2 SANSIARNAK 26
26
Judah Siangpahrang Uzziah
(2 Sian. 14.21-22; 15.1-7)
1Judah mi in Amaziah ih fapa, kum hleiruk ti, Uzziah cu a pa ai ih siangpahrang ṭuan dingah an hril. 2A pa Amaziah thih hnuah Uzziah in Elath khua a la sal ih a rem.
3Uzziah cu kum hleiruk a ti ah siangpahrang a cang ih Jerusalem ihsin kum sawmnga le kum hnih sung a uk. A nu cu Jerusalem khuami Jekoliah a si. 4A pa ih nunzia thlun in Bawipa ih hmaiah thilṭha a tuah ih Bawipa ih lung a awiter. 5Uzziah cu Zekhariah in Bawipa ṭihzah upat dingah a zirh ih Zekhariah a damsung ahcun Bawipa ih hna felzetin a ṭuan. Curuangah Bawipa in mal a sawm a si.
6Cule Uzziah in Filistin ram a do. Gath, Jamnia le Ashdod khua pawl kulhnak ralhruang a bal ṭheh ih Ashdod kiangkap le Filistin ram hmun dangdangah ralhruang ih kulhmi khua tampi a dinter. 7Pathian bomnak in Filistin mi, Gurbaal ih um Arab mi le Meun mi pawl a neh. 8Ammon mi in Uzziah hnenah siah an pek. Uzziah cu a cakzet ih Izipt ram tiangin a hmin a thang.
9Uzziah in Jerusalem kulhnak ralhruang cu fek deuhdeuh in a sak ih Khawkil Kotka, Phairawn Kotka le ralhruang a kelnak zawn kipah ralvennak inn donhleisang a sak. 10Hramlak nelrawn khalah ralhruang ih kulh mi ralvennak innsanghlei a sak. Rannung tampi a neih ruangah nitlaknak lam tlanghram ah le hmunrawn khalah tikhur tampi a lai. Lo thlawh lam ngainami a si ruangah tlangpar ram le ram ṭhatnak hmun kipah sabit hmuan le lo tuah dingin misenpi a forh ciamco.
11Raldo zir ciami ralkap tamzet a nei. Ralkap mipum cazin cu siangpahrang kuthnuai ih ralbawi pakhat Hananiah ho in siangpahrang sungṭuan pahnih Jeiel le Maaseiah in an kai. 12A ralkap pawl hotu-ah ralbawi thawnghnih le zaruk an um. 13An kutthuai ah ralkap thawng zathum le thawng sarih le zanga cu siangpahrang ral dotu dingah timtuah cia ringring in an um. 14Uzziah in a ralkap pawl cu ralphaw, feipi, thir lukhuh, thir angki, li le conkiang pawl le lungherhden#Lungherhden timi cu lungto herh tahrat in na zetih deng thei saili vek raldonak ih an rak hmanmi a si ih kaihbu tiah khal ti a theih. hrangah lungto tiangin a pek. 15Jerusalem khua ralvennak innsanghlei le ralhruang kiil in conkiang le lungherhden saitu le lungto tumpipi sai theitu pawl ih an hman dingah hriamnam tuah thiamtu pawl in thilthuam a phunphun an tuah. Uzziah hmin cu khuazakip ah a thang; Pathian bomnak nasa zetin a ngah ruangah a cak ngaingai.
A Hngal Ruangah A Tuar
16Asinain siangpahrang Uzziah cu a rung cah ngaingai tikah mi hngalzet ah a cang ih cumicun a dirhthlak a si. Bawipa a Pathian a dodal ruangah Biakinn sungah feh tahratin rimhmui urnak biakṭheng ah rimhmui a ur. 17Puithiam Azariah le mi cakzet le ralṭhazet puithiam sawmriat in, 18kham dingah siangpahrang cu an thlun. Puithiam pawl in, “Uzziah, nang in Bawipa ih hnenah rimhmui ur theinak thu na nei lo. Aaron tesinfa a si mi puithiam pawl lawnglawng hi hna ṭuantu dingah thianhlimtermi an si. Hi hmun thianghlim ihsin tlan aw. Bawipa Pathian cu a thin na ṭeuter ih thlawsuah a lo pe nawn lo ding a si,” tiah an ti.
19Uzziah cu Biakinn sung rimhmui biakṭheng kiangah cun a ding ih rimhmui urnak kheng cu a kai ringring. Puithiam pawl parah a thin a heng ih cuvete in phaarnat in a cal ah a run tlak. 20Azariah le puithiam dang pawl cun tuksum in siangpahrang bawipa ih cal cu cat loin an zoh ih cuih hnuah Biakinn ihsin tlan dingah an dawisuak. Cule Pathian in a hrem ruangah amah khal zamrangte in leengah a suak duh.
21A nunsung hmuahhmuah a phar ruangah siangpahrang Uzziah cu mithiang lo ah a cang. Biakinn sungah a lut thei nawn lo ih a innsung lawngah a um; a hnaṭuan hmuahhmuah cu an sawng ih a fapa Jotham in ram a uk.
22Siangpahrang Uzziah in ram a uk sungih hna a ṭuanmi dangdang pawl cu Amoz ih fapa Isaiah in cabu sungah a ngan thluh a si. 23Uzziah cu a thi ih siangpahrang thlaanmual ah an phum; asinain a natnak ruangah siangpahrang pawl an phum ṭheunak thlan ahcun an phum lo. A fapa Jotham in a ai-ah siangpahrang a run ṭuan.
