मरकुस 12
12
आङगुर बारिको उदारन
(मत्ति २१:३३-४६; लुका २०:९-१९)
1इसु एम्बालाइहेङ उदारनगेलाइता दोअ्लि तेङहि, “एअ्मि द्याङ ताइको बारिता आङगुर थिङहि। इङकोको कोरबितिङ खोराइहि रो एलोङ वाङखारापा तोतेङ आङगुर पेलिका कोल ताअ्हि। कालाउ एलोङ थान्चारा बान्हाइतेङ वा आधिया कामाइलि पिहि रो ताइमिचाहिँ बोदेस हानिहि।#यासाइया ५:१-२
2 “इङकोन्हुअ्सो आङगुर मिङका पहरता वा एअ्मि कामत्याहेङ ताइको भागर्हुलि दिङगिल्हि। 3कालाउबुङ एम्बालाइ इङकोहेङ रिम्तेङ दान्हाइहि रो खालि खुर दिङगिल्हि। 4आरोङ वा एम्बालाइकोता भेनेङ कामत्याहेङ दिङगिल्हि, कालाउबुङ एम्बालाइ इङकोको पुरिङता दान्हाइहि रो इङकोको बिजेत पाहि।
5 “आङगुर बारिको मालिक आरोङ भेनेङ कामत्याहेङ दिङगिल्हि, कालाउबुङ इङकोहेङ एम्बालाइ सेअ्हि। एन्साङपातेङ बो हेन्जाङहेङ बुङ दिङगिल्हि, कालाउबुङ एम्बालाइ हेथेहेङ दान्हाइहि रो हेथेहेङ सेअ्हि।
6 “एला इङको आङगुर बारिको मालिकको एअ्मिखिनिङ माया पाका चान हिघाहि। ‘एम्बालाइ काङको चानहेङ ते मान पाङवाला’ दोअ्तेङ झाराङखान्तेङ न्हुअ्सो ताइकोङ चान आधियारगेलाइकोता दिङगिल्हि।
7 “कालाउबुङ इङको आधियारगेलाइ ताताइमिता दोअ्हि, ‘याते हकचाका। लोसु, केलाइ यासेहेङ सेअ्ताइने रो हक केलाइको दोङ ज्यावा।’ 8कालाउ एम्बालाइ वासेहेङ रिम्तेङ सेअ्हि रो आङगुर बारिको बाहार थालगिल्हि।”
9 “एला आङगुर बारिको मालिक हाइ पाङ? वा ल्वावा रो इङको आधियारगेलाइहेङ मुअ्पावा रो ताइको आङगुर बारि बोगेलाइहेङ प्यावा। 10हाइ नेलाइ धरमकिताबको इदोइ बचन पर्हिका मान्थुसुन्हा?
‘जेदोङ उन्ठुइहेङ साअ् बान्हाइकालाइ काम मालाग्याङ दोअ्तेङ थालगिल्हि, इङकोङचाहिँ कोन्हाको मुल उन्ठुइ जेङहि।
11 इदोइ परमप्रभुसो जेङका,
कालाउ केलाइको नजरता इदोइ भारभुसाइका हि।’” #
ले ११८:२२-२३
12इसु इदोइ काथा एम्बालाइकोङ खिलापता दोअ्का हिघाहि दोअ्तेङ यहुदि आगुवागेलाइ गिहि। एन्साङ एम्बालाइ इसुहेङ रिम्लि भोहि, कालाउबुङ हेन्जा द्याङगेलाइ हिनाङसिङ वासेहेङ रिम्लि मादोहि। एन्साजेङलाउ एम्बालाइ वासेहेङ लाअ्तेङ हानिहि।
तिरो तिरिका बारेता हिअ्का
(मत्ति २२:१५-२२; लुका २०:२०-२६)
13इङकोन्हुअ्सो इसुहेङ काथाता वालापाइने दोअ्तेङ यहुदि आगुवागेलाइ फरिसि रो हेरोदिगेलाइता आधे द्याङगेलाइहेङ वाकोता दिङगिल्हि। 14एम्बालाइ लोतेङ वासेहेङ दोअ्हि, “मास्टर, केलाइ गिन्हाखे, ना जातिङको हिना रो हासुकोङ वास्ता मापाखेना। हाइपानु ना र्हाइ खान्तेङ काम मापाखेना, कालाउबुङ परमेस्वरको दामा जातिङको रितसो धिरपाखेना। दोअ्, काइसरहेङ तिरो तिरिलि ठिक हि ना मान्थु? 15केलाइ तिरो तिर्याङ ना मातिर्याङ?”
