रोमि 8
8
पुनित हाङसासो निङका जिबन
1इदोइभाअ्सिङ ख्रिस्ट इसुता खान्धुर पाकालाइहेङ परमेस्वर दार मापिखे। 2हाइदोनु इसु ख्रिस्टसो लोका जिबन पिका पुनित हाङसाको सरबङहोइ केलाइहेङ सिकाता थुकापाका पापसो छुटकारा पिखे। 3केलाइहेङ मोसाको न्याम पापसो छुटकारा पिलि मादोहि। हाइदोनु केलाइ पापि आनिबानिको द्याङ हिनाङ इदोइ न्याम मानिलि मादोन्हाहि। इङकोको भाअ्सिङ परमेस्वर ताइकोङ चानहेङ दिङगिल्हि। चानचाहिँ पाप द्याङको भाइपाङ जिउको आनिबानि चुमतेङ जोलोम जेङहि। कालाउ द्याङको पापको भाअ्सिङ वासेहेङ दार पिन्हाहि रो वाको जिउसो पापको सरबङ मुअ्पाहि। 4एसापा ताइको पापि आनिबानि आन्सार माको कालाउ पुनित हाङसा आन्सार चलिकालाइको भाअ्सिङ न्यामको भोका काथा पोङघाका हि।
5जाइ ताइको पापको आनिबानि आन्सार चलिखे एम्बालाइ ताइको जिउको काथाता मन लागाइखे। कालाउ हाङसा आन्सार चलिकालाइ हाङसाको काथाता मन लागाइखे। 6जिउको आनिबानिको इछासो द्याङहेङ सिकाता चुम्पुखे। कालाउ पुनित हाङसाको इछासो वासेहेङ नावा जिबन रो सान्तिता थुकापाखे। 7जेदोङ द्याङ जिउको आनिबानिको आधिनता चलिखे इङको परमेस्वरको खिलापि जेङखे। हाइदोनु इङको परमेस्वरको न्याम मामानिखे रो मानिलि बुङ मादोखे। 8जाइ जिउको आनिबानिको आधिनता हिखे इङको परमेस्वरहेङ लेङचापालि मादोखे।
9एदि जातिङको परमेस्वरको हाङसा नेलाइता बासा हिखे पानु, नेलाइ पापको आनिबानिता माको, कालाउ पुनित हाङसाता हिस्वाना। कालाउ हिदिङ द्याङता ख्रिस्टको हाङसा मान्थुहि पानु इङको वाको मामाङमाको। 10एदि ख्रिस्ट नेलाइता हिखे पानु, पापको भाअ्सिङ नेलाइको जिउ सिका हिलाउ बुङ धरमातिको भाअ्सिङ नेलाइको हाङसा सिन्हुका जेङखे। 11परमेस्वर ख्रिस्टहेङ सिकासो आरोङ सिन्हुपाहि। परमेस्वरको हाङसा नेलाइलिअ्ता हिखे पानु एन्साङपातेङ नेलाइको मुअ्तेङ हानिका जिउहेङ बुङ वा सिन्हुपावा।#१ कोरिन्थि ३:१६
12इदोइभाअ्सिङ दादाओने बाइओनेगेलाइ, केलाइको जिउको आनिबानिसो इछा पाकाभाइपाङ पालि केलाइहेङ कर मालाग्याङ। 13हाइदोनु ताइको पापको आनिबानिहेङ पिताइसुखेना पानु नेलाइ सिस्वाना। कालाउबुङ नेलाइ पाप पाकासो ताइमिहेङ रोकिलि पुनित हाङसाको सरबङ चालाइसुखेना पानु नेलाइ बान्चिस्वाना। 14जाइ परमेस्वरको हाङसाको तिङपाका दामाता हिगिल्खे एम्बालाइ दोङ परमेस्वरको जाहान जेङखे। 15हाइदोनु परमेस्वर केलाइहेङ वाको हाङसा पिनाङसिङ एला केलाइ कामत्या ताइको मालिकदोफा थिका भाइपाङ थिलि मागोयाङ। कालाउ इङकोङ हाङसा दोङ केलाइहेङ परमेस्वरको जाहान बान्हाइका हि। इङकोभाअ्सिङ केलाइ परमेस्वरहेङ “काङको आबा” दोअ्न्हाखे।