2 SANSIARNAK 10
10
Saklam Hrin Pawl Ral An Tho
(1 Sian. 12.1-20)
1Saklam hrin Israel mi pawl Rehoboam siangpahrang cangter ding in Shekhem ih an rak feh cia ruangah Rehoboam cu Shekhem ah a feh. 2Nebat fapa Jeroboam cu siangpahrang Solomon ṭih ah Izipt ramah a tlan; asinain Rehoboam thu a theih tikah Izipt ram in a kirsal. 3Saklam Israel mi pawl in Jeroboam cu an sawm ih an zatein hmun khatah Rehoboam hnenah cun an feh ih a hnenah, 4“Na pa in kan thil in ritter tuk. Kan thilrit hi na zaanter ih kan nunnuam deuh ih in tuah ding a si ahcun nangmah kan lo rian ding,” tiah an ti.
5Rehoboam in, “Ni thum hnuah ra sal leh uh,” tiah a ti. Curuangah misenpi cu an tlung.
6Siangpahrang Rehoboam cu a pa Solomon ruahnak petu upa pawl deuhdeuh hnenah a feh ih, “Hitiih in ti hi ziangtinso ka leh ding?” tiah thu a ron.
7Cule annih in, “An parah zaangfahnak na neih ih ṭongthlum le ṭongmawi in an lung na awiter a si ahcun kumkhua an lo rian ko ding,” an ti.
8Sikhalsehla cuih ruahnak cu a pom lo ih, amah ih hrihruai a tlanleenpi ṭheumi mino pawl an ruahnak theih a duh ih cupawl hnenah, 9“Ziangtin so ka ti ding? An thilrit zaanter dingih i fialtu pawl hnenah ziangtinso thu ka leh ding?” tiah thu a ron.
10Cutikah annih cun,” ‘Ka zungte cu ka pa ih cawn hnakin a tum sawn a si. 11Ka pa in nan phurh a ritter; kei khal in ka ritter sinsin ding. Ka pa in nuangfung in a lo vuak; kei in varngen tawpir thawn ka lo hrem hai ding,’ tiah an hnenah ti aw,” tiah an ti.
12Ni thum hnuah a tiamcia vekin, Jeroboam le misenpi pawl cu Rehoboam hnenah cun an ra. 13Siangpahrang in upa pawl ruahnak pekmi cu a hnong ih mino deuh pawl ih ruahnak pekmi sawn la tahrat in, 14misenpi pawl hnenah cun, “Ka pa in nan phurh a ritter, kei khal in ka ritter sinsin ding. Ka pa in nuangfung in a lo vuak, kei in varngen tawpir thawn ka lo hrem hai ding!” tiah aw hrangzet in a ti. 15Bawipa in profet Ahijah hmangin Nebat fapa Jeroboam hnenih a rak simmi kimter dingah Bawipa Pathian ih tummi a si. Curuangah siangpahrang Rehoboam in misenpi duhnak cu a thlun lo.
16Senpi pawl in siangpahrang in kan duhnak a thlun lo a si ti an hmuh tikah, “David le a hrin pawl kan duh lo. Kan hrangah ziangso an tuah dah? Israel mi pawl tlung uh. Rehoboam cu amahte in taal seh!” tiah siangpahrang Rehoboam cu an sawn ih an inn ah an tlung thluh.
Cuticun Israel mi pawl cu raal an tho ih, 17Rehoboam cu an tlansan ih Judah peng lawng uktu siangpahrang ah a cang.
18Cule siangpahrang Rehoboam in sal pawl ih hnaṭuan hotu Adoniram cu Israel mi pawl hnenah a thlah; asinain Adoniram cu lungto in an rak deen that. Cutikah Rehoboam cu zamrangte in a rangleng a to ih Jerusalem ah a zaam. 19Cuih ihsi thokin tuih ni tiang saklam Israel Ram cu David ih tesinfa uknak dotu ringring ah an cang.
