2 SANSIARNAK 31
31
Hezekiah In Daan A Rem Sal
1An puai tuah mi an ṭheh tikah Israel mi hmuahhmuah an zatein Judah ramsung khua kipah an feh ih lungphun thianghlim pawl an khuai, khawzingnu Asherah hrang timi thingphun thianghlim pawl an hau ih biakṭheng le an khuavang biaknak hmun pawl an siatbal ṭheh. Judah ram lawngah si loin Efraim ram, Benjamin ram le Manasseh ram tla ah cubangtuk in an tuah ih cuih hnuah an inn ciarah an tlung.
2Siangpahrang Hezekiah in puithiam le Levi mi pawl ih hnaṭuan cu a thar in a rem sal ih cuticun puithiam le Levi mipawl ṭuanvo an nei fingfing. An hnaṭuan cu mei-ur thawi peknak, remnak thawinak le Biakinn sung Pathian biaknak ih tel ding le Biakinn sung khaan kipah Pathian thangṭhat le Pathian hnenih lungawinak sim tla an si. 3Zinglam le zanlam ih mei-ur thawinak pekmi hrangah le Sabbath ni le Thla Thar Puai hrangah siseh, Bawipa ih Daan pekmi bangtuk in tuah ding a ṭulmi puai dangdang hrangah siseh, siangpahrang Hezekiah in a cawrual le a tuurual sungin rannung tampi a pek.
4Cuih tlunah Bawipa ih Daan vekih puithiam le Levi pawl in an tikcu neihzat caan an pek theinak dingah misenpi pawl in covo an neih mi thawinak pawl cu rak pe dingin siangpahrang in Jerusalem khuami hnenah thu a pek. 5Siangpahrang thupekmi an theih vete in Israel mi pawl in laksawng#Laksawng cu puithiam pawl hrangah a si ih thawhlawm ti tla in leh a theih; ṭhenhra ṭhenkhat cu Levi mi pawl hrangah a si, (Mipum 18:12-13, 21, sungah zoh.) an rak kengih an neihmi lakih a ṭha bik sangphut, sabitti, olif hriak, khuaitizu le an lo ihsin a suak mi dangdang an pek; cule an neihmi hmuahhmuah sungin ṭhen hra ṭhen khat tla an pek. 6Judah khua pawl ih a ummi hmuahhmuah in, Israel mi siseh, Judah mi siseh, an caw le an tuu pawl ṭhen hra ṭhen khat an pek; cuih tlunah Bawipa hnenih an hlan ciami thilri thiang sung in ṭhenhra ṭhenkhat an pek fawn. An pekmi cu vuun liailiai in a um. 7Thla thumnak thla in an laksawng pek cu an thok ih thla sarih thla tiang cat loin an pek. 8Siangpahrang Hezekiah le a kuthnuai bawi pawl in cubangtuk in vuun liailiai ih an pekmi laksawng an hmuh tikah Bawipa an thangṭhat ih Israel mi pawl hrangah thlawsuah an dil sak. 9Cuih laksawng thu cu siangpahrang bawipa in puithiam le Levi mi pawl hnenih a suh tikah, 10Zadok tesinfa Puithiam Sang Azariah in, “Bawipa Biakinn ih laksawng an rak ken thok ihsin ei-in ding cu tlamtling zetin kan nei ih a hleimi khal hitluk tam hi a si. Bawipa in a minung pawl mal a sawm ruangah hitluk tam hi kan nei a si,” tiah a ti.
