Luca 21
21
Oferta a Veduvãljei
1Deapoea Isusul sculã ocljilji sh-vidzu avutsãlji cai aruca pischesili a lor tu cutia a ayishteariljei tu templu. 2Elu vidzu sh-unã veduvã niavutã tsi bãgã nãuntru doi pãradz njitsi, 3sh-dzãsi: “Dealihea ma vã dzãc cã aestã veduvã niavutã ari bãgatã ma multu dicãt tuts alantsãlji. 4Cã tuts aeshti deadirã di artirizma a ayishteariljei a lor. Iarã ea, cu niavearea a ljei, deadi itsi avea ti bãnari.”
Aspãrdzearea a Templui sh-Seamnili a Chirolui dit Soni
5Deapoea niscãntsã ma zbura ti templu sh-dzãtsea cã easti stulsit cu chetri mushati sh-cu pischesi sãmtsãti a Dumnidzãlui. Ma Isusul dzãsi: 6“Di tuti aesti tsi voi videts, va yinã dzãlili, cãndu nu va armãnã cheatrã pristi cheatrã sh-tuti va s-arucã mpadi.” 7Atumtsea elji lu ntribarã: “Nvitsãtore, cãndu va s-facã aesti sh-cai va s-hibã semnul cã aesti va s-facã?” 8Sh-elu dzãsi: “Afirits-vã si nu vã arãdã, cã multsã oaminji va yinã tu numa a mea dzãcãnda: ‘Mini escu elu,’ shi: ‘Vini chirolu,’ ma nu dutsets-vã dupã nãshi. 9Cãndu s-avdzãts si zburãscu di alumti sh-di mintituri, nu vã fricuits, cã tuti aesti prindi si s-facã ma nãinti, ma bitisita nu va yinã trãoarã.” 10Apoea lã dzãsi a lor: “Va si scoalã natsiunea contra a natsiuniljei, sh-amirãriljea contra a amirãriljei. 11Va si s-facã cutremburi mãri, urfanji di pãni sh-hulerã tu multi locuri, fãnirusiri fricoasi sh-seamni mãri va si s-veadã tu tser. 12Ma, nãinti di tuti aesti, va s-bagã mãna pri voi sh-va s-vã avinã. Va s-vã prida tu sinagogã va s-vã bagã tu hapsi sh-va s-vã ducã nãintea a amiradzilor sh-a guvernatorilor trã itia a numãljei a mea. 13Aestu va hibã chirolu tsi s-mãrtirsits. 14Bãgats-lã tu ininjili a voastri tsi s-nu minduits ma nãinti cum s-vã apãndisits tra s-vã afirits, 15cã mini va vã dau gura sh-mintimeniljea tsi tuts neamitsilji a voshtri nu va s-poatã s-vã s-aravdã icã s-vã ncuntreadzã. 16Sh-voi va vã prida pãrintsãlji, fratsãlji, surãrili, soia sh-uspitsãljea sh-niscãntsã di voi va si s-vatãmã. 17Tuts va s-vã aurascã trã itia a numãljei a mea. 18Ma nitsi un hir di per a caplui a vostru nu va vã chearã. 19Cu arãvdarea a voastrã voi va amintats suflitli a voastri.”
Munduirea Atsea Marea
20“Cãndu s-videts Ierusalemlu anvãrligat di armatili, si shtits cã shcretuirea a ljei easti aproapi. 21Atumtsea atselji tsi suntu tu Iudea, s-fugã tu muntsã. Atselji tsi suntu tu cãsãbã, s-dipãrteadzã, sh-atselji tsi suntu pri cãmpuri, s-nu intrã tu cãsãbã. 22Cã aesti suntu dzãli di arãzgãnarea a Dumnidzãlui, tsi si mplineascã tuti atseali tsi suntu scriati. 23Mãrati di muljerili atseali greli sh-atseali tsi va s-ntricã njitsilji tu atseali dzãli, cã va s-aibã munduiri mari loclu sh-nãriri pristi aestu popul. 24Elji va s-cadã di lipida a spatãljei, va si s-ljea ca sclayi di tuti fãrili, sh-Ierusalemlu va lu ncalcã pãngãnjilji, pãnã-cãndu si mplineascã chirolu a pãngãnjilor.