#गलाति ४:५-७; मरकुस १४:३६ 16कालाउ इङको पुनित हाङसा ताइमिङ केलाइको हाङसाहेङ केलाइ परमेस्वरको जाहानगेलाइ दोअ्तेङ दासि पिखे। 17एदि केलाइ परमेस्वरको जाहानगेलाइनु केलाइ सहसाम्पा निनाङ। जेदोङ परमेस्वर ताइको द्याङगेलाइको भाअ्सिङ सान्तितेङ ताअ्काहि। केलाइ इङको सहसाम्पा परमेस्वरसो ख्रिस्टदोफाङ निनाङ। कालाउ केलाइ ख्रिस्टभाइपाङ तु: पिर हिलिगोयाङ। इङकोन्हुअ्सो खिनिङ ख्रिस्टभाइपाङ मान निङलि द्वाङ।
न्हुअ्सो लोका पारताप
18काङको बिचारता, जेदोङ पिर एला केलाइता हि इङकोन्हुअ्सो केलाइहेङ पिका पारतापदोफा दाजेलाउ इङको हाइदोङ माको। 19परमेस्वर वाको जाहानहेङ हेअ्लाउ तिङपावा दोअ्तेङ गोताङ सिरजाइ बारका इछा पातेङ र्हुमतेङ हि। 20हाइदोनु सिरजाइ दोङ काम मालागिका जेङका हिघाहि कालाउ सिरजाइको ताइकोङ इछाहोइ एसा जेङका मान्थुघाहि। कालाउ सिरजाइ आस पातेङ ह्याको दोअ्तेङ परमेस्वरदोङ एसापाका हिघाहि।#सिरजाइ ३:१७-१९ 21सिरजाइ ताइमिङ बुङ मुअ्काको काइदसो एअ्नि छुटकारा निङतेङ परमेस्वरको जाहानको पारतापको छुटकाराता आसि र्हुकावा।
22केलाइ गिन्हाखे, एलाथिकापा सावाइतिहेङ तु: निन्चाका भाइपाङ गोताङ सिरजाइ तु:ता छाटपाताइदोङखे। 23इदोइ सिरजाइ खिनिङ माको, केलाइ बुङ तु:ता हिन्हाहि। कालाउ परमेस्वरको केरा आन्सार केलाइता पुनित हाङसा हि। एन्साङपातेङ केलाइहेङ वा ताइको जाहान हेअ्लाउ बान्हायाङ दोअ्तेङ हाउसाइतेङ र्हुमतेङ हिन्हाहि। काङको दोअ्लि भोका मतलब, केलाइहेङ वा केलाइको जिउगेलाइसो हेअ्लाउ छुटकारा प्यावा दोअ्तेङ र्हुमतेङ हिन्हाहि।#२ कोरिन्थि ५:२-४ 24हाइदोनु इदोङ आसता केलाइ छुटकारा निङका हिघान्हाहि। एला तिङका आस ते आसदोङ माको। हाइपानु तिङका काथाको आस हासु पावा कुनु? 25कालाउ एदि केलाइ ताइमि मातिङका काथाको आस पान्हाखे पानु, केलाइ इङकोङ निङलिको भाअ्सिङ र्हुमन्हाखे।
26पुनित हाङसा दोङ केलाइ हाइदोङ पालि मादोलाउ बुङ साघाइखे। केलाइ हेसापा पारथाना पालिगोइका! मागिन्हाखे। कालाउ पुनित हाङसा तु:ता परमेस्वरदोफा केलाइको पछेता पारथाना पाप्यावा। जेदोङ केलाइ सब्दगेलाइता बाखान पालि माद्वाङ। 27द्याङको कोन्धाङ तिङका परमेस्वर पुनित हाङसाको बिचार हाइ हि इङको गिखे। हाइदोनु पुनित हाङसा खान्धुरिगेलाइको भाअ्सिङ परमेस्वरको इछा आन्सार वाकोदोफा पारथाना पापिखे।
