اعمال 26
26
پولُس اگرِپّا دے سامنڑے آپنڑی صفائی پیش کریندے
1اِیں گالھوں اگرِپّا بادشاہ پولُس کُوں آکھیا، ”تیکُوں آپنڑے حق ءچ بولنڑ دی اِجازت ہے۔“
اِیں واسطے پولُس ہتھ چا تے آپنڑی صفائی پیش کرݨ لگا، 2”اگرِپّا بادشاہ! مَیں آپنڑے آپ کُوں خوش قسمت سمجھدا ہاں جو تُہاڈے سامنڑے یہُودیاں دے اِلزاماں دے جواب ءچ آپنڑی صفائی پیش کریندا پِیا ہاں۔ 3خاص کر اِیں واسطے جو تُساں سارے یہُودی رسم و رواج تے مسئلیاں تُوں واقف ہیوے۔ اِیں واسطے مَیں مِنت کریندا ہاں جو تُساں صبر نال میڈی سُنڑو۔
4یہُودی چنگی طرحاں جانڑدے ہِن جو مَیں جوانی تُوں گِھن تے ہُنڑ تئیں آپنڑے وطن تے یروشلیم ءچ کِینویں زندگی گُزاری ہے۔ 5او شروع کنُوں میکُوں جانڑدے ہِن تے جے چاہوݨ تاں میڈے حق ءچ گواہی ڈے سگدے ہِن جو مَیں فریسی ہوندے ہوئے آپنڑے مذہب دے سبھ کنُوں پابند فرقہ دے مطابق زندگی گُزریندا ہم۔ 6ہُنڑ اُوں وعدے دی اُمید دی وجہ کنُوں جیہڑا خُدا ساڈے پِیُو ڈاڈا نال کیتا ہا میڈے اُتے ایہ مقدمہ کیتا ویندا پئے۔ 7اُونہئی وعدے دے پُورے تھیوݨ دی اُمید اُتے ساڈے بارہاں دے بارہاں قبیلے ڈینہہ رات دل و جان نال خُدا دی عبادت کریندے راہندے ہِن۔ پر بادشاہ سلامت! اِیں اُمید دے سببّوں یہُودی میڈے اُتے مقدمہ دائر کریندے پئے ہِن۔ 8تُساں اِیں گالھ دا کیوں یقین نئیں کریندے جو خُدا مُردیاں کُوں ولا کنُوں زندہ کر ڈیسی؟
9ہِک وقت ہا جڈاں مَیں یسُوع ناصری دے ناں دی ہر طرحاں مخالفت کرݨ آپنڑا فرض سمجھدا ہم۔ 10اِیں واسطے مَیں یروشلیم ءچ اِینویں ای کیتا۔ مَیں سردار کاہِناں کنُوں اِختیار گِھن تے بہُوں سارے پاک لوکاں کُوں قید ءچ سٹیا تے جِیں ویلے اُنہاں کُوں سزائے موت سُنڑائی ویندی ہئی تاں مَیں وی اِیہو صلاح ڈیندا ہم۔ 11مَیں ہر ہِک عبادت خانہ ءچ اُنہاں کُوں سزا ڈیندا ہم تے کُفر بَکنڑ اُتے مجبور کریندا ہم۔ اُنہاں دی مخالفت ءچ مَیں اِتنا دیوانہ بنڑ گِیا جو مَیں ڈُوجھے مُلکاں دے شہراں ءچ وَنج تے وی اُنہاں کُوں سَتیندا ہم۔
پولُس آپنڑے اِیمان گِھن آوݨ دے بارے ءچ ڈسیندے
