JOB 9
9
Job in hiti in a sawn:
1-2Asiko, cu pawl cu ka theih cia
mi hlir an si ko.
Sikhalsehla ziangtinso milai in
Pathian hmaiah ahcun miding a si
thei ding?
3Ziangtin so Pathian cu thu a el
thei ding?
Zohman ih leh thei lo dingmi thu
thawngkhat khal a sut thei a sisi!
4Pathian ih fimnak cu a thuk tuk,
A huham neihmi a kau tuk;
Zohman amah dodal in a hmaiah
an ding thei lo ding.
5Tlang pawl a ṭhawnter hluahhlo,
A thinheng in a siatsuah ṭheh,
In ṭhawn a si ti khal an thei lo.
6Pathian in ling a hninter ih,
Leilung le a hramṭohnak pawl tla
an hnin ṭheh a si.
7Pathian cun a thu in ni khi
suak lo dingin a kham thei,
Arsi pawl tla zanah vang lo
dingin a dawn thei.
8Van khi puan bangin a zaar tikah
Zohman in an bawm lo.
Tipi sung rulhrengih zaang a ke in
a palcih theitu Amah lawng a si.
9Pathian in vanih arsi - zaangkhua,
siruk, likhuk cangthum, ngambawm
le zawltling pawl a tuah a si.
10Thilmak zetzet a tuahmi pawl
kan thei thei dah lo ding;
Mangbangza a tuahmi pawl khal
kan siar cawk dah lo ding.
11Pathian cu ka kiang in a lan,
Asinain ka hmu thei lo.
A feh vivo ko naón ka thei thei
cuang lo.
12A duhduh mi a lak, zohman ih
kham theih a si lo.
‘Ziang so na tuah?’ ti ih thusuh
ngam khal a si lo.
13Pathian thinhengnak cu a dai lo,
A ral pawl Tipi rulhreng Rahab le
a bawmtu pawl cu a palbeek thluh.
14Curuangah ziangtinso Pathian cu
ka let thei ding?
Ziangtin so amah el theinak ah
ṭongfang ka hawl thei ding?
15Mawh nei lo ka si naón anih cu
ka let thei lo,
‘I zaangfah hram aw,’ tiah ka
thuṭhentu Pathian hnen ih
dil lawng hi ka ti theimi a si.
16Ka ṭongnak ah tikcu i pe hman
sehla,
Ka ṭongmi i ngai ding ti ka zum
thei lo.
17Thuhla zianghman um loin,
Keimah nuai dingah thlisia a kuat;
I tuahmawhnak cu a zai deuhdeuh.
18Thaw thawtnak caan hman i pe lo,
Ka parih a tuahmi hmuahhmuah in
ka ning i hanter sinsin.
19Kei thacahnak ka suah ding maw?
Pathian tlukih thacak zoso a um?
Dingnak thu ah ti sehla,
Zoin so zungah a thlenpi thei ding?
20Mawh neilo rintlak ka si ko naón
Ka awkaa in i mawh thluk,
Soisel ding um lo ka si ko naón
Ka ṭongmi pohpoh in mawh in phurh.
21-22Sualnak zianghman ka nei lo,
Asinain zianghman a dang nawn lo.
Nun hi ka paih nawn lo.
Kan sual siseh, kan sual lo khal
siseh a dang lo.
Pathian in in siatsuah thluh
ko ding.
23Rin lopi in mawh nei lomi a thih
tikah Pathian in a hnihsan.
24Pathian in leilung cu miṭha lo
kutah a pek.
Thuṭhentu pawl ih mit cu puan in
a hup ṭheh.
Cu pawl cu Pathian in a tuah lo,
nan ti asile zo in so a tuah?
25Ka tikcu cu ṭhatnak um loin an
liam vivo,
Zualkotu hnakin a zamrang sawn.
26Ka nunnak ni cu a lan vivo,
Papairas ih tuahmi lawng bangin;
Ar a namtu khaupi bangin
a zamrang a si.
27Ka tuarnak cu hngilh tahrat in,
Lungawi sopar ih um ka tum hmanah,
Ka zonzaihnak cu keimah duum
dingah an ra kirsal cing ding.
28Ka harsat tuarnak hi ka ṭih,
Pathian in mawh i phurh ti ka thei.
29Pathian ih mawh i phurh hnuah cun
Ziangah so ka ṭan duh rero ding?
30Ka sualnak cu ziangvek satpia,
khal in a tlengfai thei lo ding;
31Pathian in fihnungza kuahrum
sungah i thlak;
Ka hnipuan hman in in zahpi a si.
32Pathian hi minung va sisehla,
ka let thei nasa ding;
Kan thu rel dingah zungah kan feh
ding ih kan thu relcat a si ding.
33Sikhalsehla kan karlak ah palai
an um lo;
Pathian le kei karlak ah thuṭhen
theitu zohman an um lo.
34Pathian, i hrem nawn hlah;
ṭih na nunnak in ka thin
i phangter hlah seh.
35Cutin zianghman ṭihnak um loin
ka ṭong ve thlang ding;
Ziangahtile ka thinlung cu keimah
in ka thei bik a si.
