2 SANSIARNAK 7
7
Pathian Hnenah Biakinn An Hlan
(1 Sian. 8.62-66)
1Solomon cu thla a cam thluh tikah van in meisa a rung ih an thilpekmi thawinak pawl cu a kaang ṭheh; cule Bawipa ih sunlawinak huham in Biakinn cu a khat ṭheh. 2Biakinn cu tleunak in a khah ruangah puithiam pawl a sungah an lut thei lo. 3Van in meisa a rungmi le Biakinn cu tleunak in a khah kha Israel mi pawl in an hmuh tikah an dinnak tual ahcun an lu an kun ih Pathian bia in amah cu an thangṭhat,
“Bawipa cu a ṭha,
A duhdawtnak cu kumkhua in
a hmun” tiah an ti.
4Cuih hnuah Siangpahrang Solomon le misenpi in Bawipa ih hnenah thawinak an pek. 5Cuih thawinak hrangah Solomon in caw thawngkul hluanhnih le tuu thawng zakhat le thawngkul a pek. Cuticun siangpahrang le misenpi in Biakinn cu Bawipa ih hnenah an hlan. 6Puithiam pawl cu an hnaṭuannak hmun ciarah an ding ih Levi mi pawl cu an lam hoi in an ding. Siangpahrang David ih a rak hmanmi awn-mawi a phunphun thawn, “A duhdawtnak cu kumkhua in a hmun,” timi hla sak phah in Bawipa cu an thangṭhat. Puithiam pawl in tawtawrawt an tum laiah misenpi pawl cu an ding thluh.
7Cule Solomon in a tual laifang, Biakinn hmaizawn cu a thianhlimter hnuah cutawkah mei-ur thawinak, thlairawl thawinak, le remnak thawinak pawl pekmi ih sathau cu Pathian hnenah a hlan. Hizat thawinak hrangah cun dar biakṭheng a tuahmi cu a fatet tuk ruangah cutawkah thawinak pawl a pek a si.
8Solomon le Israel mi pawl in Puai cu ni sarih sung an tuah. Puai hmun ih a rami pawl cu an tam ngaingai; saklam ah Hamath khua luhnak tlangkawn in le thlanglam ah Izipt ramri tiangin an ra. 9A netnak ni ah puai an tuah. Biakṭheng hlannak ah ni sarih an rei ih puai tuahnak ah a dang ni sarih an rei lala. 10Thla sarih thla, ni kul hluanthum ni ah Solomon in misenpi cu an inn ciarah a tlunter thluh. Bawipa in Israel mi le David le Solomon hnenah thluasuah a pek ruangah misenpi cu lungawi aipuang tein an tlung.
Solomon Hnenah Pathian A Langsal
(1 Sian. 9.1-9)
11Siangpahrang Solomon in Biakinn le siangpahrang inn cu a saduhthah le a ruangrai suaimi sungih a um vekin tlamtlingte in a sak ṭheh. 12Cule Bawipa cu Solomon hnenah zanah a lang ih a hnenah, “Na thlacamnak ka thei ih hi Biakinn cu ka hnenih thawinak nan peknak hmun dingah ka lungkim mi a si. 13Vanruah ka surter lo tikah maw, rawl ei ṭhehtu dingah kharbok ka thlah tikah maw, a si lole ka minung pawl parih natsia ka thlenter tikah maw, 14ka hmin in kawhmi ka minung pawl in ka hnenah lungsiir in thla an cam ih ka mithmai an hawl ih an thil ṭha lo tuahnak ihsin an kirsal a si ahcun van in an thlacamnak ka thei ding ih an sualnak ka ngaithiam ding ih an ram cu ka damter ding. 15Hi hmun cu ka kilveng ding ih hitawk ihsin ka hnenih thla an camnak cu ka thei ding. 16Hi Biakinn cu ka hril zomi a si ih a kumkhua ih keimah biaknak hmunah ka thianhlimter zo mi a si. Hi hmun cu ka kilveng ding ih a kumkhua in ka humhim ding a si. 17Nangmah ih cungcang thu ahcun na pa David bangtuk in ka daan le ka thupekmi pawl na thlun ih rinsantlak le felzetin ka hna na ṭuan ahcun, 18na tesinfa in Israel cu an uk ringring ding, tiah na pa David hnenih thukamnak ka rak tuahmi cu ka kimter ding. 19Sikhalsehla nangmah le na minung pawl in ka daan le ka thupekmi pawl nan thlun lo ih khawzing dangdang tla nan biak asile, 20ka lo pekmi ram ihsin ka lo dawihlo hai dingih keimah in biaknak hmunah tiih ka thianhlimter ciami Biakinn cu ka taanta ding; Israel cu mi hmuahhmuah ih hmuhsuammi le nautatmi ah a cang ding.
21“Atu ahcun hi Biakinn cu mikip ih porhmi a si; asinain cutikah cun a siatral thluh ding ih mi sukso pawl in an hmuh tikah mangbang khawruahhar in, ‘Ziangah so Bawipa in hi ram le hi Biakinn cu hiti lawmmam in a tisiat?’ an ti tikah, 22mikip in, ‘Bawipa an Pathian, Izipt ram ihsin an pupa a hruaisuaktu cu an dungtun, an hnong ih khawzing dang hmaiah an kuun ih an biaksan ruangah Bawipa in an parah hi tlukin siatsuahnak a thlenternak a si,’ an ti ding,” tiah a ti.
