MIPUM SIARNAK 4
4
Levi Miphun Kohath Hrin Pawlih ṭuanvo
1 Bawipa in Moses cu, 2“Levi mi Kohath hrin pawl hi an sungkhat le an innsang ciarin mipum siar awla, 3Thukham retnak Puanthlam sungih hna ṭuan thei ding pawl, kum sawmthum le kum sawmnga karlak mipa hmuahhmuah in cazin sungah khum hai aw. 4An hnaṭuan dingmi cu a thianghlim bikmi a si,” tiah a fial.
5 Bawipa in a tanglamih daan pawl cu Moses hnenah a pek: Nan riahnak ṭhawn ding a si tikah Aaron le a fapa pawl cu Puanthlam sungah an lut pei ih Thukham Kuang hmaiih a ummi puanzar cu an lak pei ih cumi cun Thukham Kuang cu an khuh pei. 6Cuih parah saphaw a ṭha bikmi in an khuh pei ih puan mepian in an khuh beet pei; cule a zawnnak fung pawl cu an hrolh pei.
7 Bawipa hnenih pekmi sang hunnak cabuai cu puan mepian in an khuh pei ih a par ahcun pakan pawl, rimhmui kheng pawl, thawinak kheng pawl le sabit palang pawl an ret pei. Cabuai parah cun cat loin sang an hung pei. 8Cuih pawl parah puan sen an khuh pei ih saphaw ṭha bik in an khuh beet pei; cuih hnuah a zawnnak fung pawl an hrolh pei.
9Meivannak ṭhuam cu meivannak pawl, caiceh pawl, mei urnak thir kheng pawl le olif siti retnak dawng pawl thawn puan mepian in an khuh pei. 10Cuih a thilri pawl thawn meivannak ṭhuam cu saphaw ṭha bik in an tuam pei ih a zawnnak fung parah an ret pei.
11Cun sui biakṭheng cu puan mepian in an khuh pei ih saphaw ṭha bik in an khuh beet pei; cuih hnuah a zawnnak fung an hrolh pei. 12Hmun Thianghlim ih hmanmi khokheng pawl hmuahhmuah cu puan mepian in an tuam pei ih saphaw ṭha bik in an khuh pei ih a zawnnak fung parah an ret pei. 13Sathau thawn a rawi-awmi vutcam cu biakṭheng ihsin an lawk pei ih puan sendup in an khuh pei. 14Cule a parah cun biakṭheng ih hmanmi thilri hmuahhmuah: mei urnak kheng pawl, sa thurnak darhai ṭiak pawl, vutcam lawhnak cawhleek pawl le maihum pawl an ret pei. Cun saphaw ṭha bik in an khuh pei ih a zawnnak fung pawl an hrolh pei.
15Riahnak an ṭhawn tikah Aaron le a fapa pawl in thilri thianghlim thamzarh hmuahhmuah cu an khuh thluh hnu lawnglawngah Kohath hrin pawl cu a phurtu dingin an ra pei. Sikhalsehla an phurh tikah an tham hrimhrim lo pei; an tham pang asile an thi ding.
Puanthlam ṭhawn tikih hnaṭuan ṭulmi pawl cu Kohath hrin pawl ih ṭuanvo a si.
16Puithiam Aaron ih fapa Eleazar in Puanthlam pumpuluk le meisa hrangih siti, rimhmui, thlairawl thawinak, culh dingah hriak, le Puanthlam sungih a ummi Bawipa ih thil hmuahhmuah a zoh pei.
17 Bawipa in Moses le Aaron hnenah, 18“Kohath hrin pawl cu thil thianghlim kiangkapah ra hlah hai seh, 19thihnak an tong pang ding. Thihnak an ton lonak dingah Aaron le a fapa pawl an lut ding ih an hnaṭuan ding cu an thiah aw ding. 20Asinain puithiam pawl in thil thianghlim pawl ṭhawn ding an ngaihtuah laiah Kohath hrin pawl Puanthlam sungah lut in an zoh a si ahcun an thi rori ding,” tiah a ti.
