JOSHUA 8
8
Ai Khua An Lak
1 Bawipa in Joshua hnenah, “ṭih hlah, na thin khal nauter hlah. Na ralkap hmuahhmuah thawn Ai khua ah va feh aw. An siangpahrang, an minung, an khua le an ram zatein na ta an si ding. 2Jerikho khua le an siangpahrang parih na tuah bangtuk in Ai khua le an siangpahrang parah na tuah pei; asinain tuih ṭum cu an thilri le an ṭilva pawl nanmah in nan co pei. Curuangah Ai khua cu do dingin timtuah uhla dunglam in va nam uh,” tiah a ti.
3Cuticun Joshua le a ralkap pawl cu Ai khua do dingin an tim aw. Ralṭhami ralkap thawng sawmthum a hril ih zanthimah a fehter. 4An hnenah cun Joshua in, “Ai khua ih dunglam ah va feh uhla va thup-aw uh. A hlat tukah va um hlah uh; hmakhatte ih nam dingin ralring uh. 5Kei le ka hnenih a ummi ralkap hmuahhmuah in hi lam ihsin kan rak pan ding. Ai khua ralkap pawl ih in do tikah, a hmaisa vek thotho in, khawsung ihsin an ra suak ding. Cutikah kannih dungah kan siip ding. 6Dung kan siip tikah in dawi ding ih an khua an taan thluh tiangin in dawi ding. A hmaisa-ih an tlan vekin an tlan lala a si hi, an ti ding. 7Culaifang ah nan relhnak ihsin nan suak pei ih an khawpi cu nan lak pei. Bawipa nan Pathian in an khawpi cu nan kut sungah a lo pek ding a si. 8An khua nan lak ṭheh tikah an khawpi cu meisa in ur uh. Bawipa ih thupekmi vekin tuah uh. Thu ka lo pek hai a si!” tiah a ti. 9Curuangah Joshua in a ralkap pawl cu zanah a thlah ih Ai khua ihsin nitlaknak lam, Ai le Bethel khua karlakah an va relh. Joshua cu an riahbuk ah a riak.
10Joshua cu a thaizing zingpitah a tho ih ralkap pawl cu a khawm ih Israel hotu pawl thawn Ai khua lamah an feh. 11Khawpi kotka lamah cun an feh ih Ai khua saklam ah an riak. An riahnak le Ai khua karlakah horkuam a um. 12A ralkap thawng nga tluk cu Ai le Bethel khua karlak, Ai ihsin nitlaknak lamah a relhter. 13Cutiih an relh laiah ralkap burpi sawn cu Ai khua ih saklam ah an um. Cutiin ral do dingah an tiar aw. Amah Joshua cu horkuam ah a riak. 14Cule Ai khua siangpahrang in Joshua le a ralkap pawl an kiangih an um kha a theih tikah a ralkap pawl thawn hmakhatte-ah an pok; cun a hmaisa-ih an do awknak hmun ah Israel do ding in Arabah phairawn lamah cun a feh. Dunglam in in nam ding ti a thei lo. 15Joshua le a ralkap pawl cun dunglamah an siip bum ih nelrawn lamah an tlan vivo. 16Ai khuasungih a ummi mipa hmuahhmuah cu Israel ralkap pawl dawi dingah an ko-aw thluh ih Joshua le a ralkap pawl cu an khua ihsin hlapi tiang an dawi vivo. 17Israel pawl dawi dingah mipa hmuahhmuah an pok ṭheh; an khawpi Ai#8.17 Hebru Ca Thianghlim sung ahcun Ai le Bethel tiin a um. kiltu dingah zohman an um lo.