28केलाइ गिन्हाखे, जाइ परमेस्वरहेङ माया पाखे इङकोहेङ वा गोताङ काथाता भालाइ पाखे। इङको द्याङगेलाइ जाइहेङ परमेस्वर काइहि, हाइदोनु इङको वाकोङ उपाइ हिघाहि। 29हेन्जाङ ओनेगेलाइता ख्रिस्ट जेठा ज्याको दोअ्तेङ परमेस्वर लाम्फासोङ नालनाङ वा एम्बालाइहेङ ताइको चानभाइपाङ बान्हाइलि साल्हि। 30परमेस्वर लाम्फादोङ साल्कालाइहेङ काइहि। कालाउ काइकालाइहेङ ताइको आगाता धरमाति ठार्हाइहि रो धरमाति ठार्हाइकालाइहेङ मान बुङ पिहि।
ख्रिस्ट इसुता परमेस्वरको माया
31एला इदोइ बारेता केलाइ हाइ दोअ्लि? एदि परमेस्वर केलाइको भाअ्सिङ हि पानु, केलाइहेङ हासु हारेपालि द्वावा? 32परमेस्वर ताइको चानहेङ बुङ जोगाइतेङ माताअ्हि कालाउ केलाइको भाअ्सिङ पिहि। केलाइको भाअ्सिङ ताइको चानसुदाङ पिलि दोका झन वादोफाङ बो गोताङ काथा केलाइहेङ माप्यावा कुनु? 33परमेस्वरको साल्का द्याङगेलाइहेङ हासु दुसिलि द्वावा? हाइदोनु परमेस्वर ताइमिङ द्याङगेलाइहेङ धरमाति बान्हायावा। 34केलाइहेङ हासु दुसेलि द्वावा? हाइदोनु ख्रिस्ट इसु केलाइको भाअ्सिङ सिहि कालाउ परमेस्वर वासेहेङ सिकासो सिन्हुपाहि। कालाउ वा परमेस्वरको दाम्पाहा हि रो केलाइको भाअ्सिङ परमेस्वरहेङ पारथाना पादोङखे। 35हाइ काथाहोइ केलाइहेङ ख्रिस्टको मायासो खेङलि द्वावा? हाइ तु:होइ केलाइहेङ खेङलि द्वावा? हाइ मुस्किल रो सान्ताइकासो केलाइहेङ ख्रिस्टको मायासो खेङलि द्वावा? हाइ आनिकाल रो नाङघाङसो केलाइहेङ ख्रिस्टको मायासो खेङलि द्वावा? हाइ हिदिङ आपत रो सिका केलाहेङ ख्रिस्टको मायासो खेङलि द्वावा? आहाँ हिदिङ बुङ काथाहोइ केलाइहेङ खेङलि माद्वावा! 36धरमकिताबता इस्का लेखिका हिः
“नाङको भाअ्सिङ केलाइ दिनाङ सेअ्न्हान्हाखे,
पालन्हाका भेरागेलाइभाइपाङ केलाइ गान्देन्हाका हिन्हाहि।”#ले ४४:२२
37कालाउ इदोइ गोताङ तु:गेलाइ सहिलि गोइलाउ बुङ केलाइहेङ माया पाका ख्रिस्टसो दोङ केलाइ इदोइ गोताङ काथाता जितिलि दोका हिन्हाहि। 38हाइदोनु का गिखा, हिदि बुङ काथासो ख्रिस्टको मायासो केलाइहेङ खेङलि माद्वावा। नाते सिका, नाते जिबन, नाते स्वरगदुतगेलाइ, नाते दुनियाको सरबङहोइ, 39नाते एलाको, नाते न्हुअ्सोको, नाते र्हुताको, नाते लेताको, सिरजाइको हिदिङ सरबङहोइ बुङ केलाइहेङ परमेस्वरको मायासो खेङलि माद्वावा। हाइदोनु परमेस्वर ख्रिस्ट इसुसो केलाइहेङ माया पाका हि।
Currently Selected:
रोमि 8: DHIM
Highlight
Copy
Compare
Share
Want to have your highlights saved across all your devices? Sign up or sign in
© 2025 by Nepal Bible Society and Wycliffe Bible Translators, Inc.