Levi Miphun Gershon Hrin Pawlih ṭuanvo
21 Bawipa in Moses hnenah, 22“Levi phun, Gershon hrin pawl cu an sungkhat le an innsang ciarin mipum siar awla, 23Bawipa umnak Puanthlam sungih hnaṭuan theitu ding kum sawmthum le kum sawmnga karlak mipa hmuahhmuah cu cazin lak ṭheh aw. 24Cule an phurh dingmi thilri pawl cu, 25Puanthlam, a sung khuh le a leng khuh thawn, a par khuh saphaw ṭha bik le a sung luhnak sangka puanzar, 26Puanthlam le biakṭheng kulhnakih hmanmi puanzar le hridai pawl, kulhnak sangka puanzar pawl le hi thilri pawl hrangih a ṭulmi thil terek pawl hmuahhmuah an si ding. Hi thilri pawl hrangih a ṭulmi hmuahhmuah cu an tuah pei. 27Aaron le a fapa pawl in phurh ding le ṭuanvo an pekmi hmuahhmuah an ṭuan suaknak dingah Moses le Aaron nanmah rori in feltein nan zoh ding. 28A tlunlam bangtuk in Puanthlam sungih ṭuanvo cu Gershon hrin pawl in an lak pei ih puithiam Aaron fapa Ithamar ho in an ṭuan pei.
Levi Miphun Merari Hrin Pawlih ṭuanvo
29 Bawipa in Moses hnenah, “Levi phun Merari hrin pawl cu an sungkhat le an innsang ciarin mipum siar awla, 30Bawipa umnak Puanthlam sungih hnaṭuan theitu ding kum sawmthum le kum sawmnga karlak mipa hmuahhmuah cu an hmin cazin lak thluh aw. 31Anmah cu Puanthlam ih tungtlang pawl, phartlang pawl, ṭhuam pawl, ṭhuam tawdam pawl le, 32Puanthlam kulhnak ṭhuam pawl, ṭhuam tawdam pawl, hrisihnak fungkhen pawl, hridai pawl le hi thilri pawl hrangih a ṭulmi thil terek hmuahhmuah a phurtu an si pei. An hmin sal fekfek in an phurh dingmi ciar cu pek an si pei. 33Puanthlam sungih Merari hrin pawl ṭuanvo cu a tlunlam bangtuk hi a si. Puithiam Aaron fapa Ithamar ih ho in an ṭuan pei,” tiah a ti.
Levi Phun Pawl Mipum Siarnak
34 Bawipa ih thupekmi thlun in Moses, Aaron le Israel miphun hruaitu pawl cun Levi hnam Kohath hrin pawl cu an sungkhat le an innsang ciarin mipum an siar ih, 35Puanthlam sungih hnaṭuan theitu ding kum sawmthum le kum sawmnga karlak mipa hmuahhmuah cu hmin cazin an lak ṭheh. 36Hmin an lakmi minung zat cu thawnghnih zasarih le sawmnga an si. 37Bawipa in Moses hnenih thupeknak bangtuk in Kohath hrin pawl cu Moses le Aaron in mipum an siar ih Puanthlam sung hnaṭuan theitu minung hizat an si.
38Gershon hrin pawl cu an sungkhat le an innsang ciarin mipum an siar ih, 39Puanthlam sungih hnaṭuan theitu ding kum sawmthum le kum sawmnga karlak mipa hmuahhmuah cu hmin cazin an lak ṭheh. 40Hmin an lakmi minung zat cu thawnghnih zaruk le sawmthum an si. 41Bawipa in Moses hnenih thupeknak bangtuk in Gershon hrin pawl cu Moses le Aaron in mipum an siar ih Puanthlam sung hnaṭuan theitu minung hizat an si.
42Merari hrin pawl cu an sungkhat le an innsang ciarin mipum an siar ih, 43Puanthlam sungih hnaṭuan theitu ding kum sawmthum le kum sawmnga karlak mipa hmuahhmuah cu hmin cazin an lak ṭheh. 44Hmin an lakmi minung zat cu thawngthum le zahnih an si. 45Bawipa in Moses hnenih thupeknak bangtuk in Merari hrin pawl cu Moses le Aaron in mipum an siar ih Puanthlam sung hnaṭuan theitu minung hizat an si.
46Levi hrin pawl cu an sungkhat le an innsang ciarin mipum an siar ih, 47Puanthlam sungih hnaṭuan theitu ding kum sawmthum le kum sawmnga karlak mipa hmuahhmuah cu hmin cazin an lak ṭheh. 48Hmin an lakmi minung zate cu thawngriat zanga le sawmriat an si. 49Bawipa in Moses hnenih thu a pek bangtuk in an ṭuan ding le an phurh dingmi ṭuanvo cu pakhat fingfing an pek. Moses hnenih Bawipa ih thupek vekin pakhat pakhat in cazin ah an khum a si.
