MIPUM SIARNAK 35
35
Levi Mi Pawl Hnenih Pekmi Khawpi Pawl
1Jerikho khua zawn Jordan Tiva khatlam ral, Moab hmunrawn ah Bawipa in Moses hnenah, 2“Israel mi pawl sim awla an comi ram sung ihsin Levi mi pawl umnak ah khawpi pawl le khawpi kiangah ṭilva tlannak ram pawl an pek pei. 3Hi khawpi pawl cu Levi mi pawl comi an si pei ih cutawkah an um pei. A kiangkap cu an caw le an ṭilva dangdang pawl hrangah a si pei. 4An khua kiang ṭilva tlannak ram cu khua phardawl ihsin tah in pi thawngkhat le zanga in a thok ding ih khua vuakvel ah a um ding. 5Cun ṭilva tlannak ram cu an khua ihsin pi thawng thum a kau pei ih khua vuakvel ah a um ding ih a laifangah khawpi cu a um ding. 6Levi mi pawl hnenah rolnak khawpi paruk nan pek pei ih mi pakhatkhat in lai a thah pang tikih a rolnak dingah a si pei. Hi hlei ah a dang khawpi sawmli le pahnih pek uhla, 7a zatein an tlangram pawl thawn khawpi sawmli le pariat an si ding. 8An hrin ram ciar sungih Levi mi pawl ih khawpi zat ding cu an ram tum le fatet thu-in zoh a si pei,” tiah a ti.
Rolnak Khawpi Pawl
(Daan 19.1-3; Jos 20.1-9)
9 Bawipa in Moses hnenah, 10Israel mi pawl sim dingin thu a pek ih, “Jordan Tiva nan tan ih Kanaan ram nan luh tikah, 11mi pakhat in milai a thah pang tikih a rolnak dingah khawpi pawl nan hril pei. 12Cutawk ah a rol pei ih a thahmi sungkhat pawl in phuhlam an duh khalle a him ding. Mithah an puhmi pa cu misenpi hmaiih a thu an relcat hlan ahcun an that lo pei. 13Khawpi paruk hril uh: 14Jordan Tiva in nisuahnak lamah khawpi pathum, Kanaan ramah khawpi pathum nan hril pei. 15Hi khawpi pawl cu Israel mi siseh, hrin dangmi a laangte ih a ummi, a si lole reipi a ummi siseh, milai an thah pang tikah an rolnak khawpi an si pei.
16“Sikhalsehla mi pakhat in thir hriamhrei hmang tahrat in mi a thah a si ahcun laithat a si ruangah amah cu thah a si ve pei. 17Mi pakhatkhat in lungto hmang tahrat in mi a thah a si ahcun laithat a si ruangah amah cu thah a si ve pei. 18Mi pakhatkhat in thingtan lak tahrat in mi a thah a si ahcun laithat a si ruangah amah cu thah a si ve pei. 19A thahmi pa ih sungkhat nai bik in laithat pa cu a that ve ding. A hmuh tik pohah a that pei.
20“Mi pakhat in midang pakhat cu a hua ih khaam ah a tuul thlak, a si lole a bawh ih ziangin maw a deng, 21a si lole a kuttum in a thong ih a thih a si ahcun laithat a si ruangah amah cu thah a si pei. A thah mi-ih sungkhat nai bik in laithat pa cu a that ve ding. A hmuh tik pohah a that pei.
