PUITHIAM HNAṬUANNAK 7
7
Mawhnak Thawinak
1A tanglamih daan pawl cu mawhnak thawinak hrangah a si. Hi thawinak cu a thiang zetmi a si. 2Mei-ur thawinak hrangih sa pawl an thahnak hmun, biakṭheng saklam kapah hi thawinak sa cu an that pei ih a thisen cu biakṭheng ih kap li-ah hnih a si pei. 3A thau hmuahhmuah cu an lak pei ih biakṭheng parah thawinakah pek a si pei: a meifi thau, a sungril parih a kopmi thau pawl, 4a kaileng pawl le a kaileng parih a kopmi thau pawl le a thinhnunih thau pawl an si pei. 5A thau hmuahhmuah cu Bawipa hnenih mei-ur thawinak in pekmi a si ruangah puithiam in biakṭheng parah a ur pei. Himi cu mawhnak thawinak a si. 6Puithiam hrinih mipa cun an ei thei. Thawinak thiang a si ruangah hmun thiang sung hrimhrim ah an ei pei.
7Sualthlah thawinakah siseh, mawhnak thawinakah siseh, bangrep ih hman dingmi daan pakhat cuih thawinakih hmanmi sa pawl cu thawinak a petu puithiam ih ta an si, tihi a si. 8Mei-ur thawinakih pekmi sa-ih a vun cu thawinak a petu puithiam ih ta a si. 9Sang rawhnak ih rawhmi siseh, uhkang a si lole thirbel ih kan ciami thlairawl thawinak hmuahhmuah cu Pathian hnenih a petu puithiam ih ta a si. 10Asinain kan lomi le suan lomi thlairawl thawinak hmuahhmuah cu a ro a si khalle siti thawn rawimi a si khalle, Aaron hrin puithiam pawl ih ta a si ih anmah sungah bangrep in an zem aw pei.
Remnak Thawinak
11 Bawipa hnenih pekmi remnak thawinak an tuah tikah a tanglam ih daan pawl hi thlun ding a si. 12Mi pakhat in a lungawinak Pathian hnenah phuan a duh ih thawinak a pek a si ahcun thawinak ṭilva le thilnu tel lo sang thawn a pek pei. Sang cu sangphut ih tuahmi, olif siti thawn rawi ih a sah zetih tuahmi, asilole olif siti ih hnihmi sang paate, a si lole sangphut ih tuahmi olif siti thawn rawimi a si pei. 13Cuih tlunah thilnu thawn rawi ih rawhmi sang pawl tla a pek pei. 14Sang phun khat ihsin malte ciar a hleice laksawng ah Bawipa hnenah a pek pei; cumi cu biakṭheng parah sathi a thehtu puithiam ih ta a si pei. 15An thah sunah sa cu an ei tengteng pei; a thaizing tiang zianghman an taangter lo pei.
16Mi pakhat in a thukammi kimternakah remnak thawinak a pek, asilole amah ih lungtho in a pekmi thawinak a rak ken a si ahcun an thah sunah a sa cu an ei pei; an hlahmi a um asile a thaisun ah an ei thluh pei. 17A ni thumnak tiang a taangmi sa cu an ur thluh pei. 18A ni thumnak tiang a taangmi sa an ei a si ahcun cupa ih thawinak cu Pathian in a saang lo ding. A peknak cu thawinak ah siar a si lo pei ih thil borhhlawh sawnah ruat a si pei ih, a eitu in a raibuar man cu a tuar ding a si. 19A cuih thawinak sa cu thil thiang lo thawn an dai aw a si ahcun ei a si lo pei; a zatein ur ṭheh ding a si.
Cuih sa cu mithiang pawl in an ei thei pei; 20thian lonak a neitu pawl in an ei asile a eitu cu Pathian ih miphun sungah siarcih a si nawn lo pei. 21Cuih tlunah milai siseh, ṭilva siseh, a thiang lomi thil pakhatkhat a dai hnuah hi thawinak sa a ei asile amah cu Pathian ih miphun sungah siarcih a si nawn lo pei.
22 Bawipa in Israel mi pawl hrangah, 23a tanglam ih daan pawl hi Moses hnenah a pek. Caw thau siseh, tuu thau siseh, asilole me thau khal siseh, an ei lo pei. 24Amahte a thimi, asilole sahrang ih dehmi ṭilva ih thau khal an ei hrimhrim lo pei. Asinain poihai dang an ṭulnak ahcun an hmang thei pei. 25Bawipa hnenih pekmi thawinak sathau a eitu cu Pathian ih miphun lakah siarcih a si nawn lo pei. 26Khuitawk hmunih an um a si khalle Israel mi cun vate thisen siseh ṭilva thisen siseh an ei lo pei. 27Hi daan a buartu cu Pathian ih miphun sungah siarcih a si nawn lo pei.
