रोमि 11
11
इस्राएलको पाप रो परमेस्वरको दाया
1इदोइभाअ्सिङ का हिअ्ताङका, हाइ परमेस्वर इस्राएलिगेलाइहेङ लाअ्हि कुनु? आहाँ लाअ्का मान्थु! हाइपानु का ताइमिङ बुङ ते आब्राहामको खालता जोलोम जेङका बेन्यामिन खालको इस्राएलि।#फिलिप्पि ३:५ 2परमेस्वर लाम्फासो दोङ नाल्का ताइको द्याङगेलाइहेङ लाअ्का मान्थु। एलियाको बारेता पुनित धरमकिताबता लेखिका काथा हाइ नेलाइ मागिसुखेना? वा इस्राएलिको खिलापता एसापा दोअ्का हिघाखे, 3“प्रभु, एम्बालाइ नाङको परमेस्वर पाहासो धुइकालाइहेङ सेअ्हि कालाउ नाङको भोक पिका थामेगेलाइ बुङ र्हाअ्पिहि। कालाउ सिन्हुकाचाहिँ कादोङ रो कासेहेङ बुङ एम्बालाइ सेअ्लि भोदोङखे।”#१ राजा १९:१०,१४ 4कालाउ परमेस्वर एलियाहेङ एसा दोअ्हि, “का न्हिअ् हाजार द्याङगेलाइहेङ खेङतेङ ताअ्का हिघा। जाइ एला बुङ बाल दिरको आगाता तिर्होथोका मान्थु।”#१ राजा १९:१८ 5एसाङपातेङ परमेस्वरको निगाहाहोइ सालन्हाका आधिमि इस्राएलिगेलाइ एला बुङ हिदोङ हि। 6कालाउ इदोइ ते एम्बालाइको पाका कामसो माको, कालाउ परमेस्वरको निगाहासो जेङका। एदि एम्बालाइको पाका कामसो जेङका हिनुते परमेस्वरको निगाहा बिथाको जेङधावा।
7एन्सा जेङनु केलाइ एसा दोअ्लि द्वाङ, इस्राएलिगेलाइ परमेस्वरको नजरता धरमाति जेङलि भोलाउ बुङ एम्बालाइ धरमाति जेङलि मादोहि। कालाउ परमेस्वर जाइहेङ धरमाति बान्हाइलिको भाअ्सिङ साल्लि एम्बालाइ खिनिङ धरमाति जेङलि दोहि। बो दाइका इस्राएलिगेलाइचाहिँ ताइको कोन्धाङ थाङपातेङ परमेस्वरको काथा दोङ हिङलि माभोहि। 8हाइपानु धरमकिताबता इस्का लेखिका हिः
“परमेस्वर एम्बालाइहेङ चेतमान्थुका हाङसा पिका हि,
एम्बालाइको मिँ बुङ मातिङका रो न्हातोङ बुङ माहिङका जेङका हि।
कालाउ एम्बालाइ नानिको दिनाथिकापा बुङ इन्सिकाङ हि।”#न्याम २९:४; यासाइया २९:१०
9इदोइ बारेता राजा दाउद बुङ एसा दोअ्का हि,
“एम्बालाइको भतेर आस्ति रो दार निङचाका काथा ज्याको।#ले ६९:२२-२३
10एम्बालाइको मिँ तिङलि मादोपाङ कितिकितिकाहोइ थुमन्हाको।
एम्बालाइको गान्धि बुङ दिनाङ कुकुरुतेङ ह्याको।”
11इदोइभाअ्सिङ का हिअ्खा, “हाइ इस्राएलिगेलाइ मुअ्पाङ बोखेतेङ लोङकाङ कुनु?” आहाँ माको! कालाउ एम्बालाइ खान्धुर मापानाङसिङ लोङहि कालाउ एम्बालाइको निङलिगोइका छुटकारा बोजात्याको द्याङगेलाइ निङहि। इदोइदोङ एम्बालाइको इख पाका काथा ज्याको दोअ्तेङ परमेस्वर भोका हिघाहि। 12एसापा इस्राएलिगेलाइ खान्धुर मापानाङसिङ दुनियाको गोताङ द्याङगेलाइता सहसाम्पा लोहि पानु, एम्बालाइ झाराङ खान्धुर पाहि पानुते झन हेथे हेन्जा सहसाम्पा लोधावा वाला!