18Cutikah Bawipa in Joshua hnenah, “Na feipi kha Ai lam hoi in hngirh aw; hi khawpi cu na kut sungah ka lo pe ding a si,” tiah a ti. Bawipa ih ti vekin Joshua in a feipi cu a hngirh. 19A kut a hun thlir vete cun Ai khua nam dingih a thup-awmi ralkap pawl cu an suak lohli ih Ai khua cu an lak. Hmakhatteah acuih khawpi cu meisa in an ur. 20Ai khua mi ralkap pawl cun an dunglam an hawi sal tikah an khua ihsin meisa khu van tiangih a kai kha an hei hmu. Cule hramlak lamih a tlan reromi Israel ralkap pawl an dung an let-aw ih a dawitu ralkap pawl cu an do. Ai ralkap hrangah luatnak a um lo. 21Ai khua an lakih meisa in an ur zo, ti kha Joshua le a ralkap pawl in an hmuh tikah an dung an let ih Ai khua ralkap pawl cu an that ciamco. 22Khawpi sungih a um ciami Israel ralkap pawl cu an suak ih an ral pawl cu an dung lam in an do. Israel ralkap pawl in an dung le an hmai in an kulh thluh ih, an siangpahrang siar lo, minung pakhat hman luat loin an that thluh a si. 23Cun Ai khua siangpahrang cu an kai ih Joshua hnenah an fehpi.
24Hramlak tiangin ral a dawitu Ai khua ralkap pawl cu pakhat hman luat loin Israel ralkap pawl in an that thluh. Cun Ai khawsungah an kir sal ih khua ih ummi milai an zatein an that thluh lala. 25An khuaseen in an that thluh ih an thahmi mipa nunau an zatein thawng hleihnih an si. 26Khawsung mi an zate ih an thah thluh hlan lo Joshua in a feipi cu Ai khua lam hoi in a sawh ringring. 27Cule Joshua hnenih Bawipa ih sim bangtuk in Ai khua sungih an lonmi ṭilva le thilri pawl cu Israel mi pawl in anmah ih hrangah an lak. 28Cuticun Joshua in Ai khua cu ziangtik hmanih umnak ṭha nawn lo dingin a ur ih tuih san tiangin khawrop ah a cangta. 29Ai khua siangpahrang cu thingkung parah Joshua in a thlai ih cutawkah a ruak cu zanlam tiang a ret. Ni a tlak tikah Joshua in thu a pek ih a ruak cu thingpar ihsin an lak hnuah khawpi luhnak kotka zinah an hlon. A ruak parah cun lungto an pen ih acuih lungpen cu atuih san tiangin a um lai a si.
Ebal Tlang Parah Pathian Pekmi Daan An Siar
30Israel ih Pathian Bawipa ih hrangah Joshua in Ebal tlang parah biakṭheng a don. 31Cuih biakṭheng cu Bawipa ih siahhlawh Moses in Israel mi hnenih a pek tami Moses Daan cabu sungih an nganmi vek in, “thir hriamhrei ih aat lo lungto in dawlmi biakṭheng” a si. A cuih biakṭheng parah meisa-ur thawinak Bawipa ih hnenah an pek ih, remnak thawinak khal an pek. 32Cutawkah Israel mi pawl ih mithmuh ah Moses ih nganmi Thukham cu Joshua in lungto parah a ngan. 33Israel mi zatein, an hotu pawl, an bawi pawl, an thuṭhentu pawl le anmah ih lakih a ummi ramdangmi pawl tla thawn Thukam Kuang a zawntu Levi mi puithiam pawl hoih in Bawipa ih Thukam Kuang ih sir veve ahcun an ding. Israel mi a hrek cu Gerizim tlang dungtun in an ding ih a hrek cu Ebal tlang dungtun in an ding. Israel mi pawl thluasuah pek an si tikah cubangtuk in ding dingah Bawipa ih siahhlawh Moses ih thupek tami a si. 34Thukham cabu sungih nganmi vekin, thluasuahnak thu le camsiatnak thu pawl thawn, Thukham cu Joshua in ringzet in a siar. 35Nunau, nauhak le miphun dang pawl tla telin Israel misenpi hmaiah Moses ih thupekmi cu pakhat hman hrelh loin Joshua cun a siar ṭheh.