Turnarea a Hiljilui a Omlui
25Va s-aibã seamni tu soari, tu lunã sh-tu steali. Pri loc va s-hibã frica a popului di vãzirea a amariljei sh-a vãljiurilor. 26Oaminjilji va s-moarã di fricã sh-di ashtiptarea atsilor tsi va s-yinã tu lumi, cã puterili a tserurilor va s-trundueascã. 27Atumtsea va s-veadã Hiljilu a Omlui yininda pri un nior cu fuchii sh-mãriri mari. 28Cãndu s-ahurheascã si s-facã aesti, mutrits nsus shi sculats captsili a voastri, cã arãscumpãrarea a voastrã easti aproapi.”
Hãbãrsirea Prufitipsitã
29Deapoea Isusul lã dzãsi a lor unã parabolã: “Bãgats oarã hiclu sh-tuts ponjilji. 30Cãndu ahurhescu s-da bubuchili, voi aduchits cã veara easti aproapi. 31Ashãtsi sh-voi, cãndu s-videts cã ma s-fac aesti, s-i shtits cã amirãriljea a Dumnidzãlui easti aproapi. 32Dealihea mini ma vã dzãc, cã nu va s-treacã aestã farã, pãnã-cãndu tuti aesti lucri si mplineascã. 33Tserlu sh-loclu va s-treacã, ma zboarili a meali nu va s-treacã. 34Bãgats oarã tsi ininjli a voastri si nu s-vã angreacã di mãcãri, di biuturi sh-di mirãchilji a banãljei aishtei, tsi atsea dzuã s-nu vã yinã niashtiptatã. 35Cã va s-yinã ca un cearcu pristi tuts atselji tsi bãneadzã tu fatsa a tut loclui. 36Trã atsea, stats dishtiptat sh-rugats-vã totãna tra s-hits axii s-ascãpats di tuti atseali tsi va yinã shi s-ishits nãintea a Hiljilui a Omlui.” 37Tutã dzua Isusul nvitsa tu templu sh-noaptea u tritsea afoarã tu muntili a Masnjilor. 38Populu tut, curundu dimineatsa, yinea la nãsu tu templu tra s-lu asculta.
Currently Selected:
Luca 21: BLRR
Highlight
Share
Copy
Want to have your highlights saved across all your devices? Sign up or sign in
Luca 21
21
Oferta a Veduvãljei
1Deapoea Isusul sculã ocljilji sh-vidzu avutsãlji cai aruca pischesili a lor tu cutia a ayishteariljei tu templu. 2Elu vidzu sh-unã veduvã niavutã tsi bãgã nãuntru doi pãradz njitsi, 3sh-dzãsi: “Dealihea ma vã dzãc cã aestã veduvã niavutã ari bãgatã ma multu dicãt tuts alantsãlji. 4Cã tuts aeshti deadirã di artirizma a ayishteariljei a lor. Iarã ea, cu niavearea a ljei, deadi itsi avea ti bãnari.”
Aspãrdzearea a Templui sh-Seamnili a Chirolui dit Soni
5Deapoea niscãntsã ma zbura ti templu sh-dzãtsea cã easti stulsit cu chetri mushati sh-cu pischesi sãmtsãti a Dumnidzãlui. Ma Isusul dzãsi: 6“Di tuti aesti tsi voi videts, va yinã dzãlili, cãndu nu va armãnã cheatrã pristi cheatrã sh-tuti va s-arucã mpadi.” 7Atumtsea elji lu ntribarã: “Nvitsãtore, cãndu va s-facã aesti sh-cai va s-hibã semnul cã aesti va s-facã?” 8Sh-elu dzãsi: “Afirits-vã si nu vã arãdã, cã multsã oaminji va yinã tu numa a mea dzãcãnda: ‘Mini escu elu,’ shi: ‘Vini chirolu,’ ma nu dutsets-vã dupã nãshi. 9Cãndu s-avdzãts si zburãscu di alumti sh-di mintituri, nu vã fricuits, cã tuti aesti prindi si s-facã ma nãinti, ma bitisita nu va yinã trãoarã.” 10Apoea lã dzãsi a lor: “Va si scoalã natsiunea contra a natsiuniljei, sh-amirãriljea contra a amirãriljei. 11Va si s-facã cutremburi mãri, urfanji di pãni sh-hulerã tu multi locuri, fãnirusiri fricoasi sh-seamni mãri va si s-veadã tu tser. 12Ma, nãinti di tuti aesti, va s-bagã mãna pri voi sh-va s-vã avinã. Va s-vã prida tu sinagogã va s-vã bagã tu hapsi sh-va s-vã ducã nãintea a amiradzilor sh-a guvernatorilor trã itia a numãljei a mea. 13Aestu va hibã chirolu tsi s-mãrtirsits. 14Bãgats-lã tu ininjili a voastri tsi s-nu minduits ma nãinti cum s-vã apãndisits tra s-vã afirits, 15cã mini va vã dau gura sh-mintimeniljea tsi tuts neamitsilji a voshtri nu va s-poatã s-vã s-aravdã icã s-vã ncuntreadzã. 16Sh-voi va vã prida pãrintsãlji, fratsãlji, surãrili, soia sh-uspitsãljea sh-niscãntsã di voi va si s-vatãmã. 17Tuts va s-vã aurascã trã itia a numãljei a mea. 18Ma nitsi un hir di per a caplui a vostru nu va vã chearã. 19Cu arãvdarea a voastrã voi va amintats suflitli a voastri.”