रोमि 8
8
पुनित हाङसासो निङका जिबन
1इदोइभाअ्सिङ ख्रिस्ट इसुता खान्धुर पाकालाइहेङ परमेस्वर दार मापिखे। 2हाइदोनु इसु ख्रिस्टसो लोका जिबन पिका पुनित हाङसाको सरबङहोइ केलाइहेङ सिकाता थुकापाका पापसो छुटकारा पिखे। 3केलाइहेङ मोसाको न्याम पापसो छुटकारा पिलि मादोहि। हाइदोनु केलाइ पापि आनिबानिको द्याङ हिनाङ इदोइ न्याम मानिलि मादोन्हाहि। इङकोको भाअ्सिङ परमेस्वर ताइकोङ चानहेङ दिङगिल्हि। चानचाहिँ पाप द्याङको भाइपाङ जिउको आनिबानि चुमतेङ जोलोम जेङहि। कालाउ द्याङको पापको भाअ्सिङ वासेहेङ दार पिन्हाहि रो वाको जिउसो पापको सरबङ मुअ्पाहि। 4एसापा ताइको पापि आनिबानि आन्सार माको कालाउ पुनित हाङसा आन्सार चलिकालाइको भाअ्सिङ न्यामको भोका काथा पोङघाका हि।
5जाइ ताइको पापको आनिबानि आन्सार चलिखे एम्बालाइ ताइको जिउको काथाता मन लागाइखे। कालाउ हाङसा आन्सार चलिकालाइ हाङसाको काथाता मन लागाइखे। 6जिउको आनिबानिको इछासो द्याङहेङ सिकाता चुम्पुखे। कालाउ पुनित हाङसाको इछासो वासेहेङ नावा जिबन रो सान्तिता थुकापाखे। 7जेदोङ द्याङ जिउको आनिबानिको आधिनता चलिखे इङको परमेस्वरको खिलापि जेङखे। हाइदोनु इङको परमेस्वरको न्याम मामानिखे रो मानिलि बुङ मादोखे। 8जाइ जिउको आनिबानिको आधिनता हिखे इङको परमेस्वरहेङ लेङचापालि मादोखे।
9एदि जातिङको परमेस्वरको हाङसा नेलाइता बासा हिखे पानु, नेलाइ पापको आनिबानिता माको, कालाउ पुनित हाङसाता हिस्वाना। कालाउ हिदिङ द्याङता ख्रिस्टको हाङसा मान्थुहि पानु इङको वाको मामाङमाको। 10एदि ख्रिस्ट नेलाइता हिखे पानु, पापको भाअ्सिङ नेलाइको जिउ सिका हिलाउ बुङ धरमातिको भाअ्सिङ नेलाइको हाङसा सिन्हुका जेङखे। 11परमेस्वर ख्रिस्टहेङ सिकासो आरोङ सिन्हुपाहि। परमेस्वरको हाङसा नेलाइलिअ्ता हिखे पानु एन्साङपातेङ नेलाइको मुअ्तेङ हानिका जिउहेङ बुङ वा सिन्हुपावा।#१ कोरिन्थि ३:१६
12इदोइभाअ्सिङ दादाओने बाइओनेगेलाइ, केलाइको जिउको आनिबानिसो इछा पाकाभाइपाङ पालि केलाइहेङ कर मालाग्याङ। 13हाइदोनु ताइको पापको आनिबानिहेङ पिताइसुखेना पानु नेलाइ सिस्वाना। कालाउबुङ नेलाइ पाप पाकासो ताइमिहेङ रोकिलि पुनित हाङसाको सरबङ चालाइसुखेना पानु नेलाइ बान्चिस्वाना। 14जाइ परमेस्वरको हाङसाको तिङपाका दामाता हिगिल्खे एम्बालाइ दोङ परमेस्वरको जाहान जेङखे। 15हाइदोनु परमेस्वर केलाइहेङ वाको हाङसा पिनाङसिङ एला केलाइ कामत्या ताइको मालिकदोफा थिका भाइपाङ थिलि मागोयाङ। कालाउ इङकोङ हाङसा दोङ केलाइहेङ परमेस्वरको जाहान बान्हाइका हि। इङकोभाअ्सिङ केलाइ परमेस्वरहेङ “काङको आबा” दोअ्न्हाखे।