11Cutikah Bawipa ih Biakinn kapih thil retnak khaan pawl sak dingin siangpahrang in thu a pek; 12a thupek vekin an tuah ih misenpi ih pekmi thawhlawm, laksawng le ṭhen hra ṭhen khat pawl cu cutawkah felzet in an ret. Levi mi Konaniah cu a kiltu ah an ret ih a unau Shimei cu a sangtu ah an ret. 13An kuthnuai ih hnaṭuantu dingah Levi mi pahra an ret ih Jehiel, Azaziah, Nahath, Asahel, Jerimoth, Jozabad, Eliel, Ismakhiah, Mahath le Benaiah an si. Hi an retmi pawl cu siangpahrang Hezekiah le Puithiam Sang Azariah thupek vekih retmi an si. 14Biakinn Nisuahnak lam Kotka kiltu Levi mi Imnah ih fapa Kore cu Bawipa hnenih an rak kenmi laksawng a rak sangtu le a zemtu a si. 15Puithiam umnak khua dangah cuih hnaṭuan cu Levi mi amah bawmtu dangdang in an ṭuan; a bawmtu pawl cu Eden, Miniamin, Jeshua, Shemaiah, Amariah le Shekaniah an si. An hnaṭuan mi zoh in an unau Levi mi pawl hnenah a tam a mal bangrep in an zem. 16Cu hrin kha hrin, tiin an zem lo. Biakinn ih hnaṭuan nei mipa kum sawmthum#Kum sawmthum timi hi Ca Thianghlim hrekkhat ahcun kum thum ti tla in a um. le a tlunlam hmuahhmuah cu an hnaṭuan thlun in an zem ciar a si. 17Puithiam pawl cu an hrin ciar in hnaṭuan an nei; Levi mi mipa kum kul le a tlunlam pawl cu a bur a bur in hnaṭuan an nei. 18An hnaṭuan sunglawi cu ziangtik caan khalah a ṭuantu ding an si hrangah an nupi, an fanote, an fanu le an fapa pawl thawn siarcih thluh an si. 19Aaron tesinfa khawsungih a ummi puithiam pawl, a si lole khua kiangkapih rannung tlannak ram sungih a ummi puithiam pawl lakah ṭuanvo neitu mipa an um ih anmah pawl in puithiam sungkhat mipa hmuahhmuah le Levi miphun mipum siarnak sungih a telmi hmuahhmuah cu an covo ciar an zem hai.
20Judah ram sung hmuahhmuah ah Siangpahrang Hezekiah in Bawipa a Pathian ih lungawinak le a dikmi thil a tuah. 21Biakinn hrang hnaṭuannak ah siseh, Daan thu thlunnak ah siseh, thinlung taktein Pathian hnenah a pek awk ruangah a hlawhtling a si.
Currently Selected:
2 SANSIARNAK 31: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
2 SANSIARNAK 31
31
Hezekiah In Daan A Rem Sal
1An puai tuah mi an ṭheh tikah Israel mi hmuahhmuah an zatein Judah ramsung khua kipah an feh ih lungphun thianghlim pawl an khuai, khawzingnu Asherah hrang timi thingphun thianghlim pawl an hau ih biakṭheng le an khuavang biaknak hmun pawl an siatbal ṭheh. Judah ram lawngah si loin Efraim ram, Benjamin ram le Manasseh ram tla ah cubangtuk in an tuah ih cuih hnuah an inn ciarah an tlung.
2Siangpahrang Hezekiah in puithiam le Levi mi pawl ih hnaṭuan cu a thar in a rem sal ih cuticun puithiam le Levi mipawl ṭuanvo an nei fingfing. An hnaṭuan cu mei-ur thawi peknak, remnak thawinak le Biakinn sung Pathian biaknak ih tel ding le Biakinn sung khaan kipah Pathian thangṭhat le Pathian hnenih lungawinak sim tla an si. 3Zinglam le zanlam ih mei-ur thawinak pekmi hrangah le Sabbath ni le Thla Thar Puai hrangah siseh, Bawipa ih Daan pekmi bangtuk in tuah ding a ṭulmi puai dangdang hrangah siseh, siangpahrang Hezekiah in a cawrual le a tuurual sungin rannung tampi a pek.