Currently Selected:
JOSHUA 8: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
JOSHUA 8
8
Ai Khua An Lak
1 Bawipa in Joshua hnenah, “ṭih hlah, na thin khal nauter hlah. Na ralkap hmuahhmuah thawn Ai khua ah va feh aw. An siangpahrang, an minung, an khua le an ram zatein na ta an si ding. 2Jerikho khua le an siangpahrang parih na tuah bangtuk in Ai khua le an siangpahrang parah na tuah pei; asinain tuih ṭum cu an thilri le an ṭilva pawl nanmah in nan co pei. Curuangah Ai khua cu do dingin timtuah uhla dunglam in va nam uh,” tiah a ti.
3Cuticun Joshua le a ralkap pawl cu Ai khua do dingin an tim aw. Ralṭhami ralkap thawng sawmthum a hril ih zanthimah a fehter. 4An hnenah cun Joshua in, “Ai khua ih dunglam ah va feh uhla va thup-aw uh. A hlat tukah va um hlah uh; hmakhatte ih nam dingin ralring uh. 5Kei le ka hnenih a ummi ralkap hmuahhmuah in hi lam ihsin kan rak pan ding. Ai khua ralkap pawl ih in do tikah, a hmaisa vek thotho in, khawsung ihsin an ra suak ding. Cutikah kannih dungah kan siip ding. 6Dung kan siip tikah in dawi ding ih an khua an taan thluh tiangin in dawi ding. A hmaisa-ih an tlan vekin an tlan lala a si hi, an ti ding. 7Culaifang ah nan relhnak ihsin nan suak pei ih an khawpi cu nan lak pei. Bawipa nan Pathian in an khawpi cu nan kut sungah a lo pek ding a si. 8An khua nan lak ṭheh tikah an khawpi cu meisa in ur uh. Bawipa ih thupekmi vekin tuah uh. Thu ka lo pek hai a si!” tiah a ti. 9Curuangah Joshua in a ralkap pawl cu zanah a thlah ih Ai khua ihsin nitlaknak lam, Ai le Bethel khua karlakah an va relh. Joshua cu an riahbuk ah a riak.
10Joshua cu a thaizing zingpitah a tho ih ralkap pawl cu a khawm ih Israel hotu pawl thawn Ai khua lamah an feh. 11Khawpi kotka lamah cun an feh ih Ai khua saklam ah an riak. An riahnak le Ai khua karlakah horkuam a um. 12A ralkap thawng nga tluk cu Ai le Bethel khua karlak, Ai ihsin nitlaknak lamah a relhter. 13Cutiih an relh laiah ralkap burpi sawn cu Ai khua ih saklam ah an um. Cutiin ral do dingah an tiar aw. Amah Joshua cu horkuam ah a riak. 14Cule Ai khua siangpahrang in Joshua le a ralkap pawl an kiangih an um kha a theih tikah a ralkap pawl thawn hmakhatte-ah an pok; cun a hmaisa-ih an do awknak hmun ah Israel do ding in Arabah phairawn lamah cun a feh. Dunglam in in nam ding ti a thei lo. 15Joshua le a ralkap pawl cun dunglamah an siip bum ih nelrawn lamah an tlan vivo. 16Ai khuasungih a ummi mipa hmuahhmuah cu Israel ralkap pawl dawi dingah an ko-aw thluh ih Joshua le a ralkap pawl cu an khua ihsin hlapi tiang an dawi vivo. 17Israel pawl dawi dingah mipa hmuahhmuah an pok ṭheh; an khawpi Ai#8.17 Hebru Ca Thianghlim sung ahcun Ai le Bethel tiin a um. kiltu dingah zohman an um lo.
