2 Timoteu 2
2
Un Suldat Bun al Isus Hristos
1Tini, hiljilu a meu, nvãrtusheati tu harul tsi easti tu Hristolu Isus, 2sh-atseali tsi avdzãsh di la mini nãintea a multor martirii, dã-li la oaminji pistimenji, tsi va s-poatã s-nveatsã sh-altsã. 3Tini mpartsã-li cu mini munduirili, ca un suldat bun al Isus Hristos. 4Cã nitsiunu di atselji tsi s-ducã suldat nu s-minteashti cu lucrili a banãljei, tsi s-lji arseascã atsilui tsi lu-ari loatã tu armatã. 5Tutashã, macã vãrã ljea parti tu arenã ca dãlãgãtor, nu si ncuruneadzi ma s-nu aibã alãgatã dupã reguli a gioclui. 6Agricultorlu tsi lucreadzã multu prindi s-lu ljea protlu birichetlu. 7Minduia trã atseali tsi tsã dzãc, cã Domnul va tsã da minti trã tuti. 8Adu aminti tsi Isus Hristolu, di fara a Davidlui, s-nyie dit mortsã, dupã evanghelul a meu, 9trã cai mini ma mi munduescu pãnã tu prãnghi ca un arãu-fãcãtor. Ma zborlu a Dumnidzãlui nu s-leagã cu prãnghi. 10Trã atsea mini li aravdu tuti trã itia a aleptsilor, tsi elji s-aibã ascãparea tsi easti tu Hristolu Isus, deadun cu mãrirea eternã. 11Aestu zbor easti pistipsit, cã:
Macã noi murim cu nãsu, sh-va s-bãnãm cu nãsu.
12Macã noi arãvdãm, va s-domnim deadun cu nãsu.
Macã va lu alipidãm, sh-elu va nã aleapid.
13Macã him nipistimenji, elu armãni pistimen.
Cã elu nu poati s-aleapid bãnaticlu a lui.
Cuntrarea a Nvitsãtorilor Arãdioshi
14Adu-lã aminti atsilor aesti lucri, spigiurãnda nãintea a Domnului s-nu sã ncaci cu zboari, cã nu axizeashti shi fatsi arãu atsilor tsi avdu. 15Bagã mintea s-eshi nãintea a Dumnidzãlui ca om aprovat, ca lucrutor tsi nu ari cãtse si arushineadzã, cã dzãtsi ndreptu zborlu a alihiljei. 16Afirea-ti di zboarãli atseli goali, tsi li dipãrteadzã oaminjlji ma multu di Dumnidzãlu. 17Nvitsãtura a lor va sã scurpiseascã ca unã cangrenã. Di aeshti suntu Himeneul sh-Filetul. 18Elji s-dipãrtarã di alihea, dzãcãnda cã nyearea easti faptã shi arãstoanã pistea a niscãntsilor. 19Cu tut atsea, timeljilu atsel vãrtoslu a Dumnidzãlui sta niminat, sh-ari aestã vulã: “Domnul lji cunoashti atselji tsi suntu a lui,” shi: “Caitsido tsi acatsi n-gurã numa a Hristolui s-dipãrteadzã di arãutatea.” 20Tu unã casã mari nu ari mash vasi di furii sh-di asimi, ma sh-di lemnu sh-di lut, nãscãnti trã tinjisiri, alantili nu trã tinjisiri. 21Macã vãrã s-cãtãrseashti di aesti lucri, va hibã un vasu di tinjii, sãmtsãsit sh-lipsit di Mastru, etimãsit di itsi lucru bun. 22Dipãrteadz-ti di orixili a tinireatsãljei sh-duti dupã ndriptatea, dupã pistea, dupã vrearea sh-dupã pacea, deadun cu atselji tsi acljeamã Domnul cu inimã curatã. 23Afireati tutashã di cuvendzãli atseali glari sh-fãrã minti, shtinda cã atseali aducã ncãceari. 24Cã huzmichearlu a Domnului nu prindi si s-ncaci, ma s-hibã moali cu tuts, axiu s-nveatsã oaminjlji sh-arãvdãtor. 25S-nveatsã cu muljeatsã contrarãlji, cu nãdii cã Dumnidzãlu lã da a lor mitãnjiusirea tsi s-agiungã s-cunoascã alihea, 26shi s-yinã tu minti, ascãpãnda di cearcul a draclui, tsi lã ari acãtsat roghi s-fac vrearea a lui.
