2 SAMUEL 22
22
David Ih Ral Nehnak Lungawi Hla
(Saam 18)
1Siangpahrang David cu Saul le midang a ral pawl kut sung ihsin Bawipa Pathian in a luatter tikah Bawipa hnenih a sakmi hla cu a tanglam pawl hi an si:
2 Bawipa cu ka Lungpi a si,
Amah cu ka ralhruang le
I tlentu a si.
3Ka Pathian cu ka beunak
Lungpi le ka himnak a si.
Amah in ralphaw bangin i hum ih,
I ṭan ruangah ka him a si.
Bawipa cu i runtu a si,
I hum ih thi luannak ihsin
i luatter.
4 Bawipa cu ka ko ih,
Ka ral pawl ih kutsung ihsin
i luatter.
Bawipa cu thangṭhat uh!
5Thihnak tilet cun i khuh ih,
Siatnak tisuar cu ka par ihsin
a luang.
6Thihnak in a hridai in i ṭemih,
Thlan khur in thang i kam.
7Ka thin a pit ih Bawipa ih
hnenah ka au,
Ka Pathian hnenah bomnak ka dil.
A biakinn sungah ka aw a thei ih,
Bomnak ka dilnak cu i run ngai.
8 Bawipa cu a thin a heng ruangah,
Leilung pumpi a hnin;
Vanhram tiangin a hnin ṭheh.
9A hnar sung ihsin meikhu a suah,
A ka in mei-alh le meivam a suak.
10 Bawipa in van cu a run hlip ih
a rung ṭum,
Khawdur tla cu a ke hnuai ah a ret.
11Cherubim to in a rung ṭum,
Thli parah cuangin zamrang zetin
a zam.
12Khawthim sungah a zual aw ih,
Khawdur sah zetin a kulh.
13A umnak hmai ih tleunak sungin,
Nimthlakau meivam a suak zohzo.
14Cun Bawipa cu van ihsin khawri
bangin a hrum,
Cungnungbik Bawipa ih aw cu
a khawk durdo.
15A conkiang pawl a kap ih,
A ral pawl an ṭhekdarh aw thluh.
A nimthla a kau ih,
A ral pawl an tlan thluh.
16 Bawipa in a ral pawl a kawkih,
A thinheng in a hro hai tikah,
Tipi thuanthum ih tawdeng cu
a lang ih,
Leilung ih hramṭohnak tiangin
an lang thluh.
A hnar ihsin a thaw a phawt
tikah cun.
17 Bawipa in van ihsin i run dawh
ih i kai ngah,
A thukzet mi tidai sung ihsin
i suah ngah.
18Ka hrangih a cak tukmi ka ral
pawl le
Keimah i huatu pawl ih kut sungin
i run zo.
19Ka thin a pih laitak ah in do,
Asinain Bawipa cun i hum a si.
20Phannak hmun ihsin i hruai suak,
Zalennak hmunah i thlenpi,
Ka parih a lung a awi ruangah
i hum a si.
21Midik ka si man cu Bawipa in
i pek a si;
Mawh neiloin ka kut a fai ruangah
i thluasuah a si.
22 Bawipa ih in hmuhmi lamzin
ka thlun;
Ka Pathian hnen ihsin ka pial lo.
23Amah ih daan hmuahhmuah ka thlun,
A thupek mi pawl ka fehsan dah lo.
24Sualnak cu ka hrial ih,
Soiselnak um lo ka si kha a thei.
25Midik ka si man cu Bawipa in
i pek a si,
Mawh neiloin ka kut a fai ruangah,
i thluasuah a si.
26Rintlak mi hnenah cun rintlak
Bawipa na si.
A famkim mi hnenah cun famkim
Pathian na si.
27A thianghlimmi minung parah cun
a thianghlim in na lang ih,
Mi hrokhrawl pawl hnenah cun
an sualnak hawl fetfettu na si.
28Mi hnuai dor pawl cu na run ih,
Mi hngal pawl cu na namthlak.
29Maw Bawipa nang cu ka mei-inn
na si ih,
Ka thimnak hmuahhmuah na tleuter.
30Ka ral pawl do dingah thazaang
i pek,
An hauhruang pawl lan thei dingah
cahnak i pek.
31Hi Pathian ih thil tuahmi pawl
cu an famkim a si,
A thu pawl cu ziangtluk rintlak
so an si!
Beunak a hawltu hrangah cun,
Amah cu ralphaw a si.
32 Bawipa amah lawng Pathian a si,
Pathian Amah lawng hi kan Lungpi
a si.
33Pathian cu ka beunak cak a si,
Amah in ka lamzin a tluangter.