12ہِک پھیری مَیں سردار کاہِناں دی اِجازت تے اِختیار نال اِیں کم کیتے دمشق دا سفر کریندا پِیا ہم۔ 13بادشاہ سلامت! ڈوپہر کُوں جِیں ویلے مَیں رستے ءچ ہم تاں مَیں اسمان کنُوں روشنی آندی ڈِٹھی جیہڑی سِجھ دی روشنی تُوں وی بہُوں تیز ہئی تے او آ تے میڈے تے میڈے نال سفر کرݨ آلیاں دے چودھارُوں چمکنڑ لگ پئی۔ 14اساں سارے زمین اُتے ڈھے پئے تے مَیں ہِک اواز سُنڑی جیہڑی میکُوں عبرانی زبان ءچ آدھی پئی ہئی جو ’ساؤل! ساؤل! تُوں میکُوں کیوں سَتیندیں؟ میڈے خلاف لڑن بیوقُوفی ہے#26:14 متن ءچ ایہ لِکھیا ہے جو ”پَینے دی آر تے لَت مارنڑا تیڈے کیتے مُشکل ہے۔“ یعنی ڈاند دا مالک دے خلاف لڑن صرف آپنڑے آپ کُوں نُقصان پُچاوݨ آلی گالھ ہے۔۔‘
15مَیں پُچھیا، ’اے خُداوند! تُساں کوݨ ہیوے؟‘
خُداوند جواب ڈِتا، ’مَیں یسُوع ہاں جِینکُوں تُوں سَتیندیں۔ 16پر اُٹھی آپنڑے پیراں اُتے کھڑا تھی وَنج، کیوں جو مَیں تَیں اُتے اِیں واسطے ظاہر تھیّا ہاں جو تیکُوں آپنڑا خادم تے گواہ مقرر کراں تاں جو تُوں اِنہاں گالھیں دی گواہی ڈیویں جیہڑیاں تَیں ہُنڑ ڈِٹھیاں ہِن تے اُنہاں دی وی جیہڑیاں مَیں تیڈے اُتے ظاہر کریساں۔ 17مَیں تیکُوں تیڈے لوکاں تے غیر قوماں کنُوں بچیندا راہساں، جِنہاں دے کولھ تیکُوں اِیں واسطے بھجیندا پِیا ہاں، 18جو تُوں اُنہاں دے اکھیں کھولیں تاں جو او اندھارے کنُوں روشنی دو تے شیطان دے اِختیار کنُوں خُدا دو رجُوع گِھن آوݨ، تے میڈے اُتے اِیمان گِھن آ تے گُناہاں دی معافی پاوݨ، تے خُدا دے پاک لوکاں ءچ شریک تھی تے میراث حاصل کرݨ۔‘
پولُس آپنڑے کم دے بارے ءچ ڈسیندے
19اِیں واسطے اگرِپّا بادشاہ! مَیں اُوں اسمانی رویا دا نافرمان نئیں تھیّا۔ 20بلکہ پہلے مَیں دمشق دے لوکاں ءچ، وَل یروشلیم تے سارے یہُودیہ دے راہنڑ آلیاں تے غیر قوماں ءچ وی تبلیغ کیتی جو او توبہ کرݨ تے خُدا دو رجُوع کرݨ، تے آپنڑے نیک عمل تُوں توبہ دا ثبوت ڈیوݨ۔ 21اِنہاں گالھیں دے سببّوں یہُودیاں میکُوں ہیکل ءچ پکڑ تے قتل کرݨ دی کوشش کیتی۔ 22پر مَیں خُدا دی مدد نال اَج تئیں ہر چھوٹے وڈے دے سامنڑے گواہی ڈیندا ہاں۔ مَیں اُنہاں گالھیں دے سِوا کُجھ نئیں آدھا جِنہاں دی پیشن گوئی نبیاں تے مُوسیٰ کیتی ہے، 23جو المسیح ضرور ڈُکھ چیسی تے ساریاں کنُوں پہلے مُردیاں ءچوں زندہ تھی تے اِیں اُمت تے غیر قوماں کُوں نُور دا پیغام ڈیسی۔“
24جِیں ویلے پولُس آپنڑی صفائی ءچ ایہ آدھا ای پِیا ہا تاں فیستُس اُونکُوں روک تے اُچی اواز نال آکھیا، ”پولُس تُوں دیوانہ تھی گئیں۔ علم دی زیادتی تیکُوں پاگل کر ڈِتے۔“
