JOSHUA 4
4
Hngilh-lonak Lungphun
1Israel mi pawl an zatein Jordan tiva an tan thluh tikah Bawipa in Joshua hnenah, 2“Israel miphun phun khat ihsin pakhat ciar minung hleihnih hril awla, 3an hnenah, ‘Puithiam pawl an dinnak Jordan tiva laifangih ta lungto hleihnih nan lak pei ih tuih zan nan riahnak hmunah nan ret pei,’ tiin thu pe aw,” tiah a ti.
4Cule a hril ciami minung hleihnih cu Joshua in a ko ih, 5“Jordan tiva ah Bawipa nan Pathian ih Thukam Kuang hmaiah feh uhla lungto pakhat fingfing ti sung ihsin lak uhla nan liangah pu uh; lungto pakhat cu Israel miphun phun khat ai-ah a si ding. 6Bawipa ih a tuahmi hmuahhmuah Israel mi in an cinken ringringnak dingah hi lungto pawl cu hminsinnak a si ding. Hmai lamih nan tefa pawl in hi lungto pawl hi a tican ziangso a si tiih an lo sut tikah, 7Bawipa ih Thukam Kuang Jordan tiva a tan tikah Jordan tiva cu luang loin a cat, timi Israel mi pawl ih an theih ringringnak dingah hi lungto pawl cu an si, tiah nan ti pei,” a ti.
8Cute pawl cun Joshua ih thupek bangtuk in an tuah. Bawipa in Joshua hnenih a sim vekin minung hleihnih pawl cun Jordan tiva laifangih ta lungto hleihnih an lak ih lungto pakhat cu Israel miphun phun khat fingfing ai-ah a si. Lungto cu an keng ih an riahnak hmunah an ret. 9Cule Joshua in Jordan tiva laifang, Thukam Kuang zawntu puithiam pawl an dinnak hmun, ahcun lungto hleihnih a phun. A cuih lungphun pawl cu atu tiangin a um lai. 10Israel mi pawl tuah dingah Bawipa in Joshua hnenih thu a pekmi hmuahhmuah an tuah thluh hlan lo puithiam pawl cu Jordan tiva laifangah an ding ringring. Cumi cu Moses ih thu a rak pek ciami an thlunmi a si.
Cule Israel mi pawl cun zamrangin tiva cu an tan. 11An zatein tiva ral an thlen thluh tikah Bawipa ih Thukam Kuang le puithiam pawl cu Israel misenpi hmaiah an feh. 12Reuben mi pawl, Gad mi pawl le Manasseh mi a hrek pawl cu, Moses ih a rak tiam cia bangtuk in raldo dingah mi senpi hmaiah an feh. 13Raldo dingih a thuam-awmi milai thawng sawmli cu Bawipa ih mithmuh ah Jerikho kiang hmunrawn lamah an feh. 14Cuih ni ih Bawipa ih thil tuahmi ruangah Israel mi pawl in Joshua cu an cawisaang ih an upat ngaingai. Moses an upat vekin a Joshua khal a nun sung hmuahhmuah an upat ve.
15Cule Bawipa in Joshua hnenah, 16“Thukam Kuang a zawntu puithiam pawl cu Jordan tiva sung ihsin hung suak dingah thu pe aw,” a ti. 17Bawipa ih fial vekin Joshua cun thu a pek. 18Puithiam pawl tikap ah an hung suak ih lei ro an pal vete in Jordan tiva cu a luan keel in a luang sal ih tidai cu a kawr a khat.
19Israel mi pawl in Jordan tiva cu thla hmaisa bik#Thla hmaisa bik an timi hi March thlahrek le April thlahrek ceemtu a si ih Nisan thla an ti. ni hra ni ah an tan ih Jerikho ihsin nisuahnak lamih a ummi Gilgal khua ah an riak. 20Cutawkah Jordan tiva ihsin an lakmi lungto hleihnih cu Joshua in a phun. 21Joshua in Israel mi pawl hnenah, “Hmailamah nan fanau pawl in, ‘Hi lungto pawl cu a tican ziangso a si?’ tiih an lo sut tikah, 22‘Israel mi in Jordan tiva an tan tikah leiro par ihsin an feh, tican a si,’ tiah nan sim pei. 23Bawipa Pathian in Tipi Sen kan tan thluh hlan lo a roter vek thotho in nan hrang khalah Jordan tiva cu nan tan thluh hlan lo a roter ve a si. 24Curuangah leilungmi hmuahhmuah in Bawipa ih thilti theinak an thei ding ih nannih khal in Bawipa nan Pathian cu a kumkhua in nan upat pei,” tiah a ti.
