DANIEL 8
8
Daniel In Tuu Le Me A Hmu
1Belshazzar in siangpahrang a ṭuan kum thumnak ah voihnihnak langnak ka hmu. 2Cuih langnak ka hmuhmi ahcun Elam peng lungdawl ih kulhmi Susa khawpi sungah um in ka thei aw. Ulai Tivapi kapah ka ding ih, 3cuih tivakap ahcun tuucang pakhat, ki saupi pahnih a neimi ka hmu; a ki pakhat cu a dang ki hnakin a sau ih a no deuh fawn. 4Cuih tuucang in nitlak lam, saklam le thlanglam a khik rero kha ka zoh. Ramsa dang in an kham thei lo; a mi nehnak cun an luat thei fawn lo. A duhduh in ziang hmuahhmuah a tuah hluahhlo ih a hngalzet.
5Cumi ih tican mangbangin ka ngaihtuah rero laiah nitlak lam ihsin mecang pakhat a ra tlan ciamco ka hmu; a tlan a cak tuk ih a ke in leilung a dai man lo. A mit le a mit karlakah a langzetmi ki pakhat a nei. 6Tiva kapah a ding ka hmuhmi tuucang lamah cun a feh ih tuucang cu a tha neih patawp in a zon. 7Tuucang a zon le a sual lai cu ka zoh. A thin a heng tuk ih tuucang cu nasa zetin a a ki pahnih kiak ko in a khik. Tuucang cun khik ve theinak thazaang zianghman a nei lo. Leilung ah a ril ih mecang cun a palcih a si; a run theitu zohman an um lo. 8Cuih mecang cu a puarthau deuhdeuh ih a cah bik laitak ah a ki cu a kiak. Cuih ki pakhat ai ahcun a langzetmi ki pali an hung suak; a ki pali cun saklam, thlanglam, nisuah lam le nitlak lam an hoi fingfing. 9Ki pali lakih pakhat sung ihsin ki fate pakhat a hung suak ih a huham cahnak cun thlang lam, nisuah lam le Ram Tiam lam a pan. 10Van ralkap, arsi pawl do ding tlak in a cak ih a do ih a hrekkhat cu leilungih a hlon hnuah a palcih. 11Van ralkap pawl hotu bawi hman a dodal; nitinte a hnenih an pekmi thawinak cu a kham ih Biakinn a tiborhhlawh a si. 12Cutawkah nitin thawinak pek ai-ah minung pawl in sualnak an tuah; biaknak dik cu leilungah hlonthlak a si. A tuahmi hmuahhmuah ah cuih ki cu a hlawhtling a si.
13Cule vancungmi pakhat in a dang vancungmi hnenah, “Hi langnak sungih a langmi thil hi ziangtik tiangso a rei ding? Hi bangtuk tuksumza sualnak hin ziangtik tiangso nitin thawinak pekmi cu a ai-awh ding? Ziangtik tiangso van ralkap pawl le Biakinn cu palcih an si hrih ding?” ti ih a sut kha ka thei.
14Cutikah cuih vancungmi cun, “Hi thil hi zanlam le zinglam thawnghnih le zathum#zanlam le zinglam thawnghnih le zathum timi hi ni thawngkhat le zakhat le sawmnga ti tla in leh a theih. sung a rei ding ih cuih sungah zinglam le zanlam thawinak pekmi zianghman a um lo ding. Cuih hnuah Biakinn cu a hlan vekin a um thei sal ding,” tiah a ti.
Langnak Cu Gabriel In A Fianter
15Cuih langnak ih tican ka ruah rero laiah rinlopi in mi pakhat ka hmaiah a ra ding. 16Ulai Tivapi tlun ihsin aw pakhat in a rak auh ih, “Gabriel, a hmuhmi ih tican cu a hnenah simfiang aw,” a ti. 17Gabriel cu a ra ih ka kiangah a ra ding; ka ṭih tukih leilung ah ka bok.
Ka hnenah cun, “Milaipa, hi thu hi theithiam aw. Na hmuhmi hi leilung cemnak thuthawn pehawknak a nei a si,” tiah a ti. 18Cutiih a ṭong rero laiah ka tlu ih zianghman ka thei lo. Sikhalsehla anih cun i tho ih i dinter ih, 19“Pathian thinhengnak in ziangbangtuk thil a suahter ding tihi ka lo hmuh a si. Na hmuhmi langnak hi caan neta bik thawn pehtlaihnak a nei a si.