इसु एम्बालाइको मारेम्का बिचार गितेङ दोअ्हि, “नेलाइ हाइपालि कासेहेङ जाच र्हुसुखेना? एलोङ रुपाको टाका चुमातेङ तिङपासु।”
16एम्बालाइ एलोङ रुपाको टाका चुमाहि। इसु एम्बालाइहेङ दोअ्हि, “इदोइता मिङ रो छाप हासुको हि?”
एम्बालाइ वासेहेङ दोअ्हि, “काइसरको।”
17इसु एम्बालाइहेङ दोअ्हि, “काइसरको चिजगेलाइ काइसरहेङ पिसु रो परमेस्वरको चिजगेलाइ परमेस्वरहेङ पिसु।”
एम्बालाइ वाकोदोफा भारभुसाइहि।
सिकासो सिन्हुका बारेता
(मत्ति २२:२३-३३; लुका २०:२७-४०)
18सिकासो मासिन्हुखे दोअ्का सदुकिगेलाइ इसुकोता लोहि, कालाउ वासेहेङ हिअ्हि,#साल्तेङ दिङगिल्का २३:८ 19“मास्टर, मोसा केलाइहेङ लेखिपिका हि, जाइको दादा चानचामिन्दि माजेङसिङ सिनु, वाको ओने ताइको भाउजिहेङ चुमपुलि गोइखे रो ताइको दादाको भाअ्सिङ जामाल जेङपालि गोइखे।”#न्याम २५:५-६
20“एलोङ जाहानता न्हिअ्मि दादाओनेगेलाइ हिघाखे। जेठा एलोङ बेअ् चुमाहि, कालाउबुङ वा जामालाइ माजेङपासिङ सिहि। 21एला माहिला ओने इङको बेबालहेङ चुमाहि रो वा बुङ जामालाइ माजेङपासिङ सिहि। कालाउ साहिँला ओने बुङ एन्साङ पाहि। 22कालाउ न्हिअ्मिङ ओनेको एलोङबुङ चान चाम्दि माजेङहि। झाराङखान्तेङ न्हुअ्सो इङको बेबाल बुङ सिहि। 23एला सिकालाइको सिन्हुकाता एम्बालाइता इङको हासुको बेअ् ज्यावा? हाइपानु इङको न्हिअ्मिङ इङकोहेङ बिहु पाका हिघाखे।”
24इसु एम्बालाइहेङ दोअ्हि, “नेलाइ आवाइतेङ हिसुन्हा, हाइपानु नेलाइ ना धरमकिताब, ना परमेस्वरको सरबङहेङ गिका हिसुन्हा। 25जेलाउ सिकासो एम्बालाइ सिन्हुतावा, एम्बालाइ ना बिहु पावा, ना एम्बालाइको बिहु दोङ ज्यावा, कालाउबुङ एम्बालाइ स्वरगता हिका स्वरगदुतगेलाइभाइपाङ ज्यावा।#दामालाअ्का ३:६ 26सिकालाइ सिन्हुतेङ ल्होका काथाको बारेता हाइ नेलाइ मोसाको किताबता पर्हिका मान्थुसुन्हा? परमेस्वर मोसाहेङ ओअ्तेङ हिका झालाससो एसा दोअ्हि, ‘का आब्राहाम, इसहाक रो याकुबको परमेस्वर हिघा।’#दामालाअ्का ३:६ 27वा सिकालाइको परमेस्वर माको, कालाउबुङ सिन्हुकालाइको परमेस्वर हि। नेलाइ हेन्जाङ आवातेङ हिसुन्हा।”
झाराङखान्तेङ बारका हुकुम
(मत्ति २२:३४-४०; लुका १०:२५-२८)
28धरम मास्टरगेलाइता एअ्मि लोहि रो इसु सदुकिगेलाइहेङ ठिक जाबाफ पिका तिङतेङ वा इसुहेङ हिअ्हि, “परमेस्वरको हुकुमगेलाइता झाराङखान्तेङ बारका हुकुमचाहिँ हिदोइ कुनु?”