Currently Selected:
JOSHUA 4: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
JOSHUA 4
4
Hngilh-lonak Lungphun
1Israel mi pawl an zatein Jordan tiva an tan thluh tikah Bawipa in Joshua hnenah, 2“Israel miphun phun khat ihsin pakhat ciar minung hleihnih hril awla, 3an hnenah, ‘Puithiam pawl an dinnak Jordan tiva laifangih ta lungto hleihnih nan lak pei ih tuih zan nan riahnak hmunah nan ret pei,’ tiin thu pe aw,” tiah a ti.
4Cule a hril ciami minung hleihnih cu Joshua in a ko ih, 5“Jordan tiva ah Bawipa nan Pathian ih Thukam Kuang hmaiah feh uhla lungto pakhat fingfing ti sung ihsin lak uhla nan liangah pu uh; lungto pakhat cu Israel miphun phun khat ai-ah a si ding. 6Bawipa ih a tuahmi hmuahhmuah Israel mi in an cinken ringringnak dingah hi lungto pawl cu hminsinnak a si ding. Hmai lamih nan tefa pawl in hi lungto pawl hi a tican ziangso a si tiih an lo sut tikah, 7Bawipa ih Thukam Kuang Jordan tiva a tan tikah Jordan tiva cu luang loin a cat, timi Israel mi pawl ih an theih ringringnak dingah hi lungto pawl cu an si, tiah nan ti pei,” a ti.
8Cute pawl cun Joshua ih thupek bangtuk in an tuah. Bawipa in Joshua hnenih a sim vekin minung hleihnih pawl cun Jordan tiva laifangih ta lungto hleihnih an lak ih lungto pakhat cu Israel miphun phun khat fingfing ai-ah a si. Lungto cu an keng ih an riahnak hmunah an ret. 9Cule Joshua in Jordan tiva laifang, Thukam Kuang zawntu puithiam pawl an dinnak hmun, ahcun lungto hleihnih a phun. A cuih lungphun pawl cu atu tiangin a um lai. 10Israel mi pawl tuah dingah Bawipa in Joshua hnenih thu a pekmi hmuahhmuah an tuah thluh hlan lo puithiam pawl cu Jordan tiva laifangah an ding ringring. Cumi cu Moses ih thu a rak pek ciami an thlunmi a si.
Cule Israel mi pawl cun zamrangin tiva cu an tan. 11An zatein tiva ral an thlen thluh tikah Bawipa ih Thukam Kuang le puithiam pawl cu Israel misenpi hmaiah an feh. 12Reuben mi pawl, Gad mi pawl le Manasseh mi a hrek pawl cu, Moses ih a rak tiam cia bangtuk in raldo dingah mi senpi hmaiah an feh. 13Raldo dingih a thuam-awmi milai thawng sawmli cu Bawipa ih mithmuh ah Jerikho kiang hmunrawn lamah an feh. 14Cuih ni ih Bawipa ih thil tuahmi ruangah Israel mi pawl in Joshua cu an cawisaang ih an upat ngaingai. Moses an upat vekin a Joshua khal a nun sung hmuahhmuah an upat ve.
15Cule Bawipa in Joshua hnenah, 16“Thukam Kuang a zawntu puithiam pawl cu Jordan tiva sung ihsin hung suak dingah thu pe aw,” a ti. 17Bawipa ih fial vekin Joshua cun thu a pek. 18Puithiam pawl tikap ah an hung suak ih lei ro an pal vete in Jordan tiva cu a luan keel in a luang sal ih tidai cu a kawr a khat.
19Israel mi pawl in Jordan tiva cu thla hmaisa bik#Thla hmaisa bik an timi hi March thlahrek le April thlahrek ceemtu a si ih Nisan thla an ti. ni hra ni ah an tan ih Jerikho ihsin nisuahnak lamih a ummi Gilgal khua ah an riak. 20Cutawkah Jordan tiva ihsin an lakmi lungto hleihnih cu Joshua in a phun. 21Joshua in Israel mi pawl hnenah, “Hmailamah nan fanau pawl in, ‘Hi lungto pawl cu a tican ziangso a si?’ tiih an lo sut tikah, 22‘Israel mi in Jordan tiva an tan tikah leiro par ihsin an feh, tican a si,’ tiah nan sim pei. 23Bawipa Pathian in Tipi Sen kan tan thluh hlan lo a roter vek thotho in nan hrang khalah Jordan tiva cu nan tan thluh hlan lo a roter ve a si. 24Curuangah leilungmi hmuahhmuah in Bawipa ih thilti theinak an thei ding ih nannih khal in Bawipa nan Pathian cu a kumkhua in nan upat pei,” tiah a ti.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.