Currently Selected:
2 Timoteu 2: BLRR
Highlight
Copy
Compare
Share
Want to have your highlights saved across all your devices? Sign up or sign in
2 Timoteu 2
2
Un Suldat Bun al Isus Hristos
1Tini, hiljilu a meu, nvãrtusheati tu harul tsi easti tu Hristolu Isus, 2sh-atseali tsi avdzãsh di la mini nãintea a multor martirii, dã-li la oaminji pistimenji, tsi va s-poatã s-nveatsã sh-altsã. 3Tini mpartsã-li cu mini munduirili, ca un suldat bun al Isus Hristos. 4Cã nitsiunu di atselji tsi s-ducã suldat nu s-minteashti cu lucrili a banãljei, tsi s-lji arseascã atsilui tsi lu-ari loatã tu armatã. 5Tutashã, macã vãrã ljea parti tu arenã ca dãlãgãtor, nu si ncuruneadzi ma s-nu aibã alãgatã dupã reguli a gioclui. 6Agricultorlu tsi lucreadzã multu prindi s-lu ljea protlu birichetlu. 7Minduia trã atseali tsi tsã dzãc, cã Domnul va tsã da minti trã tuti. 8Adu aminti tsi Isus Hristolu, di fara a Davidlui, s-nyie dit mortsã, dupã evanghelul a meu, 9trã cai mini ma mi munduescu pãnã tu prãnghi ca un arãu-fãcãtor. Ma zborlu a Dumnidzãlui nu s-leagã cu prãnghi. 10Trã atsea mini li aravdu tuti trã itia a aleptsilor, tsi elji s-aibã ascãparea tsi easti tu Hristolu Isus, deadun cu mãrirea eternã. 11Aestu zbor easti pistipsit, cã:
Macã noi murim cu nãsu, sh-va s-bãnãm cu nãsu.
12Macã noi arãvdãm, va s-domnim deadun cu nãsu.
Macã va lu alipidãm, sh-elu va nã aleapid.
13Macã him nipistimenji, elu armãni pistimen.
Cã elu nu poati s-aleapid bãnaticlu a lui.
Cuntrarea a Nvitsãtorilor Arãdioshi
14Adu-lã aminti atsilor aesti lucri, spigiurãnda nãintea a Domnului s-nu sã ncaci cu zboari, cã nu axizeashti shi fatsi arãu atsilor tsi avdu. 15Bagã mintea s-eshi nãintea a Dumnidzãlui ca om aprovat, ca lucrutor tsi nu ari cãtse si arushineadzã, cã dzãtsi ndreptu zborlu a alihiljei. 16Afirea-ti di zboarãli atseli goali, tsi li dipãrteadzã oaminjlji ma multu di Dumnidzãlu. 17Nvitsãtura a lor va sã scurpiseascã ca unã cangrenã. Di aeshti suntu Himeneul sh-Filetul. 18Elji s-dipãrtarã di alihea, dzãcãnda cã nyearea easti faptã shi arãstoanã pistea a niscãntsilor. 19Cu tut atsea, timeljilu atsel vãrtoslu a Dumnidzãlui sta niminat, sh-ari aestã vulã: “Domnul lji cunoashti atselji tsi suntu a lui,” shi: “Caitsido tsi acatsi n-gurã numa a Hristolui s-dipãrteadzã di arãutatea.” 20Tu unã casã mari nu ari mash vasi di furii sh-di asimi, ma sh-di lemnu sh-di lut, nãscãnti trã tinjisiri, alantili nu trã tinjisiri. 21Macã vãrã s-cãtãrseashti di aesti lucri, va hibã un vasu di tinjii, sãmtsãsit sh-lipsit di Mastru, etimãsit di itsi lucru bun. 22Dipãrteadz-ti di orixili a tinireatsãljei sh-duti dupã ndriptatea, dupã pistea, dupã vrearea sh-dupã pacea, deadun cu atselji tsi acljeamã Domnul cu inimã curatã. 23Afireati tutashã di cuvendzãli atseali glari sh-fãrã minti, shtinda cã atseali aducã ncãceari. 24Cã huzmichearlu a Domnului nu prindi si s-ncaci, ma s-hibã moali cu tuts, axiu s-nveatsã oaminjlji sh-arãvdãtor. 25S-nveatsã cu muljeatsã contrarãlji, cu nãdii cã Dumnidzãlu lã da a lor mitãnjiusirea tsi s-agiungã s-cunoascã alihea, 26shi s-yinã tu minti, ascãpãnda di cearcul a draclui, tsi lã ari acãtsat roghi s-fac vrearea a lui.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in