn peh cihmi men nan si. Judah mi pawl cu cin-mi olif kung an si ruangah tan ciami hnge hman si hai sehla a kung hlunih peh sal cu Pathian hrangah a ol deuh ngaingai ding.
Zapi Hnenah Pathian Zaangfahnak
25Ka u le ka nau tla, a dikmi thuthup a um ih cumi cu nan theih dingah ka duhmi a si. Cumi nan theih asile mifim ah nan ruat aw lo ding. Ziang a si tile, Israel mi pawl an thinlung a ruh hi kumkhua in a si lo ding; Pathian hnenah Zentail mi a thleng ding zat an thlen hlan sung lawng a si ding. 26Cule Israel mi hmuahhmuah rundammi an sinak ding cu hiti in a si ding. Ca Thianghlim in,#Isai 59.20
“Zion ihsin Runtu a ra ding ih
Jakob tesinfa pawl ih ṭhatlonak
hmuahhmuah cu a hlonhlo
ṭheh ding.
27An sualnak ka laksak tikah cun,
anmah thawn hi thukamnak hi
ka tuah ding,”#Jer. 31.33-34
a ti bangtuk in a si ding. 28Thuthang ṭha an hnon ruangah Judah mi pawl cu Pathian ih ral ah an cang; cumi cu nanmah Zentail mi hrangah a si. Sikhalsehla an pupa pawl ih ruangah annih cu Pathian ih hrilmi rualpi an si. 29Ziangahtile a hrilmi le a thlawsuahmi thu-ah cun Pathian in a thinlung a ṭhin dah lo. 30Nannih Zentail mi pawl, a liam cia caan sungah cun Pathian thu thlun lotu nan rak si; asinain atu-ah cun Judah mi in Pathian thu an ngai lo ruangah nannih in Pathian ih zaangfahnak nan ngah. 31Cuvek ṭhiamṭhiam in Pathian zaangfahnak nan ngahmi kha annih khal in an ngah venak dingah Judah mi pawl cu Pathian thu ngai loin an um. 32Ziangahtile, mi hmuahhmuah hnenah zaangfahnak a neih theinak dingah Pathian in zozo khal thu-ngai lonak sungah thawngtla bangin a taanter ṭheh a si.
Pathian Cu Thangṭhat Tlak A Si
33Pathian zaangfahnak cu a va tum so! A fimnak le a theihnak hi an va thuk lawmmam so! A thu relcatmi pawl hi zoso a hrilhfiah thei ding? A fehnak lamzin hi zoso a zong thei ding?#Isai 55.8 34Ca Thianghlim in,
“Bawipa ih thinlung cu zo in so
a thei?
Ruahnak a pe theitu an um maw?#Isai 40.13
35Amah ih rulh sal leh dingah
zo in so thil a pe dah?”#Job 41.11
tiah a timi bangtuk a si.
36Ziangahtile ziang hmuahhmuah cu Amah ih sersiammi, Amah ruangih ummi le Amah hrangah an si ṭheh. Pathian hnenah kumkhua-in sunlawinak cu um ko seh! Amen.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.