22“Mi pakhat in a huatmi a si lo naón midang pakhat a tuul thlak pang, a si lole bawh loin ziangin simaw a deng pangih a thi; 23a si lole ṭhatein zohta loin mi pakhat in lungto a deng ih tumhrim si lo, a ral khal a si lo naón midang pakhat a deng that pang a si ahcun, 24misenpi pawl in a thu an ṭhen sak tikah a thi mi-ih sungkhat, phulak tumtu ṭan loin mi a that pangtu ṭan in a thu cu an rel pei. 25Misenpi pawl in laithat an puhmi pa cu phulak a duhtu, a thi mi pa-ih sungkhat pawl hnen ihsin nan humsuak pei ih a rak rolnak khua ahcun nan kuat sal pei. Mi a thah laiih Puithiam Sang a ṭuantu a thih hlanlo cu cutawk khua ah a um pei. 26Laithat pa cu a rolnak khua in a suak ih, 27a thah mi ih sungkhat in an hmu ih an thah a si ahcun himi cu phuhlam a si ruangah laithat a si lo. 28Laithat pa cu rolnak khawpi ah Puithiam Sang a nun sung hmuahhmuah cu a um pei. Puithiam Sang a thih hnuah cun a inn ah a kir thei pei. 29Hi daan pawl cu nanmah le nan tesinfa pawl in khuitawkih nan um khal asile nan thlun dingmi a si.
30“Laithah an puhmi pa cu thutheitu pahnih maw, pahnih hnakih tam maw an um lawngah laithat tiin thah theih a si pei. Thutheitu pakhat ih theihnak lawng cu laithat ti dingah a kim lo. 31Laithat cu thah a si pei. Thahnak in luat dingah paisa in a tlen-aw thei lo pei. 32Rolnak khawpiih a rol zomi pa cu Puithiam Sang a thih hlan ahcun a khua ah kir sal dingah tlennak paisa a pek khalle nan sang lo pei. 33Nan kirter asile nan umnak nan ram cu nan ti borhhlawh a si. Laithahnak in ram cu nan borhhlawhter ih mi pakhatkhat an thahnak ram thianter dingah laithat pa an thah ve dah ti lo ahcun sualthlah thiannak dang zianghman a um lo. 34Nan umnak ram cu borhhlawhter hlah uh, ziangahtile keimah hi Bawipa ka si ih Israel mi lakah ka um a si,” tiah a ti.
Currently Selected:
MIPUM SIARNAK 35: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
MIPUM SIARNAK 35
35
Levi Mi Pawl Hnenih Pekmi Khawpi Pawl
1Jerikho khua zawn Jordan Tiva khatlam ral, Moab hmunrawn ah Bawipa in Moses hnenah, 2“Israel mi pawl sim awla an comi ram sung ihsin Levi mi pawl umnak ah khawpi pawl le khawpi kiangah ṭilva tlannak ram pawl an pek pei. 3Hi khawpi pawl cu Levi mi pawl comi an si pei ih cutawkah an um pei. A kiangkap cu an caw le an ṭilva dangdang pawl hrangah a si pei. 4An khua kiang ṭilva tlannak ram cu khua phardawl ihsin tah in pi thawngkhat le zanga in a thok ding ih khua vuakvel ah a um ding. 5Cun ṭilva tlannak ram cu an khua ihsin pi thawng thum a kau pei ih khua vuakvel ah a um ding ih a laifangah khawpi cu a um ding. 6Levi mi pawl hnenah rolnak khawpi paruk nan pek pei ih mi pakhatkhat in lai a thah pang tikih a rolnak dingah a si pei. Hi hlei ah a dang khawpi sawmli le pahnih pek uhla, 7a zatein an tlangram pawl thawn khawpi sawmli le pariat an si ding. 8An hrin ram ciar sungih Levi mi pawl ih khawpi zat ding cu an ram tum le fatet thu-in zoh a si pei,” tiah a ti.