20“Ki pahnih a neimi tuucang na hmuhmi kha Media le Persia uknak can-ai a si. 21Mecang kha Grik uknak can-ai a si ih, a mit karlakih a langzetmi ki kha an siangpahrang hmaisa bik can-ai a si. 22Ki pakhat a kiah hnu ih ki pali a hung suakmi kha an ram a ṭhen awk ṭheh hnu ih a hung suak dingmi uknak pali can-ai an si; hi uknak pali hi hmaisa uknak tluk cun an cak lo ding.
23“Cuih uknak pawl an cem zik cuahco thlang ih an siatvaat tuk ruangih hremnak an tuar tikcu a hung kim cuahco tikah mi lungruh, mi sualral le mi bumhmang siangpahrang pakhat a hung suak ding. 24A cak vivo ding, asinain a cahnak cu amah ih thilti theinak ruangah a si lo ding. Siatsuahnak nasa zetin a suahter ding ih a tuahmi hmuahhmuah ah a hlawhtling ding. Mi cak zetzet le Pathian ih minung pawl parah siatnak tampi a thlenter ding. 25Mi depde a si ruangah bumnak in thil a ti thei vivo ding. A zum aw ngaingai ding ih rinloparal ah mi tampi a tisiat ding. Siangpahrang lakih siangpahrang maksak bik hman a dodal ding; sikhalsehla amah cu milai cahnak tel lotein siatsuahnak a tong ding. 26Na hnenih simfiang zo a si mi zinglam le zanlam raithawinak pekmi thu ih langnak na hmuhmi cu a ra kim ngaingai ding. Sikhalsehla thuthup ah ret aw, ziangahtile a kimnak dingah tikcu a rei hrih ding a si,” tiah i ti.
27Ka thin a har ih ni tam nawn sung ka dam lo. Cuih hnuah ka tho ih siangpahrang ih fialmi hna cu ka ṭuan thei sal. Asinain ka hmuhmi cun ka mang i bangter ih ka theih thei mi a si lo.
Currently Selected:
DANIEL 8: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
DANIEL 8
8
Daniel In Tuu Le Me A Hmu
1Belshazzar in siangpahrang a ṭuan kum thumnak ah voihnihnak langnak ka hmu. 2Cuih langnak ka hmuhmi ahcun Elam peng lungdawl ih kulhmi Susa khawpi sungah um in ka thei aw. Ulai Tivapi kapah ka ding ih, 3cuih tivakap ahcun tuucang pakhat, ki saupi pahnih a neimi ka hmu; a ki pakhat cu a dang ki hnakin a sau ih a no deuh fawn. 4Cuih tuucang in nitlak lam, saklam le thlanglam a khik rero kha ka zoh. Ramsa dang in an kham thei lo; a mi nehnak cun an luat thei fawn lo. A duhduh in ziang hmuahhmuah a tuah hluahhlo ih a hngalzet.
5Cumi ih tican mangbangin ka ngaihtuah rero laiah nitlak lam ihsin mecang pakhat a ra tlan ciamco ka hmu; a tlan a cak tuk ih a ke in leilung a dai man lo. A mit le a mit karlakah a langzetmi ki pakhat a nei. 6Tiva kapah a ding ka hmuhmi tuucang lamah cun a feh ih tuucang cu a tha neih patawp in a zon. 7Tuucang a zon le a sual lai cu ka zoh. A thin a heng tuk ih tuucang cu nasa zetin a a ki pahnih kiak ko in a khik. Tuucang cun khik ve theinak thazaang zianghman a nei lo. Leilung ah a ril ih mecang cun a palcih a si; a run theitu zohman an um lo. 8Cuih mecang cu a puarthau deuhdeuh ih a cah bik laitak ah a ki cu a kiak. Cuih ki pakhat ai ahcun a langzetmi ki pali an hung suak; a ki pali cun saklam, thlanglam, nisuah lam le nitlak lam an hoi fingfing. 9Ki pali lakih pakhat sung ihsin ki fate pakhat a hung suak ih a huham cahnak cun thlang lam, nisuah lam le Ram Tiam lam a pan. 10Van ralkap, arsi pawl do ding tlak in a cak ih a do ih a hrekkhat cu leilungih a hlon hnuah a palcih. 11Van ralkap pawl hotu bawi hman a dodal; nitinte a hnenih an pekmi thawinak cu a kham ih Biakinn a tiborhhlawh a si. 12Cutawkah nitin thawinak pek ai-ah minung pawl in sualnak an tuah; biaknak dik cu leilungah hlonthlak a si. A tuahmi hmuahhmuah ah cuih ki cu a hlawhtling a si.