Currently Selected:
2 SANSIARNAK 26: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
2 SANSIARNAK 26
26
Judah Siangpahrang Uzziah
(2 Sian. 14.21-22; 15.1-7)
1Judah mi in Amaziah ih fapa, kum hleiruk ti, Uzziah cu a pa ai ih siangpahrang ṭuan dingah an hril. 2A pa Amaziah thih hnuah Uzziah in Elath khua a la sal ih a rem.
3Uzziah cu kum hleiruk a ti ah siangpahrang a cang ih Jerusalem ihsin kum sawmnga le kum hnih sung a uk. A nu cu Jerusalem khuami Jekoliah a si. 4A pa ih nunzia thlun in Bawipa ih hmaiah thilṭha a tuah ih Bawipa ih lung a awiter. 5Uzziah cu Zekhariah in Bawipa ṭihzah upat dingah a zirh ih Zekhariah a damsung ahcun Bawipa ih hna felzetin a ṭuan. Curuangah Bawipa in mal a sawm a si.
6Cule Uzziah in Filistin ram a do. Gath, Jamnia le Ashdod khua pawl kulhnak ralhruang a bal ṭheh ih Ashdod kiangkap le Filistin ram hmun dangdangah ralhruang ih kulhmi khua tampi a dinter. 7Pathian bomnak in Filistin mi, Gurbaal ih um Arab mi le Meun mi pawl a neh. 8Ammon mi in Uzziah hnenah siah an pek. Uzziah cu a cakzet ih Izipt ram tiangin a hmin a thang.
9Uzziah in Jerusalem kulhnak ralhruang cu fek deuhdeuh in a sak ih Khawkil Kotka, Phairawn Kotka le ralhruang a kelnak zawn kipah ralvennak inn donhleisang a sak. 10Hramlak nelrawn khalah ralhruang ih kulh mi ralvennak innsanghlei a sak. Rannung tampi a neih ruangah nitlaknak lam tlanghram ah le hmunrawn khalah tikhur tampi a lai. Lo thlawh lam ngainami a si ruangah tlangpar ram le ram ṭhatnak hmun kipah sabit hmuan le lo tuah dingin misenpi a forh ciamco.
11Raldo zir ciami ralkap tamzet a nei. Ralkap mipum cazin cu siangpahrang kuthnuai ih ralbawi pakhat Hananiah ho in siangpahrang sungṭuan pahnih Jeiel le Maaseiah in an kai. 12A ralkap pawl hotu-ah ralbawi thawnghnih le zaruk an um. 13An kutthuai ah ralkap thawng zathum le thawng sarih le zanga cu siangpahrang ral dotu dingah timtuah cia ringring in an um. 14Uzziah in a ralkap pawl cu ralphaw, feipi, thir lukhuh, thir angki, li le conkiang pawl le lungherhden#Lungherhden timi cu lungto herh tahrat in na zetih deng thei saili vek raldonak ih an rak hmanmi a si ih kaihbu tiah khal ti a theih. hrangah lungto tiangin a pek. 15Jerusalem khua ralvennak innsanghlei le ralhruang kiil in conkiang le lungherhden saitu le lungto tumpipi sai theitu pawl ih an hman dingah hriamnam tuah thiamtu pawl in thilthuam a phunphun an tuah. Uzziah hmin cu khuazakip ah a thang; Pathian bomnak nasa zetin a ngah ruangah a cak ngaingai.
A Hngal Ruangah A Tuar
16Asinain siangpahrang Uzziah cu a rung cah ngaingai tikah mi hngalzet ah a cang ih cumicun a dirhthlak a si. Bawipa a Pathian a dodal ruangah Biakinn sungah feh tahratin rimhmui urnak biakṭheng ah rimhmui a ur. 17Puithiam Azariah le mi cakzet le ralṭhazet puithiam sawmriat in, 18kham dingah siangpahrang cu an thlun. Puithiam pawl in, “Uzziah, nang in Bawipa ih hnenah rimhmui ur theinak thu na nei lo. Aaron tesinfa a si mi puithiam pawl lawnglawng hi hna ṭuantu dingah thianhlimtermi an si. Hi hmun thianghlim ihsin tlan aw. Bawipa Pathian cu a thin na ṭeuter ih thlawsuah a lo pe nawn lo ding a si,” tiah an ti.
19Uzziah cu Biakinn sung rimhmui biakṭheng kiangah cun a ding ih rimhmui urnak kheng cu a kai ringring. Puithiam pawl parah a thin a heng ih cuvete in phaarnat in a cal ah a run tlak. 20Azariah le puithiam dang pawl cun tuksum in siangpahrang bawipa ih cal cu cat loin an zoh ih cuih hnuah Biakinn ihsin tlan dingah an dawisuak. Cule Pathian in a hrem ruangah amah khal zamrangte in leengah a suak duh.
21A nunsung hmuahhmuah a phar ruangah siangpahrang Uzziah cu mithiang lo ah a cang. Biakinn sungah a lut thei nawn lo ih a innsung lawngah a um; a hnaṭuan hmuahhmuah cu an sawng ih a fapa Jotham in ram a uk.
22Siangpahrang Uzziah in ram a uk sungih hna a ṭuanmi dangdang pawl cu Amoz ih fapa Isaiah in cabu sungah a ngan thluh a si. 23Uzziah cu a thi ih siangpahrang thlaanmual ah an phum; asinain a natnak ruangah siangpahrang pawl an phum ṭheunak thlan ahcun an phum lo. A fapa Jotham in a ai-ah siangpahrang a run ṭuan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.