2 SANSIARNAK 14
14
Asa In Sudan Mi Pawl A Neh
1Siangpahrang Abijah cu a thi ih David khawpi, siangpahrang thlaan ah an phum. Cule a fapa Asa in a ai-ah siangpahrang a run ṭuan. Asa ih kuthnuai ah Judah ram cu kum hra sung daihnak an ngah. 2Asa cun a dik le a ṭhami a tuah ruangah Pathian lung a awiter. 3Ramdangmi pawl ih biakṭheng pawl le an khawzing biaknak hmun pawl cu a bal thluh; an serhmi lungphun pawl a khuai ih an khawzing nu Asherah lem pawl tla a siatbal ṭheh. 4An pupa pawl ih Pathian Bawipa ih duhnak tuah dingah le a zirhnak le a thupekmi pawl thlun dingah Judah mi pawl cu thu a pek hai. 5Judah ram khawpi hmuahhmuah ih ummi khawzing biaknak hmun le rimhmui urnak biakṭheng pawl a siatbal ṭheh ruangah a ukmi ram sungah daihnak a um. 6Cuih caanah Judah ram khawpi pawl cu ralhruang in a kulh ih Bawipa in daihnak a pek ruangah kum tampi sung do awknak a um lo. 7Judah mi pawl hnenah, “Kan khawpi pawl kimvel cu ralhruang in kan kulh ṭheh pei. Khuaram thlirnak innsang pipi kan sak pei ih khar theihmi le hren theihmi kotka kan tuah pei. Pathian duhnak kan tuah ruangah kan ram cu feltein kan uk thei. Amah in khuazakip ah humhimnak in pek a si,” tiah a ti. Curuangah a tivek cun an sak ih an ṭhangso sinsin. 8Siangpahrang Asa in Judah mi sungin ralphaw le fei kengtu ralkap thawng zathum le Benjamin mi sungin ralphaw le conkiang neitu ralkap thawng zahnih le thawng sawmriat a nei. An zatein ralṭha zet le raldo zir cia hlir an si.
9Ethiopia mi, Zerah an timi pa in ralkap million khat le rangleng zathum thawn Judah ram a do ih Mareshah tiang a hun nor. 10Asa cu Zerah do dingah a pok ih an kap hnih in Mareshah kiang Zefathah Phairawn ah ṭanhmun an khuar veve. 11Cutikah Asa in Bawipa a Pathian hnenah thla a cam ih, “Maw Bawipa, ralkap cak zetmi siseh, ralkap ṭawnṭai zetmi siseh, na duh ahcun olte in na bawm thei a si. Maw Bawipa kan Pathian, nangmah lawng kan lo rinsan ih na hmin in ralkap hizat tam hi do dingah kan rasuak zo a si; atu-ah in bawm hram aw. Bawipa, nangmah cu kan Pathian na si ih zohman in nangmah neh ding cu an tum ngam lo ding,” tiah a ti.
12Cule Asa le Judah ralkap in an do tikah Bawipa in Ethiopia ralkap pawl cu a neh. Ethiopia ralkap pawl cu an tlan ih, 13Asa le a ralkap pawl in Gerar tiang an dawi. Ethiopia ralkap pawl cu tamzet thah an si ruangah raldo thei an si nawn lo. Bawipa le a ralkap pawl in an neh hai ih ralkap pawl in hransaw tampi tla an long. 14Cutawk hrawngih a ummi pawl in Bawipa cu an ṭih tuk ruangah Judah ralkap pawl in Gerar kiangkapih ummi khawpi pawl cu an siatsuah ṭheh. Khawpi tamzet an ram ih hransaw tamzet an lak. 15Tuukhal pawl riahhmun hrekkhat pawl tla an nam ih tuu le kalauk tampi an long. Cuih hnuah Jerusalem ah an tlung.
Currently Selected:
2 SANSIARNAK 14: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
2 SANSIARNAK 14
14
Asa In Sudan Mi Pawl A Neh
1Siangpahrang Abijah cu a thi ih David khawpi, siangpahrang thlaan ah an phum. Cule a fapa Asa in a ai-ah siangpahrang a run ṭuan. Asa ih kuthnuai ah Judah ram cu kum hra sung daihnak an ngah. 2Asa cun a dik le a ṭhami a tuah ruangah Pathian lung a awiter. 3Ramdangmi pawl ih biakṭheng pawl le an khawzing biaknak hmun pawl cu a bal thluh; an serhmi lungphun pawl a khuai ih an khawzing nu Asherah lem pawl tla a siatbal ṭheh. 4An pupa pawl ih Pathian Bawipa ih duhnak tuah dingah le a zirhnak le a thupekmi pawl thlun dingah Judah mi pawl cu thu a pek hai. 5Judah ram khawpi hmuahhmuah ih ummi khawzing biaknak hmun le rimhmui urnak biakṭheng pawl a siatbal ṭheh ruangah a ukmi ram sungah daihnak a um. 6Cuih caanah Judah ram khawpi pawl cu ralhruang in a kulh ih Bawipa in daihnak a pek ruangah kum tampi sung do awknak a um lo. 7Judah mi pawl hnenah, “Kan khawpi pawl kimvel cu ralhruang in kan kulh ṭheh pei. Khuaram thlirnak innsang pipi kan sak pei ih khar theihmi le hren theihmi kotka kan tuah pei. Pathian duhnak kan tuah ruangah kan ram cu feltein kan uk thei. Amah in khuazakip ah humhimnak in pek a si,” tiah a ti. Curuangah a tivek cun an sak ih an ṭhangso sinsin. 8Siangpahrang Asa in Judah mi sungin ralphaw le fei kengtu ralkap thawng zathum le Benjamin mi sungin ralphaw le conkiang neitu ralkap thawng zahnih le thawng sawmriat a nei. An zatein ralṭha zet le raldo zir cia hlir an si.
9Ethiopia mi, Zerah an timi pa in ralkap million khat le rangleng zathum thawn Judah ram a do ih Mareshah tiang a hun nor. 10Asa cu Zerah do dingah a pok ih an kap hnih in Mareshah kiang Zefathah Phairawn ah ṭanhmun an khuar veve. 11Cutikah Asa in Bawipa a Pathian hnenah thla a cam ih, “Maw Bawipa, ralkap cak zetmi siseh, ralkap ṭawnṭai zetmi siseh, na duh ahcun olte in na bawm thei a si. Maw Bawipa kan Pathian, nangmah lawng kan lo rinsan ih na hmin in ralkap hizat tam hi do dingah kan rasuak zo a si; atu-ah in bawm hram aw. Bawipa, nangmah cu kan Pathian na si ih zohman in nangmah neh ding cu an tum ngam lo ding,” tiah a ti.
12Cule Asa le Judah ralkap in an do tikah Bawipa in Ethiopia ralkap pawl cu a neh. Ethiopia ralkap pawl cu an tlan ih, 13Asa le a ralkap pawl in Gerar tiang an dawi. Ethiopia ralkap pawl cu tamzet thah an si ruangah raldo thei an si nawn lo. Bawipa le a ralkap pawl in an neh hai ih ralkap pawl in hransaw tampi tla an long. 14Cutawk hrawngih a ummi pawl in Bawipa cu an ṭih tuk ruangah Judah ralkap pawl in Gerar kiangkapih ummi khawpi pawl cu an siatsuah ṭheh. Khawpi tamzet an ram ih hransaw tamzet an lak. 15Tuukhal pawl riahhmun hrekkhat pawl tla an nam ih tuu le kalauk tampi an long. Cuih hnuah Jerusalem ah an tlung.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.