29इसु दोअ्हि, “झाराङखान्तेङ मुलचाहिँ इदोइ, ‘ओइ इस्राएल हिङसु, परमप्रभु केलाइको परमेस्वर एअ्मिखिनिङ परमप्रभु हि। 30ना परमप्रभु ताइको परमेस्वरहेङ नाङको गोताङ कोन्धाङसो, गोताङ हाङसासो, गोताङ पारानसो रो गोताङ सरबङसो माया पा।’#न्याम ६:४-५ 31कालाउ न्हेचाहिँ इदोइ, ‘ना ताइको भेरपाकोहेङ ताइमिहेङ भाइपाङ माया पा।’#लेबि १९:१८ इदोइखान्तेङ बारका हुकुम भेनेङ मान्थु।”
32इदोइ हिङतेङ धरम मास्टर इसुहेङ दोअ्हि, “मास्टर, जातिङको ना ठिक दोअ्न्हा, परमेस्वर एअ्मिखिनिङ हि, वाखान्तेङ भेनेङ हासु मान्थु।#न्याम ४:३५ 33वासेहेङ गोताङ कोन्धाङसो, गोताङ मनसो, गोताङ सरबङसो माया पालि, भेरपाकोहेङ ताइमिहेङ भाइपाङ माया पालि गोताङ भोक रो मे भोकगेलाइ खान्तेङ रेम्का।”#होसे ६:६ 34वाको आकिल हिका काथा हिङतेङ इसु दोअ्हि, “ना स्वरगको सारभिसो दुरे मान्थुन्हा।” इङकोन्हुअ्सो हासु बुङ इसुहेङ हिअ्लि लुर मापाहि।#लुका १०:२५-२८
छुटकारा पिका ख्रिस्टको बारेता हिअ्का
(मत्ति २२:४१-४६; २३:१-३६; लुका २०:४१-४७)
35कालाउ थानता धिरपालाउ इसु दोअ्हि, “धरम मास्टरगेलाइ ख्रिस्टहेङ हेसापा दाउदको चान दोअ्लि दोखे? 36हाइपानु दाउद ताइमिङहेङ पुनित हाङसासो दोअ्का हि:
‘परमप्रभु काङको प्रभुहेङ दोअ्हि,
जेलाउथिकापा का नाङको दुस्मनहेङ नाङको खोकोइको पाइतालालेता माताअ्पाधाउ,
ना काङको दाम्पाहा योम।’ #
ले ११०:१
37 “जेलाउ दाउद ताइमिङ ख्रिस्टहेङ ‘प्रभु’ दोअ्नु, हेसापा ख्रिस्ट दाउदको चान जेङहि?” कालाउ इन्ता जोम्का द्याङगेलाइ वाको बचन लेङचातेङ हिङहि।
38आरोङ बिद्या पिलाउ इसु दोअ्हि, “धरम मास्टरगेलाइसो होस पातेङ हिसु। एबालाइ धाङगाका धाबा लागाइतेङ इसोओसो हिगिल्लि रो हातेगेलाइता सेउ र्हुलि, 39कालाउ कचहरिसाअ्ता मुल थामे रो भतेरगेलाइता मानको थामे निङलि भोखे। 40एबालाइ रान्दिगेलाइको साअ् घिङपिखे, कालाउबुङ तिङपालिकोभाअ्सिङ र्हिर्हिङका पारथाना पाखे। इस्का द्याङगेलाइ झन हेन्जा दार भोगिलि गोयावा।”
रान्दिको पिका भेटि
(लुका २१:१-४)
41इसु थानको भेटि पिका थामेको आगाता योम्हि रो द्याङगेलाइ दानबाकसता दान पिका खाङहि। हेन्जा धनि द्याङगेलाइ हेन्जा टाका पिहि। 42कालाउ एअ्मि गरिब रान्दि लोतेङ ताम्बाको न्हे टाका#१२:४२ ताम्बाको न्हे टाका जाइको “एअ् पाइसा” जेङखे। खिनिङ पिहि। 43कालाउ इसु ताइको चात्यागेलाइहेङ ताइमिकोता काइतेङ दोअ्हि, “जातिङको का नेलाइहेङ दोअ्खा, भेटि बाकसता पिकालाइता इदोइ गरिब रान्दि झाराङखान्तेङ हेन्जा पिहि। 44हाइदोनु झाराङको ताताइको हेन्जाङसो पिहि, कालाउबुङ इदोइ बेबालचाहिँ ताइकोता हिका गोताङ पिहि।”
Currently Selected:
मरकुस 12: DHIM
Highlight
Copy
Compare
Share
Want to have your highlights saved across all your devices? Sign up or sign in
© 2025 by Nepal Bible Society and Wycliffe Bible Translators, Inc.