बोजात्यागेलाइको छुटकारा
13का नेलाइ बोजात्यागेलाइको भाअ्सिङ खाटाइन्हाका ख्रिस्टको साल्तेङ दिङगिल्का। इदोइभाअ्सिङ का नेलाइहेङ इदोइ काथा हिङपाखा। कालाउ इस्राएलिगेलाइको आगाता का इदोइ कामता हाउसिका हिघा। 14का आस पाखा, इदोइ कामसो काङको ताइकोङ जात्याको द्याङगेलाइ इख पातेङ आधिमि परमेस्वरभारि घुरिधाङ बे? 15हाइदोनु लाअ्न्हालाउ ते दुनिया परमेस्वरको सानाइति जेङहि पानु एम्बालाइहेङ ताइकोङ बान्हाइलाउ झन हाइ ज्यावा? एम्बालाइ सितेङ बुङ जिबन दोङ निनावा। 16एदि तोलेको लाङ पोङ परमेस्वरहेङ चार्हाइहि पानु, गोताङ तोले दोङ पुनित जेङखे। एसापा जारि पुनित हि पानु, इङकोको दालेङगेलाइ बुङ पुनित जेनावा।
17एसापा दोङ हेथे दालेङगेलाइ थुरतेङ हानिका भाइपाङ हेथे इस्राएलिगेलाइ परमेस्वरहेङ लाअ्तेङ हानिहि। कालाउ नेलाइ बोजात्यागेलाइचाहिँ झार जाइतुनको दालेङ पाल्तेङ गासेका भेनेङ जाइतुनको दालेङभाइपाङ गासेन्हाका हिसुन्हा। एन्सा जेङतेङ बुङ नेलाइ एलोङदोङ जारिसो सरबङ रो जिबन निङस्वाना। 18इङकोङभाअ्सिङ नेलाइ इङको पेङन्हाका दालेङगेलाइखान्तेङ रेम्का हिन्हाहि दोअ्तेङ तुजुक मापासु। हाइदोनु नेलाइ जारिहेङ थाम्हेका मान्थुसुन्हा, कालाउ जारि कि नेलाइहेङ थामेका हि। 19कालाउ नेलाइ एसा बुङ दोअ्स्वाना वाला, “पाल्न्हाका थामेता का गासेन्हालि निनाको दोअ्तेङ दोङ इङको दालेङगेलाइ पालन्हाका हिघाहि।” 20इदोइ काथा जातिङको, एम्बालाइ ख्रिस्टता खान्धुर मापाहि रो सिङको दालेङभाइपाङ पेङन्हातेङ हानिहि। नेलाइचाहिँ ताइको खान्धुरता बोल्याका जेङतेङ गासेन्हाका हिसुन्हा। इदोइभाअ्सिङ तुजुक मापासु कालाउ परमेस्वरदोफा थिसु। 21परमेस्वर जातिङको दालेङगेलाइहेङ ते बाँकि माताअ्हि पानु वा नेलाइहेङ बुङ मालाअ्तावा।
22इदोइभाअ्सिङ परमेस्वर दायाका रो थाङका बुङ हि, बिचार पासु। वा खान्धुर मापाकालाइको भाअ्सिङ थाङका हि। कालाउ नेलाइ वाको निगाहाता आर र्हुतेङ हिसुन्हा पानु वा दायाका ज्यावा। माकुनु नेलाइ पालन्हाका दालेङभाइपाङ थालन्हास्वाना। 23एदि इस्राएलिगेलाइ आखान्धुर लाअ्तेङ खान्धुर पालि तेङहि पानु लाम्फाकोङ थामेता दालेङभाइपाङ आरोङ गासेन्हावा। हाइदोनु परमेस्वर एम्बालाइहेङ आरोङ गासिलि द्वावा। 24बोजात्याको द्याङ नेलाइचाहिँ झार जाइतुनको सिङसो पाल्तेङ चुमाका दालेङभाइकाङ हिसुन्हा। एन्साजेङलाउ आनिबानि आन्सार मामिलिका जेङलाउ बुङ बारिमा थिङका जाइतुनको दालेङता गासेन्हाका हिसुन्हा। कालाउ इस्राएलिगेलाइचाहिँ बारिता थिङका जाइतुनको दालेङभाइकाङ हिनाङ परमेस्वरको भाअ्सिङ आरोङ बुङ ओबालाइहेङ चुमातेङ जोरिलि द्वावा।
