MIPUM SIARNAK 27
27
Zelofehad Ih Fanu Pawl
1Josef fapa Manasseh, Manasseh fapa Makhir, Makhir fapa Gilead, Gilead fapa Hefer, Hefer fapa Zelofehad a si. Zelofehad in fanu lawng a nei ih anmah tla cu Mahlah, Noah, Hoglah, Milkah le Tirzah an si. 2Cuih a fanu pawl cu Moses, puithiam Eleazar, hruaitu pawl le misenpi hmaiah Puanthlam sangka ahcun an feh ih, 3“Kan pa in hramlak ah in thihsan zo; fapa pakhat hman a nei lo. Bawipa a dodaltu Korah ih dungthluntu lakah anih cu a tel lo. Amah ih sual ruangah a thi a si. 4Fapa neih lo ruangah zianghrangah so kan pa ih hmin cu a sungkhat lak ihsin a hlohral ta ding? Kan pa ih unau lakah kannih khal covo in pe ve uh,” tiah an dil.
5Cutikah an thu cu Moses in Bawipa a ron. 6Bawipa in a hnenah, 7“Zelofehad fanu pawl ih an dilmi cu a dik a si. An pa ih unau lakah annih khal covo pe ve aw. An pa ih ro cu anmah in co hai seh. 8Cun Israel mi pawl cu sim awla, mi pakhatkhat fapa nei loih a thih ahcun a ro cu a fanu in a co pei. 9Fanu a neih lo asile a unau in an co pei. 10Unau khal a neih lo a si ahcun a pa ih unau in an co pei. 11A pa khal unau a neih lo a si ahcun a sungkhat lakih a nai bik in a co pei ih, amah ih ta ah a cang ta pei. Himi cu Bawipa keimah ih thupekmi a si ih Israel mi pawl in an thlun dingmi daan a si,” tiah a ti.
Moses Ai-awh Ah Joshua
(Daan 31.1-8)
12 Bawipa in Moses hnenah, “Abarim Tlangah hung feh awla Israel mi pawl hnenih ka pek dingmi ram cu va thlir aw. 13Na thlir ṭheh cun na u Aaron a nunnak a cem bangtuk in nang khal a cem ve ding. 14Ziangahtile Zin hramlakih ka thupekmi nan pahnih in nan el ruangah a si. Meribah ah Israel misenpi in in dodal tikah keimah ih thianhlimnak huham cu nan dinpi duh lo a si,” a ti. Meribah cu Zin hramlak Kadesh ih cirhti a si.
15Cutikah Moses in, 16“Maw Bawipa nunnak hmuahhmuahih hramṭohnak Pathian, 17na minung pawl hi tuukhaltu nei lo tuurual bangtuk an si lonak dingah mi hruai theitu le raldo tikih mi ho theitu mi pakhat hril hram aw,” tiah a dil.
18Cutikah Bawipa in Moses hnenah, “Thilti theinak a nei mi Nun ih fapa Joshua cu ko awla a lu parah na kut suang aw. 19Puithiam Eleazar le misenpi hmaiah cun dingter awla an zate ih hmaiah cun nangmah ih ai-awhtu a si, tinak thu than aw. 20Cun Israel misenpi in a thu an thlunnak dingah na thuneihnak hrekkhat cu amah pe aw. 21Joshua in puithiam Eleazar cu a rinsanzet pei ih Eleazar cun keimah ih duhnak thei dingah Urim le Thummim #27.21 Urim le Thummim: timi cu Pathian duhnak hawlnak ah Puithiam pawl ih hmanmi thil pahnih a si. Lungto in tuahmi a si; asinain ziangtin an hmang ti cu fiangtein theih a si lo. a hmang pei. Cuticun Joshua le Israel misenpi cu Eleazar in a ho pei ih amah ih thu in ziangtinkim ah an um pei,” a ti. 22Bawipa ih thupekmi bangtuk cun Moses in a tuah ṭheh. Puithiam Eleazar le misenpi hmaiah cun Joshua cu a dinter ih, 23Joshua-ih lu parah a kut a suang ih amah ai run awhtu dingah nemhngetnak a tuah.