Rolnak Khawpi Pawl
(Daan 19.1-3; Jos 20.1-9)
9 Bawipa in Moses hnenah, 10Israel mi pawl sim dingin thu a pek ih, “Jordan Tiva nan tan ih Kanaan ram nan luh tikah, 11mi pakhat in milai a thah pang tikih a rolnak dingah khawpi pawl nan hril pei. 12Cutawk ah a rol pei ih a thahmi sungkhat pawl in phuhlam an duh khalle a him ding. Mithah an puhmi pa cu misenpi hmaiih a thu an relcat hlan ahcun an that lo pei. 13Khawpi paruk hril uh: 14Jordan Tiva in nisuahnak lamah khawpi pathum, Kanaan ramah khawpi pathum nan hril pei. 15Hi khawpi pawl cu Israel mi siseh, hrin dangmi a laangte ih a ummi, a si lole reipi a ummi siseh, milai an thah pang tikah an rolnak khawpi an si pei.
16“Sikhalsehla mi pakhat in thir hriamhrei hmang tahrat in mi a thah a si ahcun laithat a si ruangah amah cu thah a si ve pei. 17Mi pakhatkhat in lungto hmang tahrat in mi a thah a si ahcun laithat a si ruangah amah cu thah a si ve pei. 18Mi pakhatkhat in thingtan lak tahrat in mi a thah a si ahcun laithat a si ruangah amah cu thah a si ve pei. 19A thahmi pa ih sungkhat nai bik in laithat pa cu a that ve ding. A hmuh tik pohah a that pei.
20“Mi pakhat in midang pakhat cu a hua ih khaam ah a tuul thlak, a si lole a bawh ih ziangin maw a deng, 21a si lole a kuttum in a thong ih a thih a si ahcun laithat a si ruangah amah cu thah a si pei. A thah mi-ih sungkhat nai bik in laithat pa cu a that ve ding. A hmuh tik pohah a that pei.
22“Mi pakhat in a huatmi a si lo naón midang pakhat a tuul thlak pang, a si lole bawh loin ziangin simaw a deng pangih a thi; 23a si lole ṭhatein zohta loin mi pakhat in lungto a deng ih tumhrim si lo, a ral khal a si lo naón midang pakhat a deng that pang a si ahcun, 24misenpi pawl in a thu an ṭhen sak tikah a thi mi-ih sungkhat, phulak tumtu ṭan loin mi a that pangtu ṭan in a thu cu an rel pei. 25Misenpi pawl in laithat an puhmi pa cu phulak a duhtu, a thi mi pa-ih sungkhat pawl hnen ihsin nan humsuak pei ih a rak rolnak khua ahcun nan kuat sal pei. Mi a thah laiih Puithiam Sang a ṭuantu a thih hlanlo cu cutawk khua ah a um pei. 26Laithat pa cu a rolnak khua in a suak ih, 27a thah mi ih sungkhat in an hmu ih an thah a si ahcun himi cu phuhlam a si ruangah laithat a si lo. 28Laithat pa cu rolnak khawpi ah Puithiam Sang a nun sung hmuahhmuah cu a um pei. Puithiam Sang a thih hnuah cun a inn ah a kir thei pei. 29Hi daan pawl cu nanmah le nan tesinfa pawl in khuitawkih nan um khal asile nan thlun dingmi a si.
30“Laithah an puhmi pa cu thutheitu pahnih maw, pahnih hnakih tam maw an um lawngah laithat tiin thah theih a si pei. Thutheitu pakhat ih theihnak lawng cu laithat ti dingah a kim lo. 31Laithat cu thah a si pei. Thahnak in luat dingah paisa in a tlen-aw thei lo pei. 32Rolnak khawpiih a rol zomi pa cu Puithiam Sang a thih hlan ahcun a khua ah kir sal dingah tlennak paisa a pek khalle nan sang lo pei. 33Nan kirter asile nan umnak nan ram cu nan ti borhhlawh a si. Laithahnak in ram cu nan borhhlawhter ih mi pakhatkhat an thahnak ram thianter dingah laithat pa an thah ve dah ti lo ahcun sualthlah thiannak dang zianghman a um lo. 34Nan umnak ram cu borhhlawhter hlah uh, ziangahtile keimah hi Bawipa ka si ih Israel mi lakah ka um a si,” tiah a ti.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.