#गलाति ४:५-७; मरकुस १४:३६ 16कालाउ इङको पुनित हाङसा ताइमिङ केलाइको हाङसाहेङ केलाइ परमेस्वरको जाहानगेलाइ दोअ्तेङ दासि पिखे। 17एदि केलाइ परमेस्वरको जाहानगेलाइनु केलाइ सहसाम्पा निनाङ। जेदोङ परमेस्वर ताइको द्याङगेलाइको भाअ्सिङ सान्तितेङ ताअ्काहि। केलाइ इङको सहसाम्पा परमेस्वरसो ख्रिस्टदोफाङ निनाङ। कालाउ केलाइ ख्रिस्टभाइपाङ तु: पिर हिलिगोयाङ। इङकोन्हुअ्सो खिनिङ ख्रिस्टभाइपाङ मान निङलि द्वाङ।
न्हुअ्सो लोका पारताप
18काङको बिचारता, जेदोङ पिर एला केलाइता हि इङकोन्हुअ्सो केलाइहेङ पिका पारतापदोफा दाजेलाउ इङको हाइदोङ माको। 19परमेस्वर वाको जाहानहेङ हेअ्लाउ तिङपावा दोअ्तेङ गोताङ सिरजाइ बारका इछा पातेङ र्हुमतेङ हि। 20हाइदोनु सिरजाइ दोङ काम मालागिका जेङका हिघाहि कालाउ सिरजाइको ताइकोङ इछाहोइ एसा जेङका मान्थुघाहि। कालाउ सिरजाइ आस पातेङ ह्याको दोअ्तेङ परमेस्वरदोङ एसापाका हिघाहि।#सिरजाइ ३:१७-१९ 21सिरजाइ ताइमिङ बुङ मुअ्काको काइदसो एअ्नि छुटकारा निङतेङ परमेस्वरको जाहानको पारतापको छुटकाराता आसि र्हुकावा।
22केलाइ गिन्हाखे, एलाथिकापा सावाइतिहेङ तु: निन्चाका भाइपाङ गोताङ सिरजाइ तु:ता छाटपाताइदोङखे। 23इदोइ सिरजाइ खिनिङ माको, केलाइ बुङ तु:ता हिन्हाहि। कालाउ परमेस्वरको केरा आन्सार केलाइता पुनित हाङसा हि। एन्साङपातेङ केलाइहेङ वा ताइको जाहान हेअ्लाउ बान्हायाङ दोअ्तेङ हाउसाइतेङ र्हुमतेङ हिन्हाहि। काङको दोअ्लि भोका मतलब, केलाइहेङ वा केलाइको जिउगेलाइसो हेअ्लाउ छुटकारा प्यावा दोअ्तेङ र्हुमतेङ हिन्हाहि।#२ कोरिन्थि ५:२-४ 24हाइदोनु इदोङ आसता केलाइ छुटकारा निङका हिघान्हाहि। एला तिङका आस ते आसदोङ माको। हाइपानु तिङका काथाको आस हासु पावा कुनु? 25कालाउ एदि केलाइ ताइमि मातिङका काथाको आस पान्हाखे पानु, केलाइ इङकोङ निङलिको भाअ्सिङ र्हुमन्हाखे।
26पुनित हाङसा दोङ केलाइ हाइदोङ पालि मादोलाउ बुङ साघाइखे। केलाइ हेसापा पारथाना पालिगोइका! मागिन्हाखे। कालाउ पुनित हाङसा तु:ता परमेस्वरदोफा केलाइको पछेता पारथाना पाप्यावा। जेदोङ केलाइ सब्दगेलाइता बाखान पालि माद्वाङ। 27द्याङको कोन्धाङ तिङका परमेस्वर पुनित हाङसाको बिचार हाइ हि इङको गिखे। हाइदोनु पुनित हाङसा खान्धुरिगेलाइको भाअ्सिङ परमेस्वरको इछा आन्सार वाकोदोफा पारथाना पापिखे।