34Ka ke cu zukneng ke bangin
a zamrang ih,
Tlang parah khoh zetin i dinter.
35Dar li hman nawp thei dingah,
Amah in raldo i zirh.
36Maw Bawipa, na runnak phaw i pek,
I bawm ih mi mak ah i tuah.
37Luat zetin ka ke i karter ih,
Rilh bahnak ka tong dah lo.
38Ka ral pawl cu ka dawi hai ih
ka siatsuah thluh,
Ka neh thluh hlanlo ka kir dah lo.
39Ka vuakthlu hai ih an tho thei
nawn lo;
Ka ke hramah an bokta.
40Raldonak hrangah cahnak i pek,
Ka ral pawl ih parah nehnak i pek.
41Ka ral pawl cu ka hnen ihsin
na tlanter;
I huatu pawl ka siatsuah thluh.
42Bomnak an dil naón zohman in
an run thei lo;
Bawipa an ko naón an aunak
a let lo.
43Ka rial hai ih leivut vekah
an cang;
Ka pal hai ih lamzin ih ciarbek
vekah an cang.
44I dodaltu hnenin i luatter ih,
Miphun tampi tlunah uktu bawi ah
i tuah;
Ka theih dah lomi tla ka ukmi ah
an cang.
45Ramdang mi tla ka hmaiah
an kuun ih,
Ka thupek mi an theih vete in
an thlun.
46Ramdang mi cu an thin a nau ih,
An ralhruang sung ihsin khur
thlohthlo in an ra suak.
47 Bawipa cu a nung!
Lungpi cu thangṭhat uh,
Pathian cu cawisaang sin uh,
Ka rundamnak Lungpi cu.
48Ka aiah phuba latu cu Amah a si,
Miphun tampi ka hnuai ah a ret.
49I raltu pawl ih kutsung ihsin
i luatter.
Maw Bawipa, ka ral pawl ih tlunah
nangmah in nehnak i pek;
Mi siatsuahtu pawl ih kut ihsin
i run zo.
50Curuangah miphun zakip hnenah
Bawipa ka lo thangṭhat ding;
Na hmin thangṭhatnak cu hla in
ka sak ding.
51Pathian in a siangpahrang hnen
ah nehnak a pek;
A cat lomi a duhdawtnak cu,
kumkhua in a langter;
A hril ciami David le a tesinfa
pawl hnenah.
Currently Selected:
2 SAMUEL 22: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
2 SAMUEL 22
22
David Ih Ral Nehnak Lungawi Hla
(Saam 18)
1Siangpahrang David cu Saul le midang a ral pawl kut sung ihsin Bawipa Pathian in a luatter tikah Bawipa hnenih a sakmi hla cu a tanglam pawl hi an si:
2 Bawipa cu ka Lungpi a si,
Amah cu ka ralhruang le
I tlentu a si.
3Ka Pathian cu ka beunak
Lungpi le ka himnak a si.
Amah in ralphaw bangin i hum ih,
I ṭan ruangah ka him a si.
Bawipa cu i runtu a si,
I hum ih thi luannak ihsin
i luatter.
4 Bawipa cu ka ko ih,
Ka ral pawl ih kutsung ihsin
i luatter.
Bawipa cu thangṭhat uh!
5Thihnak tilet cun i khuh ih,
Siatnak tisuar cu ka par ihsin
a luang.
6Thihnak in a hridai in i ṭemih,
Thlan khur in thang i kam.
7Ka thin a pit ih Bawipa ih
hnenah ka au,
Ka Pathian hnenah bomnak ka dil.
A biakinn sungah ka aw a thei ih,
Bomnak ka dilnak cu i run ngai.
8 Bawipa cu a thin a heng ruangah,
Leilung pumpi a hnin;
Vanhram tiangin a hnin ṭheh.
9A hnar sung ihsin meikhu a suah,
A ka in mei-alh le meivam a suak.
10 Bawipa in van cu a run hlip ih
a rung ṭum,
Khawdur tla cu a ke hnuai ah a ret.
11Cherubim to in a rung ṭum,
Thli parah cuangin zamrang zetin
a zam.
12Khawthim sungah a zual aw ih,
Khawdur sah zetin a kulh.
13A umnak hmai ih tleunak sungin,
Nimthlakau meivam a suak zohzo.
14Cun Bawipa cu van ihsin khawri
bangin a hrum,
Cungnungbik Bawipa ih aw cu
a khawk durdo.
15A conkiang pawl a kap ih,
A ral pawl an ṭhekdarh aw thluh.
A nimthla a kau ih,
A ral pawl an tlan thluh.
16 Bawipa in a ral pawl a kawkih,
A thinheng in a hro hai tikah,
Tipi thuanthum ih tawdeng cu
a lang ih,
Leilung ih hramṭohnak tiangin
an lang thluh.