मरकुस 12
12
आङगुर बारिको उदारन
(मत्ति २१:३३-४६; लुका २०:९-१९)
1इसु एम्बालाइहेङ उदारनगेलाइता दोअ्लि तेङहि, “एअ्मि द्याङ ताइको बारिता आङगुर थिङहि। इङकोको कोरबितिङ खोराइहि रो एलोङ वाङखारापा तोतेङ आङगुर पेलिका कोल ताअ्हि। कालाउ एलोङ थान्चारा बान्हाइतेङ वा आधिया कामाइलि पिहि रो ताइमिचाहिँ बोदेस हानिहि।#यासाइया ५:१-२
2 “इङकोन्हुअ्सो आङगुर मिङका पहरता वा एअ्मि कामत्याहेङ ताइको भागर्हुलि दिङगिल्हि। 3कालाउबुङ एम्बालाइ इङकोहेङ रिम्तेङ दान्हाइहि रो खालि खुर दिङगिल्हि। 4आरोङ वा एम्बालाइकोता भेनेङ कामत्याहेङ दिङगिल्हि, कालाउबुङ एम्बालाइ इङकोको पुरिङता दान्हाइहि रो इङकोको बिजेत पाहि।
5 “आङगुर बारिको मालिक आरोङ भेनेङ कामत्याहेङ दिङगिल्हि, कालाउबुङ इङकोहेङ एम्बालाइ सेअ्हि। एन्साङपातेङ बो हेन्जाङहेङ बुङ दिङगिल्हि, कालाउबुङ एम्बालाइ हेथेहेङ दान्हाइहि रो हेथेहेङ सेअ्हि।
6 “एला इङको आङगुर बारिको मालिकको एअ्मिखिनिङ माया पाका चान हिघाहि। ‘एम्बालाइ काङको चानहेङ ते मान पाङवाला’ दोअ्तेङ झाराङखान्तेङ न्हुअ्सो ताइकोङ चान आधियारगेलाइकोता दिङगिल्हि।
7 “कालाउबुङ इङको आधियारगेलाइ ताताइमिता दोअ्हि, ‘याते हकचाका। लोसु, केलाइ यासेहेङ सेअ्ताइने रो हक केलाइको दोङ ज्यावा।’ 8कालाउ एम्बालाइ वासेहेङ रिम्तेङ सेअ्हि रो आङगुर बारिको बाहार थालगिल्हि।”
9 “एला आङगुर बारिको मालिक हाइ पाङ? वा ल्वावा रो इङको आधियारगेलाइहेङ मुअ्पावा रो ताइको आङगुर बारि बोगेलाइहेङ प्यावा। 10हाइ नेलाइ धरमकिताबको इदोइ बचन पर्हिका मान्थुसुन्हा?
‘जेदोङ उन्ठुइहेङ साअ् बान्हाइकालाइ काम मालाग्याङ दोअ्तेङ थालगिल्हि, इङकोङचाहिँ कोन्हाको मुल उन्ठुइ जेङहि।
11 इदोइ परमप्रभुसो जेङका,
कालाउ केलाइको नजरता इदोइ भारभुसाइका हि।’” #
ले ११८:२२-२३
12इसु इदोइ काथा एम्बालाइकोङ खिलापता दोअ्का हिघाहि दोअ्तेङ यहुदि आगुवागेलाइ गिहि। एन्साङ एम्बालाइ इसुहेङ रिम्लि भोहि, कालाउबुङ हेन्जा द्याङगेलाइ हिनाङसिङ वासेहेङ रिम्लि मादोहि। एन्साजेङलाउ एम्बालाइ वासेहेङ लाअ्तेङ हानिहि।
तिरो तिरिका बारेता हिअ्का
(मत्ति २२:१५-२२; लुका २०:२०-२६)
13इङकोन्हुअ्सो इसुहेङ काथाता वालापाइने दोअ्तेङ यहुदि आगुवागेलाइ फरिसि रो हेरोदिगेलाइता आधे द्याङगेलाइहेङ वाकोता दिङगिल्हि। 14एम्बालाइ लोतेङ वासेहेङ दोअ्हि, “मास्टर, केलाइ गिन्हाखे, ना जातिङको हिना रो हासुकोङ वास्ता मापाखेना। हाइपानु ना र्हाइ खान्तेङ काम मापाखेना, कालाउबुङ परमेस्वरको दामा जातिङको रितसो धिरपाखेना। दोअ्, काइसरहेङ तिरो तिरिलि ठिक हि ना मान्थु? 15केलाइ तिरो तिर्याङ ना मातिर्याङ?”