25پولُس جواب ڈِتا، ”معزز فیستُس! مَیں دیوانہ نئیں بلکہ سچائی تے عقل دے گالھیں کریندا ہاں۔ 26بادشاہ اِنہاں گالھیں تُوں واقف ہے تے مَیں اُوندے نال کُھل تے گالھ کر سگدا ہاں۔ میکُوں یقین ہے جو اِنہاں گالھیں ءچوں کوئی وی اُوں کنُوں لُکی نئیں کیوں جو ایہ قصہ کہیں کونے ءچ نئیں تھیّا۔ 27اگرِپّا بادشاہ! کیا تُساں نبیاں کُوں منیندے ہیوے؟ مَیں جانڑدا ہاں جو تُساں منیندے ہیوے۔“
28اگرِپّا پولُس کُوں آکھیا، ”کیا تُوں سوچیندیں جو میکُوں تھوڑی جیہی تبلیغ کر تے مسیحی بنڑݨ اُتے قائل کر سگدیں؟“
29پولُس جواب ڈِتا، ”مَیں تاں خُدا تُوں دُعا کریندا ہاں جو بھانویں تھوڑی جیہی یا زیادہ، نہ صرف تُساں بلکہ جتنے وی اَج میڈی سُنڑدے پئے ہِن، میڈے وانگُوں تھی ونجنڑ، سِوا اِنہاں زنجیراں دے۔“
30وَل بادشاہ، گورنر تے برنِیکے تے اُنہاں نال بیٹھے ہوئے باقی سبھ لوک وی کھڑے تھی گئے۔ 31تے باہر نِکل تے ہِک ڈُوجھے کُوں آکھنڑ لگے، ”ایہ بندہ کُجھ ایجھا نئیں کریندا جو اِینکُوں موت دی سزا ڈِتی ونجے یا قید ءچ رکھیا ونجے۔“
32اگرِپّا بادشاہ فیستُس کُوں آکھیا جو ”جے ایہ بندہ قیصر کُوں اپیل نہ کریندا تاں چُھٹ سگدا ہا۔“
Currently Selected:
اعمال 26: SKRV
Highlight
Copy
Compare
Share
Want to have your highlights saved across all your devices? Sign up or sign in
Modern Central Saraiki Bible © 2024 Strategic Resource Group
اعمال 26
26
پولُس اگرِپّا دے سامنڑے آپنڑی صفائی پیش کریندے
1اِیں گالھوں اگرِپّا بادشاہ پولُس کُوں آکھیا، ”تیکُوں آپنڑے حق ءچ بولنڑ دی اِجازت ہے۔“
اِیں واسطے پولُس ہتھ چا تے آپنڑی صفائی پیش کرݨ لگا، 2”اگرِپّا بادشاہ! مَیں آپنڑے آپ کُوں خوش قسمت سمجھدا ہاں جو تُہاڈے سامنڑے یہُودیاں دے اِلزاماں دے جواب ءچ آپنڑی صفائی پیش کریندا پِیا ہاں۔ 3خاص کر اِیں واسطے جو تُساں سارے یہُودی رسم و رواج تے مسئلیاں تُوں واقف ہیوے۔ اِیں واسطے مَیں مِنت کریندا ہاں جو تُساں صبر نال میڈی سُنڑو۔
4یہُودی چنگی طرحاں جانڑدے ہِن جو مَیں جوانی تُوں گِھن تے ہُنڑ تئیں آپنڑے وطن تے یروشلیم ءچ کِینویں زندگی گُزاری ہے۔ 5او شروع کنُوں میکُوں جانڑدے ہِن تے جے چاہوݨ تاں میڈے حق ءچ گواہی ڈے سگدے ہِن جو مَیں فریسی ہوندے ہوئے آپنڑے مذہب دے سبھ کنُوں پابند فرقہ دے مطابق زندگی گُزریندا ہم۔ 6ہُنڑ اُوں وعدے دی اُمید دی وجہ کنُوں جیہڑا خُدا ساڈے پِیُو ڈاڈا نال کیتا ہا میڈے اُتے ایہ مقدمہ کیتا ویندا پئے۔ 7اُونہئی وعدے دے پُورے تھیوݨ دی اُمید اُتے ساڈے بارہاں دے بارہاں قبیلے ڈینہہ رات دل و جان نال خُدا دی عبادت کریندے راہندے ہِن۔ پر بادشاہ سلامت! اِیں اُمید دے سببّوں یہُودی میڈے اُتے مقدمہ دائر کریندے پئے ہِن۔ 8تُساں اِیں گالھ دا کیوں یقین نئیں کریندے جو خُدا مُردیاں کُوں ولا کنُوں زندہ کر ڈیسی؟