परमेस्वरको निगाहा
25दादाओने बाइओनेगेलाइ, का नेलाइहेङ इदोइ म्होअ्न्हाका काथा दोअ्पिलि भोखा। इङको नेलाइ गिसुन्हा पानु नेलाइ ताइकोङ भाअ्सिङ तुजुक मापास्वाना। इदोइ म्होअ्न्हाका इस्का हि, लोलिगोइका झोको बोजात्यागेलाइ ख्रिस्टता मालोपाधाउ खिनिङ इस्राएलिगेलाइको कोन्धाङ थाङका जेनावा। 26इङकोन्हुअ्सो गोताङ इस्राएलि जात्यागेलाइहेङ बान्चिपावा। धरमकिताबता इस्का लेखिका हिः
“सियोनसो छुटकारा पिका ल्वावा,
वा याकुबको खालहेङ मारेम्का कामसो घुरिपावा।”#यासाइया ५९:२०-२१
27आरोङ बुङ परमेस्वर दोअ्खे,
“एम्बालाइको पाका पाप माअ्पातेङ का एम्बालाइदोफा पाका केरा पोङघा पाङका।”#यासाइया २७:९
28इस्राएलिगेलाइ रेम्काबानाल र्हुलि माकिअ्हि रो परमेस्वरको दुस्मन जेङहि। नेलाइ इस्राएलिगेलाइ माकोलाउ बुङ, नेलाइहेङ मदत पालिको भाअ्सिङ एसा जेङका। कालाउ इस्राएलिगेलाइ एला बुङ सालन्हाका जात्या हिनाङ परमेस्वर एम्बालाइहेङ हेन्जाङ माया पाखे। हाइपानु ओबालाइको खालगेलाइदोफा परमेस्वर केरा चाका हिघाहि। 29हाइदोनु परमेस्वर ताइमिको पिका बर माघुरिपावा रो साल्कालाइहेङ वा हेअ्लाउ बुङ मालाअ्तावा। 30लाम्फा नेलाइ बोजात्याको द्याङगेलाइ परमेस्वरको हुकुम मासाघासुन्हा। कालाउ एला इस्राएलिगेलाइ हुकुम मामानेनाङ परमेस्वरको दाया नेलाइ निङका हिसुन्हा। 31एन्सापा दोङ एला इस्राएलिगेलाइ परमेस्वरको काथा माहिङका जेङका हि। इदोइभाअ्सिङ परमेस्वर नेलाइहेङ दाया पाकाभाइपाङ एम्बालाइहेङ बुङ आरोङ दाया पावा। 32झाराङ द्याङगेलाइहेङ दाया तिङपालि द्वाको दोअ्तेङ दोङ परमेस्वर झाराङहेङ आटेरि बान्हाइहि।
परमेस्वरको बाखिन्का
33जातिङको, परमेस्वरको दाया हेन्जाङ बारका हि!
वाको आकिलको हिदिङ आखिरि मान्थु!
वाको निधो पाका काथाको हासुङ बाखान पालि माद्वावा!
वाको तेका दामा हासुङ थेम्हाइलि माद्वावा!#यासाइया ५५:८
34धरमकिताबता इस्का लेखिका हि,
“परमप्रभुको मनहेङ हासु गिका हि?
वासेहेङ हासु धिरपालि द्वावा!”#यासाइया ४०:१३
35“हासुङ हेअ्लाउ परमेस्वरहेङ हिदिङ सान्देस पिका हि?
कालाउ बादालाता परमेस्वर बुङ वासेहेङ सान्देस पिलिगोयाङ?”#आय्युब ४१:११
36हाइपानु परमेस्वर गोताङ थोक सिरजाइहि।
इङको गोताङ थोक गोताङ थोक वाकोसोङ रो वाकोङ भाअ्सिङ।
परमेस्वरको दिनाङ पारताप ज्याको। आमेन!#१ कोरिन्थि ८:६
Currently Selected:
रोमि 11: DHIM
Highlight
Copy
Compare
Share
Want to have your highlights saved across all your devices? Sign up or sign in
© 2025 by Nepal Bible Society and Wycliffe Bible Translators, Inc.