Currently Selected:
JOB 9: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
JOB 9
9
Job in hiti in a sawn:
1-2Asiko, cu pawl cu ka theih cia
mi hlir an si ko.
Sikhalsehla ziangtinso milai in
Pathian hmaiah ahcun miding a si
thei ding?
3Ziangtin so Pathian cu thu a el
thei ding?
Zohman ih leh thei lo dingmi thu
thawngkhat khal a sut thei a sisi!
4Pathian ih fimnak cu a thuk tuk,
A huham neihmi a kau tuk;
Zohman amah dodal in a hmaiah
an ding thei lo ding.
5Tlang pawl a ṭhawnter hluahhlo,
A thinheng in a siatsuah ṭheh,
In ṭhawn a si ti khal an thei lo.
6Pathian in ling a hninter ih,
Leilung le a hramṭohnak pawl tla
an hnin ṭheh a si.
7Pathian cun a thu in ni khi
suak lo dingin a kham thei,
Arsi pawl tla zanah vang lo
dingin a dawn thei.
8Van khi puan bangin a zaar tikah
Zohman in an bawm lo.
Tipi sung rulhrengih zaang a ke in
a palcih theitu Amah lawng a si.
9Pathian in vanih arsi - zaangkhua,
siruk, likhuk cangthum, ngambawm
le zawltling pawl a tuah a si.
10Thilmak zetzet a tuahmi pawl
kan thei thei dah lo ding;
Mangbangza a tuahmi pawl khal
kan siar cawk dah lo ding.
11Pathian cu ka kiang in a lan,
Asinain ka hmu thei lo.
A feh vivo ko naón ka thei thei
cuang lo.
12A duhduh mi a lak, zohman ih
kham theih a si lo.
‘Ziang so na tuah?’ ti ih thusuh
ngam khal a si lo.
13Pathian thinhengnak cu a dai lo,
A ral pawl Tipi rulhreng Rahab le
a bawmtu pawl cu a palbeek thluh.
14Curuangah ziangtinso Pathian cu
ka let thei ding?
Ziangtin so amah el theinak ah
ṭongfang ka hawl thei ding?
15Mawh nei lo ka si naón anih cu
ka let thei lo,
‘I zaangfah hram aw,’ tiah ka
thuṭhentu Pathian hnen ih
dil lawng hi ka ti theimi a si.
16Ka ṭongnak ah tikcu i pe hman
sehla,
Ka ṭongmi i ngai ding ti ka zum
thei lo.
17Thuhla zianghman um loin,
Keimah nuai dingah thlisia a kuat;
I tuahmawhnak cu a zai deuhdeuh.
18Thaw thawtnak caan hman i pe lo,
Ka parih a tuahmi hmuahhmuah in
ka ning i hanter sinsin.
19Kei thacahnak ka suah ding maw?
Pathian tlukih thacak zoso a um?
Dingnak thu ah ti sehla,
Zoin so zungah a thlenpi thei ding?
20Mawh neilo rintlak ka si ko naón
Ka awkaa in i mawh thluk,
Soisel ding um lo ka si ko naón
Ka ṭongmi pohpoh in mawh in phurh.
21-22Sualnak zianghman ka nei lo,
Asinain zianghman a dang nawn lo.
Nun hi ka paih nawn lo.
Kan sual siseh, kan sual lo khal
siseh a dang lo.
Pathian in in siatsuah thluh
ko ding.
23Rin lopi in mawh nei lomi a thih
tikah Pathian in a hnihsan.
24Pathian in leilung cu miṭha lo
kutah a pek.
Thuṭhentu pawl ih mit cu puan in
a hup ṭheh.
Cu pawl cu Pathian in a tuah lo,
nan ti asile zo in so a tuah?
25Ka tikcu cu ṭhatnak um loin an
liam vivo,
Zualkotu hnakin a zamrang sawn.
26Ka nunnak ni cu a lan vivo,
Papairas ih tuahmi lawng bangin;
Ar a namtu khaupi bangin
a zamrang a si.
27Ka tuarnak cu hngilh tahrat in,
Lungawi sopar ih um ka tum hmanah,
Ka zonzaihnak cu keimah duum
dingah an ra kirsal cing ding.
28Ka harsat tuarnak hi ka ṭih,
Pathian in mawh i phurh ti ka thei.
29Pathian ih mawh i phurh hnuah cun
Ziangah so ka ṭan duh rero ding?
30Ka sualnak cu ziangvek satpia,
khal in a tlengfai thei lo ding;
31Pathian in fihnungza kuahrum
sungah i thlak;
Ka hnipuan hman in in zahpi a si.
32Pathian hi minung va sisehla,
ka let thei nasa ding;
Kan thu rel dingah zungah kan feh
ding ih kan thu relcat a si ding.
33Sikhalsehla kan karlak ah palai
an um lo;
Pathian le kei karlak ah thuṭhen
theitu zohman an um lo.
34Pathian, i hrem nawn hlah;
ṭih na nunnak in ka thin
i phangter hlah seh.
35Cutin zianghman ṭihnak um loin
ka ṭong ve thlang ding;
Ziangahtile ka thinlung cu keimah
in ka thei bik a si.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.