A hnar ihsin a thaw a phawt
tikah cun.
17 Bawipa in van ihsin i run dawh
ih i kai ngah,
A thukzet mi tidai sung ihsin
i suah ngah.
18Ka hrangih a cak tukmi ka ral
pawl le
Keimah i huatu pawl ih kut sungin
i run zo.
19Ka thin a pih laitak ah in do,
Asinain Bawipa cun i hum a si.
20Phannak hmun ihsin i hruai suak,
Zalennak hmunah i thlenpi,
Ka parih a lung a awi ruangah
i hum a si.
21Midik ka si man cu Bawipa in
i pek a si;
Mawh neiloin ka kut a fai ruangah
i thluasuah a si.
22 Bawipa ih in hmuhmi lamzin
ka thlun;
Ka Pathian hnen ihsin ka pial lo.
23Amah ih daan hmuahhmuah ka thlun,
A thupek mi pawl ka fehsan dah lo.
24Sualnak cu ka hrial ih,
Soiselnak um lo ka si kha a thei.
25Midik ka si man cu Bawipa in
i pek a si,
Mawh neiloin ka kut a fai ruangah,
i thluasuah a si.
26Rintlak mi hnenah cun rintlak
Bawipa na si.
A famkim mi hnenah cun famkim
Pathian na si.
27A thianghlimmi minung parah cun
a thianghlim in na lang ih,
Mi hrokhrawl pawl hnenah cun
an sualnak hawl fetfettu na si.
28Mi hnuai dor pawl cu na run ih,
Mi hngal pawl cu na namthlak.
29Maw Bawipa nang cu ka mei-inn
na si ih,
Ka thimnak hmuahhmuah na tleuter.
30Ka ral pawl do dingah thazaang
i pek,
An hauhruang pawl lan thei dingah
cahnak i pek.
31Hi Pathian ih thil tuahmi pawl
cu an famkim a si,
A thu pawl cu ziangtluk rintlak
so an si!
Beunak a hawltu hrangah cun,
Amah cu ralphaw a si.
32 Bawipa amah lawng Pathian a si,
Pathian Amah lawng hi kan Lungpi
a si.
33Pathian cu ka beunak cak a si,
Amah in ka lamzin a tluangter.
34Ka ke cu zukneng ke bangin
a zamrang ih,
Tlang parah khoh zetin i dinter.
35Dar li hman nawp thei dingah,
Amah in raldo i zirh.
36Maw Bawipa, na runnak phaw i pek,
I bawm ih mi mak ah i tuah.
37Luat zetin ka ke i karter ih,
Rilh bahnak ka tong dah lo.
38Ka ral pawl cu ka dawi hai ih
ka siatsuah thluh,
Ka neh thluh hlanlo ka kir dah lo.
39Ka vuakthlu hai ih an tho thei
nawn lo;
Ka ke hramah an bokta.
40Raldonak hrangah cahnak i pek,
Ka ral pawl ih parah nehnak i pek.
41Ka ral pawl cu ka hnen ihsin
na tlanter;
I huatu pawl ka siatsuah thluh.
42Bomnak an dil naón zohman in
an run thei lo;
Bawipa an ko naón an aunak
a let lo.
43Ka rial hai ih leivut vekah
an cang;
Ka pal hai ih lamzin ih ciarbek
vekah an cang.
44I dodaltu hnenin i luatter ih,
Miphun tampi tlunah uktu bawi ah
i tuah;
Ka theih dah lomi tla ka ukmi ah
an cang.
45Ramdang mi tla ka hmaiah
an kuun ih,
Ka thupek mi an theih vete in
an thlun.
46Ramdang mi cu an thin a nau ih,
An ralhruang sung ihsin khur
thlohthlo in an ra suak.
47 Bawipa cu a nung!
Lungpi cu thangṭhat uh,
Pathian cu cawisaang sin uh,
Ka rundamnak Lungpi cu.
48Ka aiah phuba latu cu Amah a si,
Miphun tampi ka hnuai ah a ret.
49I raltu pawl ih kutsung ihsin
i luatter.
Maw Bawipa, ka ral pawl ih tlunah
nangmah in nehnak i pek;
Mi siatsuahtu pawl ih kut ihsin
i run zo.
50Curuangah miphun zakip hnenah
Bawipa ka lo thangṭhat ding;
Na hmin thangṭhatnak cu hla in
ka sak ding.
51Pathian in a siangpahrang hnen
ah nehnak a pek;
A cat lomi a duhdawtnak cu,
kumkhua in a langter;
A hril ciami David le a tesinfa
pawl hnenah.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.