रोमि 11
11
इस्राएलको पाप रो परमेस्वरको दाया
1इदोइभाअ्सिङ का हिअ्ताङका, हाइ परमेस्वर इस्राएलिगेलाइहेङ लाअ्हि कुनु? आहाँ लाअ्का मान्थु! हाइपानु का ताइमिङ बुङ ते आब्राहामको खालता जोलोम जेङका बेन्यामिन खालको इस्राएलि।#फिलिप्पि ३:५ 2परमेस्वर लाम्फासो दोङ नाल्का ताइको द्याङगेलाइहेङ लाअ्का मान्थु। एलियाको बारेता पुनित धरमकिताबता लेखिका काथा हाइ नेलाइ मागिसुखेना? वा इस्राएलिको खिलापता एसापा दोअ्का हिघाखे, 3“प्रभु, एम्बालाइ नाङको परमेस्वर पाहासो धुइकालाइहेङ सेअ्हि कालाउ नाङको भोक पिका थामेगेलाइ बुङ र्हाअ्पिहि। कालाउ सिन्हुकाचाहिँ कादोङ रो कासेहेङ बुङ एम्बालाइ सेअ्लि भोदोङखे।”#१ राजा १९:१०,१४ 4कालाउ परमेस्वर एलियाहेङ एसा दोअ्हि, “का न्हिअ् हाजार द्याङगेलाइहेङ खेङतेङ ताअ्का हिघा। जाइ एला बुङ बाल दिरको आगाता तिर्होथोका मान्थु।”#१ राजा १९:१८ 5एसाङपातेङ परमेस्वरको निगाहाहोइ सालन्हाका आधिमि इस्राएलिगेलाइ एला बुङ हिदोङ हि। 6कालाउ इदोइ ते एम्बालाइको पाका कामसो माको, कालाउ परमेस्वरको निगाहासो जेङका। एदि एम्बालाइको पाका कामसो जेङका हिनुते परमेस्वरको निगाहा बिथाको जेङधावा।
7एन्सा जेङनु केलाइ एसा दोअ्लि द्वाङ, इस्राएलिगेलाइ परमेस्वरको नजरता धरमाति जेङलि भोलाउ बुङ एम्बालाइ धरमाति जेङलि मादोहि। कालाउ परमेस्वर जाइहेङ धरमाति बान्हाइलिको भाअ्सिङ साल्लि एम्बालाइ खिनिङ धरमाति जेङलि दोहि। बो दाइका इस्राएलिगेलाइचाहिँ ताइको कोन्धाङ थाङपातेङ परमेस्वरको काथा दोङ हिङलि माभोहि। 8हाइपानु धरमकिताबता इस्का लेखिका हिः
“परमेस्वर एम्बालाइहेङ चेतमान्थुका हाङसा पिका हि,
एम्बालाइको मिँ बुङ मातिङका रो न्हातोङ बुङ माहिङका जेङका हि।
कालाउ एम्बालाइ नानिको दिनाथिकापा बुङ इन्सिकाङ हि।”#न्याम २९:४; यासाइया २९:१०
9इदोइ बारेता राजा दाउद बुङ एसा दोअ्का हि,
“एम्बालाइको भतेर आस्ति रो दार निङचाका काथा ज्याको।#ले ६९:२२-२३
10एम्बालाइको मिँ तिङलि मादोपाङ कितिकितिकाहोइ थुमन्हाको।
एम्बालाइको गान्धि बुङ दिनाङ कुकुरुतेङ ह्याको।”
11इदोइभाअ्सिङ का हिअ्खा, “हाइ इस्राएलिगेलाइ मुअ्पाङ बोखेतेङ लोङकाङ कुनु?” आहाँ माको! कालाउ एम्बालाइ खान्धुर मापानाङसिङ लोङहि कालाउ एम्बालाइको निङलिगोइका छुटकारा बोजात्याको द्याङगेलाइ निङहि। इदोइदोङ एम्बालाइको इख पाका काथा ज्याको दोअ्तेङ परमेस्वर भोका हिघाहि। 12एसापा इस्राएलिगेलाइ खान्धुर मापानाङसिङ दुनियाको गोताङ द्याङगेलाइता सहसाम्पा लोहि पानु, एम्बालाइ झाराङ खान्धुर पाहि पानुते झन हेथे हेन्जा सहसाम्पा लोधावा वाला!