Currently Selected:
2 SANSIARNAK 10: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
2 SANSIARNAK 10
10
Saklam Hrin Pawl Ral An Tho
(1 Sian. 12.1-20)
1Saklam hrin Israel mi pawl Rehoboam siangpahrang cangter ding in Shekhem ih an rak feh cia ruangah Rehoboam cu Shekhem ah a feh. 2Nebat fapa Jeroboam cu siangpahrang Solomon ṭih ah Izipt ramah a tlan; asinain Rehoboam thu a theih tikah Izipt ram in a kirsal. 3Saklam Israel mi pawl in Jeroboam cu an sawm ih an zatein hmun khatah Rehoboam hnenah cun an feh ih a hnenah, 4“Na pa in kan thil in ritter tuk. Kan thilrit hi na zaanter ih kan nunnuam deuh ih in tuah ding a si ahcun nangmah kan lo rian ding,” tiah an ti.
5Rehoboam in, “Ni thum hnuah ra sal leh uh,” tiah a ti. Curuangah misenpi cu an tlung.
6Siangpahrang Rehoboam cu a pa Solomon ruahnak petu upa pawl deuhdeuh hnenah a feh ih, “Hitiih in ti hi ziangtinso ka leh ding?” tiah thu a ron.
7Cule annih in, “An parah zaangfahnak na neih ih ṭongthlum le ṭongmawi in an lung na awiter a si ahcun kumkhua an lo rian ko ding,” an ti.
8Sikhalsehla cuih ruahnak cu a pom lo ih, amah ih hrihruai a tlanleenpi ṭheumi mino pawl an ruahnak theih a duh ih cupawl hnenah, 9“Ziangtin so ka ti ding? An thilrit zaanter dingih i fialtu pawl hnenah ziangtinso thu ka leh ding?” tiah thu a ron.
10Cutikah annih cun,” ‘Ka zungte cu ka pa ih cawn hnakin a tum sawn a si. 11Ka pa in nan phurh a ritter; kei khal in ka ritter sinsin ding. Ka pa in nuangfung in a lo vuak; kei in varngen tawpir thawn ka lo hrem hai ding,’ tiah an hnenah ti aw,” tiah an ti.
12Ni thum hnuah a tiamcia vekin, Jeroboam le misenpi pawl cu Rehoboam hnenah cun an ra. 13Siangpahrang in upa pawl ruahnak pekmi cu a hnong ih mino deuh pawl ih ruahnak pekmi sawn la tahrat in, 14misenpi pawl hnenah cun, “Ka pa in nan phurh a ritter, kei khal in ka ritter sinsin ding. Ka pa in nuangfung in a lo vuak, kei in varngen tawpir thawn ka lo hrem hai ding!” tiah aw hrangzet in a ti. 15Bawipa in profet Ahijah hmangin Nebat fapa Jeroboam hnenih a rak simmi kimter dingah Bawipa Pathian ih tummi a si. Curuangah siangpahrang Rehoboam in misenpi duhnak cu a thlun lo.
16Senpi pawl in siangpahrang in kan duhnak a thlun lo a si ti an hmuh tikah, “David le a hrin pawl kan duh lo. Kan hrangah ziangso an tuah dah? Israel mi pawl tlung uh. Rehoboam cu amahte in taal seh!” tiah siangpahrang Rehoboam cu an sawn ih an inn ah an tlung thluh.
Cuticun Israel mi pawl cu raal an tho ih, 17Rehoboam cu an tlansan ih Judah peng lawng uktu siangpahrang ah a cang.
18Cule siangpahrang Rehoboam in sal pawl ih hnaṭuan hotu Adoniram cu Israel mi pawl hnenah a thlah; asinain Adoniram cu lungto in an rak deen that. Cutikah Rehoboam cu zamrangte in a rangleng a to ih Jerusalem ah a zaam. 19Cuih ihsi thokin tuih ni tiang saklam Israel Ram cu David ih tesinfa uknak dotu ringring ah an cang.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.