13Cule vancungmi pakhat in a dang vancungmi hnenah, “Hi langnak sungih a langmi thil hi ziangtik tiangso a rei ding? Hi bangtuk tuksumza sualnak hin ziangtik tiangso nitin thawinak pekmi cu a ai-awh ding? Ziangtik tiangso van ralkap pawl le Biakinn cu palcih an si hrih ding?” ti ih a sut kha ka thei.
14Cutikah cuih vancungmi cun, “Hi thil hi zanlam le zinglam thawnghnih le zathum#zanlam le zinglam thawnghnih le zathum timi hi ni thawngkhat le zakhat le sawmnga ti tla in leh a theih. sung a rei ding ih cuih sungah zinglam le zanlam thawinak pekmi zianghman a um lo ding. Cuih hnuah Biakinn cu a hlan vekin a um thei sal ding,” tiah a ti.
Langnak Cu Gabriel In A Fianter
15Cuih langnak ih tican ka ruah rero laiah rinlopi in mi pakhat ka hmaiah a ra ding. 16Ulai Tivapi tlun ihsin aw pakhat in a rak auh ih, “Gabriel, a hmuhmi ih tican cu a hnenah simfiang aw,” a ti. 17Gabriel cu a ra ih ka kiangah a ra ding; ka ṭih tukih leilung ah ka bok.
Ka hnenah cun, “Milaipa, hi thu hi theithiam aw. Na hmuhmi hi leilung cemnak thuthawn pehawknak a nei a si,” tiah a ti. 18Cutiih a ṭong rero laiah ka tlu ih zianghman ka thei lo. Sikhalsehla anih cun i tho ih i dinter ih, 19“Pathian thinhengnak in ziangbangtuk thil a suahter ding tihi ka lo hmuh a si. Na hmuhmi langnak hi caan neta bik thawn pehtlaihnak a nei a si.
20“Ki pahnih a neimi tuucang na hmuhmi kha Media le Persia uknak can-ai a si. 21Mecang kha Grik uknak can-ai a si ih, a mit karlakih a langzetmi ki kha an siangpahrang hmaisa bik can-ai a si. 22Ki pakhat a kiah hnu ih ki pali a hung suakmi kha an ram a ṭhen awk ṭheh hnu ih a hung suak dingmi uknak pali can-ai an si; hi uknak pali hi hmaisa uknak tluk cun an cak lo ding.
23“Cuih uknak pawl an cem zik cuahco thlang ih an siatvaat tuk ruangih hremnak an tuar tikcu a hung kim cuahco tikah mi lungruh, mi sualral le mi bumhmang siangpahrang pakhat a hung suak ding. 24A cak vivo ding, asinain a cahnak cu amah ih thilti theinak ruangah a si lo ding. Siatsuahnak nasa zetin a suahter ding ih a tuahmi hmuahhmuah ah a hlawhtling ding. Mi cak zetzet le Pathian ih minung pawl parah siatnak tampi a thlenter ding. 25Mi depde a si ruangah bumnak in thil a ti thei vivo ding. A zum aw ngaingai ding ih rinloparal ah mi tampi a tisiat ding. Siangpahrang lakih siangpahrang maksak bik hman a dodal ding; sikhalsehla amah cu milai cahnak tel lotein siatsuahnak a tong ding. 26Na hnenih simfiang zo a si mi zinglam le zanlam raithawinak pekmi thu ih langnak na hmuhmi cu a ra kim ngaingai ding. Sikhalsehla thuthup ah ret aw, ziangahtile a kimnak dingah tikcu a rei hrih ding a si,” tiah i ti.
27Ka thin a har ih ni tam nawn sung ka dam lo. Cuih hnuah ka tho ih siangpahrang ih fialmi hna cu ka ṭuan thei sal. Asinain ka hmuhmi cun ka mang i bangter ih ka theih thei mi a si lo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.