बोजात्यागेलाइको छुटकारा
13का नेलाइ बोजात्यागेलाइको भाअ्सिङ खाटाइन्हाका ख्रिस्टको साल्तेङ दिङगिल्का। इदोइभाअ्सिङ का नेलाइहेङ इदोइ काथा हिङपाखा। कालाउ इस्राएलिगेलाइको आगाता का इदोइ कामता हाउसिका हिघा। 14का आस पाखा, इदोइ कामसो काङको ताइकोङ जात्याको द्याङगेलाइ इख पातेङ आधिमि परमेस्वरभारि घुरिधाङ बे? 15हाइदोनु लाअ्न्हालाउ ते दुनिया परमेस्वरको सानाइति जेङहि पानु एम्बालाइहेङ ताइकोङ बान्हाइलाउ झन हाइ ज्यावा? एम्बालाइ सितेङ बुङ जिबन दोङ निनावा। 16एदि तोलेको लाङ पोङ परमेस्वरहेङ चार्हाइहि पानु, गोताङ तोले दोङ पुनित जेङखे। एसापा जारि पुनित हि पानु, इङकोको दालेङगेलाइ बुङ पुनित जेनावा।
17एसापा दोङ हेथे दालेङगेलाइ थुरतेङ हानिका भाइपाङ हेथे इस्राएलिगेलाइ परमेस्वरहेङ लाअ्तेङ हानिहि। कालाउ नेलाइ बोजात्यागेलाइचाहिँ झार जाइतुनको दालेङ पाल्तेङ गासेका भेनेङ जाइतुनको दालेङभाइपाङ गासेन्हाका हिसुन्हा। एन्सा जेङतेङ बुङ नेलाइ एलोङदोङ जारिसो सरबङ रो जिबन निङस्वाना। 18इङकोङभाअ्सिङ नेलाइ इङको पेङन्हाका दालेङगेलाइखान्तेङ रेम्का हिन्हाहि दोअ्तेङ तुजुक मापासु। हाइदोनु नेलाइ जारिहेङ थाम्हेका मान्थुसुन्हा, कालाउ जारि कि नेलाइहेङ थामेका हि। 19कालाउ नेलाइ एसा बुङ दोअ्स्वाना वाला, “पाल्न्हाका थामेता का गासेन्हालि निनाको दोअ्तेङ दोङ इङको दालेङगेलाइ पालन्हाका हिघाहि।” 20इदोइ काथा जातिङको, एम्बालाइ ख्रिस्टता खान्धुर मापाहि रो सिङको दालेङभाइपाङ पेङन्हातेङ हानिहि। नेलाइचाहिँ ताइको खान्धुरता बोल्याका जेङतेङ गासेन्हाका हिसुन्हा। इदोइभाअ्सिङ तुजुक मापासु कालाउ परमेस्वरदोफा थिसु। 21परमेस्वर जातिङको दालेङगेलाइहेङ ते बाँकि माताअ्हि पानु वा नेलाइहेङ बुङ मालाअ्तावा।
22इदोइभाअ्सिङ परमेस्वर दायाका रो थाङका बुङ हि, बिचार पासु। वा खान्धुर मापाकालाइको भाअ्सिङ थाङका हि। कालाउ नेलाइ वाको निगाहाता आर र्हुतेङ हिसुन्हा पानु वा दायाका ज्यावा। माकुनु नेलाइ पालन्हाका दालेङभाइपाङ थालन्हास्वाना। 23एदि इस्राएलिगेलाइ आखान्धुर लाअ्तेङ खान्धुर पालि तेङहि पानु लाम्फाकोङ थामेता दालेङभाइपाङ आरोङ गासेन्हावा। हाइदोनु परमेस्वर एम्बालाइहेङ आरोङ गासिलि द्वावा। 24बोजात्याको द्याङ नेलाइचाहिँ झार जाइतुनको सिङसो पाल्तेङ चुमाका दालेङभाइकाङ हिसुन्हा। एन्साजेङलाउ आनिबानि आन्सार मामिलिका जेङलाउ बुङ बारिमा थिङका जाइतुनको दालेङता गासेन्हाका हिसुन्हा। कालाउ इस्राएलिगेलाइचाहिँ बारिता थिङका जाइतुनको दालेङभाइकाङ हिनाङ परमेस्वरको भाअ्सिङ आरोङ बुङ ओबालाइहेङ चुमातेङ जोरिलि द्वावा।