Currently Selected:
MIPUM SIARNAK 4: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
MIPUM SIARNAK 4
4
Levi Miphun Kohath Hrin Pawlih ṭuanvo
1 Bawipa in Moses cu, 2“Levi mi Kohath hrin pawl hi an sungkhat le an innsang ciarin mipum siar awla, 3Thukham retnak Puanthlam sungih hna ṭuan thei ding pawl, kum sawmthum le kum sawmnga karlak mipa hmuahhmuah in cazin sungah khum hai aw. 4An hnaṭuan dingmi cu a thianghlim bikmi a si,” tiah a fial.
5 Bawipa in a tanglamih daan pawl cu Moses hnenah a pek: Nan riahnak ṭhawn ding a si tikah Aaron le a fapa pawl cu Puanthlam sungah an lut pei ih Thukham Kuang hmaiih a ummi puanzar cu an lak pei ih cumi cun Thukham Kuang cu an khuh pei. 6Cuih parah saphaw a ṭha bikmi in an khuh pei ih puan mepian in an khuh beet pei; cule a zawnnak fung pawl cu an hrolh pei.
7 Bawipa hnenih pekmi sang hunnak cabuai cu puan mepian in an khuh pei ih a par ahcun pakan pawl, rimhmui kheng pawl, thawinak kheng pawl le sabit palang pawl an ret pei. Cabuai parah cun cat loin sang an hung pei. 8Cuih pawl parah puan sen an khuh pei ih saphaw ṭha bik in an khuh beet pei; cuih hnuah a zawnnak fung pawl an hrolh pei.
9Meivannak ṭhuam cu meivannak pawl, caiceh pawl, mei urnak thir kheng pawl le olif siti retnak dawng pawl thawn puan mepian in an khuh pei. 10Cuih a thilri pawl thawn meivannak ṭhuam cu saphaw ṭha bik in an tuam pei ih a zawnnak fung parah an ret pei.
11Cun sui biakṭheng cu puan mepian in an khuh pei ih saphaw ṭha bik in an khuh beet pei; cuih hnuah a zawnnak fung an hrolh pei. 12Hmun Thianghlim ih hmanmi khokheng pawl hmuahhmuah cu puan mepian in an tuam pei ih saphaw ṭha bik in an khuh pei ih a zawnnak fung parah an ret pei. 13Sathau thawn a rawi-awmi vutcam cu biakṭheng ihsin an lawk pei ih puan sendup in an khuh pei. 14Cule a parah cun biakṭheng ih hmanmi thilri hmuahhmuah: mei urnak kheng pawl, sa thurnak darhai ṭiak pawl, vutcam lawhnak cawhleek pawl le maihum pawl an ret pei. Cun saphaw ṭha bik in an khuh pei ih a zawnnak fung pawl an hrolh pei.
15Riahnak an ṭhawn tikah Aaron le a fapa pawl in thilri thianghlim thamzarh hmuahhmuah cu an khuh thluh hnu lawnglawngah Kohath hrin pawl cu a phurtu dingin an ra pei. Sikhalsehla an phurh tikah an tham hrimhrim lo pei; an tham pang asile an thi ding.
Puanthlam ṭhawn tikih hnaṭuan ṭulmi pawl cu Kohath hrin pawl ih ṭuanvo a si.
16Puithiam Aaron ih fapa Eleazar in Puanthlam pumpuluk le meisa hrangih siti, rimhmui, thlairawl thawinak, culh dingah hriak, le Puanthlam sungih a ummi Bawipa ih thil hmuahhmuah a zoh pei.
17 Bawipa in Moses le Aaron hnenah, 18“Kohath hrin pawl cu thil thianghlim kiangkapah ra hlah hai seh, 19thihnak an tong pang ding. Thihnak an ton lonak dingah Aaron le a fapa pawl an lut ding ih an hnaṭuan ding cu an thiah aw ding. 20Asinain puithiam pawl in thil thianghlim pawl ṭhawn ding an ngaihtuah laiah Kohath hrin pawl Puanthlam sungah lut in an zoh a si ahcun an thi rori ding,” tiah a ti.
