Ioan 4
4
Isusul Greashti cu Muljeara Samariteanã
1Cãndu Isusul aduchi cã Fariseilji avdzãrã cã elu ma fãtsea ma multsã ucenitsi sh-ma pãtidza ma multsã di Ioanul, 2(cu tutã cã nu li pãtidza Isusul, ma ucenitsilji a lui), 3apãrãtsi Iudea sh-fudzi nãpoi tu Galilea. 4Ma prindea s-tritsea prit Samaria. 5Agiumsi la un cãsãbã a Samariiljei tsi s-acljima Sihar, aproapi di loclu iu Iacovul lji-avea datã al Iosif, hiljilu a lui. 6Aclo eara putslu al Iacov. Sh-Isusul acurmatã di cali, shidzu ningã putsu. Eara njeadzãdzuã.#4:6 Eara a shasea oarã dupã Iudeilji 7Unã muljeari di Samaria vini si s-scutea apã. Isusul lji dzãsi: “Dã-nji s-beau!” 8Ucenitsilji a lui si-avea dusã tu cãsãbã s-acumpãra trã mãcari. 9Atumtsea muljearea Samariteanã lji dzãsi: “Ma cum, tini tsi eshti Iudeu caftsã s-beai di la mini, tsi escu unã muljeari Samariteanã?” (Cã Iudeilji nu s-mistica cu Samaritenjilji). 10Isusul lj-apãndisi: “Ma s-u shtiai tini doara a Dumnidzãlui sh-cai easti atsel tsi ts-dzãtsi: ‘Dã-nji s-beau’, tini idyia va cãftai di la nãsu sh-elu va tsã dãdea apã yii.” 11Muljearea lji-dzãsi: “Doamne, tini nitsi stamnã nu ai sh-putslu easti hãndosu, iu va-u aflã apa atsea yiea? 12Vahi eshti ma mari dicãt Iacovul, ntãnjiu a nostru, tsi nã deadi aestu puts shi biu di la nãsu elu idyiul, hiljilji a lui sh-prãvdzãli a lui?” 13Isusul lji-apãndisi: “Caitsido tsi bea di aestã apã, va aibã napoi seati. 14Ma cai bea di atsea apã, tsi va lji dau mini, nu va-aibã pute seati. Sh-apa, tsi mini va lji dau, va s-facã tu nãsu un izvur di apã tsi va lji da tu eta di totãna.” 15Atumtsea muljearea lji-dzãsi: “Doamne, dã-nji aestã apã, tsi s-nu nji hibã ma seati shi s-nu yinã ma aoa si scot apã.” 16Isusul lji-dzãsi: “Duti, grea a bãrbatlui a tãu shi haidi aoa!” 17Muljearea lj-apãndisi: “Mini nu am bãrbat.” Isusul lji-dzãsi: “Ghini dzãtseshi: ‘Nu am bãrbat.’ 18Tini avushi tsintsi bãrbats sh-atsel tsi ai tora nu easti bãrbatlu a tãu. Tu aestã ai aspusã alihea.” 19Muljearea lji-dzãsi: “Doamne, ma ved cã tini eshti prufit. 20Pãrintsãlji a noshtri si ncljina pri aestu munti, ma voi Iudei dzãtsets cã Ierusalemlu easti loclu iu prindi s-nã ncljinãm.” 21Isusul dzãsi: “Muljeari, pistipsea-mi: yini oara tsi nitsi pri aestu munti, nitsi tu Ierusalem nu va-alãvdats Tatãl. 22Voi Samaritenji alãvdats atsel tsi nu lu cunushtets. Noi alãvdãm atsel tsi cunushtem, cã ascãparea yini di Iudeilji. 23Ma yini oara, sh-tora ari vinitã, tsi ncljinãtorlji alihioshi va si ncljinã la Tatãl tu Duh sh-tu alihea, cã ahtãri ncljinãtori va Tatãl. 24Dumnidzãlu easti duh, sh-atselji tsi lji-si ncljinã prindi s-lji si ncljinã tu Duh sh-tu alihea.” 25Muljearea lji-dzãsi: “Mini shtiu cã va yinã Mesia” (acljimat Hristos). “Cãndu va yinã elu, va nã-li aspunã tuti.” 26Isusul lji-dzãsi: “Mini escu atsel, tsi ma s-greashti!”
Ucenitsilji s-Turnarã Nãpoi la Isusul
27Tu aestã oarã vinirã ucenitsilji a lui sh-si s-ciudisirã tsi ma zbura cu unã muljeari. Ma vãrã nu-lji dzãsi: “Tsi caftsi?”, icã: “Cãtse ma zburashti cu ea?” 28Atumtsea muljearea alãsã stamna a ljei s-dusi tu cãsãbã sh-lã dzãsi a oaminjilor: 29“Haidets, videts un om tsi nji-ari dzãsã itsido tsi am faptã. Nacã aestu easti Hristolu?” 30Atumtsea elji ishirã dit cãsãbã sh-vinirã la nãsu.