28Israel mi hrangah a tanglam ih daan pawl cu, 29Bawipa in Moses hnenah a pek. Remnak thawinak a petu in a pekmi hrekkhat cu a hleice in Bawipa hnenah laksawngah a pek pei. 30A pek tikah amah ih kut rori in a keng pei. Ṭilva ih thau cu a ir thawn a keng pei ih laksawng hleice ah Bawipa hnenah a pek pei. 31A thau cu puithiam in biakṭheng parah a ur pei. Asinain a ir cu puithiam pawl ih ta a si. 32A vorhlam kawng cu remnak thawinak thau le thisen Bawipa hnenih a petu puithiam hnenah, 33a hleice ih laksawngah pek a si pei. 34A ir sa cu laksawng hleice a si; a vorhlam kawng cu Bawipa in Israel mi hnen ihsin a lak ih puithiam pawl hnenah a pek a si, ti langternak ih pekmi a si. Himi cu a kumkhua in Israel mi pawl in an pek ringring dingmi a si. 35Himi cu Aaron le a fapa pawl hriakculhnak an ngah ih puithiam an can ni ah Bawipa hnenih an pekmi rawl sung ihsin Aaron le a fapa pawl ih covo an si. 36Cuih ni ah hi thawinak sung ihsin puithiam pawl pek dingah Bawipa in Israel mi hnenah thu a pekmi a si. Himi cu sankhat hnu sankhat Israel mi in an thlun dingmi daan a si.
37A tlunlam ih daan cu mei-ur thawinak, thlairawl thawinak, sualthlah thawinak, mawhnak thawinak, hriakculh thawinak, le remnak thawinak pawl hrangih daan an si. 38Hi daan pawl cu nelrawn hramlak Sinai Tlang parah Pathian in Moses hnenah Israel mi pawl ih tuah ding thawinak thu pawl a sim ni ah a pekmi an si.
Currently Selected:
PUITHIAM HNAṬUANNAK 7: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
PUITHIAM HNAṬUANNAK 7
7
Mawhnak Thawinak
1A tanglamih daan pawl cu mawhnak thawinak hrangah a si. Hi thawinak cu a thiang zetmi a si. 2Mei-ur thawinak hrangih sa pawl an thahnak hmun, biakṭheng saklam kapah hi thawinak sa cu an that pei ih a thisen cu biakṭheng ih kap li-ah hnih a si pei. 3A thau hmuahhmuah cu an lak pei ih biakṭheng parah thawinakah pek a si pei: a meifi thau, a sungril parih a kopmi thau pawl, 4a kaileng pawl le a kaileng parih a kopmi thau pawl le a thinhnunih thau pawl an si pei. 5A thau hmuahhmuah cu Bawipa hnenih mei-ur thawinak in pekmi a si ruangah puithiam in biakṭheng parah a ur pei. Himi cu mawhnak thawinak a si. 6Puithiam hrinih mipa cun an ei thei. Thawinak thiang a si ruangah hmun thiang sung hrimhrim ah an ei pei.
7Sualthlah thawinakah siseh, mawhnak thawinakah siseh, bangrep ih hman dingmi daan pakhat cuih thawinakih hmanmi sa pawl cu thawinak a petu puithiam ih ta an si, tihi a si. 8Mei-ur thawinakih pekmi sa-ih a vun cu thawinak a petu puithiam ih ta a si. 9Sang rawhnak ih rawhmi siseh, uhkang a si lole thirbel ih kan ciami thlairawl thawinak hmuahhmuah cu Pathian hnenih a petu puithiam ih ta a si. 10Asinain kan lomi le suan lomi thlairawl thawinak hmuahhmuah cu a ro a si khalle siti thawn rawimi a si khalle, Aaron hrin puithiam pawl ih ta a si ih anmah sungah bangrep in an zem aw pei.