Levi Miphun Gershon Hrin Pawlih ṭuanvo
21 Bawipa in Moses hnenah, 22“Levi phun, Gershon hrin pawl cu an sungkhat le an innsang ciarin mipum siar awla, 23Bawipa umnak Puanthlam sungih hnaṭuan theitu ding kum sawmthum le kum sawmnga karlak mipa hmuahhmuah cu cazin lak ṭheh aw. 24Cule an phurh dingmi thilri pawl cu, 25Puanthlam, a sung khuh le a leng khuh thawn, a par khuh saphaw ṭha bik le a sung luhnak sangka puanzar, 26Puanthlam le biakṭheng kulhnakih hmanmi puanzar le hridai pawl, kulhnak sangka puanzar pawl le hi thilri pawl hrangih a ṭulmi thil terek pawl hmuahhmuah an si ding. Hi thilri pawl hrangih a ṭulmi hmuahhmuah cu an tuah pei. 27Aaron le a fapa pawl in phurh ding le ṭuanvo an pekmi hmuahhmuah an ṭuan suaknak dingah Moses le Aaron nanmah rori in feltein nan zoh ding. 28A tlunlam bangtuk in Puanthlam sungih ṭuanvo cu Gershon hrin pawl in an lak pei ih puithiam Aaron fapa Ithamar ho in an ṭuan pei.
Levi Miphun Merari Hrin Pawlih ṭuanvo
29 Bawipa in Moses hnenah, “Levi phun Merari hrin pawl cu an sungkhat le an innsang ciarin mipum siar awla, 30Bawipa umnak Puanthlam sungih hnaṭuan theitu ding kum sawmthum le kum sawmnga karlak mipa hmuahhmuah cu an hmin cazin lak thluh aw. 31Anmah cu Puanthlam ih tungtlang pawl, phartlang pawl, ṭhuam pawl, ṭhuam tawdam pawl le, 32Puanthlam kulhnak ṭhuam pawl, ṭhuam tawdam pawl, hrisihnak fungkhen pawl, hridai pawl le hi thilri pawl hrangih a ṭulmi thil terek hmuahhmuah a phurtu an si pei. An hmin sal fekfek in an phurh dingmi ciar cu pek an si pei. 33Puanthlam sungih Merari hrin pawl ṭuanvo cu a tlunlam bangtuk hi a si. Puithiam Aaron fapa Ithamar ih ho in an ṭuan pei,” tiah a ti.
Levi Phun Pawl Mipum Siarnak
34 Bawipa ih thupekmi thlun in Moses, Aaron le Israel miphun hruaitu pawl cun Levi hnam Kohath hrin pawl cu an sungkhat le an innsang ciarin mipum an siar ih, 35Puanthlam sungih hnaṭuan theitu ding kum sawmthum le kum sawmnga karlak mipa hmuahhmuah cu hmin cazin an lak ṭheh. 36Hmin an lakmi minung zat cu thawnghnih zasarih le sawmnga an si. 37Bawipa in Moses hnenih thupeknak bangtuk in Kohath hrin pawl cu Moses le Aaron in mipum an siar ih Puanthlam sung hnaṭuan theitu minung hizat an si.
38Gershon hrin pawl cu an sungkhat le an innsang ciarin mipum an siar ih, 39Puanthlam sungih hnaṭuan theitu ding kum sawmthum le kum sawmnga karlak mipa hmuahhmuah cu hmin cazin an lak ṭheh. 40Hmin an lakmi minung zat cu thawnghnih zaruk le sawmthum an si. 41Bawipa in Moses hnenih thupeknak bangtuk in Gershon hrin pawl cu Moses le Aaron in mipum an siar ih Puanthlam sung hnaṭuan theitu minung hizat an si.
42Merari hrin pawl cu an sungkhat le an innsang ciarin mipum an siar ih, 43Puanthlam sungih hnaṭuan theitu ding kum sawmthum le kum sawmnga karlak mipa hmuahhmuah cu hmin cazin an lak ṭheh. 44Hmin an lakmi minung zat cu thawngthum le zahnih an si. 45Bawipa in Moses hnenih thupeknak bangtuk in Merari hrin pawl cu Moses le Aaron in mipum an siar ih Puanthlam sung hnaṭuan theitu minung hizat an si.
46Levi hrin pawl cu an sungkhat le an innsang ciarin mipum an siar ih, 47Puanthlam sungih hnaṭuan theitu ding kum sawmthum le kum sawmnga karlak mipa hmuahhmuah cu hmin cazin an lak ṭheh. 48Hmin an lakmi minung zate cu thawngriat zanga le sawmriat an si. 49Bawipa in Moses hnenih thu a pek bangtuk in an ṭuan ding le an phurh dingmi ṭuanvo cu pakhat fingfing an pek. Moses hnenih Bawipa ih thupek vekin pakhat pakhat in cazin ah an khum a si.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.