31Tu aestã oarã ucenitsilji a lui lji si-rugarã dzãcãnda: “Rabbi, mãcã!” 32Ma elu lã dzãsi a lor: “Mini am unã hranã trã mãcari tsi voi nu u cunushtets.” 33Trã aestã ucenitsilji dzãtsea cu un-alantu: “Nacã lji-adusi vãrã ti mãcari?” 34Isusul lã dzãsi a lor: “Hranea a mea easti tsi s-facã vrearea a atsilui tsi mi pitricu shi si mplinescu lucrul a lui. 35Nu dzãtsets voi, cã suntu ninga patru meshi sh-yini sitsirarea? Ia, mini ma vã dzãc, sculats ocljilji a voshtri sh-videts cãmpurili, cã tora atseali suntu albi di sitsirari. 36Sh-atsel tsi seatsirã u ljea plata sh-adunã carpolu trã bana eternã, tsi si s-hãrãseascã deadun atsel tsi seaminã sh-atsel tsi seatsirã. 37Cã tu aestã s-alihipseashti zborlu: ‘Un seaminã, sh-altul seatsirã.’ 38Mini vã pitricui si sitsirats atsea di cai voi nu lucrat. Altsã lucrarã sh-voi intrat tu lucrili a lor.”
Multsã Samaritenji Pistipsirã
39Multsã Samaritenji dit atsel cãsãbã pistipsirã la elu trã itia a zborlui a muljeariljei, tsi mãrtirsi: “Elu nji spusi tuti cãti am faptã.” 40Cãndu Samaritenjilji vinirã la nãsu, lji-si rugarã s-armãnã cu nãshi. Sh-elu stãtu aclo doauã dzãli. 41Sh-multu ma multsã pistipsirã trã itia a zborlui a lui. 42Elji lji dzãsirã a muljeariljei: “Nu esti mash trã itia a zboarilor a tali tsi pistipsim, cã noi idyilji avem avdzãt shi shtim cã elu easti dealihea Ascãpãtorlu a lumiljei.”
Isusul Vindicã Hiljilu a Unui Administrator
43Sh-dupã atseali doauã dzãli, Isusul s-nchisi di aclo shi s-dusi tu Galilea, 44cã idyiul Isusul mãrtirsi cã un prufit nu s-tinjiseashti tu vãtanea a lui. 45Cãndu agiumsi tu Galilea, Galileanjilji lu ashtiptarã, cã avea vidzut tuti atseali tsi avea faptã tu Ierusalem tu sãrbãtoarea a Pashtiljei, cã sh-elji s-eara dusã aclo. 46Ashãtsi Isusul vini napoi tu Cana a Galileiljei, iu u-avea turnatã apa tu yin. Sh-aclo eara un administrator a amirãlui, sh-hiljilu a lui eara lãndzit tu Capernaum. 47Aestu, cãndu avdzã cã Isusul avea vinit dit Iudea tu Galilea s-dusi la nãsu sh-lji-si rugã tsi s-dipuna shi s-vindica hiljilu a lui, cã eara ningã moarti. 48Atumtsea Isusul lji-dzãsi: “Ma s-nu videts seamni sh-thavmati, voi nu va pistipsits.” 49Administratorlu a amirãlui lji-dzãsi: “Doamne, dipunã ma nãinti tsi s-moarã ficiorlu!” 50Isusul lji-dzãsi: “Du-ti, hiljilu a tãu bãneadzã!” Sh-omlu lji pistipsi a zborlui tsi lji-dzãsi Isusul shi s-dusi. 51Cãndu elu ma dipuna, lj-ishirã nãinti huzmichearlji a lui shi lji dzãsirã: “Hiljilu a tãu bãneadzã!” 52Sh-elu lji ntribã tu tsi oarã s-featsi ma ghini. Sh-elji lji-dzãsirã: “Aeri pi unã dupã prãndzu u alãsarã hevrili.” 53Atumtsea tatãl aduchi cã eara tu atsea oarã tsi Isusul lji-avea dzãsã: “Hiljilu a tãu bãneadzã.” Sh-pistipsi elu sh-tutã casa a lui. 54Isusul featsi sh-aestã a doaua thavmã, cãndu vini dit Iudea tu Galilea.