Munduirea Atsea Marea
20“Cãndu s-videts Ierusalemlu anvãrligat di armatili, si shtits cã shcretuirea a ljei easti aproapi. 21Atumtsea atselji tsi suntu tu Iudea, s-fugã tu muntsã. Atselji tsi suntu tu cãsãbã, s-dipãrteadzã, sh-atselji tsi suntu pri cãmpuri, s-nu intrã tu cãsãbã. 22Cã aesti suntu dzãli di arãzgãnarea a Dumnidzãlui, tsi si mplineascã tuti atseali tsi suntu scriati. 23Mãrati di muljerili atseali greli sh-atseali tsi va s-ntricã njitsilji tu atseali dzãli, cã va s-aibã munduiri mari loclu sh-nãriri pristi aestu popul. 24Elji va s-cadã di lipida a spatãljei, va si s-ljea ca sclayi di tuti fãrili, sh-Ierusalemlu va lu ncalcã pãngãnjilji, pãnã-cãndu si mplineascã chirolu a pãngãnjilor.
Turnarea a Hiljilui a Omlui
25Va s-aibã seamni tu soari, tu lunã sh-tu steali. Pri loc va s-hibã frica a popului di vãzirea a amariljei sh-a vãljiurilor. 26Oaminjilji va s-moarã di fricã sh-di ashtiptarea atsilor tsi va s-yinã tu lumi, cã puterili a tserurilor va s-trundueascã. 27Atumtsea va s-veadã Hiljilu a Omlui yininda pri un nior cu fuchii sh-mãriri mari. 28Cãndu s-ahurheascã si s-facã aesti, mutrits nsus shi sculats captsili a voastri, cã arãscumpãrarea a voastrã easti aproapi.”
Hãbãrsirea Prufitipsitã
29Deapoea Isusul lã dzãsi a lor unã parabolã: “Bãgats oarã hiclu sh-tuts ponjilji. 30Cãndu ahurhescu s-da bubuchili, voi aduchits cã veara easti aproapi. 31Ashãtsi sh-voi, cãndu s-videts cã ma s-fac aesti, s-i shtits cã amirãriljea a Dumnidzãlui easti aproapi. 32Dealihea mini ma vã dzãc, cã nu va s-treacã aestã farã, pãnã-cãndu tuti aesti lucri si mplineascã. 33Tserlu sh-loclu va s-treacã, ma zboarili a meali nu va s-treacã. 34Bãgats oarã tsi ininjli a voastri si nu s-vã angreacã di mãcãri, di biuturi sh-di mirãchilji a banãljei aishtei, tsi atsea dzuã s-nu vã yinã niashtiptatã. 35Cã va s-yinã ca un cearcu pristi tuts atselji tsi bãneadzã tu fatsa a tut loclui. 36Trã atsea, stats dishtiptat sh-rugats-vã totãna tra s-hits axii s-ascãpats di tuti atseali tsi va yinã shi s-ishits nãintea a Hiljilui a Omlui.” 37Tutã dzua Isusul nvitsa tu templu sh-noaptea u tritsea afoarã tu muntili a Masnjilor. 38Populu tut, curundu dimineatsa, yinea la nãsu tu templu tra s-lu asculta.
Currently Selected:
:
Highlight
Share
Copy
Want to have your highlights saved across all your devices? Sign up or sign in