9ہِک وقت ہا جڈاں مَیں یسُوع ناصری دے ناں دی ہر طرحاں مخالفت کرݨ آپنڑا فرض سمجھدا ہم۔ 10اِیں واسطے مَیں یروشلیم ءچ اِینویں ای کیتا۔ مَیں سردار کاہِناں کنُوں اِختیار گِھن تے بہُوں سارے پاک لوکاں کُوں قید ءچ سٹیا تے جِیں ویلے اُنہاں کُوں سزائے موت سُنڑائی ویندی ہئی تاں مَیں وی اِیہو صلاح ڈیندا ہم۔ 11مَیں ہر ہِک عبادت خانہ ءچ اُنہاں کُوں سزا ڈیندا ہم تے کُفر بَکنڑ اُتے مجبور کریندا ہم۔ اُنہاں دی مخالفت ءچ مَیں اِتنا دیوانہ بنڑ گِیا جو مَیں ڈُوجھے مُلکاں دے شہراں ءچ وَنج تے وی اُنہاں کُوں سَتیندا ہم۔
پولُس آپنڑے اِیمان گِھن آوݨ دے بارے ءچ ڈسیندے
12ہِک پھیری مَیں سردار کاہِناں دی اِجازت تے اِختیار نال اِیں کم کیتے دمشق دا سفر کریندا پِیا ہم۔ 13بادشاہ سلامت! ڈوپہر کُوں جِیں ویلے مَیں رستے ءچ ہم تاں مَیں اسمان کنُوں روشنی آندی ڈِٹھی جیہڑی سِجھ دی روشنی تُوں وی بہُوں تیز ہئی تے او آ تے میڈے تے میڈے نال سفر کرݨ آلیاں دے چودھارُوں چمکنڑ لگ پئی۔ 14اساں سارے زمین اُتے ڈھے پئے تے مَیں ہِک اواز سُنڑی جیہڑی میکُوں عبرانی زبان ءچ آدھی پئی ہئی جو ’ساؤل! ساؤل! تُوں میکُوں کیوں سَتیندیں؟ میڈے خلاف لڑن بیوقُوفی ہے#26:14 متن ءچ ایہ لِکھیا ہے جو ”پَینے دی آر تے لَت مارنڑا تیڈے کیتے مُشکل ہے۔“ یعنی ڈاند دا مالک دے خلاف لڑن صرف آپنڑے آپ کُوں نُقصان پُچاوݨ آلی گالھ ہے۔۔‘
15مَیں پُچھیا، ’اے خُداوند! تُساں کوݨ ہیوے؟‘
خُداوند جواب ڈِتا، ’مَیں یسُوع ہاں جِینکُوں تُوں سَتیندیں۔ 16پر اُٹھی آپنڑے پیراں اُتے کھڑا تھی وَنج، کیوں جو مَیں تَیں اُتے اِیں واسطے ظاہر تھیّا ہاں جو تیکُوں آپنڑا خادم تے گواہ مقرر کراں تاں جو تُوں اِنہاں گالھیں دی گواہی ڈیویں جیہڑیاں تَیں ہُنڑ ڈِٹھیاں ہِن تے اُنہاں دی وی جیہڑیاں مَیں تیڈے اُتے ظاہر کریساں۔ 17مَیں تیکُوں تیڈے لوکاں تے غیر قوماں کنُوں بچیندا راہساں، جِنہاں دے کولھ تیکُوں اِیں واسطے بھجیندا پِیا ہاں، 18جو تُوں اُنہاں دے اکھیں کھولیں تاں جو او اندھارے کنُوں روشنی دو تے شیطان دے اِختیار کنُوں خُدا دو رجُوع گِھن آوݨ، تے میڈے اُتے اِیمان گِھن آ تے گُناہاں دی معافی پاوݨ، تے خُدا دے پاک لوکاں ءچ شریک تھی تے میراث حاصل کرݨ۔‘