Remnak Thawinak
11 Bawipa hnenih pekmi remnak thawinak an tuah tikah a tanglam ih daan pawl hi thlun ding a si. 12Mi pakhat in a lungawinak Pathian hnenah phuan a duh ih thawinak a pek a si ahcun thawinak ṭilva le thilnu tel lo sang thawn a pek pei. Sang cu sangphut ih tuahmi, olif siti thawn rawi ih a sah zetih tuahmi, asilole olif siti ih hnihmi sang paate, a si lole sangphut ih tuahmi olif siti thawn rawimi a si pei. 13Cuih tlunah thilnu thawn rawi ih rawhmi sang pawl tla a pek pei. 14Sang phun khat ihsin malte ciar a hleice laksawng ah Bawipa hnenah a pek pei; cumi cu biakṭheng parah sathi a thehtu puithiam ih ta a si pei. 15An thah sunah sa cu an ei tengteng pei; a thaizing tiang zianghman an taangter lo pei.
16Mi pakhat in a thukammi kimternakah remnak thawinak a pek, asilole amah ih lungtho in a pekmi thawinak a rak ken a si ahcun an thah sunah a sa cu an ei pei; an hlahmi a um asile a thaisun ah an ei thluh pei. 17A ni thumnak tiang a taangmi sa cu an ur thluh pei. 18A ni thumnak tiang a taangmi sa an ei a si ahcun cupa ih thawinak cu Pathian in a saang lo ding. A peknak cu thawinak ah siar a si lo pei ih thil borhhlawh sawnah ruat a si pei ih, a eitu in a raibuar man cu a tuar ding a si. 19A cuih thawinak sa cu thil thiang lo thawn an dai aw a si ahcun ei a si lo pei; a zatein ur ṭheh ding a si.
Cuih sa cu mithiang pawl in an ei thei pei; 20thian lonak a neitu pawl in an ei asile a eitu cu Pathian ih miphun sungah siarcih a si nawn lo pei. 21Cuih tlunah milai siseh, ṭilva siseh, a thiang lomi thil pakhatkhat a dai hnuah hi thawinak sa a ei asile amah cu Pathian ih miphun sungah siarcih a si nawn lo pei.
22 Bawipa in Israel mi pawl hrangah, 23a tanglam ih daan pawl hi Moses hnenah a pek. Caw thau siseh, tuu thau siseh, asilole me thau khal siseh, an ei lo pei. 24Amahte a thimi, asilole sahrang ih dehmi ṭilva ih thau khal an ei hrimhrim lo pei. Asinain poihai dang an ṭulnak ahcun an hmang thei pei. 25Bawipa hnenih pekmi thawinak sathau a eitu cu Pathian ih miphun lakah siarcih a si nawn lo pei. 26Khuitawk hmunih an um a si khalle Israel mi cun vate thisen siseh ṭilva thisen siseh an ei lo pei. 27Hi daan a buartu cu Pathian ih miphun sungah siarcih a si nawn lo pei.
28Israel mi hrangah a tanglam ih daan pawl cu, 29Bawipa in Moses hnenah a pek. Remnak thawinak a petu in a pekmi hrekkhat cu a hleice in Bawipa hnenah laksawngah a pek pei. 30A pek tikah amah ih kut rori in a keng pei. Ṭilva ih thau cu a ir thawn a keng pei ih laksawng hleice ah Bawipa hnenah a pek pei. 31A thau cu puithiam in biakṭheng parah a ur pei. Asinain a ir cu puithiam pawl ih ta a si. 32A vorhlam kawng cu remnak thawinak thau le thisen Bawipa hnenih a petu puithiam hnenah, 33a hleice ih laksawngah pek a si pei. 34A ir sa cu laksawng hleice a si; a vorhlam kawng cu Bawipa in Israel mi hnen ihsin a lak ih puithiam pawl hnenah a pek a si, ti langternak ih pekmi a si. Himi cu a kumkhua in Israel mi pawl in an pek ringring dingmi a si. 35Himi cu Aaron le a fapa pawl hriakculhnak an ngah ih puithiam an can ni ah Bawipa hnenih an pekmi rawl sung ihsin Aaron le a fapa pawl ih covo an si. 36Cuih ni ah hi thawinak sung ihsin puithiam pawl pek dingah Bawipa in Israel mi hnenah thu a pekmi a si. Himi cu sankhat hnu sankhat Israel mi in an thlun dingmi daan a si.
37A tlunlam ih daan cu mei-ur thawinak, thlairawl thawinak, sualthlah thawinak, mawhnak thawinak, hriakculh thawinak, le remnak thawinak pawl hrangih daan an si. 38Hi daan pawl cu nelrawn hramlak Sinai Tlang parah Pathian in Moses hnenah Israel mi pawl ih tuah ding thawinak thu pawl a sim ni ah a pekmi an si.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.