Currently Selected:
Ioan 4: BLRR
Highlight
Share
Copy
Want to have your highlights saved across all your devices? Sign up or sign in
Ioan 4
4
Isusul Greashti cu Muljeara Samariteanã
1Cãndu Isusul aduchi cã Fariseilji avdzãrã cã elu ma fãtsea ma multsã ucenitsi sh-ma pãtidza ma multsã di Ioanul, 2(cu tutã cã nu li pãtidza Isusul, ma ucenitsilji a lui), 3apãrãtsi Iudea sh-fudzi nãpoi tu Galilea. 4Ma prindea s-tritsea prit Samaria. 5Agiumsi la un cãsãbã a Samariiljei tsi s-acljima Sihar, aproapi di loclu iu Iacovul lji-avea datã al Iosif, hiljilu a lui. 6Aclo eara putslu al Iacov. Sh-Isusul acurmatã di cali, shidzu ningã putsu. Eara njeadzãdzuã.#4:6 Eara a shasea oarã dupã Iudeilji 7Unã muljeari di Samaria vini si s-scutea apã. Isusul lji dzãsi: “Dã-nji s-beau!” 8Ucenitsilji a lui si-avea dusã tu cãsãbã s-acumpãra trã mãcari. 9Atumtsea muljearea Samariteanã lji dzãsi: “Ma cum, tini tsi eshti Iudeu caftsã s-beai di la mini, tsi escu unã muljeari Samariteanã?” (Cã Iudeilji nu s-mistica cu Samaritenjilji). 10Isusul lj-apãndisi: “Ma s-u shtiai tini doara a Dumnidzãlui sh-cai easti atsel tsi ts-dzãtsi: ‘Dã-nji s-beau’, tini idyia va cãftai di la nãsu sh-elu va tsã dãdea apã yii.” 11Muljearea lji-dzãsi: “Doamne, tini nitsi stamnã nu ai sh-putslu easti hãndosu, iu va-u aflã apa atsea yiea? 12Vahi eshti ma mari dicãt Iacovul, ntãnjiu a nostru, tsi nã deadi aestu puts shi biu di la nãsu elu idyiul, hiljilji a lui sh-prãvdzãli a lui?” 13Isusul lji-apãndisi: “Caitsido tsi bea di aestã apã, va aibã napoi seati. 14Ma cai bea di atsea apã, tsi va lji dau mini, nu va-aibã pute seati. Sh-apa, tsi mini va lji dau, va s-facã tu nãsu un izvur di apã tsi va lji da tu eta di totãna.” 15Atumtsea muljearea lji-dzãsi: “Doamne, dã-nji aestã apã, tsi s-nu nji hibã ma seati shi s-nu yinã ma aoa si scot apã.” 16Isusul lji-dzãsi: “Duti, grea a bãrbatlui a tãu shi haidi aoa!” 17Muljearea lj-apãndisi: “Mini nu am bãrbat.” Isusul lji-dzãsi: “Ghini dzãtseshi: ‘Nu am bãrbat.’ 18Tini avushi tsintsi bãrbats sh-atsel tsi ai tora nu easti bãrbatlu a tãu. Tu aestã ai aspusã alihea.” 19Muljearea lji-dzãsi: “Doamne, ma ved cã tini eshti prufit. 20Pãrintsãlji a noshtri si ncljina pri aestu munti, ma voi Iudei dzãtsets cã Ierusalemlu easti loclu iu prindi s-nã ncljinãm.” 21Isusul dzãsi: “Muljeari, pistipsea-mi: yini oara tsi nitsi pri aestu munti, nitsi tu Ierusalem nu va-alãvdats Tatãl. 22Voi Samaritenji alãvdats atsel tsi nu lu cunushtets. Noi alãvdãm atsel tsi cunushtem, cã ascãparea yini di Iudeilji. 23Ma yini oara, sh-tora ari vinitã, tsi ncljinãtorlji alihioshi va si ncljinã la Tatãl tu Duh sh-tu alihea, cã ahtãri ncljinãtori va Tatãl. 24Dumnidzãlu easti duh, sh-atselji tsi lji-si ncljinã prindi s-lji si ncljinã tu Duh sh-tu alihea.” 25Muljearea lji-dzãsi: “Mini shtiu cã va yinã Mesia” (acljimat Hristos). “Cãndu va yinã elu, va nã-li aspunã tuti.” 26Isusul lji-dzãsi: “Mini escu atsel, tsi ma s-greashti!”
Ucenitsilji s-Turnarã Nãpoi la Isusul
27Tu aestã oarã vinirã ucenitsilji a lui sh-si s-ciudisirã tsi ma zbura cu unã muljeari. Ma vãrã nu-lji dzãsi: “Tsi caftsi?”, icã: “Cãtse ma zburashti cu ea?” 28Atumtsea muljearea alãsã stamna a ljei s-dusi tu cãsãbã sh-lã dzãsi a oaminjilor: 29“Haidets, videts un om tsi nji-ari dzãsã itsido tsi am faptã. Nacã aestu easti Hristolu?” 30Atumtsea elji ishirã dit cãsãbã sh-vinirã la nãsu.