پولُس آپنڑے کم دے بارے ءچ ڈسیندے
19اِیں واسطے اگرِپّا بادشاہ! مَیں اُوں اسمانی رویا دا نافرمان نئیں تھیّا۔ 20بلکہ پہلے مَیں دمشق دے لوکاں ءچ، وَل یروشلیم تے سارے یہُودیہ دے راہنڑ آلیاں تے غیر قوماں ءچ وی تبلیغ کیتی جو او توبہ کرݨ تے خُدا دو رجُوع کرݨ، تے آپنڑے نیک عمل تُوں توبہ دا ثبوت ڈیوݨ۔ 21اِنہاں گالھیں دے سببّوں یہُودیاں میکُوں ہیکل ءچ پکڑ تے قتل کرݨ دی کوشش کیتی۔ 22پر مَیں خُدا دی مدد نال اَج تئیں ہر چھوٹے وڈے دے سامنڑے گواہی ڈیندا ہاں۔ مَیں اُنہاں گالھیں دے سِوا کُجھ نئیں آدھا جِنہاں دی پیشن گوئی نبیاں تے مُوسیٰ کیتی ہے، 23جو المسیح ضرور ڈُکھ چیسی تے ساریاں کنُوں پہلے مُردیاں ءچوں زندہ تھی تے اِیں اُمت تے غیر قوماں کُوں نُور دا پیغام ڈیسی۔“
24جِیں ویلے پولُس آپنڑی صفائی ءچ ایہ آدھا ای پِیا ہا تاں فیستُس اُونکُوں روک تے اُچی اواز نال آکھیا، ”پولُس تُوں دیوانہ تھی گئیں۔ علم دی زیادتی تیکُوں پاگل کر ڈِتے۔“
25پولُس جواب ڈِتا، ”معزز فیستُس! مَیں دیوانہ نئیں بلکہ سچائی تے عقل دے گالھیں کریندا ہاں۔ 26بادشاہ اِنہاں گالھیں تُوں واقف ہے تے مَیں اُوندے نال کُھل تے گالھ کر سگدا ہاں۔ میکُوں یقین ہے جو اِنہاں گالھیں ءچوں کوئی وی اُوں کنُوں لُکی نئیں کیوں جو ایہ قصہ کہیں کونے ءچ نئیں تھیّا۔ 27اگرِپّا بادشاہ! کیا تُساں نبیاں کُوں منیندے ہیوے؟ مَیں جانڑدا ہاں جو تُساں منیندے ہیوے۔“
28اگرِپّا پولُس کُوں آکھیا، ”کیا تُوں سوچیندیں جو میکُوں تھوڑی جیہی تبلیغ کر تے مسیحی بنڑݨ اُتے قائل کر سگدیں؟“
29پولُس جواب ڈِتا، ”مَیں تاں خُدا تُوں دُعا کریندا ہاں جو بھانویں تھوڑی جیہی یا زیادہ، نہ صرف تُساں بلکہ جتنے وی اَج میڈی سُنڑدے پئے ہِن، میڈے وانگُوں تھی ونجنڑ، سِوا اِنہاں زنجیراں دے۔“
30وَل بادشاہ، گورنر تے برنِیکے تے اُنہاں نال بیٹھے ہوئے باقی سبھ لوک وی کھڑے تھی گئے۔ 31تے باہر نِکل تے ہِک ڈُوجھے کُوں آکھنڑ لگے، ”ایہ بندہ کُجھ ایجھا نئیں کریندا جو اِینکُوں موت دی سزا ڈِتی ونجے یا قید ءچ رکھیا ونجے۔“
32اگرِپّا بادشاہ فیستُس کُوں آکھیا جو ”جے ایہ بندہ قیصر کُوں اپیل نہ کریندا تاں چُھٹ سگدا ہا۔“
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Modern Central Saraiki Bible © 2024 Strategic Resource Group