Currently Selected:
MIPUM SIARNAK 27: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
MIPUM SIARNAK 27
27
Zelofehad Ih Fanu Pawl
1Josef fapa Manasseh, Manasseh fapa Makhir, Makhir fapa Gilead, Gilead fapa Hefer, Hefer fapa Zelofehad a si. Zelofehad in fanu lawng a nei ih anmah tla cu Mahlah, Noah, Hoglah, Milkah le Tirzah an si. 2Cuih a fanu pawl cu Moses, puithiam Eleazar, hruaitu pawl le misenpi hmaiah Puanthlam sangka ahcun an feh ih, 3“Kan pa in hramlak ah in thihsan zo; fapa pakhat hman a nei lo. Bawipa a dodaltu Korah ih dungthluntu lakah anih cu a tel lo. Amah ih sual ruangah a thi a si. 4Fapa neih lo ruangah zianghrangah so kan pa ih hmin cu a sungkhat lak ihsin a hlohral ta ding? Kan pa ih unau lakah kannih khal covo in pe ve uh,” tiah an dil.
5Cutikah an thu cu Moses in Bawipa a ron. 6Bawipa in a hnenah, 7“Zelofehad fanu pawl ih an dilmi cu a dik a si. An pa ih unau lakah annih khal covo pe ve aw. An pa ih ro cu anmah in co hai seh. 8Cun Israel mi pawl cu sim awla, mi pakhatkhat fapa nei loih a thih ahcun a ro cu a fanu in a co pei. 9Fanu a neih lo asile a unau in an co pei. 10Unau khal a neih lo a si ahcun a pa ih unau in an co pei. 11A pa khal unau a neih lo a si ahcun a sungkhat lakih a nai bik in a co pei ih, amah ih ta ah a cang ta pei. Himi cu Bawipa keimah ih thupekmi a si ih Israel mi pawl in an thlun dingmi daan a si,” tiah a ti.
Moses Ai-awh Ah Joshua
(Daan 31.1-8)
12 Bawipa in Moses hnenah, “Abarim Tlangah hung feh awla Israel mi pawl hnenih ka pek dingmi ram cu va thlir aw. 13Na thlir ṭheh cun na u Aaron a nunnak a cem bangtuk in nang khal a cem ve ding. 14Ziangahtile Zin hramlakih ka thupekmi nan pahnih in nan el ruangah a si. Meribah ah Israel misenpi in in dodal tikah keimah ih thianhlimnak huham cu nan dinpi duh lo a si,” a ti. Meribah cu Zin hramlak Kadesh ih cirhti a si.
15Cutikah Moses in, 16“Maw Bawipa nunnak hmuahhmuahih hramṭohnak Pathian, 17na minung pawl hi tuukhaltu nei lo tuurual bangtuk an si lonak dingah mi hruai theitu le raldo tikih mi ho theitu mi pakhat hril hram aw,” tiah a dil.
18Cutikah Bawipa in Moses hnenah, “Thilti theinak a nei mi Nun ih fapa Joshua cu ko awla a lu parah na kut suang aw. 19Puithiam Eleazar le misenpi hmaiah cun dingter awla an zate ih hmaiah cun nangmah ih ai-awhtu a si, tinak thu than aw. 20Cun Israel misenpi in a thu an thlunnak dingah na thuneihnak hrekkhat cu amah pe aw. 21Joshua in puithiam Eleazar cu a rinsanzet pei ih Eleazar cun keimah ih duhnak thei dingah Urim le Thummim #27.21 Urim le Thummim: timi cu Pathian duhnak hawlnak ah Puithiam pawl ih hmanmi thil pahnih a si. Lungto in tuahmi a si; asinain ziangtin an hmang ti cu fiangtein theih a si lo. a hmang pei. Cuticun Joshua le Israel misenpi cu Eleazar in a ho pei ih amah ih thu in ziangtinkim ah an um pei,” a ti. 22Bawipa ih thupekmi bangtuk cun Moses in a tuah ṭheh. Puithiam Eleazar le misenpi hmaiah cun Joshua cu a dinter ih, 23Joshua-ih lu parah a kut a suang ih amah ai run awhtu dingah nemhngetnak a tuah.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.