31Tu aestã oarã ucenitsilji a lui lji si-rugarã dzãcãnda: “Rabbi, mãcã!” 32Ma elu lã dzãsi a lor: “Mini am unã hranã trã mãcari tsi voi nu u cunushtets.” 33Trã aestã ucenitsilji dzãtsea cu un-alantu: “Nacã lji-adusi vãrã ti mãcari?” 34Isusul lã dzãsi a lor: “Hranea a mea easti tsi s-facã vrearea a atsilui tsi mi pitricu shi si mplinescu lucrul a lui. 35Nu dzãtsets voi, cã suntu ninga patru meshi sh-yini sitsirarea? Ia, mini ma vã dzãc, sculats ocljilji a voshtri sh-videts cãmpurili, cã tora atseali suntu albi di sitsirari. 36Sh-atsel tsi seatsirã u ljea plata sh-adunã carpolu trã bana eternã, tsi si s-hãrãseascã deadun atsel tsi seaminã sh-atsel tsi seatsirã. 37Cã tu aestã s-alihipseashti zborlu: ‘Un seaminã, sh-altul seatsirã.’ 38Mini vã pitricui si sitsirats atsea di cai voi nu lucrat. Altsã lucrarã sh-voi intrat tu lucrili a lor.”
Multsã Samaritenji Pistipsirã
39Multsã Samaritenji dit atsel cãsãbã pistipsirã la elu trã itia a zborlui a muljeariljei, tsi mãrtirsi: “Elu nji spusi tuti cãti am faptã.” 40Cãndu Samaritenjilji vinirã la nãsu, lji-si rugarã s-armãnã cu nãshi. Sh-elu stãtu aclo doauã dzãli. 41Sh-multu ma multsã pistipsirã trã itia a zborlui a lui. 42Elji lji dzãsirã a muljeariljei: “Nu esti mash trã itia a zboarilor a tali tsi pistipsim, cã noi idyilji avem avdzãt shi shtim cã elu easti dealihea Ascãpãtorlu a lumiljei.”
Isusul Vindicã Hiljilu a Unui Administrator
43Sh-dupã atseali doauã dzãli, Isusul s-nchisi di aclo shi s-dusi tu Galilea, 44cã idyiul Isusul mãrtirsi cã un prufit nu s-tinjiseashti tu vãtanea a lui. 45Cãndu agiumsi tu Galilea, Galileanjilji lu ashtiptarã, cã avea vidzut tuti atseali tsi avea faptã tu Ierusalem tu sãrbãtoarea a Pashtiljei, cã sh-elji s-eara dusã aclo. 46Ashãtsi Isusul vini napoi tu Cana a Galileiljei, iu u-avea turnatã apa tu yin. Sh-aclo eara un administrator a amirãlui, sh-hiljilu a lui eara lãndzit tu Capernaum. 47Aestu, cãndu avdzã cã Isusul avea vinit dit Iudea tu Galilea s-dusi la nãsu sh-lji-si rugã tsi s-dipuna shi s-vindica hiljilu a lui, cã eara ningã moarti. 48Atumtsea Isusul lji-dzãsi: “Ma s-nu videts seamni sh-thavmati, voi nu va pistipsits.” 49Administratorlu a amirãlui lji-dzãsi: “Doamne, dipunã ma nãinti tsi s-moarã ficiorlu!” 50Isusul lji-dzãsi: “Du-ti, hiljilu a tãu bãneadzã!” Sh-omlu lji pistipsi a zborlui tsi lji-dzãsi Isusul shi s-dusi. 51Cãndu elu ma dipuna, lj-ishirã nãinti huzmichearlji a lui shi lji dzãsirã: “Hiljilu a tãu bãneadzã!” 52Sh-elu lji ntribã tu tsi oarã s-featsi ma ghini. Sh-elji lji-dzãsirã: “Aeri pi unã dupã prãndzu u alãsarã hevrili.” 53Atumtsea tatãl aduchi cã eara tu atsea oarã tsi Isusul lji-avea dzãsã: “Hiljilu a tãu bãneadzã.” Sh-pistipsi elu sh-tutã casa a lui. 54Isusul featsi sh-aestã a doaua thavmã, cãndu vini dit Iudea tu Galilea.
Currently Selected:
:
Highlight
Share
Copy
Want to have your highlights saved across all your devices? Sign up or sign in