4Cuih tlunah Bawipa ih Daan vekih puithiam le Levi pawl in an tikcu neihzat caan an pek theinak dingah misenpi pawl in covo an neih mi thawinak pawl cu rak pe dingin siangpahrang in Jerusalem khuami hnenah thu a pek. 5Siangpahrang thupekmi an theih vete in Israel mi pawl in laksawng#Laksawng cu puithiam pawl hrangah a si ih thawhlawm ti tla in leh a theih; ṭhenhra ṭhenkhat cu Levi mi pawl hrangah a si, (Mipum 18:12-13, 21, sungah zoh.) an rak kengih an neihmi lakih a ṭha bik sangphut, sabitti, olif hriak, khuaitizu le an lo ihsin a suak mi dangdang an pek; cule an neihmi hmuahhmuah sungin ṭhen hra ṭhen khat tla an pek. 6Judah khua pawl ih a ummi hmuahhmuah in, Israel mi siseh, Judah mi siseh, an caw le an tuu pawl ṭhen hra ṭhen khat an pek; cuih tlunah Bawipa hnenih an hlan ciami thilri thiang sung in ṭhenhra ṭhenkhat an pek fawn. An pekmi cu vuun liailiai in a um. 7Thla thumnak thla in an laksawng pek cu an thok ih thla sarih thla tiang cat loin an pek. 8Siangpahrang Hezekiah le a kuthnuai bawi pawl in cubangtuk in vuun liailiai ih an pekmi laksawng an hmuh tikah Bawipa an thangṭhat ih Israel mi pawl hrangah thlawsuah an dil sak. 9Cuih laksawng thu cu siangpahrang bawipa in puithiam le Levi mi pawl hnenih a suh tikah, 10Zadok tesinfa Puithiam Sang Azariah in, “Bawipa Biakinn ih laksawng an rak ken thok ihsin ei-in ding cu tlamtling zetin kan nei ih a hleimi khal hitluk tam hi a si. Bawipa in a minung pawl mal a sawm ruangah hitluk tam hi kan nei a si,” tiah a ti.
11Cutikah Bawipa ih Biakinn kapih thil retnak khaan pawl sak dingin siangpahrang in thu a pek; 12a thupek vekin an tuah ih misenpi ih pekmi thawhlawm, laksawng le ṭhen hra ṭhen khat pawl cu cutawkah felzet in an ret. Levi mi Konaniah cu a kiltu ah an ret ih a unau Shimei cu a sangtu ah an ret. 13An kuthnuai ih hnaṭuantu dingah Levi mi pahra an ret ih Jehiel, Azaziah, Nahath, Asahel, Jerimoth, Jozabad, Eliel, Ismakhiah, Mahath le Benaiah an si. Hi an retmi pawl cu siangpahrang Hezekiah le Puithiam Sang Azariah thupek vekih retmi an si. 14Biakinn Nisuahnak lam Kotka kiltu Levi mi Imnah ih fapa Kore cu Bawipa hnenih an rak kenmi laksawng a rak sangtu le a zemtu a si. 15Puithiam umnak khua dangah cuih hnaṭuan cu Levi mi amah bawmtu dangdang in an ṭuan; a bawmtu pawl cu Eden, Miniamin, Jeshua, Shemaiah, Amariah le Shekaniah an si. An hnaṭuan mi zoh in an unau Levi mi pawl hnenah a tam a mal bangrep in an zem. 16Cu hrin kha hrin, tiin an zem lo. Biakinn ih hnaṭuan nei mipa kum sawmthum#Kum sawmthum timi hi Ca Thianghlim hrekkhat ahcun kum thum ti tla in a um. le a tlunlam hmuahhmuah cu an hnaṭuan thlun in an zem ciar a si. 17Puithiam pawl cu an hrin ciar in hnaṭuan an nei; Levi mi mipa kum kul le a tlunlam pawl cu a bur a bur in hnaṭuan an nei. 18An hnaṭuan sunglawi cu ziangtik caan khalah a ṭuantu ding an si hrangah an nupi, an fanote, an fanu le an fapa pawl thawn siarcih thluh an si. 19Aaron tesinfa khawsungih a ummi puithiam pawl, a si lole khua kiangkapih rannung tlannak ram sungih a ummi puithiam pawl lakah ṭuanvo neitu mipa an um ih anmah pawl in puithiam sungkhat mipa hmuahhmuah le Levi miphun mipum siarnak sungih a telmi hmuahhmuah cu an covo ciar an zem hai.
20Judah ram sung hmuahhmuah ah Siangpahrang Hezekiah in Bawipa a Pathian ih lungawinak le a dikmi thil a tuah. 21Biakinn hrang hnaṭuannak ah siseh, Daan thu thlunnak ah siseh, thinlung taktein Pathian hnenah a pek awk ruangah a hlawhtling a si.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.