Currently Selected:
2 SANSIARNAK 7: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
2 SANSIARNAK 7
7
Pathian Hnenah Biakinn An Hlan
(1 Sian. 8.62-66)
1Solomon cu thla a cam thluh tikah van in meisa a rung ih an thilpekmi thawinak pawl cu a kaang ṭheh; cule Bawipa ih sunlawinak huham in Biakinn cu a khat ṭheh. 2Biakinn cu tleunak in a khah ruangah puithiam pawl a sungah an lut thei lo. 3Van in meisa a rungmi le Biakinn cu tleunak in a khah kha Israel mi pawl in an hmuh tikah an dinnak tual ahcun an lu an kun ih Pathian bia in amah cu an thangṭhat,
“Bawipa cu a ṭha,
A duhdawtnak cu kumkhua in
a hmun” tiah an ti.
4Cuih hnuah Siangpahrang Solomon le misenpi in Bawipa ih hnenah thawinak an pek. 5Cuih thawinak hrangah Solomon in caw thawngkul hluanhnih le tuu thawng zakhat le thawngkul a pek. Cuticun siangpahrang le misenpi in Biakinn cu Bawipa ih hnenah an hlan. 6Puithiam pawl cu an hnaṭuannak hmun ciarah an ding ih Levi mi pawl cu an lam hoi in an ding. Siangpahrang David ih a rak hmanmi awn-mawi a phunphun thawn, “A duhdawtnak cu kumkhua in a hmun,” timi hla sak phah in Bawipa cu an thangṭhat. Puithiam pawl in tawtawrawt an tum laiah misenpi pawl cu an ding thluh.
7Cule Solomon in a tual laifang, Biakinn hmaizawn cu a thianhlimter hnuah cutawkah mei-ur thawinak, thlairawl thawinak, le remnak thawinak pawl pekmi ih sathau cu Pathian hnenah a hlan. Hizat thawinak hrangah cun dar biakṭheng a tuahmi cu a fatet tuk ruangah cutawkah thawinak pawl a pek a si.
8Solomon le Israel mi pawl in Puai cu ni sarih sung an tuah. Puai hmun ih a rami pawl cu an tam ngaingai; saklam ah Hamath khua luhnak tlangkawn in le thlanglam ah Izipt ramri tiangin an ra. 9A netnak ni ah puai an tuah. Biakṭheng hlannak ah ni sarih an rei ih puai tuahnak ah a dang ni sarih an rei lala. 10Thla sarih thla, ni kul hluanthum ni ah Solomon in misenpi cu an inn ciarah a tlunter thluh. Bawipa in Israel mi le David le Solomon hnenah thluasuah a pek ruangah misenpi cu lungawi aipuang tein an tlung.
Solomon Hnenah Pathian A Langsal
(1 Sian. 9.1-9)
11Siangpahrang Solomon in Biakinn le siangpahrang inn cu a saduhthah le a ruangrai suaimi sungih a um vekin tlamtlingte in a sak ṭheh. 12Cule Bawipa cu Solomon hnenah zanah a lang ih a hnenah, “Na thlacamnak ka thei ih hi Biakinn cu ka hnenih thawinak nan peknak hmun dingah ka lungkim mi a si. 13Vanruah ka surter lo tikah maw, rawl ei ṭhehtu dingah kharbok ka thlah tikah maw, a si lole ka minung pawl parih natsia ka thlenter tikah maw, 14ka hmin in kawhmi ka minung pawl in ka hnenah lungsiir in thla an cam ih ka mithmai an hawl ih an thil ṭha lo tuahnak ihsin an kirsal a si ahcun van in an thlacamnak ka thei ding ih an sualnak ka ngaithiam ding ih an ram cu ka damter ding. 15Hi hmun cu ka kilveng ding ih hitawk ihsin ka hnenih thla an camnak cu ka thei ding. 16Hi Biakinn cu ka hril zomi a si ih a kumkhua ih keimah biaknak hmunah ka thianhlimter zo mi a si. Hi hmun cu ka kilveng ding ih a kumkhua in ka humhim ding a si. 17Nangmah ih cungcang thu ahcun na pa David bangtuk in ka daan le ka thupekmi pawl na thlun ih rinsantlak le felzetin ka hna na ṭuan ahcun, 18na tesinfa in Israel cu an uk ringring ding, tiah na pa David hnenih thukamnak ka rak tuahmi cu ka kimter ding. 19Sikhalsehla nangmah le na minung pawl in ka daan le ka thupekmi pawl nan thlun lo ih khawzing dangdang tla nan biak asile, 20ka lo pekmi ram ihsin ka lo dawihlo hai dingih keimah in biaknak hmunah tiih ka thianhlimter ciami Biakinn cu ka taanta ding; Israel cu mi hmuahhmuah ih hmuhsuammi le nautatmi ah a cang ding.
21“Atu ahcun hi Biakinn cu mikip ih porhmi a si; asinain cutikah cun a siatral thluh ding ih mi sukso pawl in an hmuh tikah mangbang khawruahhar in, ‘Ziangah so Bawipa in hi ram le hi Biakinn cu hiti lawmmam in a tisiat?’ an ti tikah, 22mikip in, ‘Bawipa an Pathian, Izipt ram ihsin an pupa a hruaisuaktu cu an dungtun, an hnong ih khawzing dang hmaiah an kuun ih an biaksan ruangah Bawipa in an parah hi tlukin siatsuahnak a thlenternak a si,’ an ti ding,” tiah a ti.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.