2 SANSIARNAK 22
22
Judah Siangpahrang Ahaziah
(2 Sian. 8.25-29; 9.21-28)
1Arab pawl in Jerusalem an do laiah mi hrekkhat in siangpahrang Jehoram fapa hmuahhmuah, a nauta bik Ahaziah siar lo, an that ṭheh. Curuangah Jerusalem mi pawl in a pa ai-awh ah Ahaziah cu siangpahrang ah an tuah. 2Ahaziah siangpahrang a can tikah kum kul hluanhnih#Kum kul hluanhnih timi hi Hebru Ca Thianghlim sung ahcun Kum sawmli le kum hnih tiah an ngan. Asinain 2 Siangpahrang 8:26 ah Kum kul hluanhnih tiin a um zo. a ti ih Jerusalem in kum khat a uk. A nu cu Israel siangpahrang Omri ih tunu, Ahab fanu Athaliah a si. 3A nu in thusia a forh ruangah Ahaziah cun siangpahrang Ahab ih innsang nunzia a cawng ih thil ṭha lo a tuah. 4A pa thih hnuah siangpahrang Ahab innsang pawl cu siangpahrang Ahaziah ruahnak petu an si ih ruahnak ṭha lo an pek ruangah Bawipa ih parah a sual ih amah dirthlatu ah an cang. 5An thu a lung ih Israel siangpahrang Joram hnenah ṭang tahrat in Siria siangpahrang Hazael an do. Gilead ram Ramoth ah an ral pawl thawn an do-aw ih Joram cu hriamhma a pu. 6A hma tuamhlawm dingah Joram cu Jezreel khua ah a kir ih cutawkah Ahaziah in a veh.
7Ahaziah in Joram a veh cu Bawipa in Ahaziah cemter dingah caan ṭha a ti. Ziangtin tile cutawkih Ahaziah a caam laiah Ahab ih a rak thokmi uknak siatsuah dingin Bawipa ih a hrilmi Nimshi, Jehu fapa, in Ahaziah le Joram a zuam hai. 8Pathian ih thurel ciami a tuahsuaktu cu Jehu a si ruangah Ahaziah thluntu Judah ram hotu pawl le Ahaziah unau ih fapa pawl thawn an tong aw. Cutikah Jehu cun an zatein a that ṭheh. 9Ahaziah cu an hawl ih Samaria khua ih a relhnak ah an kai. Jehu hnenah an hruai ih Jehu cun a rak that. Cule Bawipa ih hna a theih tawkih a ṭuan vemi a pu Jehoshafat an upat ruangah Ahaziah ruak cu ṭhatein an phum.
Ahaziah sungkhat sungin ram a uk theitu ding pakhat hman an um lo.
Judah Siangpahrang Bawinu Athaliah
(2 Sian. 11.1-3)
10Siangpahrang Ahaziah ih nu Athaliah in a fapa an thah thu a theih vete in Judah ram siangpahrang sungkhat pawl hmuahhmuah a thatter ṭheh. 11Ahaziah in farnuseu pakhat Jehosheba a nei ih a pasal cu puithiam Jehoiada a si. Jehosheba cun a thupte in Ahaziah fapa pakhat Joash an timi a lak; thah ding a si mi a unau dang pawl hnenin a tlanhlopi ih a kiltu ding sayama pakhat thawn Bawipa ih Biakinn ih ihnak khaan pakhat sungah a thup. Cutiih a humsuak ruangah Athaliah kutih thihnak ihsin Joash cu a luat. 12Athaliah siangpahrang bawinu a ṭuan sung kum ruk sung cu cutawkah a relh ringring.
Currently Selected:
2 SANSIARNAK 22: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
2 SANSIARNAK 22
22
Judah Siangpahrang Ahaziah
(2 Sian. 8.25-29; 9.21-28)
1Arab pawl in Jerusalem an do laiah mi hrekkhat in siangpahrang Jehoram fapa hmuahhmuah, a nauta bik Ahaziah siar lo, an that ṭheh. Curuangah Jerusalem mi pawl in a pa ai-awh ah Ahaziah cu siangpahrang ah an tuah. 2Ahaziah siangpahrang a can tikah kum kul hluanhnih#Kum kul hluanhnih timi hi Hebru Ca Thianghlim sung ahcun Kum sawmli le kum hnih tiah an ngan. Asinain 2 Siangpahrang 8:26 ah Kum kul hluanhnih tiin a um zo. a ti ih Jerusalem in kum khat a uk. A nu cu Israel siangpahrang Omri ih tunu, Ahab fanu Athaliah a si. 3A nu in thusia a forh ruangah Ahaziah cun siangpahrang Ahab ih innsang nunzia a cawng ih thil ṭha lo a tuah. 4A pa thih hnuah siangpahrang Ahab innsang pawl cu siangpahrang Ahaziah ruahnak petu an si ih ruahnak ṭha lo an pek ruangah Bawipa ih parah a sual ih amah dirthlatu ah an cang. 5An thu a lung ih Israel siangpahrang Joram hnenah ṭang tahrat in Siria siangpahrang Hazael an do. Gilead ram Ramoth ah an ral pawl thawn an do-aw ih Joram cu hriamhma a pu. 6A hma tuamhlawm dingah Joram cu Jezreel khua ah a kir ih cutawkah Ahaziah in a veh.
7Ahaziah in Joram a veh cu Bawipa in Ahaziah cemter dingah caan ṭha a ti. Ziangtin tile cutawkih Ahaziah a caam laiah Ahab ih a rak thokmi uknak siatsuah dingin Bawipa ih a hrilmi Nimshi, Jehu fapa, in Ahaziah le Joram a zuam hai. 8Pathian ih thurel ciami a tuahsuaktu cu Jehu a si ruangah Ahaziah thluntu Judah ram hotu pawl le Ahaziah unau ih fapa pawl thawn an tong aw. Cutikah Jehu cun an zatein a that ṭheh. 9Ahaziah cu an hawl ih Samaria khua ih a relhnak ah an kai. Jehu hnenah an hruai ih Jehu cun a rak that. Cule Bawipa ih hna a theih tawkih a ṭuan vemi a pu Jehoshafat an upat ruangah Ahaziah ruak cu ṭhatein an phum.
Ahaziah sungkhat sungin ram a uk theitu ding pakhat hman an um lo.
Judah Siangpahrang Bawinu Athaliah
(2 Sian. 11.1-3)
10Siangpahrang Ahaziah ih nu Athaliah in a fapa an thah thu a theih vete in Judah ram siangpahrang sungkhat pawl hmuahhmuah a thatter ṭheh. 11Ahaziah in farnuseu pakhat Jehosheba a nei ih a pasal cu puithiam Jehoiada a si. Jehosheba cun a thupte in Ahaziah fapa pakhat Joash an timi a lak; thah ding a si mi a unau dang pawl hnenin a tlanhlopi ih a kiltu ding sayama pakhat thawn Bawipa ih Biakinn ih ihnak khaan pakhat sungah a thup. Cutiih a humsuak ruangah Athaliah kutih thihnak ihsin Joash cu a luat. 12Athaliah siangpahrang bawinu a ṭuan sung kum ruk sung cu cutawkah a relh ringring.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.