28केलाइ गिन्हाखे, जाइ परमेस्वरहेङ माया पाखे इङकोहेङ वा गोताङ काथाता भालाइ पाखे। इङको द्याङगेलाइ जाइहेङ परमेस्वर काइहि, हाइदोनु इङको वाकोङ उपाइ हिघाहि। 29हेन्जाङ ओनेगेलाइता ख्रिस्ट जेठा ज्याको दोअ्तेङ परमेस्वर लाम्फासोङ नालनाङ वा एम्बालाइहेङ ताइको चानभाइपाङ बान्हाइलि साल्हि। 30परमेस्वर लाम्फादोङ साल्कालाइहेङ काइहि। कालाउ काइकालाइहेङ ताइको आगाता धरमाति ठार्हाइहि रो धरमाति ठार्हाइकालाइहेङ मान बुङ पिहि।
ख्रिस्ट इसुता परमेस्वरको माया
31एला इदोइ बारेता केलाइ हाइ दोअ्लि? एदि परमेस्वर केलाइको भाअ्सिङ हि पानु, केलाइहेङ हासु हारेपालि द्वावा? 32परमेस्वर ताइको चानहेङ बुङ जोगाइतेङ माताअ्हि कालाउ केलाइको भाअ्सिङ पिहि। केलाइको भाअ्सिङ ताइको चानसुदाङ पिलि दोका झन वादोफाङ बो गोताङ काथा केलाइहेङ माप्यावा कुनु? 33परमेस्वरको साल्का द्याङगेलाइहेङ हासु दुसिलि द्वावा? हाइदोनु परमेस्वर ताइमिङ द्याङगेलाइहेङ धरमाति बान्हायावा। 34केलाइहेङ हासु दुसेलि द्वावा? हाइदोनु ख्रिस्ट इसु केलाइको भाअ्सिङ सिहि कालाउ परमेस्वर वासेहेङ सिकासो सिन्हुपाहि। कालाउ वा परमेस्वरको दाम्पाहा हि रो केलाइको भाअ्सिङ परमेस्वरहेङ पारथाना पादोङखे। 35हाइ काथाहोइ केलाइहेङ ख्रिस्टको मायासो खेङलि द्वावा? हाइ तु:होइ केलाइहेङ खेङलि द्वावा? हाइ मुस्किल रो सान्ताइकासो केलाइहेङ ख्रिस्टको मायासो खेङलि द्वावा? हाइ आनिकाल रो नाङघाङसो केलाइहेङ ख्रिस्टको मायासो खेङलि द्वावा? हाइ हिदिङ आपत रो सिका केलाहेङ ख्रिस्टको मायासो खेङलि द्वावा? आहाँ हिदिङ बुङ काथाहोइ केलाइहेङ खेङलि माद्वावा! 36धरमकिताबता इस्का लेखिका हिः
“नाङको भाअ्सिङ केलाइ दिनाङ सेअ्न्हान्हाखे,
पालन्हाका भेरागेलाइभाइपाङ केलाइ गान्देन्हाका हिन्हाहि।”#ले ४४:२२
37कालाउ इदोइ गोताङ तु:गेलाइ सहिलि गोइलाउ बुङ केलाइहेङ माया पाका ख्रिस्टसो दोङ केलाइ इदोइ गोताङ काथाता जितिलि दोका हिन्हाहि। 38हाइदोनु का गिखा, हिदि बुङ काथासो ख्रिस्टको मायासो केलाइहेङ खेङलि माद्वावा। नाते सिका, नाते जिबन, नाते स्वरगदुतगेलाइ, नाते दुनियाको सरबङहोइ, 39नाते एलाको, नाते न्हुअ्सोको, नाते र्हुताको, नाते लेताको, सिरजाइको हिदिङ सरबङहोइ बुङ केलाइहेङ परमेस्वरको मायासो खेङलि माद्वावा। हाइदोनु परमेस्वर ख्रिस्ट इसुसो केलाइहेङ माया पाका हि।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025 by Nepal Bible Society and Wycliffe Bible Translators, Inc.