परमेस्वरको निगाहा
25दादाओने बाइओनेगेलाइ, का नेलाइहेङ इदोइ म्होअ्न्हाका काथा दोअ्पिलि भोखा। इङको नेलाइ गिसुन्हा पानु नेलाइ ताइकोङ भाअ्सिङ तुजुक मापास्वाना। इदोइ म्होअ्न्हाका इस्का हि, लोलिगोइका झोको बोजात्यागेलाइ ख्रिस्टता मालोपाधाउ खिनिङ इस्राएलिगेलाइको कोन्धाङ थाङका जेनावा। 26इङकोन्हुअ्सो गोताङ इस्राएलि जात्यागेलाइहेङ बान्चिपावा। धरमकिताबता इस्का लेखिका हिः
“सियोनसो छुटकारा पिका ल्वावा,
वा याकुबको खालहेङ मारेम्का कामसो घुरिपावा।”#यासाइया ५९:२०-२१
27आरोङ बुङ परमेस्वर दोअ्खे,
“एम्बालाइको पाका पाप माअ्पातेङ का एम्बालाइदोफा पाका केरा पोङघा पाङका।”#यासाइया २७:९
28इस्राएलिगेलाइ रेम्काबानाल र्हुलि माकिअ्हि रो परमेस्वरको दुस्मन जेङहि। नेलाइ इस्राएलिगेलाइ माकोलाउ बुङ, नेलाइहेङ मदत पालिको भाअ्सिङ एसा जेङका। कालाउ इस्राएलिगेलाइ एला बुङ सालन्हाका जात्या हिनाङ परमेस्वर एम्बालाइहेङ हेन्जाङ माया पाखे। हाइपानु ओबालाइको खालगेलाइदोफा परमेस्वर केरा चाका हिघाहि। 29हाइदोनु परमेस्वर ताइमिको पिका बर माघुरिपावा रो साल्कालाइहेङ वा हेअ्लाउ बुङ मालाअ्तावा। 30लाम्फा नेलाइ बोजात्याको द्याङगेलाइ परमेस्वरको हुकुम मासाघासुन्हा। कालाउ एला इस्राएलिगेलाइ हुकुम मामानेनाङ परमेस्वरको दाया नेलाइ निङका हिसुन्हा। 31एन्सापा दोङ एला इस्राएलिगेलाइ परमेस्वरको काथा माहिङका जेङका हि। इदोइभाअ्सिङ परमेस्वर नेलाइहेङ दाया पाकाभाइपाङ एम्बालाइहेङ बुङ आरोङ दाया पावा। 32झाराङ द्याङगेलाइहेङ दाया तिङपालि द्वाको दोअ्तेङ दोङ परमेस्वर झाराङहेङ आटेरि बान्हाइहि।
परमेस्वरको बाखिन्का
33जातिङको, परमेस्वरको दाया हेन्जाङ बारका हि!
वाको आकिलको हिदिङ आखिरि मान्थु!
वाको निधो पाका काथाको हासुङ बाखान पालि माद्वावा!
वाको तेका दामा हासुङ थेम्हाइलि माद्वावा!#यासाइया ५५:८
34धरमकिताबता इस्का लेखिका हि,
“परमप्रभुको मनहेङ हासु गिका हि?
वासेहेङ हासु धिरपालि द्वावा!”#यासाइया ४०:१३
35“हासुङ हेअ्लाउ परमेस्वरहेङ हिदिङ सान्देस पिका हि?
कालाउ बादालाता परमेस्वर बुङ वासेहेङ सान्देस पिलिगोयाङ?”#आय्युब ४१:११
36हाइपानु परमेस्वर गोताङ थोक सिरजाइहि।
इङको गोताङ थोक गोताङ थोक वाकोसोङ रो वाकोङ भाअ्सिङ।
परमेस्वरको दिनाङ पारताप ज्याको। आमेन!#१ कोरिन्थि ८:६
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025 by Nepal Bible Society and Wycliffe Bible Translators, Inc.