इसु एम्बालाइको मारेम्का बिचार गितेङ दोअ्हि, “नेलाइ हाइपालि कासेहेङ जाच र्हुसुखेना? एलोङ रुपाको टाका चुमातेङ तिङपासु।”
16एम्बालाइ एलोङ रुपाको टाका चुमाहि। इसु एम्बालाइहेङ दोअ्हि, “इदोइता मिङ रो छाप हासुको हि?”
एम्बालाइ वासेहेङ दोअ्हि, “काइसरको।”
17इसु एम्बालाइहेङ दोअ्हि, “काइसरको चिजगेलाइ काइसरहेङ पिसु रो परमेस्वरको चिजगेलाइ परमेस्वरहेङ पिसु।”
एम्बालाइ वाकोदोफा भारभुसाइहि।
सिकासो सिन्हुका बारेता
(मत्ति २२:२३-३३; लुका २०:२७-४०)
18सिकासो मासिन्हुखे दोअ्का सदुकिगेलाइ इसुकोता लोहि, कालाउ वासेहेङ हिअ्हि,#साल्तेङ दिङगिल्का २३:८ 19“मास्टर, मोसा केलाइहेङ लेखिपिका हि, जाइको दादा चानचामिन्दि माजेङसिङ सिनु, वाको ओने ताइको भाउजिहेङ चुमपुलि गोइखे रो ताइको दादाको भाअ्सिङ जामाल जेङपालि गोइखे।”#न्याम २५:५-६
20“एलोङ जाहानता न्हिअ्मि दादाओनेगेलाइ हिघाखे। जेठा एलोङ बेअ् चुमाहि, कालाउबुङ वा जामालाइ माजेङपासिङ सिहि। 21एला माहिला ओने इङको बेबालहेङ चुमाहि रो वा बुङ जामालाइ माजेङपासिङ सिहि। कालाउ साहिँला ओने बुङ एन्साङ पाहि। 22कालाउ न्हिअ्मिङ ओनेको एलोङबुङ चान चाम्दि माजेङहि। झाराङखान्तेङ न्हुअ्सो इङको बेबाल बुङ सिहि। 23एला सिकालाइको सिन्हुकाता एम्बालाइता इङको हासुको बेअ् ज्यावा? हाइपानु इङको न्हिअ्मिङ इङकोहेङ बिहु पाका हिघाखे।”
24इसु एम्बालाइहेङ दोअ्हि, “नेलाइ आवाइतेङ हिसुन्हा, हाइपानु नेलाइ ना धरमकिताब, ना परमेस्वरको सरबङहेङ गिका हिसुन्हा। 25जेलाउ सिकासो एम्बालाइ सिन्हुतावा, एम्बालाइ ना बिहु पावा, ना एम्बालाइको बिहु दोङ ज्यावा, कालाउबुङ एम्बालाइ स्वरगता हिका स्वरगदुतगेलाइभाइपाङ ज्यावा।#दामालाअ्का ३:६ 26सिकालाइ सिन्हुतेङ ल्होका काथाको बारेता हाइ नेलाइ मोसाको किताबता पर्हिका मान्थुसुन्हा? परमेस्वर मोसाहेङ ओअ्तेङ हिका झालाससो एसा दोअ्हि, ‘का आब्राहाम, इसहाक रो याकुबको परमेस्वर हिघा।’#दामालाअ्का ३:६ 27वा सिकालाइको परमेस्वर माको, कालाउबुङ सिन्हुकालाइको परमेस्वर हि। नेलाइ हेन्जाङ आवातेङ हिसुन्हा।”
झाराङखान्तेङ बारका हुकुम
(मत्ति २२:३४-४०; लुका १०:२५-२८)
28धरम मास्टरगेलाइता एअ्मि लोहि रो इसु सदुकिगेलाइहेङ ठिक जाबाफ पिका तिङतेङ वा इसुहेङ हिअ्हि, “परमेस्वरको हुकुमगेलाइता झाराङखान्तेङ बारका हुकुमचाहिँ हिदोइ कुनु?”