18Cutikah Bawipa in Joshua hnenah, “Na feipi kha Ai lam hoi in hngirh aw; hi khawpi cu na kut sungah ka lo pe ding a si,” tiah a ti. Bawipa ih ti vekin Joshua in a feipi cu a hngirh. 19A kut a hun thlir vete cun Ai khua nam dingih a thup-awmi ralkap pawl cu an suak lohli ih Ai khua cu an lak. Hmakhatteah acuih khawpi cu meisa in an ur. 20Ai khua mi ralkap pawl cun an dunglam an hawi sal tikah an khua ihsin meisa khu van tiangih a kai kha an hei hmu. Cule hramlak lamih a tlan reromi Israel ralkap pawl an dung an let-aw ih a dawitu ralkap pawl cu an do. Ai ralkap hrangah luatnak a um lo. 21Ai khua an lakih meisa in an ur zo, ti kha Joshua le a ralkap pawl in an hmuh tikah an dung an let ih Ai khua ralkap pawl cu an that ciamco. 22Khawpi sungih a um ciami Israel ralkap pawl cu an suak ih an ral pawl cu an dung lam in an do. Israel ralkap pawl in an dung le an hmai in an kulh thluh ih, an siangpahrang siar lo, minung pakhat hman luat loin an that thluh a si. 23Cun Ai khua siangpahrang cu an kai ih Joshua hnenah an fehpi.
24Hramlak tiangin ral a dawitu Ai khua ralkap pawl cu pakhat hman luat loin Israel ralkap pawl in an that thluh. Cun Ai khawsungah an kir sal ih khua ih ummi milai an zatein an that thluh lala. 25An khuaseen in an that thluh ih an thahmi mipa nunau an zatein thawng hleihnih an si. 26Khawsung mi an zate ih an thah thluh hlan lo Joshua in a feipi cu Ai khua lam hoi in a sawh ringring. 27Cule Joshua hnenih Bawipa ih sim bangtuk in Ai khua sungih an lonmi ṭilva le thilri pawl cu Israel mi pawl in anmah ih hrangah an lak. 28Cuticun Joshua in Ai khua cu ziangtik hmanih umnak ṭha nawn lo dingin a ur ih tuih san tiangin khawrop ah a cangta. 29Ai khua siangpahrang cu thingkung parah Joshua in a thlai ih cutawkah a ruak cu zanlam tiang a ret. Ni a tlak tikah Joshua in thu a pek ih a ruak cu thingpar ihsin an lak hnuah khawpi luhnak kotka zinah an hlon. A ruak parah cun lungto an pen ih acuih lungpen cu atuih san tiangin a um lai a si.
Ebal Tlang Parah Pathian Pekmi Daan An Siar
30Israel ih Pathian Bawipa ih hrangah Joshua in Ebal tlang parah biakṭheng a don. 31Cuih biakṭheng cu Bawipa ih siahhlawh Moses in Israel mi hnenih a pek tami Moses Daan cabu sungih an nganmi vek in, “thir hriamhrei ih aat lo lungto in dawlmi biakṭheng” a si. A cuih biakṭheng parah meisa-ur thawinak Bawipa ih hnenah an pek ih, remnak thawinak khal an pek. 32Cutawkah Israel mi pawl ih mithmuh ah Moses ih nganmi Thukham cu Joshua in lungto parah a ngan. 33Israel mi zatein, an hotu pawl, an bawi pawl, an thuṭhentu pawl le anmah ih lakih a ummi ramdangmi pawl tla thawn Thukam Kuang a zawntu Levi mi puithiam pawl hoih in Bawipa ih Thukam Kuang ih sir veve ahcun an ding. Israel mi a hrek cu Gerizim tlang dungtun in an ding ih a hrek cu Ebal tlang dungtun in an ding. Israel mi pawl thluasuah pek an si tikah cubangtuk in ding dingah Bawipa ih siahhlawh Moses ih thupek tami a si. 34Thukham cabu sungih nganmi vekin, thluasuahnak thu le camsiatnak thu pawl thawn, Thukham cu Joshua in ringzet in a siar. 35Nunau, nauhak le miphun dang pawl tla telin Israel misenpi hmaiah Moses ih thupekmi cu pakhat hman hrelh loin Joshua cun a siar ṭheh.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.