29इसु दोअ्हि, “झाराङखान्तेङ मुलचाहिँ इदोइ, ‘ओइ इस्राएल हिङसु, परमप्रभु केलाइको परमेस्वर एअ्मिखिनिङ परमप्रभु हि। 30ना परमप्रभु ताइको परमेस्वरहेङ नाङको गोताङ कोन्धाङसो, गोताङ हाङसासो, गोताङ पारानसो रो गोताङ सरबङसो माया पा।’#न्याम ६:४-५ 31कालाउ न्हेचाहिँ इदोइ, ‘ना ताइको भेरपाकोहेङ ताइमिहेङ भाइपाङ माया पा।’#लेबि १९:१८ इदोइखान्तेङ बारका हुकुम भेनेङ मान्थु।”
32इदोइ हिङतेङ धरम मास्टर इसुहेङ दोअ्हि, “मास्टर, जातिङको ना ठिक दोअ्न्हा, परमेस्वर एअ्मिखिनिङ हि, वाखान्तेङ भेनेङ हासु मान्थु।#न्याम ४:३५ 33वासेहेङ गोताङ कोन्धाङसो, गोताङ मनसो, गोताङ सरबङसो माया पालि, भेरपाकोहेङ ताइमिहेङ भाइपाङ माया पालि गोताङ भोक रो मे भोकगेलाइ खान्तेङ रेम्का।”#होसे ६:६ 34वाको आकिल हिका काथा हिङतेङ इसु दोअ्हि, “ना स्वरगको सारभिसो दुरे मान्थुन्हा।” इङकोन्हुअ्सो हासु बुङ इसुहेङ हिअ्लि लुर मापाहि।#लुका १०:२५-२८
छुटकारा पिका ख्रिस्टको बारेता हिअ्का
(मत्ति २२:४१-४६; २३:१-३६; लुका २०:४१-४७)
35कालाउ थानता धिरपालाउ इसु दोअ्हि, “धरम मास्टरगेलाइ ख्रिस्टहेङ हेसापा दाउदको चान दोअ्लि दोखे? 36हाइपानु दाउद ताइमिङहेङ पुनित हाङसासो दोअ्का हि:
‘परमप्रभु काङको प्रभुहेङ दोअ्हि,
जेलाउथिकापा का नाङको दुस्मनहेङ नाङको खोकोइको पाइतालालेता माताअ्पाधाउ,
ना काङको दाम्पाहा योम।’ #
ले ११०:१
37 “जेलाउ दाउद ताइमिङ ख्रिस्टहेङ ‘प्रभु’ दोअ्नु, हेसापा ख्रिस्ट दाउदको चान जेङहि?” कालाउ इन्ता जोम्का द्याङगेलाइ वाको बचन लेङचातेङ हिङहि।
38आरोङ बिद्या पिलाउ इसु दोअ्हि, “धरम मास्टरगेलाइसो होस पातेङ हिसु। एबालाइ धाङगाका धाबा लागाइतेङ इसोओसो हिगिल्लि रो हातेगेलाइता सेउ र्हुलि, 39कालाउ कचहरिसाअ्ता मुल थामे रो भतेरगेलाइता मानको थामे निङलि भोखे। 40एबालाइ रान्दिगेलाइको साअ् घिङपिखे, कालाउबुङ तिङपालिकोभाअ्सिङ र्हिर्हिङका पारथाना पाखे। इस्का द्याङगेलाइ झन हेन्जा दार भोगिलि गोयावा।”
रान्दिको पिका भेटि
(लुका २१:१-४)
41इसु थानको भेटि पिका थामेको आगाता योम्हि रो द्याङगेलाइ दानबाकसता दान पिका खाङहि। हेन्जा धनि द्याङगेलाइ हेन्जा टाका पिहि। 42कालाउ एअ्मि गरिब रान्दि लोतेङ ताम्बाको न्हे टाका#१२:४२ ताम्बाको न्हे टाका जाइको “एअ् पाइसा” जेङखे। खिनिङ पिहि। 43कालाउ इसु ताइको चात्यागेलाइहेङ ताइमिकोता काइतेङ दोअ्हि, “जातिङको का नेलाइहेङ दोअ्खा, भेटि बाकसता पिकालाइता इदोइ गरिब रान्दि झाराङखान्तेङ हेन्जा पिहि। 44हाइदोनु झाराङको ताताइको हेन्जाङसो पिहि, कालाउबुङ इदोइ बेबालचाहिँ ताइकोता हिका गोताङ पिहि।”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025 by Nepal Bible Society and Wycliffe Bible Translators, Inc.